ᓴᒧᐃᓕ ᐂᑉᐸᖏᑦ 19 - ᐊᒡᓔᑦ ᐃᑦᔪᕐᖕᓁᑦᑐᑦᔪᐊᐱᐅᑉ ᓱᐊᖕᓂᖓ ᑍᕕᑎᒥᒃ 1 ᔪᐊᐱ ᐅᖃᐅᑦᔭᐅᕗᖅ, “ᑕᑯᒋᑦ ᐊᖓᔪᖅᑳᕐᔪᐊᑉ ᑍᕕᑎ ᕿᐊᑦᔪᑎᖃᕐᐳᖅ ᕿᒃᓵᒍᑎᖃᕐᓗᓂᒡᓗ ᐋᑉᓴᓚᒻᒥᒃ.” 2 ᓵᓚᖃᕐᓂᐅᑉ ᖁᕕᐊᓇᕐᓂᖓ ᖁᕕᐊᓱᖏᓐᓂᕐᒧᑦ ᓵᑎᑕᐅᓚᐅᕐᐳᖅ ᑍᕕᑎᐅᑉ ᐃᓄᖁᑎᓕᒫᖏᓐᓄᑦ; ᐅᓪᓗᒥ ᑖᑦᓱᒪᓂ, ᑐᓴᕋᒥᒃ ᐊᖓᔪᖅᑳᕐᔪᐊᑉ ᕿᒃᓵᖕᓂᖓᓂᒃ ᐃᕐᓂᓂ ᐱᓪᓗᒍ. 3 ᐅᑎᓚᐅᕐᐳᓪᓗ ᐃᒡᓗᒐᓴᖕᓄᑦ ᓂᐰᑦᑑᓪᓗᑎᒃ, ᑲᓐᖑᓱᒃᑐᑎᑐᑦ ᕿᒫᔪᕕᓂᐅᓂᕐᒧᑦ ᐅᓇᑕᕐᑐᓂᑦ. 4 ᐊᖓᔪᖅᑳᕐᔪᐊᑉ ᑮᓇᓂ ᐅᓕᒃᓯᒪᓚᐅᕐᐹ, ᓂᐱᖅᑯᕐᑐᓪᓗᓂᓗ ᕿᐊᓚᐅᕐᐳᖅ, “ᐃᕐᓃᒃ! ᐃᕐᓃᒃ ᐋᑉᓴᓛᒻ! ᐋᑉᓴᓛᒻ ᐃᕐᓃᒃ!” 5 ᑕᕝᕙ ᔪᐊᐱ ᐊᖓᔪᖅᑳᕐᔪᐊᑉ ᐃᓪᓗᖓᓄᐊᕐᐳᖅ ᐅᖃᐅᑎᓪᓗᒍᓗ, “ᐅᓪᓗᒥ ᐃᓄᖁᑎᑎᑦ ᑲᓐᖑᓇᕐᑐᒦᑎᑉᐸᑎᑦ ᐃᓄᐃᑦ ᐃᓕᖕᓂᒃ ᐱᐅᓕᒃᓯᓚᐅᕐᑐᑦ ᐃᕐᓂᑎᓪᓗ ᐸᓂᑎᓪᓗ ᐃᓅᓯᖏᓐᓂᒃ ᓄᓕᐊᕕᓪᓗ ᐃᓅᓯᖏᓐᓂᒃ. 6 ᐃᓕᖕᓂᒃ ᓇᒡᓕᒍᓱᒃᑐᑦ ᐊᑭᕋᕐᑐᕋᕕᒋᑦ ᐃᑲᔪᕐᑐᖔᕐᓗᒋᓪᓗ ᐃᓕᖕᓂᒃ ᐆᒥᓱᒃᑐᑦ! ᓇᓗᓁᑦᓯᐊᕋᕕᐅᒃ ᐊᖓᔪᖅᑳᖁᑎᑎᑦ ᐃᓄᖁᑎᑎᓪᓗ ᐃᓕᖕᓄᑦ ᓱᓇᐅᖏᒻᒪᑕ; ᖃᐅᔨᕗᖓ ᐃᕐᓃᑦ ᐋᑉᓴᓚᒻ ᐃᓅᒃᐸᑦ ᐅᓪᓗᒥ ᐅᕙᒍᓪᓗ ᑐᖁᔪᐃᓐᓇᐅᒐᓗᐊᕈᑦᑕ ᖁᕕᐊᓱᒐᔭᕐᑐᑎᑦ. 7 ᒫᓐᓇ ᑍᒤᒻᒪᑦ ᐂᓕᕆᑦ ᐃᓄᖁᑎᑎᓪᓗ ᓇᓗᓁᕐᓯᕕᒋᑦᓯᐊᓕᒃᑭᑦ; ᓱᓕᑦᓯᐊᕐᐳᖓ ᐊᑕᓂᐅᑉ ᐊᑎᖓᓂ ᑍᒤᓐᓂᐊᓐᖏᑐᐊᕈᕕᑦ ᐊᑕᐅᓯᕐᒥᒡᓘᓐᓃᑦ ᐃᓕᖕᓃᑦᑐᖃᕐᓂᐊᕈᓐᓁᕐᐳᖅ; ᑕᒪᓐᓇ ᐃᓕᖕᓄᑦ ᐱᐅᖏᓐᓂᕐᓴᐅᓂᐊᕐᐳᖅ ᐊᒃᓱᕈᕐᓇᕐᑐᓂᑦ ᑕᒤᓐᓂᑦ ᐊᑐᖃᑦᑕᓚᐅᕐᑕᕐᓂᑦ.” 8 ᑕᕝᕙ ᐊᖓᔪᖅᑳᕐᔪᐊᖅ ᒪᑭᑉᐳᖅ, ᐂᓪᓗᓂᓗ ᐃᖏᑉᐳᖅ ᐃᒡᓗᒐᓮᑦ ᐃᑎᕐᑕᕐᕕᖓᑕ ᓴᓂᐊᓄᑦ. ᐃᓄᖁᑎᖏᑕᓕ ᑍᑲᓃᓐᓂᖓ ᑐᓴᕋᒥᑦᔪᒃ, ᑕᒪᕐᒥᒃ ᑍᑯᖓ ᐂᕗᑦ ᑖᑦᓱᒧᖓ. ᑍᒤᓕᐅᕐᑎᓪᓗᒋᓪᓕ ᐃᓴᕆᐊᓕᒥᐅᓕᒫᑦ ᕿᒫᓚᐅᕐᐳᑦ ᓄᓇᒥᖕᓄᑦ. ᑍᕕᑎᐅᑉ ᐅᑎᕐᐸᓪᓕᐊᓂᖓ ᔨᕉᓴᓕᒻᒧᑦ 9 ᓄᓇᓕᓕᒫᓂ ᐃᒻᒥᖕᓄᑦ ᐊᑭᕋᕐᑑᑎᓕᓚᐅᕐᐳᑦ. ᐃᒻᒥᖕᓄᓪᓗ ᐅᖃᕐᓗᑎᒃ, “ᐊᖓᔪᖅᑳᕐᔪᐊᑉ ᑍᕕᑎᐅᑉ ᓴᐳᑎᓚᐅᕐᐹᑎᒍᑦ ᐊᑭᕋᑦᑎᓐᓂᑦ, ᐱᐅᓕᓚᐅᕐᐹᑎᒍᓪᓗ ᐱᓕᔅᑍᓂᒥᐅᓂᑦ, ᒫᓐᓇᓕ ᐋᑉᓴᓚᒻᒥᑦ ᕿᒫᓯᒪᕗᖅ ᓄᓇᑦᑕ ᐊᓯᐊᓄᑦ. 10 ᐋᑉᓴᓚᒻ ᒥᖑᐊᓚᐅᕐᐸᕗᑦ ᐊᖓᔪᖅᑳᕐᔪᐊᕐᑖᕆᔪᒪᓪᓗᑎᒍᑦ, ᑭᓯᐊᓂᓕ ᑐᖁᑕᐅᓯᒪᕗᖅ ᐅᓇᑕᕐᑐᓂ. ᓱᖕᒪᓪᓕ ᐊᖓᔪᖅᑳᕐᔪᐊᖅ ᑍᕕᑎ ᐅᑎᕐᑎᑕᐅᓇᓱᓐᖏᓛᖅ?” 11 ᐱᕙᓪᓕᐊᔪᑦ ᐃᓴᕆᐊᓕᒥᐅᑦ ᐅᖃᐅᓯᖏᑦ ᑎᑭᐅᑎᖕᒪᑕ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ. ᑍᒤᒻᒪᑦ ᑎᓕᓚᐅᕐᐰᑦ ᑐᓂᕐᕈᓯᕐᑎᑦᓯᔩᒃ ᔭᑑᒃᓗ ᐊᐰᐊᑕᓗ ᐅᖃᕆᐊᕐᑐᖁᓪᓗᒋᑦ ᔫᑕᐅᑉ ᐊᖓᔪᖅᑳᖏᓐᓄᑦ, “ᓱᖕᒪᑦ ᑭᖑᓪᓕᕐᐸᐅᔭᕆᐊᖃᕐᐱᓰᑦ ᐅᑎᕐᑎᑦᓯᓗᓯ ᐊᖓᔪᖅᑳᕐᔪᐊᕐᒥᒃ ᐊᖓᔪᖅᑲᐅᕕᖁᑎᖓᓄᑦ ᐊᖏᕐᕋᖓᓄᑦ? 12 ᑎᒥᒃᑯᑦ ᐃᓚᒋᕙᑦᓯ, ᓇᖕᒥᓂᖅ ᐅᕕᓂᒋᕙᑦᓯ ᐊᐅᒋᓪᓗᓯᓗ; ᓱᖕᒪᓪᓕ ᑭᖑᓪᓕᕐᐸᐅᔭᕆᐊᖃᕐᐱᓰ ᐅᑎᕐᑎᑦᓯᓗᓯ ᐊᖓᔪᖅᑳᕐᔪᐊᕐᒥᒃ?” 13 ᑍᕕᑎᐅᑉ ᐅᖃᖁᓚᐅᕆᕔᑦ ᐊᒪᓴᒧᑦ, “ᑎᒥᒃᑯᑦ ᐃᓚᒋᕙᒋᑦ ᒫᓐᓇᒥᑦ ᑲᒪᔨᐅᑎᓐᓂᐊᕐᐸᒋᑦ ᐅᓇᑕᕐᑐᒃᓴᓂᒃ ᔪᐊᐱ ᑭᖑᕝᕕᕐᓗᒍ, ᒎᑎᐅᑉ ᓱᒋᐊᕐᓂᐊᕐᐹᖓ ᑍᒤᑎᑦᓯᓂᐊᓐᖏᑐᐊᕈᒪ!” 14 ᑍᕕᑎᐅᓪᓗ ᐅᖃᐅᓯᖏᑦ ᓵᓚᖃᕐᐳᑦ ᔫᑕᒥᐅᓕᒫᑦ ᐅᐱᒍᓱᓕᕐᑎᓪᓗᒋᑦ ᐊᑕᐅᓯᐅᓕᑦᓯᐊᕐᓗᑎᒃ; ᑕᕝᕙ ᐅᖃᐅᑦᔭᐅᔭᕐᑐᖁᕚᑦ, “ᐅᑎᓕᕆᑦ, ᐊᖓᔪᖅᑳᖁᑎᓕᒫᑎᓪᓗ.” 15 ᐅᑎᓕᕐᑎᓪᓗᒍ ᐊᖓᔪᖅᑳᕐᔪᐊᖅ ᑲᑎᔭᐅᕗᖅ ᔪᐊᕐᑕᓂᐅᑉ ᑰᖓᓂ ᑲᑎᓯᒋᐊᕐᑐᕐᑐᓂᑦ ᐃᑲᔪᕆᐊᕐᑐᓂᑦ ᔫᑕᐅᑉ ᐃᓄᖏᓐᓄᑦ, ᒋᐅᓪᒐᐅᓪᒥᓐᖔᕐᑐᓂᑦ ᐊᖓᔪᖅᑳᕐᔪᐊᕐᒥᒃ ᐃᑳᕐᑎᑦᓯᔭᕐᑐᕐᑐᓂᒃ ᑰᖕᒥᒃ. 16 ᑍᑲᓂᑦᓮᓐᓇᕐᓗ ᐱᓐᔭᒥᓂᒃᑯᓐᓂᒥᐅᑕᖅ ᓯᒥᐂ ᒋᕋᐅᑉ ᐃᕐᓂᖓ ᐸᕼᐅᕆᒻᒥᑦ ᐱᓯᒪᔪᖅ, ᑐᐊᕕᕐᓗᓂ ᔪᐊᕐᑕᓂᐅᑉ ᑰᖓᓄᐊᓚᐅᕐᐳᖅ ᔫᑕᒥᐅᓂᒃ ᐃᓚᖃᕐᓗᓂ ᑲᑎᓯᔭᕐᑐᕐᓗᑎᒃ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ. 17 ᐃᓚᖃᕐᓗᓂ 1,000ᓂᒃ ᐊᖑᑎᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ. ᔨᐸᓗ, ᓴᐅᓕᐅᑉ ᐃᓚᖏᑕ ᐱᔨᖓ, ᐃᓚᖃᕐᓗᓂ ᐃᕐᓂᕐᒥᓂᒃ 15ᓂᒃ ᐱᔨᒥᓂᒡᓗ 20ᓂᒃ, ᓯᕗᓪᓕᐅᓪᓗᑎᒃ ᐊᖓᔪᖅᑳᕐᔪᐊᕐᒥᑦ ᑎᑭᓚᐅᕐᐳᑦ ᔪᐊᕐᑕᓂᐅᑉ ᑰᖓᓄᑦ. 18 ᐃᑳᓚᐅᕐᐳᑦ ᐃᑲᔪᕆᐊᕐᓗᑎᒃ ᐊᖓᔪᖅᑳᕐᔪᐊᕐᒥᒃ ᐃᓚᖏᓐᓂᒡᓗ ᐃᑳᕐᑎᑦᓯᓪᓗᑎᒃ, ᐱᓇᓱᐊᕐᓗᑎᒡᓗ ᐊᖓᔪᖅᑳᕐᔪᐊᑉ ᐱᔪᒪᔭᓕᒫᖏᓐᓂᒃ. ᐊᖓᔪᖅᑳᕐᔪᐊᖅ ᐃᑳᕋᓱᐊᓕᕐᑎᓪᓗᒍ, ᓯᒥᐂ ᒋᕋᐅᑉ ᐃᕐᓂᖓ ᐹᒻᒪᓚᐅᕐᐳᖅ ᐊᖓᔪᖅᑳᕐᔪᐊᑉ ᓵᖓᓄᑦ, ᔪᐊᕐᑕᓂᒥᒃ ᐃᑳᕆᐊᕐᓂᐊᓕᕐᓗᓂ, ᑍᕕᑎᐅᑉ ᓂᑲᒍᓱᖕᓂᖓ ᓯᒥᐂᒥᒃ 19 ᐅᖃᐅᑎᓪᓗᒍᓗ, “ᐊᖓᔪᖅᑳᕐᔪᐊᖅ, ᐃᓱᒪᒋᔪᓐᓁᓚᐅᒃᑭᒃ ᑕᒻᒪᕐᓂᕆᓚᐅᕐᑕᒃᑲ ᑍᑦᓱᒪᓂ ᐅᓪᓗᒥ ᐊᐅᓪᓚᕐᑎᓪᓗᑎᑦ ᔨᕉᓴᓕᒥᑦ; ᐅᕙᓐᓄᑦ ᐃᓱᒪᒋᑦᑍᓕᒃᑭᑦ. 20 ᖃᐅᔨᒪᒐᒪ ᐊᖓᔪᖅᑳᒃ ᐊᔪᕐᑐᓕᓚᐅᕋᒪ; ᑍᒤᒻᒪᑦ ᓯᕗᓪᓕᕐᐸᐅᕗᖓ ᔫᓯᐱᐅᑉ ᑭᖑᕚᖏᓐᓂᑦ ᓯᕿᓂᐅᑉ ᑕᕐᕋᖓᓃᑦᑐᓂᑦ ᑲᑎᓯᒋᐊᕐᑐᕐᓗᖓ ᐊᖓᔪᖅᑳᕐᔪᐊᓐᓂᒃ ᐅᓪᓗᒥ.” 21 ᐊᐱᓮ ᔨᕈᐃᐊᐅᑉ ᐃᕐᓂᖓ ᐅᖃᕐᐳᖅ: “ᓯᒥᐂ ᑐᖁᑕᒃᓴᐅᕗᖅ ᓇᕐᕈᓇᕐᑎᑦᓯᓚᐅᕐᒪᑦ ᐊᑕᓂᐅᑉ ᓂᕈᐊᓚᐅᕐᑕᖓᓂᒃ ᐊᖓᔪᖅᑳᕐᔪᐊᖑᖁᓪᓗᒍ.” 22 ᑍᕕᑎᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑭᓇᒨᑦ ᐊᐱᕆᔭᐅᕕᓯᒃ ᖃᓄᖅ ᐃᓱᒪᖕᒪᖔᑦᓯᒃ ᔨᕈᐃᐊᐅᑉ ᐃᕐᓂᖏᒃ? ᐊᒃᓱᕈᕐᑎᓐᓇᓱᐊᕐᐱᓯᓐᖔ? ᐅᕙᖓᐅᕗᖅ ᒫᓐᓇ ᐊᖓᔪᖅᑳᕐᔪᐊᖑᓕᕐᑐᖅ ᐃᓴᕆᐊᓕᒥᐅᓄᑦ, ᐅᓪᓗᒥᓗ ᐃᓴᕆᐊᓕᒥᐅᑕᒥᒃ ᑐᖁᑦᓯᔪᖃᕐᓂᐊᓐᖏᓚᖅ.” 23 ᓯᒥᐂᒧᓪᓗ ᐅᖃᕐᐳᖅ, “ᓱᓕᓪᓗᖓ ᐅᖃᐅᑎᕙᒋᑦ ᑐᖁᑕᐅᓂᐊᓐᖏᓚᑎᑦ.” ᑕᕝᕙ ᐊᖓᔪᖅᑳᕐᔪᐊᑉ ᐊᖏᕐᕕᒋᕚ. ᑍᕕᑎᐅᑉ ᓂᑲᒍᓱᖕᓂᖓ ᒥᐱᐳᓴᑎᒥᒃ 24 ᒥᐱᐳᓴᑎᑦᑕᐅᖅ, ᓴᐅᓕᐅᑉ ᐃᕐᖑᑕᖓ, ᐂᓚᐅᕆᕗᖅ ᑲᑎᓯᒋᐊᕐᑐᓪᓗᓂ ᐊᖓᔪᖅᑳᕐᔪᐊᕐᒥᒃ; ᐃᑎᒐᒥᓂᒃ ᐅᐊᓴᓚᐅᖏᑦᑐᖅ, ᐅᓐᖏᔭᓚᐅᕋᓂᓗ, ᐊᓐᓄᕌᒥᓂᒡᓗ ᐅᐊᓴᓚᐅᖏᑦᑐᖅ, ᑍᒪᓐᖓᓂᑦ ᐊᖓᔪᖅᑳᕐᔪᐊᖅ ᐊᐅᓪᓚᓚᐅᕐᑎᓪᓗᒍ ᔨᕉᓴᓕᒥᑦ ᐅᑎᓚᐅᖏᓐᓂᖓᓂ ᐊᑦᑕᕐᓇᕐᑐᒦᑦᓱᓐᓃᕐᓗᓂ. 25 ᒥᐱᐳᓴᑎ ᑎᑭᒻᒪᑦ ᔨᕉᓴᓕᒥᑦ ᑲᑎᓯᒋᐊᕐᑐᓪᓗᓂ ᐊᖓᔪᖅᑳᕐᔪᐊᕐᒥᒃ, ᐊᖓᔪᖅᑳᕐᔪᐊᑉ ᐊᐱᕆᕚ, “ᒥᐱᐳᓴᑏ, ᓱᖕᒫᑦ ᐅᕙᓐᓂᒃ ᒪᓕᓚᐅᓐᖏᓚᑎᑦ?” 26 ᑖᓐᓇ ᑭᐅᕗᖅ, “ᖃᐅᔨᒪᕗᑎᑦ ᐊᑕᓂᕋ ᐊᖓᔪᖅᑳᕐᔪᐊᖅ, ᐱᓱᒍᓐᓇᖏᓐᓇᒪ ᐱᔨᒐ ᐅᖃᐅᑎᓚᐅᕐᐸᕋ ᓯᐅᑎᖅᑯᕐᑐᔪᖁᑎᒐ ᐃᑭᕕᓕᐅᖁᓪᓗᒍ ᐃᓕᖕᓂᒃ ᒪᓕᒍᓐᓇᕈᒪᓪᓗᖓ, ᑭᓯᐊᓂᓕ ᐅᕙᓐᓂᒃ ᓯᓔᕐᕆᒃᓯᓚᐅᕐᒪᑦ. 27 ᐅᕙᓐᓂᒃ ᓴᒡᓗᕿᑦᓯᓚᐅᕐᒪᑦ ᐃᓕᖕᓄᑦ ᐊᖓᔪᖅᑳᒃ, ᒎᑎᐅᓪᓕ ᐂᖏᓕᖁᑎᒋᔮᕐᐹᑎᑦ; ᑍᒤᒻᒪᑦ ᐱᓇᓱᐊᓕᕆᑦ ᓈᒻᒪᒐᓱᒋᔭᕐᓂᒃ. 28 ᐊᑖᑕᒪ ᐃᓚᓕᒫᖏᑦ ᑐᖁᑕᒃᓴᐅᒐᓗᐊᕐᐳᑦ ᐊᖓᔪᖅᑳᕐᔪᐊᖅ ᐃᓕᖕᓄᑦ; ᑭᓯᐊᓂᓕ ᓂᕆᔪᓐᓇᕐᑎᓚᐅᕐᐸᕐᒪ ᓂᕐᕆᕕᖕᓂ. ᖃᓄᕐᓕ ᐱᑦᓯᐊᕐᕕᐅᒋᐊᓪᓚᒍᓐᓇᕐᐳᖓ ᓱᓇᑐᐃᓐᓇᕐᒥᒃ ᐱᑦᔪᑦᔭᐅᓗᖓ ᐃᓕᖕᓄᑦ ᐊᖓᔪᖅᑳᕐᔪᐊᖅ.” 29 ᐊᖓᔪᖅᑳᕐᔪᐊᕐᓗ ᑭᐅᕗᖅ, “ᐅᖃᒃᑲᓐᓂᕆᐊᖃᕈᓐᓁᕐᐳᑎᑦ ᑐᑭᑖᕐᓯᒪᓕᕇᕐᐳᖓ; ᔨᐸᓗ ᐃᓕᑦᓯᒃ ᑲᑐᑦᔨᓗᓯᒃ ᓴᐅᓕᐅᑉ ᓄᓇᖓᓂᒃ ᐊᕕᒃᑐᒃᓴᐅᕗᓯᒃ.” 30 ᒥᐱᐳᓴᑎ ᑭᐅᕗᖅ, “ᔩᐸᐅᑉ ᐱᑖᕆᔧᓐᓇᕆᓕᕐᓕᒋᑦ, ᐅᕙᓐᓄᑦ ᓈᒻᒪᒃᐳᖅ ᐊᖓᔪᖅᑳᕐᔪᐊᖅ ᐊᖏᕐᕋᕋᕕᑦ ᖃᓄᐃᓐᓇᑎᑦ.” ᑍᕕᑎᐅᑉ ᓂᑲᒍᓱᖕᓂᖓ ᐹᔨᓔᒥᒃ 31 ᐸᕐᔨᓔ, ᒋᓕᐊᑎᒥᐅᑕᖅ, ᐊᒻᒧᐊᓚᐅᕆᕗᖅ ᕉᒋᓕᒻᒥᑦ ᐃᑲᔪᕆᐊᕐᓗᓂ ᐊᖓᔪᖅᑳᕐᔪᐊᕐᒥᒃ ᐃᑳᕐᑎᓪᓗᒍ ᔪᐊᕐᑕᓂᐅᑉ ᑰᖓᓂᒃ. 32 ᐸᕐᔨᓔ ᐃᑦᑐᐊᓘᓚᐅᕐᐳᖅ, 80ᓂᒃ ᐊᕐᕌᒍᖃᓚᐅᕋᒥ; ᐊᒃᓱᐃᑦᑐᒻᒪᕆᐅᓚᐅᕐᐳᖅ ᐊᖓᔪᖅᑳᕐᔪᐊᕐᒥᒡᓗ ᓂᕿᖃᕐᑎᑦᓯᓚᐅᕐᐳᖅ ᒪᕼᐊᓁᒦᑎᓪᓗᒍ. 33 ᐊᖓᔪᖅᑳᕐᔪᐊᑉ ᐸᕐᔨᓔ ᐅᖃᐅᑎᕚ, “ᐱᖃᑎᒋᓚᐅᓐᖓ ᔨᕉᓴᓕᒧᑦ, ᓱᓇᖃᕐᑎᑦᓯᐊᕐᓂᐊᕐᐸᒋᑦ ᑍᑲᓂ.” 34 ᐸᕐᔨᓔᓕ ᑭᐅᕗᖅ, “ᐊᑯᓂᓕ ᐃᓅᑦᔮᔪᓐᓃᕐᑐᖓ, ᖃᓄᐃᒻᒪᓪᓕ ᐊᖓᔪᖅᑳᕐᔪᐊᕐᒥᒃ ᔨᕉᓴᓕᒧᐊᖃᑎᖃᕆᐊᖃᕐᐳᖔ? 35 80ᓂᒃ ᐊᕐᕌᒍᖃᓕᕇᕋᒪ; ᖁᕕᐊᒋᔭᖃᕈᓐᓁᕐᓗᖓᓗ ᓱᓇᑐᐃᓐᓇᒥᒃ, ᓁᒪᔪᓐᓁᕋᒪ ᓂᕆᔭᓐᓂᒃ ᐃᒥᕐᑕᓐᓂᒡᓗ, ᑐᓵᔪᓐᓁᕐᓗᖓᓗ ᐃᓐᖏᕐᑐᑦ ᓂᐱᖏᓐᓂᒃ. ᐃᓱᒫᓗᓇᕈᑎᑐᐃᓐᓇᐅᔪᒪᓐᖏᓚᖓ ᐊᖓᔪᖅᑳᕐᔪᐊᓐᓄᑦ. 36 ᑍᒫᕌᓗᒃ ᐊᑭᓕᕐᑕᐅᔭᕆᐊᖃᓐᖏᓚᖓ; ᖃᓂᐅᑐᐃᓇᕐᓂᐊᕐᐸᒋᑦ ᖃᓂᑦᑐᒧᑦ ᔪᐊᕐᑕᓂᐅᑉ ᑰᖓᑕ ᐅᖓᑎᑦᓯᐊᖓᓄᑦ. 37 ᐊᖏᕐᕋᕈᓐᓇᕐᑎᓐᓂᐊᕐᐸᕐᒪ ᑐᖁᖁᓪᓗᖓ ᐊᖓᔪᖅᑳᒪ ᐃᓗᕕᖏᑕ ᓴᓂᐊᓂ, ᐅᓇ ᑕᕝᕙ ᐃᕐᓂᕋ ᓯᒻᕼᐋᒻ, ᐃᓕᖕᓂᒃ ᐱᔨᑦᓯᕈᓐᓇᕐᑐᖅ; ᐱᖃᑎᒋᓚᐅᕈᒃ ᐊᖓᔪᖅᑳᒃ, ᐱᓂᐊᕐᕕᒋᓗᒍᓗ ᓈᒻᒪᒐᓱᒋᔭᕐᓂᒃ ᑖᑦᓱᒧᖓ.” 38 ᐊᖓᔪᖅᑳᕐᔪᐊᖅ ᑭᐅᕗᖅ, “ᓯᒻᕼᐋᒻ ᐱᖃᑎᒋᓂᐊᕐᐸᕋ ᐱᓂᐊᕐᕕᒋᓗᒍᓗ ᐱᓇᓱᐊᕐᑕᐅᖁᔭᕐᓂᒃ, ᐃᓕᖕᓄᓪᓗ ᐱᓇᓱᐊᕐᓂᐊᕐᐳᖓ ᐱᓇᓱᐊᕐᑕᐅᖁᔭᕐᓂᒃ.” 39 ᑍᕕᑎᒃᑯᑦ ᐃᓄᖁᑎᖏᓪᓗ ᐃᑳᓚᐅᕐᐳᑦ ᔪᐊᕐᑕᓂᐅᑉ ᑰᖓᓂᒃ; ᐊᖓᔪᖅᑳᕐᔪᐊᓪᓗ ᑯᓂᒃᐹ ᐸᕐᔨᓔ ᓮᒻᒪᕐᑎᓪᓗᒍᓗ, ᐸᕐᔨᓔᓗ ᐅᑎᓚᐅᕐᐳᖅ ᐊᖏᕐᕋᒥᓄᑦ. ᔫᑕᒃᑯᒃ ᐃᓴᕆᐊᓕᑯᒃ ᐂᕙᐅᑎᖃᕐᓂᖓ ᐊᖓᔪᖅᑳᕐᔪᐊᒥᒃ 40 ᐊᖓᔪᖅᑳᕐᔪᐊᖅ ᐃᑳᕇᕐᑎᓪᓗᒍ, ᐃᓚᒋᔭᐅᓪᓗᓂ ᔫᑕᒥᐅᓄᑦ ᐃᓴᕆᐊᓕᒥᐅᓪᓗ ᐃᓄᖏᑕ ᐊᕝᕙᖏᓐᓄᑦ, ᑲᔪᓯᓚᐅᕐᐳᖅ ᒋᐅᓪᒐᐅᓪᒧᑦ, ᓯᒻᕼᐋᒥᐅᓪᓗ ᐃᓐᖏᕐᕋᖃᑎᒋᓚᐅᕐᐹ. 41 ᐃᓴᕆᐊᓕᒥᐅᓕᒫᑦ ᐊᖓᔪᖅᑳᕐᔪᐊᕐᒧᐊᓚᐅᕐᐳᑦ, ᐅᖃᐅᑎᓪᓗᒍᓗ, “ᐊᖓᔪᖅᑳᒃ ᖃᓄᐃᒻᒪᓂᒃᑯᐊ ᖃᑕᓐᖑᑎᕗᑦ ᔫᑕᐅᑉ ᐃᓄᖏᑦ ᐃᓱᒪᖃᓚᐅᕐᐹᑦ ᐱᔭᕆᐊᖃᕐᑐᑑᔪᕆᓪᓗᑎᒃ ᐃᓕᖕᓂᒡᓗ ᑕᓯᐅᕐᓯᓗᑎᒃ, ᐃᓚᑎᓪᓗ ᐃᓄᖁᑎᑎᓪᓗ ᐃᑳᕐᑎᓪᓗᓯ ᔪᐊᕐᑕᓂᐅᑉ ᑰᖓᓂᒃ?” 42 ᔫᑕᐅᑉ ᐃᓄᖏᑦ ᑭᐅᕗᑦ, “ᑍᒤᓚᐅᕐᐳᒍᑦ ᐊᖓᔪᖅᑳᕐᔪᐊᖅ ᐃᓚᒋᒐᑦᑎᒍᑦ, ᓱᖕᒪᓪᓕ ᑕᒪᓐᓇ ᓂᓐᖓᐅᒪᑦᔪᑎᒋᕕᓯᐅᒃ? ᓂᕿᑦᑎᓐᓂᒃ ᐊᑭᓖᓚᐅᓐᖏᓚᖅ ᐅᕝᕙᓘᓐᓃᑦ ᓱᓇᑐᐃᓐᓇᕐᒥᒃ ᑐᓂᓯᕕᒋᓚᐅᓐᖏᓛᑎᒍᑦ.” 43 ᐃᓴᕆᐊᓕᒥᐅᑦ ᑭᐅᕗᑦ, “ᖁᓕᕕᒃᓱᕐᑐᒥᒃ ᐱᔭᕆᐊᖃᕐᓂᕐᓴᐅᕗᒍᑦ ᐊᖓᔪᖅᑳᕐᔪᐊᕐᒥᒃ ᑍᕕᑎᒥᒃ, ᐃᓚᒋᒐᓗᐊᕈᑦᓯᐅᒃ ᓱᖕᒪᓕ ᐅᕙᑦᑎᓐᓂᒃ ᓇᕐᕈᕕᓰ? ᐳᐃᒍᕐᑍᓕᒋᑦᓯ ᓯᕗᓪᓕᐅᓪᓗᑕ ᐅᖃᖅᑳᓚᐅᕋᑦᑕ ᐊᖓᔪᖅᑳᕐᔪᐊᕐᒥᒃ ᐅᑎᕐᑎᑦᓯᔪᒪᓪᓗᑕ!” ᔫᑕᐅᓪᓕ ᐃᓄᖏᑦ ᓯᕘᕋᓇᒐᓚᒃᓗᑎᒃ ᐅᖃᓪᓚᖕᓂᕐᓴᐅᓚᐅᕐᐳᑦ ᐊᖓᔪᖅᑳᕐᔪᐊᕐᒥᒃ ᐱᖃᕐᓂᕋᕐᓗᑎᒃ ᐃᓴᕆᐊᓕᒥᐅᑉ ᐃᓄᖏᓐᓂᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society