ᐋᐴᓯᑕᓖᑦ ᐱᓂᐊᕐᓂᖏᑦ 8 - ᐊᒡᓔᑦ ᐃᑦᔪᕐᖕᓁᑦᑐᑦ

^1a ᓴᐅᓗᓯᐅᑉ ᑕᒪᓐᓇ ᓯᑎᐹᓇᓯᐅᑉ ᑐᖁᑕᐅᓂᖓ ᓈᒻᒪᒋᕚ.

ᓴᐅᓗᓯᐅᑉ ᐊᑭᕋᕐᑐᕐᓂᖓ ᐅᒃᐱᕐᑑᖃᑎᒌᓂᒃ

^1b ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᓂ ᐃᓚᒌᒃᑐᑦ ᐅᒃᐱᕐᑑᖃᑎᒌᑦ ᔨᕉᓴᓕᒻᒦᑦᑐᑦ ᐊᖏᔪᐊᓗᖕᒥᒃ ᐊᑭᕋᕐᑐᕐᑕᐅᓕᕐᐳᑦ; ᓯᐊᒻᒪᓚᐅᕐᐳᖅ ᔫᑎᐊᒧᑦ ᓴᒥᐊᕆᐊᒧᓪᓗ, ᐋᐴᓯᑕᓖᑦ ᕿᒫᖏᑦᑐᑑᕗᑦ.

² ᐅᒃᐱᑦᓯᐊᕐᑐᑦ ᐊᖑᑎᑦ ᓯᑎᐹᓇᓯᐅᑉ ᑎᒥᖓ ᐃᓗᕕᕐᐹᑦ ᐊᖏᔪᒥᒡᓗ ᐅᒡᒍᐊᕈᑎᒋᓪᓗᒍ ᕿᐊᑦᔪᑎᒋᕚᑦ.

³ ᓴᐅᓗᓯᐅᑉ ᐅᒃᐱᕐᑑᖃᑎᒌᑦ ᓄᖑᓐᓇᓱᐊᓕᕐᐰᑦ, ᐃᒡᓗᓄᑦ ᐃᑎᖃᑦᑕᕐᓗᓂ ᐅᒃᐱᕐᑐᑦ ᐊᖑᑎᑦ ᐊᕐᓁᓪᓗ ᑎᒍᓪᓗᒋᑦ ᑎᒍᔭᐅᓯᒪᕕᖕᒧᐊᕐᑎᑉᐰᑦ.

ᐅᖃᐅᓰᑦ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑕᐅᓂᖓ ᓴᒥᐊᕆᐊᒥ

⁴ ᐅᒃᐱᕐᑐᑦ ᓯᐊᒻᒪᕐᑎᑕᐅᓯᒪᔪᑦ ᐊᔪᕆᕐᑐᐃᓕᓚᐅᕐᐳᑦ ᓄᓇᓕᖕᓄᑦ ᓇᒧᑐᐃᓐᓇᖅ ᑎᑭᑕᒥᖕᓄᑦ.

⁵ ᐱᓕᑉᐴᓯ ᓴᒥᐊᕆᐊᒥᐅᑦ ᐃᒡᓗᒐᓴᖏᓐᓄᐊᕋᒥ ᐊᔪᕆᕐᑐᐃᕗᖅ ᑖᒃᑯᓄᖓ ᙭ᔅᑑᓯᒥᒃ.

⁶ ᐃᓄᒋᐊᒃᑐᑦ ᓈᓚᑦᓯᐊᕐᐳᑦ ᐱᓕᑉᐴᓯᐅᑉ ᐅᖃᐅᓯᕆᔭᖏᓐᓂᒃ, ᑕᑯᓪᓗᑎᒃ ᓇᓗᓁᒃᑯᑕᕐᓂᒃ ᐱᓂᐊᕐᓂᕆᔭᖏᓐᓂᒃ.

⁷ ᐊᓂᕐᓂᕐᓗᐃᓪᓗ ᐊᓂᑎᑕᐅᕗᑦ ᐃᓄᖕᓂᑦ ᐅᓄᕐᑐᓂᑦ ᓂᓪᓕᐊᔪᐊᓘᓪᓗᑎᒃ; ᐊᒥᓱᑦ ᓄᑮᕈᑎᓯᒪᔪᑦ ᑐᓯᐊᑦᑐᓪᓗ ᐋᖅᑭᒃᑕᐅᕗᑦ.

⁸ ᑍᒤᒻᒪᑦ ᖁᕕᐊᓱᒃᑐᐊᓘᓚᐅᕐᐳᑦ ᑕᕝᕙᓂ ᐃᒡᓗᒐᓴᖕᓂ.

⁹ ᐊᖑᑦᑕᐅᖅ ᓮᒨᓂᒥᒃ ᐊᑎᓕᒃ ᑕᕝᕙᓂ ᓄᓇᖃᓚᐅᕆᕗᖅ, ᐊᒥᓱᓂᒃ ᑲᒪᓂᐊᕐᑎᑦᓯᖃᑦᑕᕐᑐᖅ ᐃᓅᖃᑎᒌᓂᒃ ᓴᒥᐊᕆᐊᕐᒥᐅᓂᒃ ᐊᖓᒃᑰᓂᕐᒥᓄᑦ, ᐃᒻᒥᓂᒃ ᐊᔪᖏᑦᑐᐊᓘᓂᕋᕐᓗᓂ ᐅᖃᖃᑦᑕᕐᑐᖅ.

¹⁰ ᐃᓄᓕᒫᑦ ᑕᕝᕙᓃᑦᑐᑦ ᐱᓪᓚᕆᐅᔪᑦ ᐃᓄᑐᐃᓐᓁᓪᓗ ᑖᑦᓱᒥᖓ ᓈᓚᑦᓯᐊᕐᐳᑦ, ᐅᖃᕐᓗᑎᒃ, “ᐊᖑᑦ ᐅᓇ ᒎᑎᒥᓐᖔᕐᓯᒪᔪᒥᒃ ᐱᔪᓐᓇᕐᓂᕐᔪᐊᓕᒃ ᑖᓐᓇᐅᕗᖅ ᐱᔪᓐᓇᕐᓂᐊᓗᖕᒥᒃ ᑍᔭᐅᕙᒃᑐᖅ.”

¹¹ ᓈᓚᑦᓯᐊᓚᐅᕐᐹᓪᓗ, ᐊᑯᓂᐅᓕᕐᑐᖅ ᑲᒪᓂᐊᕐᑎᖃᑦᑕᓚᐅᕐᒪᒋᑦ ᐊᖓᒃᑰᑦᔪᓯᕐᒥᓄᑦ.

¹² ᐃᓄᐃᑦ ᐊᖑᑎᑦ ᐊᕐᓁᓪᓗ ᐹᑉᑎᑕᐅᓕᕐᐳᑦ ᐱᓕᑉᐴᓯᐅᑉ ᐅᖃᐅᓯᖏᓐᓂᒃ ᐅᒃᐱᓕᕋᒥᒃ ᐊᔪᕆᕐᑐᐃᑎᓪᓗᒍ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐊᑕᓂᐅᕕᖓᓂᒃ, ᔩᓱᓯ ᙭ᔅᑑᓯᒥᒡᓗ.

¹³ ᓮᒨᓂᑦᑕᐅᖅ ᐅᒃᐱᓕᕐᐳᖅ, ᐹᑉᑎᑕᐅᒐᒥ ᐱᓕᑉᐴᓯ ᐃᓚᒋᓕᕐᐹ, ᑲᒪᓂᐊᕐᓗᓂ ᑕᑯᖃᑦᑕᓕᕋᒥ ᑲᒪᓇᕐᑐᓂᒃ ᓇᓗᓁᒃᑯᑕᕐᓂᒡᓗ ᐱᓂᐊᕐᓂᐅᔪᓂᒃ.

¹⁴ ᐋᐴᓯᑕᓖᑦ ᔨᕉᓴᓕᒻᒦᑦᑐᑦ ᑐᓴᕋᒥᒃ ᓴᒥᐊᕆᐊᕐᒥᐅᑦ ᒎᑎᐅᑉ ᐅᖃᐅᓯᖏᓐᓂᒃ ᐃᓚᓕᐅᕐᓯᓕᕐᒪᑕ, ᑎᓕᓯᕗᑦ ᐲᑦᑐᕉᓯᒥᒃ ᔪᐊᓇᓯᒥᒡᓗ.

¹⁵ ᑖᒃᑯᐊᒃ ᑎᑭᓐᓇᒥᒃ ᑐᒃᓯᐅᑦᔨᕘᒃ ᑖᒃᑯᓂᖓ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖁᓪᓗᒋᑦ;

¹⁶ ᓇᓪᓕᐊᓪᓘᓐᓃᑦ ᓱᓕ ᐃᓗᒻᒥᕐᑕᐅᓚᐅᖏᒻᒪᑦ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ; ᐹᑉᑎᑕᐅᓯᒪᑐᐃᓐᓇᕐᒪᑕ ᐊᑕᓂᐅᑉ ᔩᓱᓯᐅᑉ ᐊᑎᖓᓄᑦ.

¹⁷ ᐲᑦᑐᕉᓯᐅᑉ ᔪᐊᓇᓯᐅᓪᓗ ᐸᑎᒻᒥᖕᒪᒋᑦ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ.

¹⁸ ᓮᒨᓂ ᑕᑯᒐᒥ ᐊᓂᕐᓂᖅ ᑐᓂᔭᐅᖕᒪᑦ ᐋᐴᓯᑕᓖᑦ ᐸᑎᒻᒥᒃᓯᓂᖏᑎᒍᑦ, ᑮᓇᐅᔭᓂᒃ ᑐᓂᓯᔪᒪᓕᕐᐳᖅ ᑖᒃᑯᖕᓄᖓ,

¹⁹ ᐅᖃᕐᓗᓂ, “ᐱᔪᓐᓇᕐᓂᕐᑕᐅᖅ ᑕᒪᓐᓇ ᐅᕙᓐᓄᑦ ᑐᓂᓚᐅᕐᓯᒃᑯᒃ, ᐸᑎᒻᒥᔭᒃᑲ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖃᑦᑕᖁᓪᓗᒋᑦ.”

²⁰ ᐲᑦᑐᕉᓯᐅᓪᓕ ᐅᖃᐅᑎᕚ, “ᑮᓇᐅᔭᑎᑦ ᐊᓯᕈᕐᑕᐅᖃᑎᒋᔭᒃᓴᕆᕙᑎᑦ, ᐃᓱᒪᖃᕋᕕᑦ ᒎᑎᐅᑉ ᑐᓂᕐᕈᑖᓂᒃ ᑮᓇᐅᔭᓄᑦ ᐱᑎᑕᐅᔪᓐᓇᕋᓱᒋᓪᓗᑎᑦ.

²¹ ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐱᓇᓱᐊᖃᑕᐅᔪᒃᓴᐅᓐᖏᓚᑎᑦ, ᐃᓚᒋᔭᐅᓂᖃᕐᓇᒡᓘᓐᓃᑦ, ᐆᒻᒪᑏᑦ ᓈᒻᒪᖏᒻᒪᑦ ᒎᑎᐅᑉ ᓵᖓᓂ.

²² ᑍᒤᒻᒪᑦ ᖃᕿᐊᓕᓕᕆᑦ ᐱᐅᖏᑦᑐᐊᓗᖕᒥᑦ ᑕᒪᑐᒪᓐᖓᑦ ᐱᓇᓱᐊᕐᑕᕐᓂᑦ, ᐊᑕᓂᕐᒧᑦ ᑐᒃᓯᐊᕐᓗᑎᑦ, ᐊᔪᕐᓇᕐᑎᑕᐅᓐᖏᑉᐸᑦ, ᐃᓱᒪᒋᔪᓐᓁᕐᕕᐅᖁᓪᓗᑎᑦ ᐆᒻᒪᑎᖕᓃᑦᑐᒥᑦ ᓈᒻᒪᓐᖏᑦᑐᒥᑦ.

²³ ᖃᐅᔨᒐᒪ ᐱᔪᒪᕕᒡᔪᐊᕐᓂᕐᒥᒃ ᑕᑕᒃᑲᕕᑦ ᐊᔪᕐᓂᕐᒧᓪᓗ ᕿᓚᒃᑕᐅᓯᒪᓪᓗᑎᑦ.”

²⁴ ᓮᒨᓂ ᑭᐅᕗᖅ, “ᐊᑕᓂᕐᒧᑦ ᑐᒃᓯᐅᑎᓯᓐᖓ ᑕᒪᒃᑯᐊ ᐅᖃᐅᓯᕆᔭᓯᒃ ᓇᓪᓕᐊᓪᓘᓐᓃᑦ ᐅᕙᓐᓄᐊᖁᓇᒋᑦ.”

²⁵ ᑕᕝᕙ ᐲᑦᑐᕉᓯ ᔪᐊᓇᓯᓗ ᐅᖃᕇᕋᒥᒃ ᐊᑕᓂᐅᑉ ᐅᖃᐅᓯᕆᔭᐅᖁᔭᖏᓐᓂᒃ, ᔨᕉᓴᓕᒻᒧᑦ ᐅᑎᕆᕘᒃ, ᐅᑎᕐᐸᓪᓕᐊᓕᕐᓗᑎᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕘᒃ ᐅᓄᕐᑐᓄᑦ ᓴᒥᐊᕆᐊᕐᒥᐅᑦ ᓄᓇᓕᖏᓐᓃᑦᑐᓄᑦ.

ᐱᓕᑉᐴᓯᓗ ᐃᑎᐅᐱᐊᒥᐅᑕᕐᓗ

²⁶ ᐊᑕᓂᐅᑉ ᐂᖏᓕᖓ ᐱᓕᑉᐴᓯᒧᑦ ᐅᖃᕐᐳᖅ, “ᓯᕿᓂᐅᑉ ᒥᒃᓵᓄᑦ ᐊᐅᓪᓚᕆᑦ ᐊᖅᑯᒻᒧᑦ ᔨᕉᓴᓕᒻᒥᑦ ᒑᓴᒧᓐᖓᐅᔪᒧᑦ ᐂᓗᑎᑦ”, ᑕᒪᓐᓇ ᐊᖅᑯᑦ ᓱᓇᖃᔪᐃᑦᑐᒃᑰᖓᕗᖅ.

²⁷ ᐱᓕᑉᐴᓯ ᐊᐅᓪᓚᕐᐳᖅ. ᑕᑯᒋᑦ, ᐃᑎᐅᐱᐊᒥᐅᑕᖅ ᐃᐅᓇᒃᒥᒃ ᑍᔭᐅᔪᖅ ᑎᑭᑉᐹ ᐊᖓᔪᖅᑳᖑᑎᑕᐅᔪᖅ ᐃᑎᐅᐱᐊᒥᐅᑦ ᑳᓐᑍᓯᖓᓄᑦ, ᑕᓐᓇ ᐃᑎᐅᐱᐊᒥᐅᑦ ᑯᐃᓐᖓᑦᑕ ᑮᓇᐅᔭᖁᑎᖏᓐᓄᑦ ᐊᖓᔪᖅᑳᖓᔪᖅ, ᐊᖏᕐᕋᐅᓕᕐᑐᖅ, ᑐᒃᓯᐊᕆᐊᕐᓯᒪᓚᐅᕐᓗᓂ ᔨᕉᓴᓕᒻᒧᑦ,

²⁸ ᕿᒧᒃᓯᐅᑎᓄᑦ ᐊᒃᓴᓗᐊᓕᖕᒧᑦ ᐃᑭᒪᓪᓗᓂ, ᐅᖃᓕᒫᕐᐳᖅ ᓇᓚᐅᑦᑍᔪᑉ ᐂᓮᐊᓯᐅᑉ ᐊᒡᓚᖏᓐᓂᒃ.

²⁹ ᑕᕝᕙ ᐊᓂᕐᓂᖅ ᐃᑦᔪᕐᓁᑦᑐᖅ ᐱᓕᑉᐴᓯᒧᑦ ᐅᖃᕐᐳᖅ, “ᑖᓐᓇ ᐊᒃᓴᓗᐊᓕᖕᒧᑦ ᐃᖏᕐᕋᔪᖅ ᐅᐸᓚᐅᕈᒃ.”

³⁰ ᐱᓕᑉᐴᓯᐅᑉ ᐅᓪᓚᒃᓗᓂ ᑎᑭᓐᓇᒥᐅᒃ ᑐᓵᓕᕐᐹ ᐅᖃᓕᒫᕐᑐᖅ ᓇᓚᐅᑦᑍᔪᑉ ᐂᓮᐊᓯᐅᑉ ᐊᒡᓚᖏᓐᓂᑦ; ᐊᐱᕆᓪᓗᒍ, “ᐅᖃᓕᒫᕐᑕᑏᑦ ᑐᑭᓯᕕᒋᑦ?”

³¹ ᑖᑦᓱᒪ ᑭᐅᕚ, “ᖃᓄᕐᓕ ᑐᑭᓯᔪᓐᓇᕐᐳᖓ? ᐊᔪᕆᕐᑐᕐᑕᐅᖏᓪᓗᖓ.” ᐱᓕᑉᐴᓯ ᐃᑭᒪᖃᑎᒋᔪᒪᓕᕐᐹ.

³² ᐃᒤᓕᔪᓂᒃ ᒎᑎᐅᑉ ᐅᖃᐅᓯᖏᓐᓂᑦ ᐅᖃᓕᒫᕐᐳᖅ: “ᓰᐱᑎᑐᑦ ᑐᖁᑕᐅᔭᕐᑐᕐᑐᑎᑐᑦ ᑍᒤᓚᐅᕐᐳᖅ; ᓰᐱᐅᓪᓗ ᓄᕐᕋᖓᑐᑦ ᓴᓕᔭᐅᔪᑎᑐᑦ ᓂᐱᖃᓚᐅᓐᖏᓚᖅ; ᓂᓪᓕᓚᐅᕋᓂᓘᓐᓃᑦ.

³³ ᑲᓐᖑᓇᕐᑐᒦᑎᑕᐅᓪᓗᓂ ᓇᓛᒍᑦ ᐃᖅᑲᕐᑐᕐᑕᐅᓚᐅᓐᖏᓚᖅ, ᑭᖑᕚᒃᓴᖏᑦ ᑭᓇᒧᓪᓘᓐᓃᑦ ᐅᖃᐅᓯᐅᔪᓐᓇᕐᓂᐊᓐᖏᓚᑦ, ᐃᓅᓯᖓ ᓄᓇᕐᔪᐊᕐᒥᑦ ᐲᕐᑕᐅᓚᐅᕐᒪᑦ.”

³⁴ ᐃᑎᐅᐱᐊᒥᐅᑕᐅᑉ ᐱᓕᑉᐴᓯ ᐅᖃᐅᑎᕚ, “ᐅᖃᐅᑎᓚᐅᓐᖓ ᓇᓚᐅᑦᑍᔪᖅ ᑭᓇᒥᒃ ᐅᖃᐅᓯᖃᕐᐸ ᐃᒻᒥᓂᒡᓘᓐᓃᑦ, ᐊᓯᒥᓂᒡᓘᓐᓃᑦ?”

³⁵ ᑕᕝᕙ ᐱᓕᑉᐴᓯᐅᑉ ᐅᖃᓪᓚᒡᕕᒋᓕᕐᐹ; ᑖᒃᑯᐊ ᒎᑎᐅᑉ ᐅᖃᐅᓯᖏᓐᓃᑦᑐᑦ ᐱᒋᐊᕈᑎᒋᓪᓗᒋᑦ, ᐊᔪᕆᕐᑐᓕᕐᐹ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᔩᓱᓯᒥᒃ.

³⁶ ᐊᖅᑯᑎᒃᑯᑦ ᐃᖏᕐᕋᓪᓗᑎᒃ ᐃᒪᓕᖕᒧᑦ ᑎᑭᓐᓇᒥᒃ, ᐃᑎᐅᐱᐊᒥᐅᑕᖅ ᐅᖃᕐᐳᖅ, “ᑕᑯᒋᑦ, ᐃᒥᖅ ᑕᕝᕙ! ᓱᓇᒥᒃ ᐹᑉᑎᑕᐅᑦᑍᓕᑦᔪᑎᒃᓴᖃᕐᐳᖔ?” [

³⁷ ᐱᓕᑉᐴᓯᐅᑉ ᐅᖃᐅᑎᕙ, “ᐆᒻᒪᒻᒧᑦ ᐊᑕᖏᕐᑐᒧᑦ ᐅᒃᐱᕈᕕᑦ ᐹᑉᑎᑕᐅᔪᓐᓇᕐᐳᑎᑦ.” ᐃᑎᐅᐱᐊᒥᐅᖅ ᐅᖃᕐᐳᖅ, “ᐅᒃᐱᕆᕙᕋ, ᔩᓱᓯ ᙭ᔅᑑᓯ ᒎᑎᐅᑉ ᐃᕐᓂᕆᖕᒪᒍ.”]

³⁸ ᐃᑎᐅᐱᐊᒥᐅᑕᐅᑉ ᐊᒃᓴᓗᐊᓖᑦ ᓄᖅᑲᖁᕔᑦ, ᑕᒪᕐᒥᒃ ᓂᐅᓪᓗᑎᒃ ᐃᒫᓄᐊᕐᐴᒃ, ᐱᓕᑉᐴᓯᐅᑉ ᐹᑉᑎᐹ.

³⁹ ᐃᒫᓂᑦ ᖃᑭᖕᒪᑎᒃ ᐊᑕᓂᐅᑉ ᐊᓂᕐᓂᖓᑕ ᐱᓕᑉᐴᓯ ᐊᐅᓪᓚᕈᑎᕚ; ᐃᑎᐅᐱᐊᒥᐅᑕᐅᓪᓗ ᑕᑯᒃᑲᓐᓂᕈᓐᓂᕐᐹ, ᐃᖏᕐᕋᓕᕐᐳᕐᓗ ᖁᕕᐊᓱᒃᑐᐊᓘᓪᓗᓂ.

⁴⁰ ᐱᓕᑉᐴᓯᓗ ᓄᓇᒥ ᐋᓱᑑᓯᒦᓕᕆᕗᖅ; ᑭᖑᓂᖓᒍᓪᓗ ᓯᓴᕆᐊᒨᓕᕐᓗᓂ, ᑍᑯᓐᖓᐅᓪᓗᓂ ᐅᖃᐅᓰᑦ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑎᒋᕔᑦ ᓄᓇᓕᓕᒫᓄᑦ ᐊᖅᑯᓵᕐᑕᒥᓄᑦ.