ᓴᒧᐃᓕ ᐂᑉᐸᖏᑦ 12 - ᐊᒡᓔᑦ ᐃᑦᔪᕐᖕᓁᑦᑐᑦ

ᓁᑕᓂᐅᑉ ᐅᖃᐅᓯᖏᑦ ᑍᕕᑎᐅᓪᓗ ᖃᕿᐊᓕᕐᓂᖓ

¹ ᐊᑕᓂᐅᓪᓗ ᐅᖃᕐᑎᓂ ᓁᑕᓂ ᑎᓕᕚ ᑍᕕᑎᒧᑦ. ᓁᑕᓂᐅᑉ ᐅᐸᒃᑲᒥᐅᒃ ᐅᖃᐅᑎᕚ, “ᐊᖑᑎᑕᖃᓚᐅᕐᐳᖅ ᒪᕐᕉᖕᓂᒃ ᓄᓇᓖᖕᓂᒃ ᑕᕝᕙᓂᑦᓮᓐᓇᖅ; ᐂᑉᐸᖓ ᐊᒃᓱᐃᑦᑐᖅ ᐂᑉᐸᖓᓗ ᐊᒃᓱᔪᖅ.

² ᐊᒃᓱᐃᑦᑐᖅ ᐆᒪᔪᖁᑎᖃᓚᐅᕐᐳᖅ ᓰᐱᖁᑎᖃᕐᓗᓂᓗ ᐅᓄᕐᑐᓂᒃ,

³ ᐊᒃᓱᔪᕐᓕ ᐊᑕᐅᓯᕐᒥᒃ ᓄᕐᕋᐅᔭᖁᑎᖃᓚᐅᕐᐳᖅ, ᓂᐅᕕᐊᕆᓚᐅᕐᑕᒥᓂᒃ. ᑲᒪᒋᑦᓯᐊᓚᐅᕐᐹ ᐱᕈᓚᐅᕐᐳᕐᓗ ᐊᖏᕐᕋᖓᓂ ᕿᑐᕐᖓᖏᓐᓂᓗ; ᓂᕆᑎᖃᑦᑕᓚᐅᕐᐹᓗ ᓂᕿᒥᓂᑦ, ᐃᒥᕐᑎᑉᐸᒡᓗᓂᐅᓪᓗ ᐃᒥᐅᑎᒥᓂᑦ, ᓴᕐᓕᐊᕐᐸᒡᓗᓂᐅᒡᓗ, ᓄᕐᕋᐅᔮᕐᑐᕐᓗ ᑖᑦᓱᒪ ᐸᓂᒋᔫᔮᓚᐅᕐᐹ.

⁴ ᐅᓪᓗᐃᓪᓕ ᐃᓚᖓᓂ ᐊᒃᓱᐃᑐᖅ ᐳᓛᕆᐊᕐᑕᐅᓚᐅᕐᐳᖅ ᐊᖏᕐᕋᖓᓄᑦ, ᐊᒃᓱᐃᑦᑐᕐᓗ ᑐᖁᑦᓯᔪᒪᓚᐅᓐᖏᓚᖅ ᐆᒪᔪᖁᑎᒥᓂᑦ ᑖᑦᓱᒪ ᓂᕆᓂᐊᕐᑕᖓᓂᒃ; ᐃᒫᒡᓕ ᐱᓂᐊᓚᐅᕐᐳᖅ, ᐊᒃᓗᔫᑉ ᓄᕐᕋᐅᔭᖁᑎᖓᓂᒃ ᑎᒍᓯᓚᐅᕐᐳᖅ ᓂᕿᓕᐊᕆᓪᓗᒍᓗ ᑐᔪᕐᒥᐊᒥᓄᑦ.”

⁵ ᑕᕝᕙ ᑍᕕᑎ ᓂᓐᖓᒻᒪᕆᒃᐳᖅ ᑖᑦᓱᒧᖓ ᐊᒃᓱᐃᑦᑐᒧᑦ ᐅᖃᕐᓗᓂᓗ, “ᐊᖏᒻᒪᕆᒃᐳᖓ ᐊᑕᓂᕐᒧᑦ ᐃᓅᔪᒧᑦ, ᑖᓐᓇ ᐊᖑᑦ ᑍᒤᓕᐅᓚᐅᕐᑐᖅ ᑐᖁᔪᒃᓴᐅᕗᖅ!

⁶ ᐱᓂᐊᕐᓂᕆᓚᐅᕐᑕᖓ ᐱᐅᖏᑦᑐᖅ ᐱᑦᔪᑎᒋᓪᓗᒍ, ᐊᑭᓖᔪᒃᓴᐅᕗᖅ ᓯᑕᒤᕐᑐᕐᓗᒍ ᑎᒍᓚᐅᕐᑕᒥᓂᒃ, ᓂᑲᒍᓱᖃᖏᑦᓯᐊᕐᒪᑦ.”

⁷ ᓁᑕᓂ ᐅᖃᕐᐳᖅ ᑍᕕᑎᒧᑦ, “ᐊᖑᑦ ᑖᓐᓇ ᐃᕝᕕᐅᕗᖅ. ᐃᒫᒃ ᐊᑕᓂᖅ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓ, ‘ᐊᖓᔪᖅᑳᕐᔪᐊᕈᕐᑎᓚᐅᕐᐸᒋᑦ ᐃᓴᕆᐊᓕᒥᐅᓄᑦ, ᓴᐳᑎᓚᐅᕐᐸᒋᓪᓗ ᓴᐅᓕᒥᑦ;

⁸ ᐊᑕᓂᐅᕕᖓᓂᒡᓗ ᑐᓂᓚᐅᕐᐸᒋᑦ, ᓄᓕᐊᖏᓐᓂᒡᓗ ᐊᑐᐃᓐᓇᖃᕐᑎᓚᐅᕐᐸᒋᑦ, ᐊᖓᔪᖅᑳᕐᔪᐊᕈᕐᑎᓚᐅᕐᐸᒋᑦ ᐃᓴᕆᐊᓕᒥᐅᓄᑦ ᔫᑕᒥᐅᓄᓪᓗ; ᑕᒪᓐᓇ ᓈᒻᒪᓚᐅᖏᑉᐸᑦ, ᑐᓂᒃᑲᓐᓂᕈᓐᓇᓚᐅᕐᐸᒋᑦ ᒪᕐᕈᐊᕐᑎᓪᓗᐊᕐᑐᓂᒃ.

⁹ ᓱᖕᒪᓪᓕ ᓈᓚᓚᐅᓐᖏᓚᑎᑦ ᐊᑕᓂᐅᑉ ᐅᖃᐅᓯᖓᓂᒃ? ᓱᖕᒪᑦ ᐱᐅᖏᑦᑐᐊᓗᖕᒥᒃ ᐱᓂᐊᓚᐅᕐᐲᑦ? ᔪᕅᐊ ᕼᐃᑍᑎᒥᐅᑕᖅ ᐅᓇᑕᕐᑐᓂ ᑐᖁᑕᐅᑎᓚᐅᕐᐸᑦ; ᐊᒧᓁᑎᒥᐅᓄᑦ ᑐᖁᑕᐅᑎᓚᐅᕐᐸᑦ, ᓄᓕᐊᖓᓗ ᓄᓕᐊᕐᑖᕆᓪᓗᒍ!

¹⁰ ᒫᓐᓇᓕ ᑍᒤᒻᒪᑦ ᑭᖑᕚᕐᓂᑦ ᑐᖁᔪᖃᖃᑦᑕᓛᓕᕐᐳᖅ ᖁᕕᐊᓇᖏᑦᑐᒃᑯᑦ ᑐᖁᔪᓂᒃ, ᓈᓚᓚᐅᖏᓐᓇᕕᓐᖓ, ᔪᕅᐊᐅᓪᓗ ᕼᐃᑍᑎᒥᐅᑕᐅᑉ ᓄᓕᐊᖓ ᓄᓕᐊᕐᑖᕆᓚᐅᕋᕕᐅᒃ.

¹¹ ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐃᓚᕕᑦ ᐃᓚᖓᓐᓂᑦ ᖁᕕᐊᓇᖏᑦᑐᒃᑰᕐᑎᑕᐅᔪᒫᕐᐳᑎᑦ; ᑕᑯᓛᕐᐳᑎᑦ ᓄᓕᐊᑎᑦ ᑎᒍᔭᐅᑎᓪᓗᒋᑦ ᐊᖑᒻᒧᑦ ᐊᓯᖕᓄᑦ; ᐱᓕᕆᐊᕆᔭᐅᔪᒫᕐᐳᓪᓗ ᐅᓪᓗᒃᑯᑦ ᖃᐅᒪᑎᓪᓗᒍ.

¹² ᐃᔨᕋᕐᑐᕐᓗᑎᑦ ᐊᔪᕐᑐᓕᓚᐅᕋᕕᑦ; ᑕᒪᓐᓇᓕ ᑍᒤᑎᑦᓱᒫᕐᐸᕋ ᐅᓪᓗᓪᓗᐊᖑᑎᓪᓗᒍ ᐃᓴᕆᐊᓕᒥᐅᓕᒫᓄᑦ ᖃᐅᔨᔭᐅᓗᓂ.’”

¹³ ᑍᕕᑎ ᐅᖃᕐᐳᖅ ᓁᑕᓂᒧᑦ, “ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ.” ᓁᑕᓂᓗ ᑭᐅᕗᖅ, “ᐊᑕᓂᐅᑉ ᐃᓱᒪᒋᔪᓐᓁᕐᕕᒋᓯᒪᕚᑎᑦ; ᑐᖁᓂᐊᓐᖏᓚᑎᑦ.

¹⁴ ᑭᓯᐊᓂᓕ, ᑍᒤᓕᐅᕐᑎᓪᓗᑎᑦ ᐊᑕᓂᕐᒧᑦ ᐱᐅᖏᑦᑐᒥᒃ ᐱᓂᐊᕐᓂᕆᓚᐅᕐᑍᑦ ᐱᓪᓗᒍ, ᕿᑐᕐᖓᕐᑖᕆᓚᐅᕐᑍᑦ ᑐᖁᓂᐊᕐᐳᖅ.”

¹⁵ ᑕᕝᕙ ᓁᑕᓂ ᐊᖏᕐᕋᕐᐳᖅ. ᐊᑕᓂᐅᑉ ᔪᕅᐊᐅᑉ ᓄᓕᐊᖓᑕ ᐃᕐᓂᕐᑖᕆᓚᐅᕐᑕᖓ ᑍᕕᑎᒥᑦ ᖃᓂᒻᒪᒃᑎᓚᐅᕐᐹ, ᖃᓂᒪᔪᐊᓘᓕᓚᐅᕐᐳᕐᓗ.

ᑍᕕᑎᐅᑉ ᐃᕐᓂᖓᑕ ᑐᖁᓂᖓ

¹⁶ ᑍᕕᑎᓕ ᑐᒃᓯᐊᓚᐅᕐᐳᖅ ᐊᑕᓂᕐᒧᑦ ᓄᑕᕋᖅ ᐋᖅᑭᒃᑕᐅᖁᓪᓗᒍ; ᓂᕆᑦᑍᓕᓚᐅᕐᐳᕐᓗ, ᐅᓐᓄᑕᒫᑦ ᐃᒡᓗᕈᓯᕐᒥᓄᐊᖃᑦᑕᓚᐅᕐᐳᖅ ᐅᓐᓄᐊᓕᒫᕐᓗ ᓇᑎᕐᒥ ᓇᓚᖃᑦᑕᕐᓗᓂ.

¹⁷ ᐊᖓᔪᖅᑳᖁᑎᖏᑕᓗ ᐅᐸᒡᓗᒍ ᒪᑭᑎᓐᓇᓱᐊᖃᑦᑕᓚᐅᕐᐹᑦ ᓇᑎᕐᒥᑦ; ᒪᑭᑦᑐᒪᓚᐅᓐᖏᓚᕐᓕ, ᓂᕆᖃᑕᐅᔪᒪᓇᓂᓗ ᑖᒃᑯᓄᖓ.

¹⁸ ᐱᓇᓱᐊᕈᓯᖅ ᐊᓂᒍᕐᑎᓪᓗᒍ ᓄᑕᕋᖅ ᑐᖁᕗᖅ. ᑍᕕᑎᐅᓪᓗ ᐱᔨᖏᑦ ᐅᖃᐅᑦᔨᔭᕆᐊᒃᓴᖅ ᑲᑉᐱᐊᓱᓚᐅᕐᐳᑦ; ᐅᖃᕐᓗᑎᒃ, “ᑕᑯᒋᑦ ᓄᑕᕋᑯᓗᒃ ᐃᓅᑎᓪᓗᒍ, ᑍᕕᑎᐅᑉ ᑭᐅᔪᓐᓇᓚᐅᓐᖏᓛᑎᒍᑦ ᐅᖃᐅᑎᒐᓗᐊᕋᑦᑎᒍ; ᖃᓄᕐᓕ ᐅᖃᐅᑎᓂᐊᓕᕐᐸᕗᑦ ᐃᕐᓂᖓ ᑐᖁᓂᕋᕐᓗᒍ? ᐃᒻᒥᓂᒃ ᑲᑉᐱᐊᓇᕐᑐᒧᑦ ᐱᑎᑐᐃᓐᓇᕆᐊᖃᕐᒪᑦ!”

¹⁹ ᑍᕕᑎᐅᓪᓕ ᖃᐅᔨᒐᒥᒋᑦ ᐃᒻᒥᖕᓄᑦ ᐅᖃᓗᒃᑖᕐᓂᖏᓐᓂᒃ, ᖃᐅᔨᕗᖅ ᓱᕈᓯᐅᑉ ᑐᖁᓂᖓᓂᒃ; ᑍᒤᒻᒪᑦ ᐱᔨᓂ ᐊᐱᕆᕔᑦ, “ᓄᑕᕋᑯᓘᒃ ᑐᖁᕚ?” ᑖᒃᑯᐊ ᑭᐅᕗᑦ, “ᐄ, ᑐᖁᕗᖅ.”

²⁰ ᑕᕝᕙ ᑍᕕᑎ ᒪᑭᑉᐳᖅ ᓇᑎᕐᒥᑦ, ᐅᕕᓂᖕᓂᐊᕐᓗᓂᓗ, ᓄᔭᓂᓗ ᐃᓪᓔᕐᓗᓂᒋᑦ, ᐊᓐᓄᕌᓂᓗ ᐊᓯᑦᔨᕐᐰᑦ; ᐂᓪᓗᓂᓗ ᐊᑕᓂᐅᑉ ᐃᒡᓗᖓᓄᑦ ᑐᒃᓯᐊᕐᕕᒋᕚ; ᐅᑎᕋᒥᓗ ᐊᖏᕐᕋᒥᓄᐊᓚᐅᕐᐳᖅ; ᓂᕆᔪᒪᓕᕐᒪᑦ, ᓂᕆᓂᐊᕐᑕᖏᓪᓗ ᑐᓂᔭᐅᑐᐊᕐᒪᑕ, ᓂᕆᓚᐅᕐᐰᑦ.

²¹ ᐱᔨᖏᓪᓗ ᐅᖃᕐᐳᑦ ᑖᑦᓱᒧᖓ, “ᖃᓄᐃᓕᐅᕐᒪᖔᕐᐱᑦ ᑐᑭᓯᓐᖏᓚᒍᑦ ᑕᒪᑐᒥᖓ, ᓄᑕᕋᑯᓗᒃ ᐃᓅᑎᓪᓗᒍ ᕿᐊᓚᐅᕐᐳᑎᑦ ᓂᕆᑦᑍᓕᓪᓗᑎᓪᓗ; ᑐᖁᑐᐊᕐᒪᓪᓕ ᒪᑭᑉᐳᑎᑦ ᓂᕆᓪᓗᑎᓪᓗ!”

²² ᑍᕕᑎ ᑭᐅᕗᖅ, “ᐄᓛᒃ, ᓂᕆᑦᑍᓕᓚᐅᕐᐳᖓ ᕿᐊᕙᒡᓗᖓᓗ ᓄᑕᕋᑯᓗᒃ ᐃᓅᑎᓪᓗᒍ; ᐃᓱᒪᓚᐅᕋᒪ, ‘ᐊᑕᓂᕐᒧᑦ ᓂᑲᒋᔭᐅᓂᐊᕋᓱᒋᓪᓗᖓ ᓄᑕᕋᑯᓗᒡᓗ ᐆᒪᑎᑕᐅᖁᓪᓗᒍ.’

²³ ᒫᓐᓇᓕ ᑐᖁᖕᒪᑦ; ᓱᖕᒪᓕ ᓂᕆᑦᑍᓕᔪᒃᓴᐅᕗᖔ? ᓄᑕᕋᑯᓗᒃ ᐃᓅᓕᕐᑎᒃᑲᓐᓂᕈᓐᓇᕐᐸᕌ? ᐅᓪᓗᐃᑦ ᐃᓚᖓᓂ ᓇᔪᕐᑕᖓᓄᐊᓛᕐᐳᖓ, ᑭᓯᐊᓂᓕ ᐅᕙᓐᓄᑦ ᐅᑎᕐᓂᐊᕈᓐᓃᕐᐳᖅ.”

ᓲᓗᒨᓂᐅᑉ ᐃᓅᓂᖓ

²⁴ ᑍᕕᑎᐅᑉ ᓄᓕᐊᓂ ᐹᓯᐸ ᓮᒻᒪᕐᓴᓚᐅᕐᐹ, ᐅᐸᒡᓗᒍᓗ ᐃᓐᓇᖓᖃᑎᒋᕚ; ᐃᕐᓂᕐᑖᕐᐳᒡᓗ, ᑍᕕᑎᐅᑉ ᐊᑦᓯᕐᐹ ᓲᓗᒨᓂᒥᒃ. ᐊᑕᓂᐅᓪᓗ ᓇᓪᓕᒋᓚᐅᕐᐹ ᓱᕈᓯᖅ,

²⁵ ᐅᖃᕐᑎᓂᓗ ᓁᑕᓂ ᑎᓕᕚ; ᑖᓐᓇ ᓱᕈᓯᖅ ᐊᑎᕐᑖᖁᓪᓗᒍ ᔨᑎᑍᐊᒥᒃ, ᐊᑕᓂᐅᑉ ᓇᓪᓕᒋᓚᐅᕐᒪᒍ.

ᑍᕕᑎᐅᑉ ᓵᓚᖃᕐᓂᖓ ᕌᐸᒥᒃ

²⁶ ᔪᐊᐱᓕ ᑲᔪᓯᓚᐅᕐᐳᖅ ᐅᓇᑕᕐᓂᕐᒥᓂᒃ ᕌᐸᒥᒃ ᐊᒧᓁᑎᒃᑯᓐᓂᒃ, ᐃᒡᓗᒐᓴᖏᑕᓗ ᐊᖓᔪᖅᑳᒃᑯᕕᖓ ᓵᓚᒋᓕᕐᓗᒍ.

²⁷ ᔪᐊᐱᓗ ᐅᖃᕆᐊᕐᑐᕐᑎᑦᓯᓚᐅᕐᐳᖅ ᑍᕕᑎᒧᑦ ᐅᖃᕐᓗᓂ, “ᐅᓇᑕᕋᒃᑯ ᕌᐸ; ᐃᒥᕐᑕᕐᕕᖓ ᑎᒍᕙᕋ.

²⁸ ᒫᓐᓇ ᐅᓇᑕᕐᑎᖁᑎᕕᑦ ᐃᓚᖏᑦ ᑲᑎᑎᓪᓗᒋᑦ, ᐅᓇᑕᕆᐊᓚᐅᕆᑦ ᐃᒡᓗᒐᓴᖕᓄᑦ ᓇᖕᒥᓂᖅ ᓵᓚᒋᓗᒍ; ᐅᕙᓐᓄᑦ ᓵᓚᒋᔭᐅᓂᕋᕐᑕᐅᖁᖏᓐᓇᒃᑯ.”

²⁹ ᑍᒤᒻᒪᑦ ᑍᕕᑎᐅᑉ ᐅᓇᑕᕐᑎᖁᑎᓕᒫᓂ ᑲᑎᑎᓚᐅᕐᐰᑦ, ᕌᐸᒧᐊᕐᓗᓂᓗ ᓵᓚᒋᓚᐅᕐᐹ, ᑎᒍᓪᓗᒍᓗ.

³⁰ ᐊᒧᓁᑎᓪᓗ ᐊᖓᔪᖅᑳᕐᔪᐊᖓᑕ ᓂᐊᖁᐊᓂᑦ ᓂᐊᖂᑎᒥᒃ ᒎᓗᒥᒃ ᑎᒍᓯᕗᖅ ᐅᖁᒤᓐᓂᓕᖕᒥᒃ 75ᐸᐅᒥᒃ ᑕᑯᒥᓇᕐᑐᓂᒃ ᓴᐸᖓᖃᐅᕐᑐᒥᒃ, ᑍᕕᑎᐅᓪᓗ ᓂᐊᖁᐊᓄᑦ ᐃᓕᔭᐅᕗᖅ. ᐱᖁᑎᑖᕐᓗᓂᓗ ᐃᒡᓗᒐᓮᑦ ᐱᖁᑎᖏᓐᓂᒃ, ᐊᖏᔪᕐᔪᐊᓂᒃ ᓵᓚᖃᐅᓯᐊᕆᓪᓗᒋᑦ.

³¹ ᐃᓄᖏᓪᓗ ᑕᕝᕙᓃᑦᑐᑦ ᓴᓇᑎᓕᓚᐅᕐᐰᑦ ᑭᓪᓘᑎᓄᑦ, ᓴᕕᕋᔭᖕᓄᓪᓗ ᐃᑎᕐᓴᓕᐅᕈᑎᓄᑦ, ᓴᕕᕋᔭᖕᓄᓪᓗ ᐅᓕᒪᐅᑎᓄᑦ, ᐃᖅᑲᓁᔭᓕᕐᑎᓪᓗᒋᑦ ᐅᔭᕋᖕᓂᒃ ᑭᒃᐹᕆᒃᑐᓕᐅᕐᑎᓪᓗᒋᑦ ᐊᕙᓗᕐᔪᐊᒃᓴᒧᑦ; ᑍᒫᑦᓮᓐᓇᖅ ᐱᓂᐊᕐᑎᓚᐅᕐᐰᑦ ᐊᒧᓁᑎᒥᐅᓕᒫᑦ ᓄᓇᓖᑦ ᖃᓂᒋᔭᖓᓃᑦᑐᑦ. ᑭᖑᓂᖓᒍᑦ ᑍᕕᑎ ᐃᓄᖁᑎᓕᒫᓂ ᐃᓚᒋᓪᓗᒋᑦ ᐅᑎᕐᐳᑦ ᔨᕉᓴᓕᒧᑦ.