ᐋᐴᓯᑕᓖᑦ ᐱᓂᐊᕐᓂᖏᑦ 14 - ᐊᒡᓔᑦ ᐃᑦᔪᕐᖕᓁᑦᑐᑦ

ᐂᑯᓂᐊᒥᐅᑦ ᐊᔪᕆᕐᑐᕐᑕᐅᓂᖓᑦ

¹ ᐂᑯᓂᐊᒥ ᑍᒫᒃ ᓱᓕ ᐸᐅᓗᓯᒃᑯᒃ ᐸᓇᐹᓯᒃᑯᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐴᒃ, ᐅᖃᓪᓚᖕᒪᑎᒃ ᐃᓄᒋᐊᒃᑐᐊᓗᐃᑦ ᐅᒃᐱᓕᕐᐳᑦ ᔫᑎᓪᓗ ᒍᕇᑭᓪᓗ.

² ᔫᑎᓪᓕ ᐅᒃᐱᖏᑦᑐᑦ ᐅᐃᒪᔮᕐᑎᑦᓯᓕᕐᐳᑦ ᔫᑎᐅᖏᑦᑐᓂᒃ ᐊᑭᕋᕐᑐᕐᑕᐅᑎᑦᓯᓇᓱᐊᕐᓗᑎᒃ ᐅᒃᐱᕐᑐᓂᒃ.

³ ᑖᒃᑯᐊᒃ ᐊᑯᓂ ᑕᕝᕙᓃᑉᐴᒃ ᐊᔪᕆᕐᑐᐃᓪᓗᑎᒃ ᓯᕘᕋᓇᑎᒃ ᐊᑕᓂᖅ ᐱᑦᔪᑎᒋᓪᓗᒍ, ᐅᖃᐅᓯᕆᔭᖏᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓴᖅᑭᑎᑦᓯᕗᑦ ᓱᓕᑦᓯᐊᕐᓂᖓᓂᒡᓗ, ᐱᔪᓐᓇᕐᓂᖃᕐᑎᑕᐅᕗᓪᓗ ᑲᒪᓇᕐᑐᓕᓪᓗᑎᒃ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᑎᑕᐅᓪᓗᑎᒃ.

⁴ ᓄᓇᓖᑦ ᒪᕐᕈᐃᓕᕗᑦ; ᐃᓚᖏᑦ ᔫᑎᓂᒃ ᒪᓕᒡᓗᑎᒃ, ᐃᓚᖏᓪᓗ ᐋᐴᓯᑕᓕᖕᓂᒃ ᒪᓕᒡᓗᑎᒃ.

⁵ ᔫᑎᐅᖏᑦᑐᑦ ᔫᑎᓂᒃ ᐃᓚᖃᕐᓗᑎᒃ, ᐊᖓᔪᖅᑳᖏᓐᓂᒡᓗ ᐱᑦᓯᐊᖏᓐᓇᓱᐊᓕᕐᐳᑦ ᐋᐴᓯᑕᓕᖕᓄᑦ ᒥᓪᓗᕈᒪᓪᓗᒋᒃ.

⁶ ᑖᒃᑯᐊᓕ ᑕᒪᑐᒥᖓ ᖃᐅᔨᒐᒥᒃ ᕿᒫᕗᑦ ᓄᓇᓕᖕᓄᑦ ᓕᔅᑐᕋᒧᑦ ᑐᕐᐱᒧᓪᓗ ᓔᑲᐅᓂᐊᒦᑦᑐᒧᑦ, ᓄᓇᓕᖕᓄᓪᓗ ᖃᓂᒋᔭᖏᓐᓃᑦᑐᓄᑦ;

⁷ ᑕᕝᕙᓂ ᓄᓇᓕᖕᓂ ᐊᔪᕆᕐᑐᐃᕘᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.

ᓕᔅᑕᕆᒥ ᑑᕆᐱᒥᓗ

⁸ ᓕᔅᑐᕋᒥ ᐃᒃᓯᕙᔪᖃᓚᐅᕐᐳᖅ ᐊᖑᒻᒥᒃ, ᐃᓅᓕᕐᓂᕐᒥᓂᑦ ᓂᐅᖏᒃ ᓄᑭᖃᖏᑦᑑᖕᓂᒃ, ᐱᓱᓚᐅᕐᓯᒪᓇᓂ.

⁹ ᑖᓐᓇ ᑐᓵᓚᐅᕐᐳᖅ ᐸᐅᓗᓯ ᐊᔪᕆᕐᑐᐃᑎᓪᓗᒍ; ᐸᐅᓗᓯᐅᑉ ᑕᑯᓐᓇᓕᕐᐹ ᐅᒃᐱᕐᓂᖃᕐᓂᖓ ᐋᖅᑭᒃᑕᐅᔪᓐᓇᕐᓂᕐᒥᓂᒃ ᖃᐅᔨᒐᒥᐅᒃ,

¹⁰ ᓂᐱᖁᕐᑐᓪᓗᓂ ᐅᖃᐅᑎᕚ, “ᒪᑭᓪᓗᑎᑦ ᓂᑯᕕᒋᑦ.” ᓂᑯᕕᓐᓇᒥ ᐱᓱᓕᕐᐳᖅ.

¹¹ ᐃᓄᒐᓴᒡᔪᐊᓪᓕ ᐸᐅᓗᓯᐅᑉ ᑍᒤᑎᑦᓯᓂᖓᓂᒃ ᑕᑯᒐᒥᒃ, ᓂᐱᖅᑯᕐᑐᓪᓗᑎᒃ ᓔᑲᐅᓂᐊᒥᐅᑎᑐᑦ ᐅᖃᕐᐳᑦ, “ᒎᑎᓂᑦ ᐊᖅᑲᕐᕕᐅᕗᒍᑦ ᐊᖑᑎᑎᑐᑦ ᑕᐅᑐᖃᓕᕐᑐᓂᒃ!”

¹² ᐸᕐᓇᐹᓯ ᐊᑦᑎᕐᐹᑦ ᔨᐅᓯᒥᒃ, ᐸᐅᓗᓯᓗ ᕼᐊᕐᒥᓯᒥᒃ ᐊᑦᑎᕐᐹᑦ ᐅᖃᓪᓚᒃᑎᐅᓂᕐᓴᐅᖕᒪᑦ.

¹³ ᑕᕝᕙᓂ ᒎᑎᓐᖑᐊᒧᑦ ᔨᐅᓯᒧᑦ ᑐᒃᓯᐊᕐᕕᖓᑦ ᓄᓇᓕᖕᓄᑦ ᐃᑎᕐᑕᕐᕕᖏᑕ ᓯᓚᑎᑦᓯᐊᖓᓃᒻᒪᑦ, ᑐᓂᕐᕈᓯᕐᑎᑦᓯᔩᑦ ᐃᓚᖓᑦ ᕾᑎᑦᓯᕗᖅ ᐃᒻᒧᒃᓯᐅᒐᕐᓂᒃ, ᓄᓇᕋᕐᓂᒡᓗ ᓴᓇᓯᒪᔪᓂᒃ ᑖᒃᑯᓅᖓ ᑐᒃᓯᐊᕐᓗᑎᒃ ᑐᓂᕐᕈᓯᕐᕕᒋᔪᒪᓪᓗᒋᒃ.

¹⁴ ᐸᕐᓇᐹᓯᒃᑯᒃ ᐸᐅᓗᓯᒃᑯᒃ ᑕᒪᑐᒥᖓ ᑐᓴᕋᒥᒃ, ᐊᓐᓄᕌᑎᒃ ᐊᓕᒃᐰᑦ, ᑐᐊᕕᕐᓗᑎᒃ ᐃᓄᒋᐊᒃᑐᑦ ᐊᑯᓐᓂᖓᓄᐊᕐᐴᒃ; ᕾᒐᓛᕐᓗᑎᒃ.

¹⁵ “ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.

¹⁶ ᓯᕗᓂᑦᑎᓐᓂ ᒎᑎᐅᑉ ᐃᓄᓕᒫᑦ ᐃᓱᒪᕐᓱᕐᑎᓚᐅᕐᐰᑦ ᐱᔪᒪᔭᖏᓐᓄᑦ;

¹⁷ ᓇᓗᓁᕐᓯᔪᓂᒃ ᐃᒻᒥᓄᑦ ᑐᕌᖓᔪᓂᒃ ᓴᖅᑭᑎᑦᓯᖃᑦᑕᓚᐅᕐᐳᖅ, ᐱᑦᓯᐊᕐᓂᕐᒥᓂᒃ ᓴᖅᑭᑎᑦᓯᕙᒃᓗᓂ ᕿᓚᖕᒥᑦ ᓯᓚᓗᒃᑎᑦᓯᕙᒃᑲᒥ ᐊᑲᐅᓈᑦᓯᐊᕐᑐᒥᒃ, ᑐᓂᓯᕕᒋᕙᒃᐹᓯᓗ ᓂᕿᒃᓴᓂᒃ, ᖁᕕᐊᓱᖕᓂᖃᕐᑎᓪᓗᓯᓗ ᐃᓗᑦᓯᒍᑦ.”

¹⁸ ᐋᐴᓯᑕᓖᒃ ᑍᒫᒃ ᐅᖃᕋᓗᐊᕐᑎᓪᓗᒋᒃ ᐃᓄᐃᑦ ᑖᒃᑯᖕᓄᖓ ᑐᒃᓯᐊᕐᓗᑎᒃ ᑐᓂᕐᕈᓯᕈᒪᔪᑦ ᓄᖅᑲᖓᑎᑦᓱᓐᓇᕈᓐᓃᕐᐰᑦ.

¹⁹ ᔫᑎᑦ ᐊᓐᑎᐅᑭᐊᒥᑦ ᐱᓯᑎᐊᒦᑦᑐᒥᑦ ᐂᑯᓂᐊᒥᓪᓗ ᑎᑭᑉᐳᑦ; ᐃᓄᐃᑦ ᐃᒻᒥᒃᑎᑐᑦ ᐃᓱᒪᑖᕐᑎᑦᓴᕇᕋᒥᒋᑦ, ᐸᐅᓗᓯ ᒥᓪᓗᕐᐹᑦ ᐅᔭᖅᑲᓄᑦ ᐅᓂᐊᕐᓗᒍ ᓄᓇᓖᑦ ᓯᓚᑖᓄᑦ, ᑐᖁᓇᓱᒋᓪᓗᒍ.

²⁰ ᐃᓕᓐᓂᐊᕐᑏᓪᓕ ᐸᐅᓗᓯᐅᑉ ᐊᕙᑖᓂ ᓇᖏᓕᕐᑎᓪᓗᒋᑦ, ᒪᑭᑉᐳᖅ ᓄᓇᓕᖕᓄᑦ ᐅᑎᓕᕆᓪᓗᓂ; ᖃᐅᑎᓪᓗᒍ ᐸᕐᓇᐹᓯ ᐂᑉᐸᕆᓪᓗᒍ ᑐᕐᐱᒧᑦ ᐊᐅᓪᓚᕐᐴᒃ.

ᐊᓐᑎᐅᑭᐊᒧᑦ ᓯᕆᐊᒦᑦᑐᒧᑦ ᐅᑎᕐᓂᖓᑦ

²¹ ᑖᒃᑯᓄᖓᓕ ᐊᔪᕆᕐᑐᐃᓂᕐᒥᒍᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑑᕆᐱᒥ ᐊᒥᓱᓂᒃ ᒪᓕᒃᑎᖃᓕᕐᓗᑎᒃ ᓕᔅᑐᕋᒧᑦ ᐅᑎᕐᐴᒃ, ᐂᑯᓂᐊᒧᐊᕐᓗᑎᒃ, ᐊᒻᒪ ᐊᓐᑎᐅᑭᐊᒧᑦ ᐱᓯᑎᐊᒦᑦᑐᒧᑦ ᐅᑎᕆᕘᒃ,

²² ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

²³ ᐃᓚᒌᒃᑐᓂᑦ ᐊᑐᓂᑦ ᓂᕈᐊᕐᓯᔭᕇᕋᒥᒃ ᓯᕗᓕᕐᑎᐅᓂᐊᕐᑐᓂᒃ, ᑐᒃᓯᐊᕐᓂᒃᑯᑦ ᓂᕆᑦᑍᓕᓂᒃᑯᓪᓗ ᑐᓂᕔᑦ ᐊᑕᓂᕐᒧᑦ ᐅᒃᐱᕐᕕᒋᔭᒥᖕᓄᑦ.

²⁴ ᐱᓯᑎᐊ ᐊᖅᑯᓵᕐᓗᒍ, ᐸᒻᐱᓕᐊᒧᑦ ᑎᑭᒃᑭᕘᒃ.

²⁵ ᐴᕐᒐᒥ ᐊᔪᕆᕐᑐᐃᔭᕇᕋᒥᒃ, ᐊᑕᓔᐊᒧᑦ ᐂᓕᕆᕘᒃ;

²⁶ ᑕᕝᕙᓐᖓᑦ ᐅᒥᐊᒃᑯᑦ ᐊᓐᑎᐅᑭᐊᒧᑦ ᐅᑎᕆᕘᒃ, ᑍᑲᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᒃᓯᐅᑦᔭᐅᓪᓗᑎᒃ ᐱᒋᐊᕐᕕᒋᓚᐅᕐᑕᒥᖕᓄᑦ ᐃᓱᓕᑦᓯᕘᒃ.

²⁷ ᐊᓐᑎᐅᑭᐊᒧᑦ ᑎᑭᓐᓇᒥᒃ, ᐃᓚᒌᒃᑐᑦ ᑲᑎᖁᕔᑦ ᐅᓂᒃᑳᕐᕕᒋᓪᓗᒋᑦ ᑕᒤᓐᓂᒃ ᒎᑎᒧᑦ ᐱᓂᐊᕐᕕᐅᓂᕐᒥᖕᓂᒃ, ᐅᒃᑯᐃᕈᑦᔭᐅᓂᕐᒥᖕᓂᒃ ᔫᑎᐅᖏᑦᑐᑦ ᐅᒃᐱᕐᑎᑕᐅᖁᓪᓗᒋᑦ.

²⁸ ᐊᑯᓂ ᑕᕝᕙᓃᓕᕐᐴᒃ ᐃᓕᓐᓂᐊᕐᑎᑦ ᐃᓚᒋᓪᓗᒋᑦ.