ᑎᒧᑎᒧᑦ ᐂᑉᐸᖏᑦ 3 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᓪᓗᐃᑦ ᑭᖑᓪᓕᕐᐹᖏᑦ

¹ ᐅᓇ ᖃᐅᔨᒪᓕᕈᒃ, ᐅᓪᓗᐃᑦ ᑭᖑᓪᓕᖏᓐᓂ ᐃᓅᓯᕐᒧᑦ ᐊᒃᓱᕈᕐᓇᕐᑐᖃᕈᒫᕐᒪᑦ.

² ᐃᓄᖃᓕᕈᒫᕐᒪᑦ ᓇᖕᒥᓂᑐᐊᖅ ᐃᓱᒪᒋᔪᓂᒃ, ᑮᓇᐅᔭᓂᒃ ᐱᔪᒪᓗᐊᕐᑐᓂᒃ, ᐱᐅᔪᕆᔪᓂᒃ, ᐊᓯᒥᖕᓂᒃ ᓈᓚᒍᓐᓇᖏᑦᑐᓂᒃ, ᒥᑕᐅᑎᖃᕐᑎᓂᒃ, ᐊᖓᔪᖅᑳᒥᖕᓂᒃ ᐊᑖᑕᒃᑯᒻᒥᖕᓂᒃ ᐊᓈᓇᑯᒻᒥᖕᓂᒃ ᓈᓚᖏᑦᑐᓂᒃ, ᖁᔭᓕᔪᓐᓇᖏᑦᑐᓂᒃ, ᐅᒃᐱᕐᓂᖃᖏᑦᑐᓂᒃ.

³ ᑐᓐᖓᓇᖏᑦᑐᓂᒃ, ᐃᓱᒪᒋᔪᓐᓁᕐᕕᖃᕈᓐᓇᖏᑦᑐᓂᒃ, ᐅᖃᐅᑎᒃᓴᕐᑎᓂᒃ, ᐱᔪᒪᔭᓕᒫᒥᖕᓂᒃ ᐊᑐᑐᐃᓐᓇᕐᑐᓂᒃ, ᑲᑉᐱᐊᓵᕆᔨᓂᒃ, ᐱᐅᔪᒥᒃ ᐆᒥᓱᒃᑎᓂᒃ;

⁴ ᐱᔭᐅᒃᑬᔨᓂᒃ, ᐃᓕᕋᒃᑯᑎᔪᓐᓇᖏᑦᑐᓂᒃ, ᐱᓯᑎᐅᔪᕆᓂᕐᒧᑦ ᐱᐅᔪᕆᓗᐊᕐᑐᓂᒃ, ᖁᕕᐊᒋᔭᒥᖕᓂᒃ ᐅᖓᓂᕐᓴᐅᔪᓂᒃ ᒎᑎᒥᑦ;

⁵ ᑕᑯᒃᓴᐅᔪᒃᑯᑦ ᐅᒃᐱᕐᓂᕐᒦᑦᑑᔮᕐᑐᓂᒃ ᐱᔪᓐᓇᕐᓂᖓᓂᒡᓕ ᐅᖃᐅᓯᖃᖏᑦᑐᓂᒃ. ᑍᒤᑦᑐᑦ ᐃᓚᒋᓂᐊᕐᓇᒋᑦ.

⁶ ᐃᓚᖏᑦ ᐃᒡᓗᓄᑦ ᐃᔨᕋᕐᑐᕐᓗᑎᒃ ᐅᐸᒍᑎᖃᑦᑕᕐᐳᑦ ᐊᕐᓇᓂᒃ ᐱᔭᕐᓂᕐᑐᓂᒃ ᕿᓂᕐᓗᑎᒃ, ᐊᔪᕐᓂᕐᓄᑦ ᐅᖁᒤᑦᔪᑎᖃᕐᑐᓂᒃ ᐃᒃᖠᒎᕐᓂᕐᓄᓪᓗ ᓱᓇᑐᐃᓐᓇᕐᓄᑦ ᐊᐅᓚᑕᐅᔪᓂᒃ.

⁷ ᓇᓪᓕᐊᓐᓄᑐᐃᓐᓇᖅ ᑐᑭᓯᓇᓱᐊᖃᑦᑕᕐᐳᑦ ᓱᓕᓂᕐᒥᒡᓕ ᖃᐅᔨᔪᓐᓇᓐᖏᓚᑦ.

⁸ ᔮᓂᔅᑐᑦ ᔭᒻᐳᕆᓯᑐᓪᓗ ᒨᓯᓯᒥᒃ ᐊᑭᕋᕐᑐᓚᐅᕐᒪᑎᒃ, ᑍᒫᒃᑕᐅᖅ ᑖᒃᑯᐊ ᐊᖑᑎᑦ ᓱᓕᔪᒥᒃ ᐊᑭᕋᕐᑐᕆᕗᑦ; ᐃᓱᒪᖏᑦ ᐊᓯᕈᕐᑕᐅᓯᒪᕗᑦ ᐅᒃᐱᕐᓂᕐᒥᓪᓗ ᑲᑕᒃᓯᒪᓪᓗᑎᒃ.

⁹ ᐊᑯᓂᓕ ᑍᒤᓕᐅᕈᓐᓇᕐᓂᐊᓐᖏᓚᑦ, ᑕᒤᓐᓂᑦ ᖃᐅᔨᔭᐅᓂᐊᕐᒪᑕ ᓯᓔᓐᓂᖏᑦ, ᑍᒃᑯᑎᑐᓇᖅ ᐊᖑᑎᑎᑐᑦ ᑍᒤᓕᐅᓚᐅᕐᑐᑎᑐᑦ.

ᐅᖃᐅᑦᔪᐃᓃᑦ ᑭᖑᓪᓕᕐᐹᑦ

¹⁰ ᐊᔪᕆᕐᑐᐃᓂᕋ ᑕᑯᓐᓈᕐᓯᒪᒐᕕᐅᒃ, ᐱᐅᓯᕋᓗ, ᐃᓅᓯᕐᒥᓗ ᑐᕌᕋᓱᐊᕐᑕᕋ, ᐅᒃᐱᕐᓂᕋ, ᕿᓄᐃᓵᕐᓂᕋ, ᓇᒡᓕᖕᓂᕋ, ᐊᒃᓱᕈᕐᓇᕐᑐᓃᖃᑦᑕᕐᓂᕋ,

¹¹ ᐊᑭᕋᕐᑐᕐᑕᐅᓂᒃᑲ, ᐋᓐᓂᐊᑎᑕᐅᓂᒃᑲ, ᐊᓐᑎᐅᑭᐊᒥ ᐱᓂᐊᕐᕕᐅᓯᒪᓂᕋ, ᐂᑯᓂᐊᒥ, ᓕᔅᑐᕋᒥᓗ, ᐊᑭᕋᕐᑐᕐᑕᐅᓂᕐᒥᒡᓗ ᐊᖏᔪᒥᒃ ᐊᓂᒍᐃᔪᓐᓇᓚᐅᕋᒪ; ᐊᑕᓂᐅᓪᓕ ᓴᐳᑎᓚᐅᕐᐹᖓ ᑕᒪᒃᑯᓇᖓᑦ ᑕᒤᓐᓂᑦ.

¹² ᐅᒃᐱᑦᓯᐊᕐᑑᔪᒪᔪᓕᒫᑦ ᙭ᔅᑑᓯ ᔩᓱᓯᒥ ᐊᑭᕋᕐᑐᕐᑕᐅᓂᐊᕐᒪᑕ,

¹³ ᐱᐅᖏᑦᑐᓕᔪᓪᓕ ᐱᐅᔫᓐᖑᐊᕐᑐᓪᓗ ᐱᐅᓐᖏᓕᕙᓪᓕᐊᓂᐊᕐᐳᑦ, ᑕᒻᒪᕐᑎᑦᓯᓗᑎᒃ ᑕᒻᒪᕐᑎᑕᐅᓗᑎᒡᓗ.

¹⁴ ᐃᕝᕕᓪᓕ, ᓱᕐᕋᒃᑍᓕᒋᑦ ᐃᓕᓐᓂᐊᕐᑎᑕᐅᑦᔪᑎᒋᓚᐅᕐᑕᕐᓂᑦ ᐅᒃᐱᕐᓂᕆᔭᕐᓂᓪᓗ, ᖃᐅᔨᒪᓪᓗᑎᓪᓗ ᓇᓪᓕᐊᓐᓂᑦ ᐃᓕᑎᑕᐅᓚᐅᕐᒪᖔᕐᐱᑦ,

¹⁵ ᓄᑕᕋᐅᓂᕐᓂᓪᓗ ᐊᒡᓔᑦ ᖃᐅᔨᒪᒐᕕᒋᑦ ᐱᐅᓕᔭᐅᓐᓇᕐᑐᒥᒃ ᖃᐅᔨᑎᑦᓯᔪᓐᓇᕐᓂᖏᓐᓂᒃ ᐅᒃᐱᕐᓂᒃᑯᑦ ᙭ᔅᑑᓯ ᔩᓱᓯᒥᒃ.

¹⁶ ᒎᑎᐅᑉ ᐅᖃᐅᓯᕆᓯᒪᔭᖏᑦ ᐃᓘᓐᓇᑎᒃ ᒎᑎᐅᑉ ᐃᓱᒪᓕᐅᕈᑎᒋᓯᒪᖕᒪᒋᑦ ᐊᑐᕐᓇᕐᐳᑦ ᐊᔪᕆᕐᑐᐃᓂᕐᒧᑦ, ᐃᓂᕐᑎᕆᓂᕐᒧᑦ, ᐋᖅᑭᒋᐊᕐᑕᐅᓂᕐᒧᑦ, ᐃᓅᑦᓯᐊᕐᓂᕐᒧᓪᓗ ᐃᓕᓐᓂᐊᕈᑎᒃᓴᐅᓪᓗᑎᒃ,

¹⁷ ᒎᑎᐅᑉ ᐃᓄᖁᑎᖓ ᓈᒻᒪᒃᓯᑦᓯᐊᖁᓪᓗᒍ, ᐱᓇᓱᐊᕈᓐᓇᕐᓯᖁᓪᓗᒍᓗ ᐱᐅᔪᓂᒃ ᐱᓇᓱᐊᕐᓂᓕᒫᓂᒃ.