ᐋᐴᓯᑕᓖᑦ ᐱᓂᐊᕐᓂᖏᑦ 2 - ᐊᒡᓔᑦ ᐃᑦᔪᕐᖕᓁᑦᑐᑦᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᓐᓂᖓ 1 ᐱᓐᑎᑰᔅᑎᐅᑉ ᐅᓪᓗᖓ ᓇᓪᓕᐅᑎᑎᓪᓗᒍ, ᐅᒃᐱᕐᑐᑦ ᐊᑕᖏᕐᓗᑎᒃ ᑲᑎᒪᓚᐅᕐᐳᑦ ᐊᑕᐅᓯᕐᒥ. 2 ᑕᕝᕔᓐᓇᖅ ᓂᕆᐅᓇᓐᖏᑦᑐᒥᒃ ᑐᓴᕐᓴᐅᔪᖃᓕᕐᐳᖅ ᕿᓚᖕᒥᑦ ᓲᕐᓗ ᐊᓄᕆᕐᔪᐊᕐᒥᒃ ᑎᑭᓕᕐᑐᒥᒃ, ᐃᒡᓗ ᓇᔪᕐᑕᖓᑦ ᑕᑕᑕᐅᕗᖅ ᑕᒪᑐᒧᖓ. 3 ᑖᒃᑯᓄᖓ ᓴᖅᑭᑦᑐᖃᕐᐳᖅ ᐃᑯᒪᑎᑐᑦ ᐃᒻᒥᒃᑯᐊᕐᑎᕐᑐᓂᒃ ᐅᖃᕐᑎᑐᑦ ᑍᒤᑦᑐᓂᒃ, ᑖᒃᑯᐊ ᐊᑐᓂᑦ ᑐᑉᕕᐅᕗᑦ ᑕᒪᒃᑯᓄᖓ. 4 ᑕᒪᕐᒥᒡᓗ ᐃᓗᒻᒥᕐᑕᐅᕗᑦ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ, ᐅᖃᐅᓯᕐᓄᑦ ᐅᖃᐅᓯᕆᓐᖏᑕᒥᖕᓄᑦ ᐅᖃᓪᓚᓕᕐᐳᑦ, ᑍᒫᒃ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᕈᓐᓇᕐᓯᑎᒻᒪᒋᑦ. 5 ᔫᑎᑕᖃᓚᐅᕐᐳᖅ ᔨᕉᓴᓕᒻᒥ ᓄᓇᖃᕐᑐᓂᒃ, ᐅᒃᐱᕋᓱᐊᑦᓯᐊᕐᑐᓂᒃ ᓄᓇᓕᖕᓂᑦ ᓇᑭᑐᐃᓐᓇᖅ ᐱᓯᒪᔪᓂᒃ. 6 ᓱᓗᒃᓱᕐᔪᐊᒥᒃ ᑕᒪᑐᒥᖓ ᑐᓴᕋᒥᒃ ᐃᓄᒋᐊᒃᑐᕐᔪᐊᑦ ᑲᑎᕗᑦ, ᐅᐃᒻᒪᒃᓯᒪᓪᓗᑎᒃ, ᐊᑐᓂᑦ ᑐᓵᓕᕋᒥᒃ ᐅᖃᐅᓯᓪᓚᕆᖕᒥᒃᑎᑐᑦ ᐅᖃᓪᓚᒃᑐᓂᒃ. 7 ᖁᐊᕐᓵᕋᒥᒃ ᑲᒪᓂᐊᕐᓗᑎᒡᓗ ᐅᖃᓕᕐᐳᑦ, “ᐅᑯᐊ ᐃᓄᐃᑦ ᐅᖃᓪᓚᒃᑐᑦ ᒐᓕᓕᐊᒥᐅᖑᓐᖏᓛᑦ? 8 ᖃᓄᐊᓗᒃ ᐊᑐᓂᑦ ᐅᖃᐅᓯᑐᖃᑦᑎᓐᓂᒃ ᐅᖃᓪᓚᒃᑎᓪᓗᒋᑦ ᑐᓵᓕᕐᐱᑕ? 9 ᐅᑯᓇᓂ ᓄᓇᖃᕐᑐᒍᑦ ᐹᕐᑎᐊᒥ ᒥᑎᐊᒥᓗ, ᐃᓚᒤᑎᒥ ᒥᓱᐳᑍᒥᐊᒥᓗ, ᔫᑎᐊᒥ ᑲᐸᑑᓯᐊᒥᓗ, ᐹᓐᑕᓯᒥ ᐂᓯᐊᒥᓗ, 10 ᐴᕐᒋᐊᒥ ᐸᒻᐱᓕᐊᒥᓗ, ᐄᑦᔨᑉᑎᒥ ᓕᐱᐊᓪᓗ ᐃᓚᖓᓂ ᓮᕆᓂᐅᑉ ᖃᓂᒋᔭᖓᓂᑦ, ᐃᓚᖏᓪᓗ ᕉᒪᒥᓐᖔᕐᓯᒪᔪᑦ, 11 ᔫᑎᑦ ᔫᑎᓄᓪᓗ ᐃᓚᒋᔭᐅᓕᕐᓯᒪᔪᑦ, ᑯᕇᑕᒥᐅᓪᓗ ᐊᕅᐱᐊᒥᐅᓪᓗ, ᑕᒪᑦᑕ ᑐᓵᕗᒍᑦ ᐅᖃᐅᓯᑐᖃᑦᑎᓐᓂᒃ ᐊᑐᕐᓗᑎᒃ ᐅᖃᐅᓯᖃᕐᑎᓪᓗᒋᑦ ᒎᑎᐅᑉ ᐱᓂᐊᕐᓂᖏᓐᓂᒃ ᑲᒪᓇᕐᑐᓂᒃ.” 12 ᑲᒪᓂᐊᕐᓂᕐᒧᑦ ᓇᓗᓕᕐᓯᒪᓪᓗᑎᒃ ᐊᐱᕐᓱᖃᑦᑕᐅᑎᓕᕐᐳᑦ, “ᖃᓄᖅ ᑕᒪᓐᓇ ᑐᑭᖃᕐᐹ?” 13 ᐃᓚᖏᑦ ᒥᑕᐅᑎᖃᕐᓗᑎᒃ ᐅᖃᕐᐳᑦ, “ᐅᑯᐊ ᐋᖓᔮᕐᑐᑦ.” ᐲᑦᑐᕉᓯᐅᑉ ᐅᖃᐅᓯᖏᑦ 14 ᐲᑦᑐᕉᓯ ᓂᑯᕕᓪᓗᓂ 11 ᐋᐴᓯᑕᓖᑦ ᐃᓚᒋᓪᓗᒋᑦ, ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᔫᑎᐊᒥᐅᑕᐅᔪᓯ ᔨᕉᓴᓕᒻᒥᐅᑕᐅᔪᓯᓗ, ᑐᓵᓚᐅᕆᑦᓯ ᐅᕙᓐᓂᒃ, ᖃᓄᖅ ᑕᒪᓐᓇ ᑐᑭᖃᕐᒪᖔᑦ. 15 ᐅᑯᐊ ᐋᖓᔮᕋᓱᒋᔭᓯ ᐋᖓᔮᓐᖏᓚᑦ, ᒫᓐᓇ 9ᒧᐊᑍᓐᓇᕐᒪᑦ ᐅᓪᓛᖑᓪᓗᓂ. 16 ᓇᓚᐅᑦᑍᔪᑉ ᔪᐃᓕᐅᑉ ᑕᒪᓐᓇ ᐅᖃᐅᓯᕆᓯᒪᕚ ᐅᖃᓚᐅᕐᒪᑦ: 17 ‘ᐅᓪᓗᐃᑦ ᑭᖑᓪᓕᖏᓐᓂ ᐃᒫᒃ ᐱᓇᓱᐊᕈᒫᕐᐳᖓ, ᒎᑎ ᐅᖃᕐᐳᖅ, ᐊᓂᕐᓂᕋ ᑯᕕᔪᒫᕋᒃᑯ ᐃᓄᓕᒫᓄᑦ, ᐃᕐᓂᓯ ᐸᓂᓯᓗ ᐅᖃᐅᓯᕆᔭᐅᖁᔭᓐᓂᒃ ᐅᖃᕈᒫᕐᐳᑦ, ᐃᓅᓱᒃᑐᖁᑎᓯᓗ ᑕᑯᑎᑕᐅᖃᑕᕈᒫᕐᐳᑦ, ᐃᓄᑐᖃᖁᑎᓯᓗ ᓯᓐᓇᒃᑑᒫᖃᑦᑕᕈᒫᕐᐳᑦ. 18 ᐱᔨᓐᓄᑦ ᐊᖑᑎᓄᑦ ᐊᕐᓇᓄᓪᓗ ᐊᓂᕐᓂᕋ ᑯᕕᔪᒫᕐᐸᕋ ᐅᓪᓗᓂ ᑍᒃᑯᓇᓂ; ᐅᖃᐅᓯᕆᔭᐅᖁᔭᓐᓂᒡᓗ ᐅᖃᐅᓯᖃᖃᑕᑦᕈᒫᕐᐳᑦ. 19 ᑲᒪᓇᕐᑐᓂᒡᓗ ᑕᑯᒃᓴᐅᑎᑦᓯᔪᒫᕐᐳᖓ ᐹᓂ ᕿᓚᖕᒥ ᓇᓗᓁᑯᑕᖃᕐᑎᑦᓯᓗᖓᓗ ᒫᓂ ᓄᓇᒥ, ᐊᐅᖕᒥᒃ, ᐃᑯᒪᒥᒡᓗ, ᐃᓯᕐᓗᒡᔪᐊᒥᒡᓗ. 20 ᓯᕿᓂᖅ ᑖᕐᓯᔪᒫᕐᐳᖅ, ᑕᖅᑭᕐᓗ ᐊᐅᒃᑎᑐᑦ ᐊᐅᐸᕐᓯᓗᓂ, ᐊᑕᓂᐅᑉ ᐅᓪᓗᕐᔪᐊᖓ ᑲᒪᓇᕐᑐᕐᔪᐊᖅ ᓇᓪᓕᐅᑎᖅᑳᕐᑎᓐᓇᒍ. 21 ᐃᒤᑦᓱᒫᕐᐳᖅ ᐊᑕᓂᐅᑉ ᐊᑎᖓᓄᑦ ᑐᒃᓯᐊᕐᑐᑦ ᐱᐅᓕᔭᐅᔪᒫᕐᐳᑦ.’ 22 “ᐃᓴᕆᐊᓕᒥᐅᖑᔪᓯ, ᐅᑯᐊ ᐅᖃᐅᓰᑦ ᓈᓚᒃᓯᒋᒃ: ᔩᓱᓯ ᓈᓴᕇᑎᒥᐅᖅ, ᐱᔪᓐᓇᕐᓂᖃᕐᑎᑕᐅᓪᓗᓂ ᒎᑎᒥᑦ ᓇᓗᓇᖏᑦᑐᒥᒃ ᑕᑯᒃᓴᐅᓚᐅᕐᑐᖅ ᐃᓕᑦᓯᓐᓄᑦ ᑲᒪᓇᕐᑐᓕᓂᕐᑎᒍᑦ ᓇᓗᓁᒃᑯᑕᕐᑎᒍᓪᓗ, ᒎᑎ ᐱᓇᓱᐊᓚᐅᕐᒪᑦ ᑖᑦᓱᒨᓇ, ᖃᐅᔨᒪᒐᑦᓯ ᑕᒪᑐᒥᖓ. 23 ᑖᓐᓇ ᔩᓱᓯ, ᒎᑎᐅᑉ ᐱᖁᔨᓯᒪᓂᖓ ᐸᕐᓇᒃᓯᒪᓪᓚᕆᖕᓂᖓᓗ ᒪᓕᒡᓗᒍ ᐃᓕᑦᓯᓐᓄᑦ ᑎᒍᔭᐅᑎᑕᐅᓚᐅᕐᐳᖅ, ᑖᓐᓇ ᑭᑭᐊᒃᑐᕐᑕᐅᑎᓚᐅᕐᐸᓯ ᑐᖁᑕᐅᑎᓪᓗᒍᓗ ᐃᓄᖕᓄᑦ ᐊᔪᕐᑐᓕᔪᓄᑦ. 24 ᒎᑎᐅᓪᓕ ᒪᑭᑎᓚᐅᕐᐹ ᑐᖁᒥᑦ, ᑐᖂᑉ ᐋᓐᓂᕐᓇᕐᓂᖓᓂᑦ ᕿᓚᕈᑦᔮᕐᓗᓂᐅᒃ, ᐊᔪᕐᓇᓚᐅᕐᒪ ᑖᓐᓇ ᑐᖁᖎᓐᓇᕆᐊᒃᓴᖅ. 25 ᑍᕕᑎᐅᑉ ᑖᓐᓇ ᐅᖃᐅᓯᕆᓯᒪᖕᒪᒍ, ‘ᐊᑕᓂᐅᑉ ᓇᔫᑎᓂᖓᓃᖏᓐᓇᕐᓂᕋ ᐃᒃᐱᒋᕙᕋ; ᑍᒤᒻᒪᑦ ᑕᓕᕐᐱᓐᓃᒻᒪᑦ ᐊᐅᓚᑦᔭᒃᑕᐅᓂᐊᓐᖏᓚᖓ. 26 ᑍᒤᒻᒪᑦ ᐆᒻᒪᑎᒐ ᖁᕕᐊᓱᓕᕐᐳᖅ, ᖃᓂᕋᓗ ᓂᕐᑐᐃᓕᕐᓗᓂ; ᑎᒥᒐᓗ ᐃᓂᓪᓚᖓᓂᐊᕐᐳᖅ ᓂᕆᐅᒋᔭᖃᑦᓯᐊᕐᓗᓂ. 27 ᑐᖁᖓᔪᑦ ᐃᓂᖓᓄᑦ ᑕᕐᓂᕋ ᕿᒪᖕᓂᐊᖏᓐᓇᕕᐅᒃ, ᐃᑦᔪᕐᓁᑦᑐᖁᑏᑦ ᐃᒍᓇᖁᓂᐊᓐᖏᓚᑦ ᐃᓗᕕᕐᒥ. 28 ᖃᐅᔨᑎᑉᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓗᐊᕐᑐᒥᒃ ᐱᑕᖃᕐᒪᑦ.’ 29 “ᐃᓅᖃᑎᒃᑲ, ᖁᓚᖏᓪᓗᖓ ᓯᕗᓕᕆᓚᐅᕐᑕᑦᑎᓐᓂᒃ ᑍᕕᑎᒥᒃ ᐅᖃᐅᑎᔪᓐᓇᕐᐸᑦᓯ, ᑍᓐᓇ ᑐᖁᓚᐅᕐᐳᖅ ᐃᓗᕕᕐᑕᐅᓪᓗᓂ, ᒫᓐᓇ ᐅᓪᓗᒥ ᐃᓗᕕᖓ ᒫᓃᑉᐳᖅ. 30 ᑍᕕᑎ ᓇᓚᐅᑦᑍᔪᖁᑎᒋᓚᐅᕐᒪᒍ, ᖃᐅᔨᒪᓚᐅᕐᐳᖅ ᒎᑎᐅᑉ ᐊᖏᒻᒪᕆᒍᑎᒋᔭᒥᓂᒃ ᐅᖃᕕᒃᕕᒋᓚᐅᕐᒪᒍ; ᑭᖑᕚᖓᑕ ᐃᓚᖓᓐᓂᒃ ᐊᖓᔪᖅᑳᕐᔪᐊᓐᖑᕐᑎᑦᓯᓂᐊᕐᓂᕋᕐᓗᓂ ᑍᕕᑎᑐᑦ. 31 ᓯᕗᓂᕐᒥᓂ ᖃᐅᔨᒐᒥ, ᙭ᔅᑑᓯᐅᑉ ᒪᑭᓛᕐᓂᖓᓂᒃ ᐅᖃᕋᒥ, ‘ᕿᒪᒃᑕᐅᓚᐅᓐᖏᓚᖅ ᑐᖁᖓᔪᑦ ᐃᓂᖓᓂ; ᑎᒥᖓᓗ ᐃᒍᓇᓚᐅᓐᖏᓚᖅ ᐃᓗᕕᕐᒥ.’ 32 “ᑖᓐᓇ ᔩᓱᓯ ᒎᑎᐅᑉ ᒪᑭᑎᓚᐅᕐᐹ ᑐᖁᒥᑦ, ᐅᕙᒍᓪᓗ ᑕᒪᑦᑕ ᑕᒪᑐᒥᖓ ᖃᐅᔨᓯᒪᕗᒍᑦ. 33 ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ. 34 ᑍᕕᑎ ᕿᓚᓕᐊᓚᐅᓐᖏᒻᒪᑦ ᔩᓱᓯᑐᑦ ᐅᖃᓚᐅᕐᐳᕐᓕ, ‘ᐊᑕᓂᖅ ᐊᑕᓂᓐᓄᑦ ᐅᖃᕐᐳᖅ, “ᐅᕙᓂ ᑕᓕᕐᐱᓐᓂ ᐃᒃᓯᕙᒋᑦ, 35 ᐊᑭᕋᕐᑐᕐᑎᖕᓂᒃ ᐃᑎᒐᖕᓄᑦ ᐃᑯᕐᕋᓕᐅᑦᔨᖅᑳᕐᑎᓐᓇᖓ.”’ 36 “ᐃᓕᑦᓯ ᐃᓴᕆᐊᓕᒥᐅᖑᔪᓯ ᑕᒪᑦᓯ, ᖃᐅᔨᒪᑦᓯᐊᓕᕆᑦᓯ ᔩᓱᓯ ᑭᑭᐊᒃᑐᓚᐅᕐᑕᓯ, ᑖᓐᓇ ᒎᑎᐅᑉ ᐊᑕᓂᓐᖑᕐᑎᓚᐅᕐᐹ ᙭ᔅᑑᓯᓐᖑᕐᑎᓪᓗᒍ.” 37 ᐃᓄᐃᑦ ᑕᒪᑐᒥᖓ ᑐᓴᕋᒥᒃ ᐆᒻᒪᑎᒥᒍᑦ ᐊᒃᑐᕐᑕᐅᕗᑦ, ᐲᑦᑐᕉᓯᒧᑦ ᐋᐴᓯᑕᓕᖕᓄᓪᓗ ᐅᖃᓕᕐᓗᑎᒃ, “ᐃᓅᖃᑎᕗᑦ ᖃᓄᕐᓕ ᐱᓂᐊᓕᕐᐱᑖ?” 38 ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ. 39 ᑕᒪᓐᓇ ᐃᓕᑦᓯᓐᓄᑦ ᐊᖏᕈᑕᐅᓯᒪᕗᖅ ᕿᑐᕐᖓᑦᓯᓐᓄᓪᓗ ᐅᖓᓯᒃᑐᒦᑦᑐᓄᓪᓗ ᑕᒤᓐᓄᑦ, ᐊᑕᓂᐅᑉ ᒎᑎᑦᑕ ᐃᒻᒥᓄᑦ ᕾᖁᔭᓕᒫᖏᓐᓄᑦ.” 40 ᐲᑦᑐᕉᓯᐅᑉ ᐅᖃᕐᕕᒋᕔᑦ ᐅᖃᐅᓯᕐᓂᒃ ᐊᒥᓱᓂᒃ ᐊᑐᕐᓗᓂ ᐃᓇᕐᓱᕐᐰᑦ ᐅᖃᐅᑎᓪᓗᒋᑦ, “ᐱᐅᓕᔭᐅᓕᕆᑦᓯ ᐅᑯᐊ ᐃᓅᖃᑎᒌᒡᔪᐊᑦ ᐱᐅᖏᑦᑐᓕᔪᑦ ᐊᓯᕈᕐᑕᐅᓂᒃᓴᖏᓐᓂᑦ.” 41 ᑕᕝᕙ ᐊᒥᓱᑦ ᐅᖃᐅᓯᖏᓐᓂᒃ ᐅᒃᐱᓕᕐᑐᑦ ᐹᑉᑎᑕᐅᕗᑦ, ᐅᓪᓗᒥ ᑕᕝᕙᓂ ᐅᒃᐱᕐᑐᓄᑦ ᐃᓚᓕᐅᑎᔪᑦ 3,000 ᖃᓂᒋᔮᓃᓚᐅᕐᐳᑦ. 42 ᑖᒃᑯᐊ ᐃᓕᓐᓂᐊᖃᑦᑕᓕᓚᐅᕐᐳᑦ ᐋᐴᓯᑕᓕᖕᓂᑦ ᐃᓚᒌᑦᓯᐊᕐᓗᑎᒃ, ᓂᕆᖃᑎᒌᓗᑎᒃ ᑐᒃᓯᐊᖃᑎᒌᖃᑦᑕᕐᓗᑎᒡᓗ. ᐅᒃᐱᕐᑐᑦ ᐱᐅᓯᕆᓚᐅᕐᑕᖓᑦ 43 ᐃᓄᓕᒫᑦ ᑲᑉᐱᐊᓱᓕᓚᐅᕐᐳᑦ; ᐋᐴᓯᑕᓕᒃᑎᒍᑦ ᑲᒪᓇᕐᑐᑦ ᓇᓗᓁᒃᑯᑍᓪᓗ ᐊᒥᓱᑦ ᐱᓇᓱᐊᕐᑕᐅᓚᐅᕐᒪᑕ. 44 ᐅᒃᐱᕐᑐᓕᒫᑦ ᑲᑎᒪᑦᓯᐊᓚᐅᕐᐳᑦ ᐱᖁᑎᒥᖕᓂᒡᓗ ᑲᑐᑦᔨᑦᓯᐊᕐᓗᑎᒃ; 45 ᐱᖁᑎᑎᒃ ᓄᓇᖁᑎᑎᒡᓗ ᓂᐅᑦᕈᑎᒋᓚᐅᕐᐰᑦ ᐊᑭᖏᑦ ᐅᒃᐱᕐᑐᓕᒫᓄᑦ ᑐᓂᐅᖅᑲᐅᑎᒋᓪᓗᒋᑦ, ᐱᔭᕆᐊᖃᕐᓂᖏᑦ ᒪᓕᒡᓗᒋᑦ. 46 ᖃᐅᑕᒫᑦ ᑲᑎᒪᖃᑦᑕᓚᐅᕐᐳᑦ ᑐᒃᓯᐊᕐᕕᒡᔪᐊᒥ ᐊᑕᐅᑦᓯᒃᑯᑦ, ᓂᐊᖂᔭᒥᒃ ᐊᒡᒍᐃᕙᒃᓗᑎᒃ ᐊᖏᕐᕋᒥᖕᓂ, ᖁᕕᐊᓱᒡᓗᑎᒃ ᓂᕆᖃᑎᒌᖃᑦᑕᓚᐅᕐᐳᑦ ᐆᒻᒪᑎᒥᒃᑎᒍᑦ ᐊᓐᓂᕈᑦᔨᓂᖃᕋᑎᒃ, 47 ᒎᑎᒥᒃ ᓂᕐᑐᐃᖃᑦᑕᓚᐅᕐᐳᑦ, ᐃᓄᓕᒫᓄᓪᓗ ᖁᕕᐊᒋᔭᐅᓪᓗᑎᒃ. ᖃᐅᑕᒫᓪᓗ ᐊᑕᓂᖅ ᐱᐅᓕᔭᐅᕙᓪᓕᐊᔪᓂᒃ ᐃᓚᑖᕐᑎᑉᐸᓪᓕᐊᓚᐅᕐᐰᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society