ᐋᐴᓯᑕᓖᑦ ᐱᓂᐊᕐᓂᖏᑦ 17 - ᐊᒡᓔᑦ ᐃᑦᔪᕐᖕᓁᑦᑐᑦ

ᐸᐅᓗᓯᐅᑉ ᓮᓚᓯᐅᓪᓗ ᑎᓴᓗᓁᑲᒥ ᐱᓇᓱᐊᕐᓂᖓᑦ

¹ ᐸᐅᓗᓯᒃᑯᒃ ᓮᓚᓯᒃᑯᒃ ᐃᖏᕐᕋᕘᒃ ᐊᒻᐱᐴᓕᔅ ᐊᐴᓗᓂᐊᓗ ᐊᖅᑯᓵᕐᓗᒋᒃ, ᑎᓴᓗᓁᑲᒧᐊᕐᐴᒃ, ᑕᕝᕙᓂ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖃᕐᒪᑕ.

² ᐸᐅᓗᓯ ᑍᒫᒃ ᐃᓕᖅᑯᓯᖃᕐᐸᒃᑲᒥ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐳᖅ, ᐱᓇᓱᐊᕈᓯᕐᓂᒃ ᐱᖓᓱᓂᒃ ᑕᕝᕙᓂ ᐅᖃᖃᑎᒋᖃᑦᑕᕐᐰᑦ ᒎᑎᐅᑉ ᐅᖃᐅᓯᖏᓐᓂᒃ ᑕᑯᖃᑎᒋᖃᑦᑕᕐᓗᒋᑦ,

³ ᑐᑭᖏᓐᓂᒃ ᐅᖃᐅᑦᔨᓪᓗᓂ ᖁᓚᕐᓇᕈᓐᓃᕐᑎᑦᓯᓪᓗᓂ ᙭ᔅᑑᓯᐅᑉ ᐋᓐᓂᐊᑎᑕᐅᔭᕆᐊᖃᓚᐅᕐᓂᖓᓂᒃ ᒪᑭᒋᐊᖃᓚᐅᕐᓂᖓᓂᒃᓗ ᑐᖁᒥᑦ, ᐅᖃᕐᓗᓂ, “ᑖᓐᓇ ᔩᓱᓯ, ᐃᓕᑦᓯᓐᓄᑦ ᐅᖃᐅᑎᒋᔭᕋ, ᙭ᔅᑑᓯᐅᕗᖅ.”

⁴ ᐃᓚᖏᑦ ᐅᒃᐱᓕᕐᐳᑦ, ᐸᐅᓗᓯᒧᑦ ᓮᓚᓯᒧᓪᓗ ᐃᓚᒋᔭᐅᓕᕐᓗᑎᒃ; ᐊᒥᓱᑦ ᒍᕇᑭᑦ ᐊᕐᓁᓪᓗ ᐱᓪᓗᐊᑕᕆᔭᐅᔪᑦ ᒎᑎᒧᑦ ᐅᒃᐱᓕᕐᑐᑦ ᐊᒥᓱᑦ ᐃᓚᒋᔭᐅᓕᕆᕗᑦ.

⁵ ᔫᑎᑦ ᓵᓐᖓᔭᐅᖔᕈᒪᓂᕐᒧᑦ ᓂᓐᖓᐅᒪᓕᕐᐳᑦ, ᓄᐊᑦᓯᓪᓗᑎᒃ ᐃᓄᖕᓂᒃ ᐅᐃᕖᑦᑐᐊᓗᖕᓂᒃ ᐊᖅᑯᑎᓂᑦ ᑕᒫᓐᖓᑦ ᐃᓚᑖᕐᐳᑦ ᐃᓄᒋᐊᒃᓯᓪᓗᑎᒃ, ᐃᒡᓗᒐᓮᑦ ᐅᐃᒪᔮᕐᑎᓕᕐᐰᑦ, ᔧᓴᐅᑉ ᐃᒡᓗᖓᓄᐊᕐᐳᑦ, ᕿᓂᕆᐊᕐᓗᑎᒃ ᐸᐅᓗᓯᒥᒃ ᓮᓚᓯᒥᒡᓗ, ᐃᓄᖕᓄᑦ ᓴᖅᑭᑎᑦᓱᒪᓪᓗᒋᑦ.

⁶ ᓇᓂᖏᓐᓇᒥᑦᔪᒃ, ᔧᓴᓐ ᐅᒃᐱᕐᑐᓪᓗ ᐊᓯᖏᑦ ᑎᒍᕔᑦ, ᓄᓇᓖᑦ ᐊᐅᓚᑦᓯᔨᖏᓐᓄᐊᕐᑎᓪᓗᒋᑦ, ᕾᒐᓛᕐᓗᑎᒃ ᐅᖃᕐᐳᑦ, “ᐅᑯᐊ ᐊᖑᑏᑦ ᐅᐃᒪᔮᕐᑎᑦᓯᓕᕐᐳᑦ ᓇᓂᑐᐃᓐᓇᖅ, ᒫᓐᓇ ᓄᓇᑦᑎᓐᓂ ᑍᒤᓕᐅᓕᕆᕗᑦ,

⁷ ᔧᓴᐅᑉ ᐃᓚᓕᐅᕐᓯᒪᕔᑦ ᐃᒡᓗᒥᓄᑦ; ᐊᖓᔪᖅᑳᕐᔪᐊᑉ ᓰᓴᕆᐅᑉ ᐱᖁᔭᖏᓐᓂᒃ ᐊᑭᕋᕐᑐᕐᒪᑕ, ᐊᓯᐊᓂᒃ ᐊᖓᔪᖅᑳᕐᔪᐊᕐᑕᖃᕐᓂᕅᓪᓗᑎᒃ, ᔩᓱᓯᒥᒃ ᐊᑎᓕᖕᒥᒃ.”

⁸ ᐃᓄᐃᑦ ᐊᖓᔪᖅᑳᖑᔪᓪᓗ ᑐᓴᕋᒥᒃ ᐅᐃᒪᔮᕐᑎᑕᐅᓕᕐᐳᑦ.

⁹ ᑮᓇᐅᔭᓂᒃ ᑎᒍᔭᐅᓯᒪᔪᓐᓃᕈᑎᒃᓴᓂᒃ ᐊᑭᓖᑎᓚᐅᕐᓗᒋᑦ ᔧᓴᓐ ᐊᓯᖏᓪᓗ, ᐃᓱᒪᕐᓱᕐᑎᓕᕐᐰᑦ.

ᐱᕆᐊᒥ

¹⁰ ᐅᓐᓄᐊᖑᓕᕐᒪᑦ, ᐅᒃᐱᕐᑑᖃᑎᒌᑦ ᐸᐅᓗᓯᒃᑯᒃ ᓮᓚᓯᒃᑯᒃ ᐊᐅᓪᓚᕐᑎᓕᕐᐹᑦ ᐱᕆᐊᒧᑦ; ᑍᑯᖓ ᑎᑭᓐᓇᒥᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐴᒃ.

¹¹ ᑕᕝᕙᓂ ᔫᑎᑦ ᐃᓱᒪᒃᓴᕐᓯᐅᑦᓯᐊᕐᓂᕐᓴᐅᕗᑦ ᑎᓴᓗᓁᑲᒥᐅᓂᑦ, ᐅᖃᐅᓯᕐᓂᒃ ᐃᓚᓕᐅᕆᑦᓯᐊᕐᓗᑎᒃ, ᒎᑎᐅᑉ ᐅᖃᐅᓯᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᐳᑦ ᖃᐅᑕᒫᑦ ᑐᑭᓯᓇᓱᐊᕐᓗᑎᒃ ᐸᐅᓗᓯᐅᑉ ᐅᖃᐅᓯᕆᔭᖏᑦ ᓱᓕᖕᒪᖔᑕ.

¹² ᑍᒤᒻᒪᑦ ᐊᒥᓱᑦ ᐅᒃᐱᓕᕐᐳᑦ, ᒍᕇᑭᑦ ᐊᕐᓁᑦ ᐱᓇᓱᐊᕐᑎᒻᒪᕆᐅᔪᑦ, ᐊᖑᑏᓪᓗ ᐅᒃᐱᓕᕆᕗᑦ.

¹³ ᔫᑎᑦ ᑎᓴᓗᓁᑲᒦᑦᑐᑦ ᑐᓴᕋᒥᒃ ᐸᐅᓗᓯ ᐊᔪᕆᕐᑐᐃᖕᒪᑦ ᒎᑎᐅᑉ ᐅᖃᐅᓯᖏᓐᓂᒃ ᐱᕆᐊᒥ, ᑍᑯᖓ ᐂᒋᕗᑦ ᐅᐃᒪᔮᕐᑎᑦᓯᓕᕐᓗᑎᒃ ᐃᓄᒋᐊᒃᑐᓂᒃ.

¹⁴ ᐅᒃᐱᕐᑑᖃᑎᒌᑦ ᐸᐅᓗᓯ ᐊᐅᓪᓚᕐᑎᑉᐹᑦ ᐃᒪᐅᑉ ᖃᓂᒋᔮᓄᑦ, ᓮᓚᓯᓕ ᑎᒧᑎᓗ ᐱᕆᐊᒥᑦ ᓅᓐᖏᓚᒃ.

¹⁵ ᐸᐅᓗᓯᒥ ᖃᓂᐅᕐᑐᑦ ᒪᓕᓚᐅᕐᐳᑦ ᓄᓇ ᐋᑎᓐᓯᒥᒃ ᐊᑎᓕᒃ ᑎᑭᓪᓗᒍ; ᐱᕆᐊᒧᓪᓗ ᑖᒃᑯᐊ ᐅᑎᕆᐊᓕᕐᒪᑕ ᐸᐅᓗᓯᐅᑉ ᐅᖃᐅᑎᕔᑦ ᓮᓚᓯᒃᑯᒃ ᑎᒧᑎᒃᑯᒃ ᑎᑭᓴᕅᖁᓪᓗᒋᒃ.

ᐋᑎᓐᓯᒥ

¹⁶ ᐸᐅᓗᓯ ᐋᑎᓐᓯᒥ ᐅᑕᖅᑭᓕᕐᐳᖅ ᓮᓚᓯᒥᒃ ᑎᒧᑎᒥᒡᓗ, ᐊᖏᔪᒥᒃ ᐅᖁᒤᒃᓴᕈᑎᖃᓕᕐᐳᖅ ᓄᓇᓖᑦ ᐅᓄᕐᑐᐊᓗᖕᓂᒃ ᒎᑎᓐᖑᐊᖃᕐᓂᖏᓐᓄᑦ.

¹⁷ ᐅᖃᖃᑎᖃᓚᐅᕐᐳᖅ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ ᔫᑎᓂᒃ ᒍᕇᑭᓂᒡᓗ ᒎᑎᒧᑦ ᐅᒃᐱᕐᑐᓂᒃ, ᓂᐅᕕᕐᕕᖕᓂ ᖃᐅᑕᒫᑦ ᐅᖃᖃᑎᖃᖃᑦᑕᕐᐳᖅ ᑕᕝᕙᓃᑦᑐᓂᒃ.

¹⁸ ᐃᐱᑭᐅᕌᓯᒧᑦᑕᐅᖅ ᒪᓕᒡᑎᐅᔪᑦ ᐃᐱᑭᐅᕆᐊᓂᒃ ᑍᔭᐅᔪᑦ, ᔨᓄᒧᑦ ᒪᓕᒡᑎᐅᔪᑦ ᓯᑑᑭᓂᒃ ᑍᔭᐅᔪᑦ ᐃᓕᓮᔩᑦ ᐂᕙᖃᑎᒋᕔᑦ. ᑖᒃᑯᐊ ᐅᖃᕐᐳᑦ, “ᐅᓇ ᖃᐅᔨᒪᓇᓂ ᐅᖃᓪᓚᒐᓱᒃᑐᖅ ᖃᓄᖅ ᐅᖃᕋᓱᐊᕐᐸ?” ᐊᓯᖏᑦ ᐅᖃᕐᐳᑦ, “ᐅᓇ ᐅᖓᓯᒃᑐᒥᐅᑦ ᒎᑎᖓᓂᒃ ᐅᖃᐅᓯᖃᕋᓱᒃᐸᓪᓔᔪᖅ.” ᐸᐅᓗᓯ ᐊᔪᕆᕐᑐᐃᑦᔪᑎᖃᓚᐅᕐᒪᑦ ᔩᓱᓯᒥᒃ ᒪᑭᕝᕕᒃᓴᐅᔪᒫᕐᑐᒥᒡᓗ.

¹⁹ ᐸᐅᓗᓯ ᕾᖁᕚᑦ ᓄᓇᓖᑦ ᑲᑎᒪᔨᖏᓐᓄᐊᖁᓪᓗᒍ ᐊᕆᐅᐸᒐᓯᒥᒃ ᑍᔭᐅᔪᒥ ᑲᑎᒪᕙᒃᑐᓄᑦ, ᐅᖃᐅᑎᓪᓗᒍ, “ᖃᐅᔨᔪᒪᒐᑦᑕ ᐊᔪᕆᕐᑐᐃᑦᔪᑎᒋᔧᑦ ᑕᒪᓐᓇ ᓄᑖᖅ ᖃᓄᐃᑦᑑᖕᒪᖔᑦ.

²⁰ ᐅᕙᑦᑎᓐᓄᑦ ᑐᓴᓕᒪᓇᖏᑦᑐᓂᒃ ᐃᓚᖓᓂᒃ ᐅᖃᐅᓯᖃᕋᕕᑦ; ᑕᒪᒃᑯᐊ ᖃᓄᖅ ᑐᑭᖃᕐᒪᖔᑕ ᖃᐅᔨᔪᒪᒐᑦᑕ.”

²¹ ᑖᒃᑯᐊ ᐋᑎᓂᓯᒥᐅᑦ ᐊᓯᐊᓂᓪᓗ ᑎᑭᓯᒪᔪᑦ ᑕᕝᕙᓃᑦᑐᑦ ᑍᒪᓐᖓᑦ ᐅᓂᒃᑳᖃᑦᑕᕆᐊᒃᓴᖅ ᓄᑖᓂᒃ ᑐᓴᕆᐊᒃᓴᕐᓗ ᖁᕕᐊᒋᔭᖃᕐᒪᑕ.

²² ᐸᐅᓗᓯ ᐊᕆᐅᐸᒐᓯᒥᐅᑉ ᕿᑎᖓᓂ ᓂᑯᕕᓪᓗᓂ ᐅᖃᕐᐳᖅ: “ᐋᑎᓂᓯᒥᐅᖑᔪᓯ, ᖃᐅᔨᒐᒪ ᐅᒃᐱᕐᓂᓕᕆᔪᒻᒪᕆᐊᓘᒐᑦᓯ.

²³ ᓄᓇᓕᖕᓂ ᐱᓱᑲᑕᒃᑎᓪᓗᖓ ᓴᓇᓯᒪᔪᑦ ᑐᒃᓯᐊᕐᕕᒋᕙᒃᑕᓯ ᕿᒥᕐᕈᐊᕐᓗᒋᑦ, ᑐᓂᕐᕈᓯᕐᕕᖕᒥᒃ ᑕᑯᓚᐅᕋᒪ ᑎᑎᖅᑲᓕᖕᒥᒃ ‘ᒎᑎᒧᑦ ᖃᐅᔨᒪᓇᖏᑦᑐᒧᑦ.’ ᑐᒃᓯᐊᕐᕕᒋᕙᑦᑕᓯ ᑖᓐᓇ ᖃᐅᔨᒪᓇᒍ, ᑕᕝᕙ ᐅᖃᐅᑎᒋᓯᕙᕋ ᐃᓕᑦᓯᓐᓄᑦ.

²⁴ ᒎᑎ ᑖᓐᓇ ᓴᓇᓚᐅᕐᑐᖅ ᓯᓚᕐᔪᐊᕐᒥᒃ ᐃᓗᓕᖏᓐᓂᒡᓗ ᑕᒤᓐᓂᒃ, ᐊᑕᓂᐅᕗᖅ ᕿᓚᖕᒥ ᓄᓇᒥᓗ, ᐃᓄᖕᒧᑦ ᓴᓇᔭᐅᓯᒪᔪᓂ ᐃᓂᖃᓐᖏᓚᖅ,

²⁵ ᐃᓄᐃᓪᓗ ᐊᒡᒐᖏᓐᓄᑦ ᐱᔨᑦᓯᕐᑕᐅᔭᕆᐊᖃᓐᖏᓚᖅ ᒪᑭᑕᑎᑕᐅᓇᓱᐊᕐᓗᓂ, ᓇᖕᒥᓂᖅ ᐃᓅᓯᖃᕐᑎᑦᓯᖕᒪᑦ ᐃᓄᖕᓂᒃ ᐊᓂᕐᓂᖃᕐᑎᑦᓯᓪᓗᓂᓗ, ᑭᓱᑐᐃᓐᓇᕐᓂᒃ ᐱᖃᕐᑎᑦᓯᓪᓗᓂ.

²⁶ ᐃᓅᖃᑎᒌᒡᔪᐊᓪᓗ ᐱᓐᖑᕐᑎᓯᒪᕔᑦ ᐃᓄᖕᒥᑦ ᐊᑕᐅᓯᕐᒥᑦ, ᐃᓂᖃᕐᑎᓪᓗᒋᑦ ᓄᓇᕐᔪᐊᒥ ᓇᓂᑐᐃᓐᓇᖅ, ᓄᓇᖃᑎᒌᒡᔪᐊᓪᓗ ᐱᕕᒃᓴᖃᕐᑎᑉᐰᑦ ᐊᑐᓂᑦ, ᐃᓂᒋᓂᐊᕐᑕᖏᑕᓗ ᐊᕕᒃᑐᕐᓯᒪᕕᒃᓴᖏᑦ ᐋᖅᑭᒃᓱᕐᓯᒪᕔᑦ,

²⁷ ᑍᒤᓕᐅᓚᐅᕐᐳᖅ ᒎᑎᒥᒃ ᕿᓂᖁᓪᓗᒋᑦ, ᐃᒃᐱᒋᓇᓱᐊᕐᓗᒍ ᓇᓂᔭᐅᖁᓪᓗᒍ. ᐅᖓᓯᒋᖏᒻᒪᑎᒍᑦ ᑕᒪᑦᑕ.

²⁸ ᐅᖃᐅᓯᐅᓯᒪᖕᒪᑦ, ‘ᑖᑦᓱᒪᓂ ᐃᓅᕗᒍᑦ ᐊᐅᓚᓪᓗᑕᓗ ᑕᑯᒃᓴᐅᕗᒍ’; ᐅᖃᐅᓯᕐᓂᒃ ᐋᖅᑭᒃᓱᐃᔨᖁᑎᓯ ᐃᓕᑦᓯᓐᓃᑦᑐᑦ ᐅᖃᕐᓯᒪᔪᖃᕐᒪᑕ, ‘ᐅᕙᒍᑦᑕᐅᖅ ᑖᑦᓱᒪ ᕿᑐᕐᖓᕆᕚᑎᒍᑦ.’

²⁹ ᑕᕝᕙ ᒎᑎᒧᑦ ᕿᑐᕐᖓᕆᔭᐅᒐᑦᑕ, ᐃᓱᒪᔪᒃᓴᐅᓐᖏᓚᒍᑦ ᒎᑎ ᐊᑦᔨᖃᕋᓱᒋᓗᒍ ᒎᓗᒥᒃ ᓯᐅᓪᕕᕆᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ, ᐃᓄᖕᓄᑦ ᓴᓇᓐᖑᐊᕈᓐᓇᑦᓯᐊᕐᑐᓄᑦ ᓴᓇᓐᖑᐊᕐᑕᐅᓯᒪᔪᒥᒃ.

³⁰ ᑍᒪᓐᖓᓂᑦ ᐃᓄᐃᑦ ᓇᓗᔫᓂᖏᑦ ᒎᑎᐅᑉ ᓱᖁᑎᒋᓚᐅᓐᖏᓔᑦ, ᒫᓐᓇᓕ ᐱᖁᔨᕗᖅ ᐃᓄᐃᑦ ᓇᓂᑐᐃᓐᓇᖅ ᐱᐅᖏᑦᑐᓕᓂᕐᒥᖕᓂᑦ ᖃᕿᐊᓕᖁᓪᓗᒋᑦ,

³¹ ᐅᓪᓗᒥᒃ ᐋᖅᑭᒃᓯᓯᒪᖕᒪᑦ ᐃᖅᑲᕐᑐᐃᔪᒪᓪᓗᓂ ᓯᓚᕐᔪᐊᕐᒥᐅᓂᒃ ᓇᓛᒎᑦᓯᐊᕐᓗᓂ, ᐃᓄᒃᑯᑦ ᓂᕈᐊᕐᓯᒪᔭᒥᒍᑦ, ᑕᒪᑐᒥᖓᓗ ᖁᓚᕐᓇᕈᓐᓃᕐᑎᑦᓯᕗᖅ ᑖᓐᓇ ᒪᑭᑎᓚᐅᕋᒥᐅᒃ ᑐᖁᒥᑦ.”

³² ᑖᒃᑯᐊ ᑐᓴᕋᒥᒃ ᑐᖁᖓᔪᑦ ᒪᑭᓐᓂᒃᓴᖓᓐᓂᒃ, ᐃᓚᖏᑦ ᒥᑕᐅᑎᖃᕐᐳᑦ; ᐃᓚᖏᓪᓕ ᐅᖃᕐᐳᑦ, “ᑕᒪᑐᒥᖓ ᐅᖃᐅᓯᖃᕐᑎᓪᓗᑎᑦ ᑐᓴᒃᑲᓐᓂᕈᒪᕗᒍᑦ.”

³³ ᑕᕝᕙ ᐸᐅᓗᓯᐅᑉ ᑲᑎᒪᔪᑦ ᕿᒪᒃᐰᑦ.

³⁴ ᐊᖑᑏᑦ ᐃᓚᖏᑕ ᐃᓚᒋᓕᕐᐹᑦ ᐅᒃᐱᓕᕐᓗᑎᒃ, ᐅᑯᐊ ᑕᕝᕙ ᐃᓚᖏᑦ ᑎᐅᓂᓯᐊᓯ, ᑲᑎᒪᔨᐅᖃᑕᐅᔪᖅ ᐊᕆᐅᐳᒐᓯᓂ ᐃᓚᐅᓪᓗᓂ, ᐊᕐᓇᕐᓗ ᑖᒪᕇᓯᒥᒃ ᐊᑎᓕᒃ, ᐊᓯᖏᓪᓗ ᐃᓄᐃᑦ ᐃᓚᐅᓕᓚᐅᕆᕗᑦ.