ᑎᒧᑎᒧᑦ ᐂᑉᐸᖏᑦ 2 - ᐊᒡᓔᑦ ᐃᑦᔪᕐᖕᓁᑦᑐᑦ

ᔩᓱᓯ ᙭ᔅᑑᓯᐅᑉ ᐅᓇᑕᕐᑐᒃᓴᖁᑎᖓ ᓈᓚᑦᓯᐊᕐᑐᖅ

¹ ᐃᑉᕕᓪᓕ ᐃᕐᓃᒃ ᓴᓐᖏᔫᓕᕆᑦ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᙭ᔅᑑᓯ ᔩᓱᓯᒦᑦᑐᒃᑯᑦ,

² ᐊᔪᕆᕐᑐᐃᓂᒃᑲᓗ ᑐᓴᓚᐅᕐᑕᑎᑦ ᐃᓄᐃᑦ ᐊᒥᓱᑦ ᑐᓵᑎᓪᓗᒋᑦ ᑲᒪᒋᔭᐅᖁᒃᑭᑦ ᐱᓇᓱᐊᑦᓯᐊᕈᓐᓇᕐᑐᓄᑦ ᐊᔪᕆᕐᑐᐃᔪᓐᓇᕋᔭᕐᑐᓄᓪᓗ ᐊᓯᒥᖕᓂᒃ.

³ ᐊᒃᓱᕈᕐᓇᕐᑐᒦᖃᑕᐅᒋᑦ ᐅᓇᕐᑕᕐᑐᒃᓴᑦᓯᐊᕙᒃᑎᑐᑦ ᙭ᔅᑑᓯ ᔩᓱᓯᒧᑦ.

⁴ ᐅᓇᑕᕐᑐᒃᓴᖅ ᐅᓇᑕᕆᐊᕐᓯᒪᔪᖅ ᐅᓇᑕᕐᑐᒃᓴᐅᖏᑦᑐᑎᑐᑦ ᐃᓄᓯᖃᕋᓱᐊᕐᓂᐊᓐᖏᓚᖅ, ᐅᓇᑕᕐᑐᒃᓴᐅᓂᕐᒧᑦ ᐊᖓᔪᖅᑳᕆᔭᐅᔪᒧᑦ ᐊᑲᐅᒋᔭᐅᔪᒪᒐᒥ.

⁵ ᐱᒃᑯᓴᐅᑦᔪᐊᖃᑕᐅᔪᖅ ᓵᓚᖃᕐᓂᐊᓐᖏᓚᖅ ᐱᒃᑯᓴᐅᑦᔪᐊᕐᑐᑦ ᒪᓕᒋᐊᓕᖏᓐᓂᒃ ᒪᓕᑦᓯᐊᕐᓗᓂ ᑭᓯᐊᓂ.

⁶ ᐱᕈᕐᓰᕕᓕᕆᔨ ᐊᒃᓱᕈᕐᓗᓂ ᐱᓇᓱᐊᕐᓯᒪᔪᖅ ᐱᕈᕐᑐᓂᒃ ᓯᕗᓪᓕᕐᐹᖑᓗᓂ ᐱᑖᕐᑐᒃᓴᐅᕗᖅ.

⁷ ᐅᖃᐅᓯᕆᔭᒃᑲ ᐃᓱᒪᒃᓴᕐᓯᐅᕈᑎᒋᒃᑭᑦ, ᐊᑕᓂᐅᑉ ᑕᒤᓐᓂᒃ ᑐᑭᓯᑎᓐᓂᐊᕐᐹᑎᑦ.

⁸ ᐃᖅᑲᐅᒪᒍᒃ ᔩᓱᓯ ᙭ᔅᑑᓯ, ᑐᖁᖓᔪᓂᑦ ᒪᑭᓯᒪᔪᖅ, ᑍᕕᑎᐅᑉ ᑭᖑᕚᖓ, ᐅᖃᐅᓯᕐᓂ ᑐᓴᕈᒥᓇᕐᑐᓂ ᐅᖃᐅᑎᒋᕙᒃᑕᕋ,

⁹ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕙᖕᓂᓐᓄᑦ ᐊᒃᓱᕈᕐᓇᕐᑐᒦᑉᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᑕᐅᓯᒪᓪᓗᖓ ᐱᕋᔭᒃᑎᑐᑦ. ᒎᑎᐅᓪᓕ ᐅᖃᐅᓯᖓ ᕿᓚᒃᓱᕐᑕᐅᓯᒪᓐᖏᓚᖅ.

¹⁰ ᑍᒤᒻᒪᑦ ᑕᒪᕐᒥᒃ ᕿᓄᐃᓵᕈᑎᒋᕙᒃᑲ ᒎᑎᐅᑉ ᓂᕈᐊᕐᓯᒪᔭᖏᑦ ᐱᑦᔪᑎᒋᓪᓗᒋᑦ, ᑖᒃᑯᐊᑦᑕᐅᖅ ᐱᐅᓕᔭᐅᔪᓐᓇᖁᓪᓗᒋᑦ ᙭ᔅᑑᓯ ᔩᓱᓯᒃᑯᑦ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᖅ ᐃᓚᒋᓗᒍ.

¹¹ ᐅᖃᐅᓰᑦ ᐅᑯᐊ ᓱᓕᕗᑦ: “ᑐᖁᖃᑎᒋᓯᒪᒍᑦᑎᒍ, ᐃᓅᖃᑎᒋᔪᒫᕆᕙᕗᑦᑕᐅᖅ;

¹² ᕿᓄᐃᓵᕈᑦᑕ, ᐊᐅᓚᑦᓯᖃᑎᒋᔪᒫᕆᕙᕗᑦ; ᖃᐅᔨᒪᖏᓐᓂᕋᕈᑦᑎᒍ, ᖃᐅᔨᒪᖏᓐᓂᕋᕈᒫᕆᕚᑎᒍᑦᑕᐅᖅ;

¹³ ᐅᒃᐱᖏᒃᑲᓗᐊᕈᑦᑕ, ᑖᓐᓇ ᓱᕐᕋᖕᓂᐊᓐᖏᓚᖅ, ᐃᒻᒥᓂᒃ ᒥᓯᐊᕈᑎᒋᔪᓐᓇᖏᓐᓇᒥ.”

ᐱᔨᑦᓯᕐᑐᖅ ᓈᒻᒪᒋᔭᐅᔪᖅ

¹⁴ ᑕᒪᑐᒥᖓ ᐃᖅᑬᑎᒃᑭᑦ, ᐊᑕᓂᐅᓪᓗ ᓵᖓᓂ ᐅᖃᐅᑎᒃᑭᑦ ᐂᕙᑦᔪᑎᖃᖃᑦᑕᖁᓇᒋᑦ ᐅᖃᐅᓯᑐᐃᓐᓁᑦ ᐱᑦᔪᑎᒋᓗᒋᑦ, ᑕᒪᓐᓇ ᐊᑑᑎᖃᖏᒻᒪᑦ, ᓱᕋᒍᑎᑐᐃᓐᓇᐅᖕᒪᓪᓗ ᑐᓵᔪᓄᑦ.

¹⁵ ᒎᑎᒧᓪᓕ ᐃᒻᒥᓂᒃ ᑐᓂᓕᕆᑦ ᓈᒻᒪᒋᔭᐅᔪᑎᑐᑦ, ᐱᓇᓱᐊᕐᑎ ᐱᓇᓱᐊᒐᕐᒥᓂᒃ ᑲᓐᖑᓲᑎᖃᕆᐊᖃᖏᒻᒪᑦ, ᓱᓕᔪᑦ ᐅᖃᐅᓰᑦ ᐊᑐᑦᓯᐊᕐᓗᒋᑦ.

¹⁶ ᐅᒃᐱᕐᓂᕐᒧᑦ ᐃᑲᔪᖏᑦᑐᓂᒃ ᐅᖃᐅᓯᓖᑦ ᐃᓚᒋᓂᐊᕐᓇᒋᑦ, ᑍᒤᓕᐅᕐᑐᑦ ᐃᓄᖕᓂᒃ ᐅᖓᓯᒃᓯᕙᓪᓕᐊᑎᑦᓯᖕᒪᑕ ᒎᑎᒥᑦ.

¹⁷ ᐅᖃᐅᓯᖏᓪᓗ ᐊᒥᕐᓗᒃᑎᑐᑦ ᐅᕕᓂᖕᒥᒃ ᐃᓚᓐᖎᕙᓪᓕᐊᔪᑎᑐᑦ ᑍᒤᑉᐳᑦ. ᑍᒃᑯᑎᑐᓇᖅ ᕼᐂᒥᓂᐅᓯᑐᑦ ᐰᓖᑕᓯᑐᓪᓗ,

¹⁸ ᑖᒃᑯᐊᒃ ᓱᓕᓂᕐᒥᑦ ᓴᖑᓯᒪᖕᒪᑎᒃ ᒪᑭᕝᕕᒃᓴᒥᒃ ᐊᓂᒍᕇᕐᓯᒪᓂᕅᓪᓗᑎᒃ ᐅᖃᓪᓚᖃᑦᑕᕐᓗᑎᒃ. ᐅᒃᐱᕐᑐᓪᓗ ᐃᓚᖏᓐᓂᒃ ᒪᓕᒃᓴᕐᑎᑦᓯᓯᒪᓕᕐᐴᒃ.

¹⁹ ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”

²⁰ ᐃᒡᓗᒥ ᐊᖏᔪᒥ ᓂᕐᕆᑎᑕᖃᕐᒪᑦ ᐊᑦᔨᒌᖏᑦᑐᓂᒃ; ᐃᓚᖏᑦ ᒎᓘᕗᑦ ᐃᓚᖏᑦ ᓯᐅᓪᕕᕆᐅᓪᓗᑎᒃ, ᐃᓚᖏᓪᓕ ᕿᔫᕗᑦ ᐃᓚᖏᓪᓗ ᒪᕐᕋᐅᓪᓗᑎᒃ, ᐃᓚᖏᓪᓗ ᓇᓪᓕᐅᓐᓂᕐᓯᐅᕐᑐᖃᓕᕐᐸᑦ ᐊᑐᒐᒃᓴᓕᐊᖑᓯᒪᕗᑦ; ᐃᓚᖏᑦ ᖃᐅᑕᒫᑦ ᐊᑐᒐᒃᓴᓕᐊᕆᓯᒪᓪᓗᑎᒃ.

²¹ ᐱᐅᖏᓐᓇᕐᑐᓂᒃ ᐊᑐᕐᑍᓕᔪᖃᕈᓐᓇᕐᐸᑦ ᑖᓐᓇ ᐊᑐᒐᒃᓴᓐᖑᕐᑎᑕᐅᓂᐊᕐᐳᖅ ᓇᓪᓕᐅᓐᓂᕐᓯᐅᕐᑐᓂ, ᓴᓂᕐᕙᒃᑕᐅᓯᒪᓂᐊᕐᐳᕐᓗ ᐊᖓᔪᖅᑳᒥᓄᑦ ᐱᓪᓚᕆᖕᒧᑦ ᐊᑐᒐᒃᓴᐅᖁᓪᓗᒍ, ᐊᑐᐃᓐᓇᐅᓗᓂ ᓱᓇᑐᐃᓐᓇᕐᓄᑦ ᐱᐅᔪᓄᑦ ᐊᑐᕐᑐᒃᓴᐅᓗᓂ.

²² ᐃᓅᓱᒃᑐᑦ ᐃᒃᓯᒎᕐᓂᖏᑦ ᐃᓚᒋᓂᐊᕐᓇᒋᑦ ᐃᓗᐊᕐᑐᓕᓂᕐᒥᒡᓕ ᓯᕗᓂᖃᕆᑦ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᓮᒻᒪᓂᕐᒥᒡᓗ, ᐊᑕᓂᕐᒧᑦ ᑐᒃᓯᐊᕐᑐᑦ ᐃᓚᒋᓗᒋᑦ ᐆᒻᒪᑎᒥᒍᑦ ᐃᑦᔪᕐᓁᑦᑐᒃᑯᑦ.

²³ ᓯᓔᑦᑐᑦ ᐃᓚᒋᓂᐊᕐᓇᒋᑦ, ᓇᓗᓂᕐᒧᑦ ᐊᑭᕋᕐᑑᑎᓃᑦ; ᑕᒪᒃᑯᐊ ᖃᐅᔨᒪᒐᕕᒋᑦ ᐂᕙᐅᑎᓂᕐᒥᒃ ᓴᖅᑭᑎᑦᓯᑐᐃᓐᓇᕐᒪᑕ.

²⁴ ᐊᑕᓂᐅᑉ ᐱᔨᑦᓯᕐᑎᖁᑎᖓ ᐂᕙᔨᐅᔪᒃᓴᐅᖏᒻᒪᑦ ᐱᑦᓯᐊᕐᑐᒃᓴᐅᕗᕐᓕ ᐃᓅᖃᑎᓕᒫᒥᓄᑦ, ᐊᔪᕆᕐᑐᐃᑦᓯᐊᕈᓐᓇᕐᓗᓂ, ᕿᓄᐃᓵᕈᓐᓇᕐᓗᓂ,

²⁵ ᐊᑭᕋᕐᑐᕐᑎᒥᓂᒃ ᐱᑦᓯᐊᕐᓂᒃᑯᑦ ᐋᖅᑭᒋᐊᕐᓯᔪᓐᓇᕐᓗᓂ. ᒎᑎᐅᑉ ᓈᒻᒪᒋᔭᖓᒍᑦ ᓵᒋᐊᕈᓐᓇᖁᓪᓗᒋᑦ ᓱᓕᓂᕐᒥᒃ ᖃᐅᔨᓗᑎᒃ,

²⁶ ᓵᑖᓇᓯᐅᓪᓗ ᓂᒐᖓᓂᑦ ᓴᐳᑎᔭᐅᖁᓪᓗᒋᑦ, ᑖᑦᓱᒧᖓ ᑎᒍᔭᐅᓂᕐᒥᖕᓄᑦ ᐱᔪᒪᔭᖓᓂᒃ ᒪᓕᓕᓚᐅᕐᓂᕆᔭᒥᖕᓂᑦ.