ᐊᑕᓃᑦ ᐂᑉᐸᖏᑦ 20 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᖃᓂᒻᒪᖕᓂᖓ ᐋᖅᑭᒃᑕᐅᓂᖓᓗ

¹ ᐅᓪᓗᓂ ᑍᒃᑯᓇᓂ ᐊᖓᔪᖅᑳᕐᔪᐊᖅ ᕼᐃᓯᑬᐊ ᖃᓂᒻᒪᒃᐳᖅ ᑐᖁᓂᐅᓴᓕᕐᓗᓂ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᔭᕐᑐᕋᒥᐅᒃ ᐅᖃᐅᑎᕚ, “ᐃᒫᒃ ᐊᑕᓂᐅᑉ ᐅᖃᐅᑎᔭᐅᖁᕚᑎᑦ ᐅᐸᓗᖎᔭᕐᓯᒪᑦᓯᐊᕐᑐᒃᓴᐅᕗᑎᑦ; ᑐᖁᓂᐊᓕᕋᕕᑦ ᐋᖅᑭᑦᔮᔪᓐᓃᕐᓗᑎᑦ.”

² ᕼᐃᓯᑬᐊ ᑐᓄᓪᓗᓂ ᐃᒡᓘᑉ ᐊᑭᓐᓇᖓᓄᑦ ᓵᓪᓗᓂ, ᐊᑕᓂᕐᒧᑦ ᑐᒃᓯᐊᓕᕐᐳᖅ, ᐅᖃᕐᓗᓂ,

³ “ᐊᑕᓃᖅ ᐃᖅᑲᐅᒪᒋᑦ, ᓱᕐᕋᔪᐃᑦᑑᓪᓗᖓ ᐱᔨᑦᓯᓚᐅᕋᒃᑭᑦ ᐅᐱᒋᑦᓯᐊᕐᓗᑎᑦ, ᑍᒪᓐᖓᓕᒫᕐᓗ ᐱᔪᒪᔧᑦ ᒪᓕᑦᓯᐊᕋᓱᖏᓐᓇᓚᐅᕋᑯ.” ᑕᕝᕙ ᕼᐃᓯᑬᐊ ᐊᖏᔪᒥᒃ ᕿᐊᓕᕐᐳᖅ.

⁴ ᐂᓮᐊᓯ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᐊᓂᕙᓪᓕᐊᓯᒐᓗᐊᕐᑎᓪᓗᒍ ᐊᑕᓂᐅᑉ ᐅᖃᐅᑎᕚ:

⁵ “ᐅᑎᕆᑦ ᕼᐃᓯᑬᐊ ᐅᖃᐅᑎᓗᒍ ᐊᐅᓚᑦᓯᔨᐅᔪᖅ ᐃᓄᖁᑎᓐᓂᒃ ᐅᖃᐅᑎᓗᒍ ᐊᑕᓂᖅ ᓯᕗᓕᕕᓂᕐᐱᑦ ᑍᕕᑎᐅᑉ ᒎᑎᖓ, ᐅᖃᕐᐳᖅ: ᑐᒃᓯᐊᕐᓃᑦ ᑐᓴᕐᐸᕋ, ᖁᕕᐅᕐᓂᑎᓪᓗ ᑕᑯᕙᒃᑲ; ᑕᑯᒋᑦ, ᐋᖅᑭᖕᓂᐊᕐᐸᒋᑦ; ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐊᑕᓂᐅᑉ ᐃᒡᓗᖓᓄᐊᕐᓂᐊᕐᐳᑎᑦ.

⁶ ᐃᓅᓰᑦ ᐃᓚᒃᑲᓐᓇᕐᓂᐊᕐᐸᕋ ᐊᕐᕌᒍᓂᒃ 15ᓂᒃ. ᓴᐳᑎᓂᐊᕐᐸᒋᑦ ᔨᕉᓴᓕᒥᐅᓪᓗ ᐃᒡᓗᒐᓴᒡᔪᐊᖏᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᑦ, ᐃᒡᓗᒐᓴᒡᔪᐊᑦ ᑖᒃᑯᐊ ᓴᐳᑎᓂᐊᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓗᖓ ᑍᕕᑎᓗ ᐱᑦᔪᑎᒋᓗᒍ.”

⁷ ᐂᓮᐊᓯᐅᑉ ᐊᖓᔪᖅᑳᕐᔪᐊᑉ ᐱᔨᖏᑦ ᐅᖃᐅᑎᕔᑦ, “ᕾᑦᓯᓚᐅᕆᑦᓯ ᐱᒋᓕᖕᓂᑦ ᐸᐅᕐᖓᓂᒃ ᑲᑎᓯᒪᔪᓂᒃ. ᐊᔪᐊᖏᓐᓄᑦ ᐃᓕᓗᒋᑦ, ᐋᖅᑭᒃᑕᐅᖁᓪᓗᒍ.”

⁸ ᐊᖓᔪᖅᑳᕐᔪᐊᖅ ᕼᐃᓯᑬᐊ ᐊᐱᕆᕗᖅ ᐂᓮᐊᓯᒧᑦ, “ᓱᓇᒥᒃ ᓇᓗᓁᒃᑯᑕᖃᕐᓂᐊᕐᐳᖓ ᐊᑕᓂᕐᒧᑦ ᐋᖅᑭᒃᑕᐅᓂᐊᕐᓂᓐᓂᒃ ᐅᓪᓗᐃᓪᓗ ᐱᖓᓱᑦ ᓈᒃᐸᑕ ᐊᑕᓂᐅᑉ ᐃᒡᓗᖓᓄᑦ ᐃᑎᕐᓂᐊᕐᓂᓐᓂᒃ?”

⁹ ᐂᓮᐊᓯᐅᑉ ᑭᐅᕚ, “ᐃᒫᒃ ᐃᓕᖕᓄᑦ ᓇᓗᓁᒃᑯᑕᖃᕐᐳᖅ ᐊᑕᓂᕐᒥᑦ, ᐊᑕᓂᐅᑉ ᐱᓂᐊᕐᓂᕆᓂᐊᕐᑕᖓ ᐊᖏᕐᓯᒪᓂᕐᒥᓄᑦ: ᐊᓪᓗᕐᓂᕐᓂᒃ ᖁᓕᓂᒃ ᑕᕐᕋᖅ ᓯᕗᒻᒧᑦ ᐃᖏᕐᕋᖁᕕᐅᒃ, ᐅᕝᕙᓗ ᑭᖑᒧᑦ ᖁᓕᓂᒃ ᐃᖏᕐᕋᖁᕕᐅᒃ?”

¹⁰ ᕼᐃᓯᑬᐊᐅᑉ ᑭᐅᕚ, “ᑕᕐᕋᖅ ᐃᖏᕐᕋᒃᐹᑦ ᓯᕗᒧᑦ ᐊᓪᓗᕐᓂᕐᓂᒃ ᖁᓕᓂᒃ ᐱᔭᕐᓂᓗᐊᕐᒪᑦ; ᖃᓄᐃᒻᒪᓪᓕ ᐊᓪᓗᕐᓂᕐᓂᒃ ᖁᓕᓂᒃ ᐅᑎᒧᖔᖅ ᐃᖏᕐᕋᓗᓂ.”

¹¹ ᐂᓮᐊᓯ ᐊᑕᓂᕐᒧᑦ ᑐᒃᓯᐊᕐᐳᖅ; ᑕᕝᕙ ᐊᑕᓂᐅᑉ ᑕᕋᖅ ᐅᑎᒧᑦ ᖁᓕᓂᒃ ᐊᓪᓗᕐᓂᕐᓂᒃ ᐃᖏᕐᕋᑎᑉᐹ, ᐂᕼᐊᓯᐅᑉ ᓯᕿᓂᐅᑉ ᑕᕐᕋᖓᓄᑦ ᖃᐅᔨᓴᐅᑎᓕᐊᕆᓯᒪᔭᖓᓄᑦ ᐃᑲᕐᕋᕐᓯᐅᑎᒧᑦ.

ᐹᐱᓘᓂᒥᐅᓂᑦ ᑎᓕᔭᐅᓯᒪᔪᑦ ᑎᑭᓐᓂᖓᑦ

¹² ᑍᑦᓱᒪᓂ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᒥᕈᑖᒃ-ᐸᓚᑖᓐ ᐸᓚᑖᓂᐅᑉ ᐃᕐᓂᖓ ᑐᓴᐅᒪᓕᕋᒥ ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᖃᓂᒪᓚᐅᕐᓂᖓᓂᒃ ᑎᑎᕋᕐᕕᒋᕚ ᑐᔪᕐᓗᒍᓗ.

¹³ ᕼᐃᓯᑬᐊᐅᑉ ᑎᓕᔭᐅᔪᑦ ᑐᓐᖓᓱᒃᑎᑉᐰᑦ ᐊᔪᕐᓴᖏᑦᑑᓂᕐᒥᓂᒡᓗ ᕿᒥᕐᕈᑎᓪᓗᒋᑦ ᐱᒃᑯᕕᖃᐅᑎᒥᓃᑦᑐᓂᒃ, ᓯᐅᓪᕕᕆᓂᒃ, ᒎᓗᓂᒡᓗ, ᓂᕿᓄᑦ ᐃᓚᐅᕈᑎᒃᓴᓂᒃ, ᐅᕐᓱᓂᒡᓗ ᒪᒪᕐᓴᐅᑎᓂᒃ, ᐅᓇᑕᐅᑎᓕᒫᓂᓗ ᑕᑯᔭᐅᑎᑉᐰᑦ, ᐱᒃᑯᕕᓕᒫᓃᑦᑐᓂᒃ ᓱᓇᑐᐃᓐᓇᕐᓄᑦ; ᑕᑯᔭᐅᖏᑦᑐᕐᑕᖃᓚᐅᓐᖏᓚᑦ ᑖᒃᑯᓄᖓ ᑎᑭᓯᒪᔪᓄᑦ.

¹⁴ ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐊᖓᔪᖅᑳᕐᔪᐊᕐᒧᑦ ᐃᓯᑬᐊᒧᐊᕐᓗᓂ ᐊᐱᕆᕚ, “ᓇᑭᓄᑯᐊ ᐊᖑᑏᑦ ᐱᓯᒪᔪᑦ, ᖃᓄᖅ ᐅᖃᐅᓯᖃᕐᐸᑦ ᐃᓕᖕᓄᑦ?” ᕼᐃᓯᑬᐊᐅᑉ ᑭᐅᕚ, “ᐅᖓᓯᒃᑐᕐᔪᐊᕐᒥᑦ ᓄᓇᒥᑦ ᐹᐱᓘᓂᒥᑦ ᑕᒪᐅᖓ ᑎᑭᓯᒪᕗᑦ.”

¹⁵ ᐂᓮᐊᓯᐅᑉ ᐊᐱᕆᒃᑲᓐᓂᕐᐹ, “ᓱᓇᓂᒃ ᑕᑯᕙᑦ ᐊᖓᔪᖅᑳᕐᔪᐊᑉ ᐃᒡᓗᖓᓃ?” ᕼᐃᓯᑬᐊ ᑭᐅᕗᖅ, “ᑍᒤᓐᓂᑦᓯᐊᖅ ᐃᓪᓗᑦᑎᓐᓃᑦᑐᓂᒃ ᑕᑯᓯᒪᓐᖏᑕᖃᕈᓐᓃᕐᐳᑦ; ᐱᒃᑯᕕᖃᐅᑎᑦᑎᓐᓃᑦᑐᓂᒃ ᐃᓘᓐᓇᖏᓐᓂᒃ ᕿᒥᕐᕈᑎᓐᓇᒃᑭᑦ.”

¹⁶ ᑕᕝᕙ ᐂᓮᐊᓯᐅ ᐊᖓᔪᖅᑳᕐᔪᐊᖅ ᕼᐃᓯᑬᐊ ᐅᖃᐅᑎᕚ, “ᑐᓴᕆᑦ ᐊᑕᓂᐅᑉ ᐅᖃᐅᓯᖓᓂᒃ;

¹⁷ ᑕᑯᒋᑦ ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐊᖓᔪᖅᑳᕐᔪᐊᑉ ᐃᒡᓗᖓᓃᑦᑐᓕᒫᑦ, ᓯᕗᓕᕕᓂᕐᐱᓪᓗ ᑲᑎᕐᓱᐊᕆᓯᒪᔭᖏᑦ ᐅᓪᓗᒥ ᑎᑭᓪᓗᒍ ᐹᐱᓘᓂᒧᑦ ᐊᐅᓪᓚᕈᑦᔭᐅᔪᒫᕐᐳᑦ, ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᔭᐅᖏᓪᓗᑎᒃ, ᐊᑕᓂᖅ ᑍᒫᒃ ᐅᖃᕐᐳᖅ.

¹⁸ ᐃᕝᕕᓪᓗ ᓇᖕᒥᓂᖅ ᐃᕐᓂᑎᑦ, ᕿᑐᕐᖓᕐᑖᕆᓯᒪᔭᑎᑦ, ᐊᐅᓪᓚᕈᑦᔭᐅᖃᑕᐅᔪᒫᕐᐳᑦ ᐹᐱᓘᓂᒥᐅᓪᓗ ᐊᖓᔪᖅᑳᕐᔪᐊᖓᑦᑕ ᐃᒡᓗᖓᓂ ᕿᑐᕐᖏᔪᓐᓁᓪᓕᑎᑕᐅᓯᒪᓗᑎᒃ ᐱᔨᑦᓯᕋᕐᑎᑐᐃᓐᓇᐅᓕᕈᒫᕐᐳᑦ.”

¹⁹ ᐊᖓᔪᖅᑳᕐᔪᐊᖅ ᕼᐃᓯᑬᐊ ᐅᖃᕐᐳᖅ ᐂᓮᐊᓯᒧᑦ, “ᐊᑕᓂᐅᑉ ᐅᖃᐅᓯᕆᔭᖓ ᐅᖃᐅᓯᕆᔧᑦ ᓈᒻᒪᒃᐳᖅ.” ᐃᓱᒪᓚᐅᕋᒥ, “ᑕᒪᓐᓇ ᖃᓄᐃᓐᖏᓚᖅ ᐃᓱᒫᓗᓇᖏᑦᑐᒥ ᓴᐳᑦᔭᐅᓯᒪᓇᕐᑐᒥᓗ ᐃᓅᓂᓐᓂ ᐃᓅᓚᐅᕈᒪ.”

ᕼᐃᓯᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ ᐃᓱᓕᓐᓂᖓ

²⁰ ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᐱᓂᐊᕐᓂᕆᓯᒪᔭᖏᑦ ᐊᔪᖏᑦᑐᐊᓘᓚᐅᕐᓂᖓᓗ, ᑕᓯᓕᐅᕐᓂᕕᓂᖓᓗ ᓄᓇᐅᑉ ᐃᓗᐊᒍᑦ ᑰᒡᕕᓕᐅᕐᓗᒍ ᑕᒪᒃᑯᐊᓕᒫᑦ ᑎᑎᕋᕐᑕᐅᓯᒪᕗᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᐅᓂᒃᑲᐅᑕᐅᕕᖏᓐᓂ.

²¹ ᕼᐃᓯᑬᐊ ᑐᖁᓚᐅᕐᐳᖅ, ᐃᕐᓂᖓ ᒫᓇᓯ ᐊᖓᔪᖅᑳᕐᔪᐊᖑᓕᓚᐅᕆᕗᖅ ᐃᓂᖓᓂ.