ᓴᒧᐃᓕ ᐂᑉᐸᖏᑦ 16 - ᐊᒡᓔᑦ ᐃᑦᔪᕐᖕᓁᑦᑐᑦ

ᑍᕕᑎᒃᑯᒃ ᔨᐸᒃᑯᒃ

¹ ᑍᕕᑎ ᖃᖅᑲᐅᑉ ᖃᖓᓂᒃ ᕿᒤᕋᑖᕐᑎᓪᓗᒍ, ᑲᑎᔭᐅᑲᓪᓚᓚᐅᕐᐳᖅ ᔨᐸᒧᑦ, ᒥᐱᐳᓴᑎᐅᑉ ᐱᔨᖓᓄᑦ, ᓇᒃᓴᕐᓗᓂ ᓯᐅᑎᖅᑯᕐᑐᔫᖕᓂᒃ ᒪᕐᕉᖕᓂᒃ ᐅᓯᔫᖕᓂᒃ 200ᓂᒃ ᓂᐅᖂᔭᓂᒃ, 100ᓂᒃ ᐊᕕᒃᑐᕐᓯᒪᔪᓂᒃ ᐸᐅᕐᖓᐅᔭᓂᒃ, 100ᓂᒃ ᐊᑦᔨᒌᖏᑦᑐᓂᒃ ᐱᕈᕐᑐᓂᒃ ᓰᕐᓇᕐᑐᓂᒃ, ᕿᓯᖕᒥᒡᓗ ᐃᒃᐱᐊᕐᔪᖕᒥᒃ ᕔᓂᒥᒃ ᑕᑕᑦᑐᒥᒃ.

² ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᐱᕆᕚ, “ᓱᖕᒪᓄᑯᐊ ᓇᒃᓴᕐᐱᒋᑦ?” ᔨᐸᐅᑉ ᑭᐅᕚ, “ᓯᐅᑎᖅᑯᕐᑐᔪᑦ ᐅᑯᐊ ᐊᖓᔪᖅᑳᕐᔪᐊᑉ ᐃᓚᖏᑕ ᐃᑭᒪᕕᒋᓂᐊᕐᑕᖏᑦ, ᓂᐊᖂᔧᓪᓗ ᐱᕈᕐᑐᕕᓃᓪᓗ ᓰᕐᓇᕐᑐᐃᑦ ᓂᕆᔭᐅᔪᒃᓴᐅᔪᑦ ᐊᖑᑎᓄᑦ ᐃᓅᓱᒃᑐᓄᑦ, ᕔᓂᓗ ᐃᒥᕐᑕᐅᔪᒃᓴᐅᕗᖅ ᑕᖃᒍᑎᒃ ᐃᒥᕈᓕᕈᑎᒡᓗ ᐃᓄᖃᔪᐃᑦᑐᒥ.”

³ ᐊᖓᔪᖅᑳᕐᔪᐊᑉ ᐊᐱᕆᕚ, “ᓇᐅᒡᓕ ᒥᐱᐳᓴᑎ, ᐊᖓᔪᖅᑳᕕᑦ ᐃᕐᖑᑕᖓ?” ᔨᐸ ᑭᐅᕗᖅ, “ᔨᕉᓴᓕᒦᖏᓐᓇᕐᐳᖅ, ᐃᓱᒪᓕᕋᒥ ᐃᓴᕆᐊᓕᒥᐅᓄᑦ ᐊᑖᑕᑦᓯᐊᖓᑕ ᐊᖓᔪᖅᑲᐅᕕᖓ ᐃᒻᒥᓄᑦ ᐅᑎᕐᑎᑕᐅᓂᐊᕐᑐᒋᓪᓗᓂᐅᒃ.”

⁴ ᐊᖓᔪᖅᑳᕐᔪᐊᑉ ᔨᐸ ᐅᖃᐅᑎᕚ, “ᒥᐱᐳᓴᑎᐅᑉ ᐱᒋᓚᐅᕐᑕᓕᒫᖏᑦ ᐱᑖᕆᓂᐊᓕᕐᐸᑎᑦ.” ᔨᐸ ᑭᐅᕗᖅ, “ᐱᔨᒋᕙᕐᒪ, ᖁᕕᐊᒌᓐᓇᐅᔭᓐᖓᑐᖅ ᐊᖓᔪᖅᑳᕐᔪᐊᕋ ᐊᑕᓂᕋᓗ.”

ᑍᕕᑎᒃᑯᒃ ᓯᒥᐂᒃᑯᒃ

⁵ ᐊᖓᔪᖅᑳᕐᔪᐊᖅ ᑍᕕᑎ ᑎᑭᓐᓇᒥ ᐸᕼᐅᕆᒻᒧᑦ, ᓴᐅᓕᐅᑉ ᐃᓚᖓᑕ ᐃᓚᖓᑦ ᒋᕋᐅᑉ ᐃᕐᓂᖓ ᓯᒥᐂ, ᐸᕐᕆᐊᕐᐳᖅ ᐅᖃᕐᓂᕐᓗᐊᕕᒋᓪᓗᒍ ᐅᐸᒃᐸᓪᓕᐊᓪᓗᓂᐅᒃ.

⁶ ᓯᒤ ᒥᓪᓗᓕᓚᐅᕐᐳᖅ ᐅᔭᕋᖕᓄᑦ ᑍᕕᑎᒧᑦ ᐊᖓᔪᖅᑳᖁᑎᖏᓐᓂᒡᓗ; ᑍᕕᑎ ᐅᖓᓗᔭᐅᓯᒪᒐᓗᐊᕐᑎᓪᓗᒍ ᐃᓄᖁᑎᒥᓄᑦ ᓴᐳᓐᓂᐊᕐᑎᒥᓄᓪᓗ ᑕᓕᕐᐱᐊᓂ ᓴᐅᒥᐊᓂᓗ.

⁷ ᓯᒥᐂᑉ ᐅᖃᕐᓂᕐᓗᐊᕕᒋᓚᐅᕐᐹ ᐅᖃᐅᑎᓪᓗᒍᓗ, “ᐊᐅᓪᓚᓚᐅᕆᑦ! ᐊᐅᓪᓚᓚᐅᕆᑦ! ᑐᖁᕅᔩ! ᐱᖁᔭᓂᒃ ᓯᖁᑦᑎᕆᔩ!

⁸ ᓴᐅᓕ ᐊᖓᔪᖅᑲᐅᕕᖓᓂᒃ ᐊᕐᓵᓚᐅᕋᕕᐅᒃ, ᒫᓐᓇᓕ ᐊᑕᓂᐅᑉ ᓱᒋᐊᕐᐹᑎᑦ ᑐᖁᕅᓚᐅᕐᓂᕐᓄᑦ ᓴᐅᓕᐅᑉ ᐃᓚᖏᓐᓂᒃ ᐅᓄᕐᑐᓂᒃ; ᐊᑕᓂᐅᑉ ᐊᖓᔪᖅᑲᐅᕕᒃ ᑐᓂᕚ ᐃᕐᓂᕐᓄᑦ ᐋᑉᓴᓚᒻᒧᑦ, ᓱᒃᑯᑕᐅᓕᕐᐳᑎᑦ ᑐᖁᕅᔩ!”

⁹ ᑕᕝᕙ ᐊᐱᓮ, ᔨᕈᐃᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᖅ, “ᓱᖕᒪᓄᓇ ᕿᒻᒥᕈᓗᒃ ᑐᖁᖓᔪᖅ ᐃᓕᖕᓂᒃ ᓇᕐᕈᓇᕐᓯᑎᑦᓯᑎᓪᓗᒍ ᓱᖁᑎᒋᖏᑉᐱᐅᒃ? ᐅᐸᒡᓗᒍ ᓂᐊᖁᐊ ᓇᑲᓚᐅᕐᓚᒍ!”

¹⁰ ᐊᖓᔪᖅᑳᕐᔪᐊᕐᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑕᒪᓐᓇ ᐱᓇᓱᐊᒐᕆᓐᖏᓚᓯᒃ ᔨᕈᐃᐊᐅᑉ ᐃᕐᓂᖏᒃ, ᓇᕐᕈᓇᕐᓯᑎᑉᐹᖓ ᐊᑕᓂᐅᑉ ᐱᖁᔨᓂᖓᒍᑦ ᐅᖃᕐᑎᑕᐅᒃᐸᑦ, ‘ᑍᕕᑎ ᓇᕐᕈᓇᕐᓯᓕ’ ᑍᒤᓕᐅᓚᐅᕐᓕ, ᑭᓇᓖ ᐅᖃᕈᓐᓇᕐᐸ, ‘ᓱᖕᒪᑦ ᑍᒤᓕᐅᕐᒪᖔᑦ?’”

¹¹ ᑍᕕᑎᓗ ᐅᖃᕐᐳᖅ ᐊᐱᓮᒧᑦ ᐊᖓᔪᖅᑳᖁᑎᖏᓐᓄᓪᓗ, “ᓇᖕᒥᓂᖅ ᐃᕐᓂᕐᒪ ᑐᖁᓐᓇᓱᐊᕐᐹᖓ; ᖃᓄᐃᒻᒪᑦ ᑲᒪᓇᓱᐊᕐᐲᑦ ᑖᑦᓱᒥᖓ ᐱᓐᔭᒥᓂᒃᑯᓐᓂᒥᐅᑕᕐᒥᒃ? ᐊᑕᓂᐅᑉ ᓇᕐᕈᓇᕐᓯᑎᑦᓯᖁᒃᐸᒍ ᑲᒪᒋᔭᐅᔭᕆᐊᖃᓐᖏᓚᖅ.

¹² ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.”

¹³ ᑕᕝᕙ ᑍᕕᑎᓗ ᐃᓚᒋᔭᖏᓪᓗ ᑲᔪᓯᓚᐅᕐᐳᑦ ᐃᖏᕐᕋᓂᕐᒥᓂᒃ, ᓯᒥᐂᑉ ᒪᓖᓐᓇᓚᐅᕐᐰᑦ ᖃᖅᑬᑦ ᐊᑭᐊᒍᑦ ᓯᕕᖓᔪᒃᑯᑦ ᐱᓱᒡᓗᓂ; ᓇᕐᕈᓇᕐᓯᑎᑦᓯᓪᓗᓂ ᐅᖃᓪᓔᓐᓇᓚᐅᕐᐳᖅ, ᒥᓪᓗᕐᓗᓂᓗ ᐅᔭᕋᖕᓄᑦ ᒪᕐᕋᕐᒥᒡᓗ ᐃᒋᐅᖅᑬᕕᒋᓪᓗᒋᑦ.

¹⁴ ᐊᖓᔪᖅᑳᕐᔪᐊᓪᓗ ᐃᓚᒋᔭᖏᓪᓗ ᑕᖃᓪᓗᑎᒃ ᔪᐊᕐᑕᓂᐅᑉ ᑰᖓᓄᑦ ᑎᑭᓚᐅᕐᐳᑦ, ᑕᕝᕙᓂᓗ ᑕᕾᕐᓯᓕᕐᓗᑎᒃ.

ᐋᑉᓴᓚᐅᑉ ᔨᕉᓴᓕᒦᓐᓂᖓ

¹⁵ ᐋᑉᓴᓚᒻ ᐃᓴᕆᐊᓕᒥᐅᓕᒫᓪᓗ ᐃᓚᒋᔭᖏᑦ ᔨᕉᓴᓕᒧᐊᓚᐅᕐᐳᑦ, ᐊᕼᐃᑐᐱᓕᓗ ᐃᓚᒋᓚᐅᕐᐹᑦ.

¹⁶ ᕼᐅᓮᓕ ᐊᑬᑎᒥᐅᑕᖅ, ᑍᕕᑎᐅᑉ ᐱᖃᓐᓇᕆᔭᖓ, ᐋᑉᓴᓚᒻᒥᒃ ᑲᑎᓯᒐᒥ, ᕾᒐᓪᓚᓚᐅᕐᐳᖅ, “ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ! ᐊᖓᔪᖅᑳᕐᔪᐊᖅ ᐊᑯᓂ ᐃᓅᓕ!”

¹⁷ ᐋᑉᓴᓚᐅᑉ ᕼᐅᓮ ᐊᐱᕆᕚ, “ᖃᓄᐃᓕᓐᓂᕐᐱᑦ ᐱᖃᓐᓇᕆᔭᕐᓄᑦ ᑍᕕᑎᒧᑦ? ᖃᓄᐃᒻᒪᑦ ᐊᐅᓪᓚᖃᑎᒋᓚᐅᖏᑉᐱᐅᒃ?”

¹⁸ ᕼᐅᓮ ᐋᑉᓴᓚᒻᒧᑦ ᑭᐅᕗᖅ, “ᖃᓄᕐᓕ? ᑎᓕᔭᐅᓯᒪᕗᖓ ᐊᑕᓂᐅᑉ ᓂᕈᐊᕐᑕᖓᓄᑦ, ᐃᓄᖕᓄᑦ ᐃᓴᕆᐊᓕᒥᐅᓕᒫᓄᓪᓗ; ᐃᓕᖕᓃᖏᓐᓇᕐᓂᐊᕐᐳᖓ.

¹⁹ ᑭᓇᒥᒡᓕ ᐱᔨᑦᓯᕐᑐᒃᓴᐅᕗᖔ, ᐊᖓᔪᖅᑳᒪ ᐃᕐᓂᖓᓂᒃ ᑭᓯᐊᓂ? ᐊᑖᑍᑦ ᐱᔨᑦᓯᓚᐅᕋᒃᑯ, ᒫᓐᓇᑦᑕᐅᖅ ᐱᔨᑦᓯᕐᓂᐊᕆᕙᒋᑦ.”

²⁰ ᐋᑉᓴᓚᒻ ᓵᓚᐅᕐᐳᖅ ᐊᕼᐃᑐᐱᓕᒧᑦ, ᐅᖃᕐᓗᓂᓗ, “ᒫᓐᓇ ᑕᒫᓂᓕᕋᑦᑕ, ᖃᓄᐃᓕᐅᕆᐊᖃᓕᕐᐱᑕ?”

²¹ ᐊᕼᐃᑐᐱᓕᓗ ᐋᑉᓴᓚᒻᒧᑦ ᑭᐅᕗᖅ, “ᐊᑖᑕᕕᑦ ᓄᓕᐊᖏᓐᓂᒃ ᐱᖃᑎᖃᕆᐊᕐᑐᓕᕆᑦ ᕿᒪᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᖃᕐᕕᒃ ᑲᒪᒋᔭᐅᖁᓪᓗᓂᐅᒃ; ᐃᓴᕆᐊᓕᒥᐅᓕᒫᓪᓗ ᖃᐅᔨᓂᐊᕐᐳᑦ ᐊᑖᑕᕕᑦ ᐊᑭᕋᕆᓕᕐᒪᑎᑦ, ᒪᓕᒃᑎᑎᓪᓗ ᑲᑦᓱᖎᕐᑎᑕᐅᒻᒪᕆᖕᓂᐊᕐᐳᑦ.”

²² ᑍᒤᒻᒪᑦ ᐊᖓᔪᖅᑳᕐᔪᐊᖃᕐᕕᐅᑉ ᖄᖓᓂ ᑐᐱᕐᒥᒃ ᓇᑉᐰᓚᐅᕐᐳᑦ; ᐃᓴᕆᐊᓕᒥᐅᓕᒫᓪᓗ ᑕᑯᓐᓇᕐᑎᓪᓗᒋᑦ ᐋᑉᓴᓚᒻ ᐃᑎᓚᐅᕐᐳᖅ ᐊᑖᑕᖓᑕᓗ ᓄᓕᐊᖏᑦ ᐃᓐᓇᖓᖃᑎᒋᓪᓗᒋᑦ.

²³ ᐊᕼᐃᑐᐱᓕᐅᑉ ᐃᓱᒻᒥᕐᑐᐃᑦᔪᑎᒋᔭᖏᑦ ᑍᑦᓱᒪᓂᐅᑎᓪᓗᒍ ᒪᓕᒐᒃᓴᓪᓚᕆᐅᑎᑕᐅᕙᓚᐅᕐᐳᖅ ᒎᑎᐅᑉ ᐅᖃᐅᓯᖓᑐᑦ; ᑕᒪᖏᖕᓄᑦ ᑍᕕᑎᒧᑦ ᐋᑉᓴᓚᒻᒧᓪᓗ.