ᐲᑦᑐᕉᓯ ᐂᑉᐸᖏᑦ 2 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᔪᕆᕐᑐᐃᓂᕐᓗᒃᑐᑦ

¹ ᖄᖏᕐᓯᒪᓕᕐᑐᒥ ᓇᓚᐅᑦᑍᓂᕐᓗᒃᑐᑦ ᓴᕿᓛᐅᕐᒪᑕ ᐃᓄᖕᓄᑦ, ᑍᒫᒃᑕᐅᖅ ᐊᔪᕆᕐᓱᐃᓂᕐᓗᒃᑐᑦ ᐃᓕᑦᓯᓐᓄᑦ ᓴᖅᑭᑦᓱᒫᕆᕗᑦ, ᑖᒃᑯᐊ ᐊᓯᕈᕐᓇᕐᑐᒥᒃ ᓇᓛᒎᖏᑦᑐᒥᒃ ᐊᔪᕆᕐᓱᐃᔪᓯᖃᕈᒫᕐᐳᑦ, ᐊᒡᓛᑦ ᓱᓕᖏᒃᓂᕅᔪᒫᕐᐳᑦ ᐊᑕᓂᕐᒥᒃ ᐱᐅᓕᔨᒋᓚᐅᕐᑕᒥᖕᓂᑦ, ᐃᒻᒥᖕᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒫᕐᐳᑦ.

² ᐅᓄᕐᑐᓄᑦ ᒪᓕᒃᑕᐅᓕᕈᒫᕐᐳᑦ ᐱᔪᒥᓇᖏᑦᑐᓂᒃ ᐱᓂᐊᕐᓂᕆᔭᖏᑦ ᑕᒪᓐᓇ ᒥᒃᓯᖃᕐᓂᑰᕐᓂᖅ ᐃᓄᖕᓄᑦ ᐱᐅᖏᓐᓂᕋᕐᑕᐅᓗᓂ ᐅᖃᐅᓯᐅᖃᑦᑕᓕᕈᒫᕐᐳᖅ.

³ ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

⁴ ᒎᑎ ᐂᖏᓕᓂᒃ ᐊᔪᕐᑐᓕᔪᓂᒃ ᐊᒥᐊᒃᑯᓯᓚᐅᓐᖏᓚᖅ, ᐃᒋᓚᐅᕐᐰᑦ ᑲᑉᐱᐊᓇᕐᑐᕕᖕᒧᑦ ᑕᕝᕙᓂᓗ ᕿᓚᒃᓱᕐᓗᒋᑦ ᐊᕐᓵᕐᑑᔭᓄᑦ ᑖᕐᓂᕐᐹᒥ ᑕᕝᕙᓃᓐᓂᐊᓕᕐᓗᑎᒃ ᐅᑕᖅᑭᓪᓗᑎᒃ ᐃᖅᑲᕐᑐᕐᑕᐅᕕᒃᓴᒥᖕᓂᒃ;

⁵ ᓯᓚᕐᔪᐊᑐᖃᕐᒥᓗ ᓂᑲᒍᓱᓚᐅᓐᖏᓚᖅ, ᐱᐅᓕᓯᓚᐅᕐᐳᕐᓕ ᓄᐊᒥᒃ, ᐊᔪᕆᕐᑑᓯᖃᓚᐅᕐᒪᑦ ᓇᓛᒎᕐᑐᒥᒃ, ᐃᓚᖃᕐᑎᓪᓗᒍ 7ᓂᒃ, ᐅᓕᕕᒡᔪᐊᖃᕐᑎᑦᓯᓚᐅᕐᐳᖅ ᒎᑎᖃᖏᑦᑐᓄᑦ ᓯᓚᕐᔪᐊᕐᒥ.

⁶ ᒎᑎᐅᓪᓗ ᐃᒡᓗᒐᓴᒡᔪᐊᑦ ᓱᑑᒪ ᒍᒨᕋᓗ ᐃᑯᒪᒧᑦ ᓱᒋᐊᕐᓗᒋᑦ ᓄᖑᑕᐅᑎᓚᐅᕐᐰᑦ, ᖃᐅᔨᒪᑦᔪᑕᐅᖁᓪᓗᒋᑦ ᒎᑎᖃᖏᑦᑐᑦ ᑍᒤᑕᐅᔪᒫᕐᓂᖏᓐᓂᒃ;

⁷ ᓘᑎ ᓴᐳᑎᓚᐅᕐᐹ, ᐃᓅᓯᖓ ᐃᓗᐊᕐᑐᓚᐅᕐᒪᑦ ᐃᓱᒫᓗᖕᓇᕐᑐᕐᔪᐊᕐᒦᑎᓪᓗᒍ ᓈᒻᒪᖏᑦᑐᕐᔪᐊᒥᒃ ᐃᓕᖅᑯᓯᖃᕐᓗᑎᒃ ᐱᖁᔭᖃᖏᑦᑐᓄᑦ.

⁸ ᑖᓐᓇ ᓈᒻᒪᑦᓯᐊᕐᑐᒥᒃ ᐃᓅᓯᖃᕋᒥ ᐅᖁᒤᑦᑐᒦᓚᐅᕐᐳᖅ, ᑕᑯᔭᒥᒍᑦ ᑐᓴᕐᑕᒥᒍᓪᓗ ᖃᐅᑕᒫᑦ ᐃᓅᖃᑎᒋᒐᒥᑦᔪᒃ, ᐅᖁᒤᑦᑐᐊᓗᖕᒦᑦᔪᑎᒋᓚᐅᕐᐰᑦ ᐱᖁᔭᖃᖏᓐᓂᖏᓐᓄᑦ.

⁹ ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;

¹⁰ ᐱᓗᐊᕐᑐᒥᒃ ᑖᒃᑯᐊ ᑎᒥᐅᑉ ᐃᒃᓯᒎᕐᓂᖏᓐᓂᒃ ᐊᑐᓗᐊᕐᑐᑦ, ᐊᖓᔪᖅᑳᖃᕐᓂᕐᒥᒡᓗ ᓇᕐᕈᔪᑦ. ᑖᒃᑯᐊ ᓯᕘᕋᓇᑎᒃ ᓴᖑᑎᑕᐅᔪᓐᓇᓐᖏᓚᑦ, ᑲᑉᐱᐊᓱᒐᑎᒡᓗ ᐅᖃᕐᓂᕐᓘᑎᖃᕐᐳᑦ ᕿᓚᖕᒥᐅᑦ ᐱᓐᓇᕐᓇᕐᓂᖏᓐᓂᒃ.

¹¹ ᐊᒡᓛᓪᓕ ᐂᖏᓖᑦ ᓴᓐᖏᓂᕐᓴᐅᔪᑦ ᐱᔪᓐᓇᕐᓂᖃᕐᓂᕐᓴᐅᔪᓪᓗ ᑖᒃᑯᓇᓐᖓᑦ, ᐊᑭᕋᕐᑐᕐᓗᑎᒃ ᐅᖃᕐᓂᕐᓘᑎᖃᓚᐅᓐᖏᓚᑦ ᕿᓚᖕᒦᑦᑐᑦ ᐱᓐᓇᕐᓇᕐᓂᖏᓐᓂᒃ ᐊᑕᓂᐅᑉ ᓵᖓᓂ.

¹² ᑖᒃᑯᐊᓕ ᐃᓄᐃᑦ ᐅᖃᕐᓂᕐᓘᑎᖃᕐᐸᒃᐳᑦ ᑐᑭᓯᓐᖏᑕᕋᓗᐊᒥᖕᓂᒃ, ᐆᒪᔪᑎᑐᑦ ᓄᔪᐊᕐᑐᑎᑐᑦ ᑍᒤᑉᐳᑦ, ᐃᕐᓂᐊᖑᓯᒪᔪᑎᑐᑦ ᑕᑯᔭᐅᓗᑎᒃ ᑐᖁᑕᐅᔪᒃᓴᑎᑐᑦ, ᐆᒪᔪᑎᑐᓪᓗ ᓄᔪᐊᕐᑐᑎᑐᑦ ᐊᓯᕈᕐᑕᐅᔪᒫᕐᐳᑦ.

¹³ ᐊᑭᓕᕐᑕᐅᔪᒪᕐᐳᑦ ᓯᕐᓕᕿᑎᑕᐅᓂᕐᒥᒃ ᓯᕐᓕᕿᑎᑦᓯᓂᕆᓚᐅᕐᑕᖏᑦ ᒪᓕᒡᓗᒋᑦ, ᖁᕕᐊᒋᔭᖃᕐᐳᑦ ᐱᓂᐊᕐᓂᖃᕐᓗᑎᒃ ᐅᓪᓘᑎᓪᓗᒍ ᓈᒻᒪᒃᓯᑎᑦᓯᓇᓱᐊᕐᓗᑎᒃ ᑎᒥᒥ ᐱᔪᒪᔭᖓᓂᒃ. ᑲᓐᖑᓲᑎᓇᕐᐳᑦ ᓱᕈᕐᑎᕆᓪᓗᑎᒡᓗ, ᓂᕆᖃᑎᒋᓕᕌᖓᒥᓯ ᑍᒪᓐᖓᑦ ᖁᕕᐊᓲᑎᖃᕐᐸᒃᐳᑦ ᓴᒡᓗᑎᖃᕐᓂᕐᒥᒃ.

¹⁴ ᐊᓯᓐᓂᐊᕈᒪᓂᕐᒥᒃ ᑕᑯᓐᓇᒐᑐᐊᖃᕐᐳᑦ, ᐊᔪᕐᑐᓕᔪᒪᓂᖏᓪᓗ ᓈᒻᒪᒃᓯᔪᓐᓇᓐᖏᓚᑦ. ᓴᓐᖐᑦᑐᓂᒃ ᑕᓯᐅᕐᓯᕙᒃᐳᑦ ᐊᔪᓕᕐᕕᒋᓂᐊᕐᑕᖏᓐᓄᑦ. ᐆᒻᒪᑎᖏᑦ ᐱᔪᒪᕕᒡᔪᐊᕐᓂᕐᒥᒃ ᐃᓕᓐᓂᐊᕐᓯᒪᕗᑦ. ᑖᒃᑯᐊ ᒎᑎᐅᑉ ᓂᓐᖓᐅᓯᖓᓃᓕᕇᕐᐳᑦ!

¹⁵ ᐊᖅᑯᒻᒥᒃ ᓇᓛᒎᕐᑐᒥᒃ ᕿᒤᓪᓗᑎᒃ ᑕᒻᒪᕐᓇᕐᑐᒧᑦ ᑐᕌᓕᕐᐳᑦ; ᒪᓕᒃᐳᑦ ᐊᖅᑯᒻᒥᒃ ᐸᓛᒥᐅᑉ ᐱᐅᕆᐅᑉ ᐃᕐᓂᖓᑕ ᐊᑐᓚᐅᕐᑕᖓᓂᒃ, ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᓈᒻᒪᖏᑦᑐᒃᑯᑦ ᐱᑖᕆᓯᒪᕔᑦ,

¹⁶ ᓱᐊᒃᑕᐅᓚᐅᕐᐳᕐᓕ ᐊᔪᕐᑐᓕᓂᖓ; ᓯᐅᑎᖅᑯᕐᑐᔪᖅ ᐊᑐᕐᑕᖓ ᐅᖃᓚᐅᕐᒪᑦ ᐃᓅᑉ ᐅᖃᐅᓯᖓᓂᒃ ᐊᑐᕐᓗᓂ ᓄᖅᑲᕐᑎᓚᐅᕐᐹᓗ ᓇᓚᐅᑦᑍᔫᑉ ᐱᓂᐊᕐᓂᕐᓗᖕᓂᕆᓇᓱᐊᕐᑕᖓ.

¹⁷ ᓄᓇᐅᑉ ᐃᓗᐊᓂᑦ ᑰᓚᐅᕐᑐᕕᓂᕐᑐᑦ ᐃᒤᕈᑎᓯᒪᓕᕐᐳᖅ ᒥᓂᔪᑎᑐᓪᓗ ᑍᒤᑉᐳᖅ ᐊᓄᕆᒧᑦ ᑎᒃᑕᐅᔪᑐᑦ; ᐃᓂᒃᓴᖃᕐᑎᑕᐅᔭᕇᕐᐳᓪᓕ ᑖᕐᔪᐊᖑᓂᕐᐹᒥ.

¹⁸ ᐅᖃᐅᓯᕐᒥᒃᑎᒍᑦ ᐊᔪᖏᑦᑐᕐᔪᐊᖑᔮᕐᐳᑦ ᐅᖃᐅᓯᖃᕐᐳᓪᓕ ᓱᓕᓂᖃᖏᑦᑐᓂᒃ, ᑎᒥᐅᓪᓗ ᐱᔪᒪᓂᕐᔪᐊᖓᓂᒃ ᐊᑐᕐᓗᑎᒃ ᑕᒪᑐᒧᖓ ᑕᒻᒪᕐᑎᑦᓯᕙᒃᐳᑦ ᐃᓄᖕᓂᒃ ᑕᒻᒪᕐᓯᒪᓂᕐᒥᒃ ᕿᒤᓕᕋᑖᕐᑐᓂᒃ.

¹⁹ ᐅᖃᐅᑦᔪᕐᓗᒋᓪᓗ ᕿᓚᕈᑦᔮᕐᑕᐅᓂᐊᕐᓂᕋᓗᒋᑦ, ᓇᖕᒥᓂᕐᓗ ᐊᔪᓕᕐᕕᖃᕐᓯᒪᒋᕗᑦ ᐃᓅᓯᑎᐊᕙᐅᓐᖏᑐᒧᑦ ᐃᓕᖅᑯᓯᕾᓐᓇᕐᓇᕐᑐᒥᒃ; ᑖᑦᓱᒧᖓ ᓵᓚᒋᔨᒋᔭᒥᓄᑦ ᐱᔨᒋᔭᐅᓕᕐᒪᑦ.

²⁰ ᐃᓄᒃ ᕿᒤᓯᒪᓕᕐᑐᖅ ᓯᓚᕐᔫᑉ ᓴᓗᒤᓕᓇᕐᓂᖓᓂᒃ ᖃᐅᔨᑎᑕᐅᓂᕐᒥᒍᑦ ᐊᑕᓂᑦᑎᒍᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ, ᓵᓚᒋᔭᐅᒍᓂᓕ ᕿᓚᒃᑕᐅᒃᑲᓐᓂᕐᓗᓂᓗ ᑕᒪᒃᑯᓄᖓ, ᐱᐅᖏᑦᑐᒦᓐᓂᕐᓴᐅᓕᕐᓂᐊᕐᐳᖅ ᓯᕗᓪᓕᕐᒥᑦ.

²¹ ᐱᐅᓂᕐᓴᐅᒐᔭᓚᐅᕐᐳᖅ ᖃᐅᔨᓚᐅᖏᒃᑯᑎᒃ ᐃᓗᐊᕐᓯᑎᑕᐅᓂᕐᒥᒃ ᑕᒪᑐᒥᖓ ᖃᐅᔨᓯᒪᓕᕐᓗᒍ ᕿᒪᒃᑯᓂᑦᔪᒃ ᐱᖁᔭᖅ ᐃᑦᔪᕐᓁᑦᑐᖅ ᑖᒃᑯᓄᖓ ᑐᓂᔭᐅᓯᒪᔪᖅ.

²² ᑖᒃᑯᓄᖓ ᐅᖃᐅᓯᑐᖃᖅ ᓱᓕᕗᖅ ᐅᖃᐅᓯᐅᕙᓚᐅᕐᑐᖅ, “ᕿᒻᒥᖅ ᒥᕆᐊᕐᒥᓂᒃ ᓂᕆᓲᖑᕗᖅ,” ᐊᒻᒪᓗ “ᑰᒃᑰᓯ ᐅᐊᓴᕐᑕᐅᓯᒪᔪᖅ ᒪᕐᕋᕐᒧᑦ ᐅᑎᕐᐳᖅ ᒪᕋᓐᖑᕐᑎᒃᑲᓐᓂᓕᕐᓗᓂ.”