ᐊᑕᓃᑦ ᐂᑉᐸᖏᑦ 14 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᒪᓮᔭᐅᑉ ᐊᖓᔪᖅᑳᕐᔪᐊᖑᓂᖓ ᔫᑕᒥᐅᓄᑦ

¹ ᔪᐊᓯ ᐊᖓᔪᖅᑳᕐᔪᐊᖑᓯᒪᓕᕐᑎᓪᓗᒍ ᐊᕐᕌᒎᖕᓂ ᒪᕐᕉᖕᓂᒃ ᔪᐊᕼᐊᔨᐅᑉ ᐃᕐᓂᖓ ᐊᒪᔧᐊ ᔪᐊᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᓕᓚᐅᕐᐳᖅ ᔫᑕᒥ.

² ᐊᕐᕌᒍᖃᕐᓗᓂ 25ᓂᒃ, ᔨᕉᓴᓕᒥ ᐊᖓᔪᖅᑳᕐᔪᐊᕆᔭᐅᓕᓚᐅᕐᐳᖅ ᐊᕐᕌᒍᓂᒃ 29ᓂᒃ. ᐊᓈᓇᖓ ᐊᑎᖃᓚᐅᕐᐳᖅ ᔨᕼᐅᐊᑎᓐᒥᒃ ᔨᕉᓴᓕᒥᐅᑕᐅᓪᓗᓂ.

³ ᐊᑕᓂᐅᑉ ᓈᒻᒪᒋᔭᖓᓂᒃ ᐱᓂᐊᕐᓂᖃᓚᐅᕋᓗᐊᕐᐳᖅ ᓯᕗᓕᕕᓂᕐᒥᑐᑦ ᑍᕕᑎᑐᑦ ᑍᒤᓚᐅᓐᖏᓚᖅ. ᐊᑖᑕᒥᓕ ᔪᐊᓯᐅᑉ ᐱᐅᓯᕆᓚᐅᕐᑕᖏᓐᓂᒃ ᒪᓕᑐᐃᓐᓇᓚᐅᕆᕗᖅ.

⁴ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᖏᒻᒪᒋᑦ, ᐃᓄᐃᑦ ᒎᑎᓐᖑᐊᓄᑦ ᑐᒃᓯᐊᕐᕕᖃᕐᐸᒃᑐᑦ ᑲᔪᓯᑐᐃᓐᓇᓚᐅᕐᒪᑕ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖓᑦ ᐳᔫᕐᑎᑦᓯᖃᑦᑕᕐᓂᖏᓪᓗ.

⁵ ᐊᒪᓮᔭᐅᑉ ᐊᖓᔪᖅᑳᕐᔪᐊᖑᓪᓚᕆᓕᕐᓂᖓ ᖁᓚᕐᓁᕐᒪᑦ ᐊᖓᔪᖅᑳᑦ ᑐᖁᕋᕐᑕᐅᑎᑉᐰᑦ, ᐊᑖᑕᖓᓂᒃ ᑐᖁᑕᐅᑎᑦᓯᓚᐅᕐᑐᑦ, ᐊᑖᑕᖓ ᐊᖓᔪᖅᑳᕐᔪᐊᖕᒍᑎᓪᓗᒍ.

⁶ ᑭᓯᐊᓂ ᕿᑐᕐᖓᖏᓐᓂᒃ ᑐᖁᑕᐅᑎᑦᓯᓚᐅᓐᖏᓚᖅ, ᐊᑕᓂᐅᑉ ᐱᖁᔭᓕᐊᕆᓯᒪᔭᖏᑦ ᒪᓕᒡᓗᒋᑦ ᒨᓯᓯᐅᑉ ᐊᒡᓚᖏᓐᓂ ᐅᖃᕐᓯᒪᔪᑦ, “ᐊᖓᔪᖅᑳᑦ ᑐᖁᑕᐅᔪᒃᓴᐅᓐᖏᓚᑦ ᕿᑐᕐᖓᖏᑕ ᐊᔪᕐᑐᓕᓂᖏᓐᓄᑦ, ᕿᑐᕐᖓᕆᔭᐅᔪᓪᓗ ᑐᖁᑕᐅᔪᒃᓴᐅᓐᖏᓚᑦ ᐊᖓᔪᖅᑳᖏᑕ ᐊᔪᕐᑐᓕᓯᒪᓂᖏᓐᓄᑦ, ᐃᓄᒃ ᑐᖁᑕᐅᔪᒃᓴᐅᕗᖅ ᓇᖕᒥᓂᖅ ᐊᔪᕐᑐᓕᓯᒪᓂᖓ ᐱᓪᓗᒍ ᑭᓯᐊᓂ.”

⁷ ᐊᒪᓮᔭ ᑐᖁᑦᑎᓚᐅᕐᐳᖅ 10,000ᓂᒃ ᐄᑐᒥᐅᑍᑦ ᐅᓇᑕᕐᑎᖁᑎᖏᓐᓂᒃ ᐅᓇᑕᖃᑎᒌᒃᓗᑎᒃ ᑕᕆᐅᕐᑕᓕᐅᑉ ᓇᕐᓴᖓᓂᒃ ᐊᑎᖃᕐᑐᒥ. ᐅᓇᑕᕐᓂᒃᑯᑦ ᓵᓚᖃᕐᓗᑎᒃ ᓄᓇᓕᖕᓂᒃ ᓰᓚᒥᒃ ᐊᑎᖃᕐᑐᓂᒃ ᑎᒍᓯᓚᐅᕐᐳᑦ, ᐊᑎᕐᑖᕐᑎᓪᓗᒋᓪᓗ ᔫᒃᓯᐅᓪᒥᒃ. ᐅᓪᓗᒥᒧᑦ ᑎᑭᓪᓗᒍ ᓱᓕ ᑍᒫᒃ ᓄᓇᓖᑦ ᑖᒃᑯᐊ ᑍᔭᐅᕗᑦ.

⁸ ᐊᒪᔧᐊ ᐅᖃᐅᑦᔭᐅᔭᕐᑐᕐᑎᑦᓯᕗᖅ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓐᓂᒃ ᔨᕼᐅᐊᕼᐊᔨᒥᒃ ᔨᕼᐆᑉ ᐃᕐᓂᖓᓂᒃ ᐅᓇᑕᖃᑎᒋᔪᒪᓪᓗᒍ.

⁹ ᔨᕼᐅᐊᓯ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᒪᔧᐊᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ ᑭᐅᑦᔪᑎᒥᓂᒃ ᑎᑭᑎᑦᓯᕗᖅ ᐅᖃᕐᓯᒪᔪᓂᒃ, “ᐅᕐᐱᒊᑦ ᑲᑭᓐᓇᕐᑐᓖᑦ ᓕᐸᓇᓂᐅᑉ ᖃᖅᑲᖏᓐᓂ ᐅᖃᐅᓯᒃᓴᒥᓂᒃ ᑎᑭᑎᑦᓯᓚᐅᕐᐳᖅ ᓕᐸᓈᓂᐅᑉ ᓇᐹᕐᑐᖓᓄᑦ ᓰᑕᕆᒧᑦ ᐅᖃᕐᓗᓂ, ‘ᐸᓃᑦ ᓄᓕᐊᕐᑖᕆᔭᐅᑎᓚᐅᕈᖅ ᐃᕐᓂᓐᓄᑦ.’ ᐆᒪᔪᓪᓕ ᓄᔪᐊᕐᑐᑦ ᐊᖅᑯᓵᕋᒥ ᐅᕐᐱᒐᖅ ᑲᑭᓐᓇᕐᑐᓕᒃ ᑐᓪᓕᕋᕐᓗᒍ ᓂᓚᒥᑎᑉᐹ.

¹⁰ ᐊᒪᔧᐊ ᐄᑐᒥᒥᐅᓂᒃ ᓵᓚᖃᕐᓯᒪᓂᕐᓄᑦ ᐱᔪᓐᓇᕋᓱᒋᓂᕐᑖᕐᓯᒪᕗᑎᑦ, ᐱᔪᓐᓇᕐᓂᕆᔧᑦ ᓈᒻᒪᒋᓗᒍ ᐊᖏᕐᕋᕐᓯᒪᑐᐃᓐᓇᕆᑦ. ᓱᖕᒪᑦ ᓈᒻᒪᖏᑦᔪᑎᒃᓴᒥᒃ ᐃᓕᖕᓄᑦ ᐃᓄᖁᑎᖕᓄᓪᓗ ᐅᒡᒍᐊᕐᓇᕐᑑᒐᔭᕐᑐᒥᒃ ᓴᖅᑭᑎᑦᓯᓇᓱᐊᕐᐲᑦ ᔫᑕᓗ ᐱᖃᓯᐅᑎᓗᒍ?”

¹¹ ᐊᒪᔧᐊ ᓈᓚᒍᒪᓚᐅᖏᒻᒪᑦ ᐅᖃᐅᑦᔭᐅᑦᔪᑎᒥᓂᒃ, ᐊᖓᔪᖅᑳᕐᔪᐊᖅ ᔨᕼᐅᐊᓯ ᐅᓇᑕᕐᑎᖁᑎᓂ ᐃᓚᒋᓪᓗᒋᑦ ᐅᓇᑕᕆᐊᕐᓕᕐᐳᑦ ᐊᒪᓮᔭᒥᒃ ᓄᓇᒥ ᐱᑦ-ᓯᒥᔅᓯᒥᒃ ᐊᑎᖃᕐᑐᒥ ᔫᑕᐅᑉ ᓄᓇᖓᑕ ᐃᓚᖓᓃᑦᑐᒥ.

¹² ᔫᑕᒃᑯᑦ ᐅᓇᑕᕐᑎᖁᑎᖏᑦ ᓵᓚᐅᓕᕋᒥᒃ, ᕿᒪᒃᓯᐅᖅᑲᓚᐅᕐᐳᑦ ᐊᑐᓂᑦ ᐊᖏᕐᕋᕆᔭᒥᖕᓄᑦ ᐅᑎᕐᓗᑎᒃ.

¹³ ᔨᕼᐅᐊᓯᐅᓪᓗ ᐊᒪᔧᐊ ᑎᒍᕚ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᕼᐊᔧᐊᐅᑉ ᐃᕐᓂᖓ, ᐱᑦ-ᓯᒥᔅᒦᑎᓪᓗᒍ, ᔨᕉᓴᓕᒧᓪᓗ ᑲᔪᓯᓪᓗᑎᒃ ᐊᕙᓗᕐᔪᐊᖓ ᓯᖁᑦᑎᕐᐹᑦ ᐃᕗᕅᑎᒥᒃ ᐊᑎᖃᕐᑐᖅ ᐃᑎᕐᑕᕐᕕᒃ ᐱᒋᐊᕐᕕᒋᓪᓗᒍ ᑎᕆᖁᕐᒥᒃ ᐊᑎᖃᕐᑐᖅ ᐃᑎᕐᑕᕐᕕᒃ ᑎᑭᓪᓗᒍ, 600ᓂᒃ ᐃᑎᒐᖕᓂᒃ ᑕᑭᓂᖃᕐᑐᖅ.

¹⁴ ᓯᐅᓪᕕᕆᓕᒫᑦ ᒎᓗᓕᒫᓪᓗ ᑕᑯᔭᓂ ᑎᒎᖅᑲᕐᐰᑦ ᐊᑕᓂᐅᑉ ᐃᒡᓗᖓᑕ ᐱᖁᑎᖏᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᑕ ᐱᖁᑎᖏᑦ ᐱᔪᒥᓇᕐᑐᓕᒫᑦ ᐱᐅᕋᕐᓗᓂᒋᑦ ᓴᒥᐊᕆᐊᒧᑦ ᐊᖏᕐᕋᐅᑎᕔᑦ. ᐃᓄᖏᑕᓗ ᐃᓚᖏᓐᓂᒃ ᐱᔪᒪᖏᑦᑑᒐᓗᐊᓂᒃ ᑎᒍᓯᓪᓗᓂ.

¹⁵ ᔨᕼᐅᐊᓯᐅᑉ ᐱᓂᐊᕐᓂᕆᓚᐅᕐᑕᖏᑦ ᓯᕘᕋᒋᔭᖃᖏᓐᓂᖏᓪᓗ ᐅᓇᑕᖃᑎᖃᕐᓗᓂ ᐊᒪᔧᐊᒥᒃ ᔫᑕᒥᐅᑉ ᐊᖓᔪᖅᑳᕐᔪᐊᖓᓂᒃ ᑎᑎᕋᕐᑕᐅᓯᒪᔪᐃᓐᓇᐅᕗᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕕᓂᖏᑕ ᐅᓂᒃᑳᕐᑕᐅᓯᒪᓂᖏᓐᓂ.

¹⁶ ᔨᕼᐅᐊᓯ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᓯᕗᓕᖏᑕ ᐊᖓᔪᖅᑳᕐᔪᐊᖑᔪᑦ ᐃᓗᕕᕐᑕᐅᓯᒪᕕᖏᓐᓂ ᓴᒥᐊᕆᐊᒦᑦᑐᓂ ᐃᕐᓂᖓᑕ ᔨᕈᐳᐊᒻ ᐊᖓᔪᖅᑳᕐᔪᐊᖑᓂᒐ ᐃᓇᖏᓕᓚᐅᕆᕚ.

ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᒪᓮᔭᐅᑉ ᐃᓅᔪᓐᓂᕐᓂᖓ

¹⁷ ᔫᑕᐅᑉ ᐊᖓᔪᖅᑳᕐᔪᐊᖓᑦ ᐊᒪᔧᐊ ᔪᐊᓯᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᕐᓂᖓ ᑭᖑᓂᖓᓂ ᐊᕐᕌᒍᓂᒃ 15ᓂᒃ ᐃᓅᒃᑲᓐᓂᓚᐅᕐᐳᖅ.

¹⁸ ᐊᒪᔧᐊᐅᑉ ᐱᓂᐊᕐᓂᕆᓯᒪᔭᓕᒫᖏᑦ ᑎᑎᕋᕐᑕᐅᓯᒪᕗᑦ ᔫᑕᐅᑉ ᐊᖓᔪᖅᑳᕐᔪᐊᕆᓯᒪᔭᖏᑕ ᐅᓂᒃᑳᕐᑕᐅᓯᒪᓂᕆᔭᖏᓐᓂ.

¹⁹ ᔨᕉᓴᓕᒥ ᑎᓪᓕᓐᖏᓈᕆᓗᑎᒃ ᑐᖁᑦᑎᔪᒪᓚᐅᕐᐳᖅ ᐊᒪᔧᐊᒥᒃ, ᐊᒪᔧᐊ ᕿᒫᔭᕆᐊᖃᓕᓚᐅᕐᐳᖅ ᐃᒡᓗᒐᓴᒡᔪᐊᓄᑦ ᓚᑮᓯᒥᒃ ᐊᑎᖃᕐᑐᓄᑦ. ᐊᑭᕋᕐᑐᕐᑎᖏᑕ ᑍᑯᖓ ᒪᓕᒡᓗᒍ ᑐᖁᓚᐅᕐᐹᑦ.

²⁰ ᑎᒥᖓ ᐅᑎᕈᑦᔭᐅᓚᐅᕐᐳᖅ ᔨᕉᓴᓕᒧᑦ ᕿᒧᒃᓯᐅᑎᑯᑦ; ᐃᓗᕕᕐᑕᐅᕗᕐᓗ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕆᕙᓚᐅᕐᑕᖏᑕ ᐃᓗᕕᕐᑕᐅᓯᒪᕕᖏᓐᓂ ᑍᕕᑎᐅᑉ ᐃᒡᓗᒐᓴᖏᓐᓂ.

²¹ ᔫᑕᒥᐅᑦ ᐊᖓᔪᖅᑳᕐᔪᐊᓐᖑᕐᑎᑦᓯᓕᓚᐅᕆᕗᑦ ᐊᒪᔧᐊᐅᑉ ᐃᕐᓂᖓᓂᒃ ᐊᔭᕅᐊᒥᒃ, 16ᓂᒃ ᐊᕐᕌᒍᖃᕐᑎᓪᓗᒍ.

²² ᐊᓴᕅᔭᐅᑉ ᐃᓚᑎᒥᐅᑦ ᓵᓚᒋᒐᒥᒋᑦ ᔫᑕᒧᑦ ᐅᑎᕐᑎᓚᐅᕐᐰᑦ ᐊᑖᑕᖓᑕ ᐃᓅᔪᓐᓃᕐᓯᒪᓂᖓᑕ ᑭᖑᓂᖓᓂ.

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕐᑖᕐᓂᖓᑦ ᔨᕈᐳᐊᒻᒥᒃ

²³ ᐊᒪᔧᐊᐅᑉ ᔪᐊᓯᐅᑉ ᐃᕐᓂᖓᑕ ᐊᖓᔪᖅᑳᕐᔪᐊᓐᖑᕐᓂᖓᑕ ᐊᕐᕌᒍᐃᑦ 15ᖓᓐᓂ ᔫᑕᒥ. ᔨᕈᐳᐊᒻ ᔨᕼᐅᐊᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓕᓚᐅᕆᕗᖅ ᐃᓴᕆᐊᓕᒥᐅᓄᑦ, ᐊᐅᓚᑦᓯᓪᓗᓂᓗ ᐊᕐᕌᒍᓂᒃ 41ᓂᒃ ᓴᒥᐊᕆᐊᒥ.

²⁴ ᐊᑕᓂᐅᑉ ᓵᖓᓂ ᑖᓐᓇ ᐊᔪᕐᑐᓕᓚᐅᕐᐳᖅ; ᓯᕗᓕᖓᑕ ᐊᖓᔪᖅᑳᕐᔪᐊᑉ ᔨᕈᐳᐊᒻ ᓈᒻᒪᖏᑦᑐᓕᐅᕐᓂᕆᓚᐅᕐᑕᖏᓐᓂᒃ ᐊᑐᖃᑕᐅᑐᐃᓐᓇᓚᐅᕋᒥ ᓂᐹᑎᐅᑉ ᐃᕐᓂᖓᑕ, ᑖᑦᓱᒪ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᒪᒋᑦ.

²⁵ ᐃᓴᕆᐊᓕᒥᐅᑦ ᓄᓇᖁᑎᒋᓚᐅᕐᑕᓕᒫᖓ ᐅᑎᕐᑎᓚᐅᕐᐹ, ᕼᐊᒫᑎᒥᑦ ᑕᓯᖅ ᑐᖁᖓᔪᖅ ᑎᑭᓪᓗᒍ. ᑕᒪᓐᓇᓗ ᑍᒤᑦᓱᒫᕐᓂᖓ ᐊᑕᓂᕐᒧᑦ ᐅᖃᐅᓯᐅᓯᒪᓚᐅᕐᒪᑦ ᐅᖃᕐᑎᒥᒍᑦ ᔫᓇᒃᑯᑦ ᐅᖃᐅᓯᐅᑎᓯᒪᖕᒪᒍ ᐊᒥᑍᑉ ᐃᕐᓂᖓᒍᑦ, ᒑᑎ-ᕼᐃᐱᕆᒥᐅᑕᒃᑯᑦ.

²⁶ ᐃᓴᕆᐊᓕᒥᐅᑦ ᐊᖏᔪᒥᒃ ᐅᖁᒤᒃᓴᕐᑎᑕᐅᓂᖏᑦ ᐊᑕᓂᐅᑉ ᑕᑯᓐᓇᓚᐅᕐᐰᑦ. ᐊᑕᐅᓯᕐᒥᒡᓘᓐᓃᑦ ᐃᑲᔪᕐᑎᒃᓴᖓᓂᒃ ᐱᑕᖃᓚᐅᓐᖏᓚᖅ ᐃᓴᕆᐊᓕᓂ.

²⁷ ᐊᑕᓂᐅᑉ ᐃᓴᕆᐊᓕᒥᐅᑦ ᕿᓚᐅᑉ ᐊᑖᓂ ᓄᖑᑦᓱᒪᓪᓗᒋᑦ ᐅᖃᕐᓯᒪᓚᐅᖏᒻᒪᑦ, ᐱᐅᓕᓚᐅᕐᐰᓪᓕ ᔨᕈᐳᐊᒻᑯᑦ ᔪᐊᓯᐅᑉ ᐃᕐᓂᖓᒍᑦ.

²⁸ ᔨᕈᐳᐊᒻ ᐱᓂᐊᕐᓂᕆᔭᕕᓂᖏᑦ ᐊᑕᖏᕐᓗᒋᑦ, ᐅᓇᑕᖃᑦᑕᕐᓂᕕᓂᖏᓪᓗ ᑕᒫᓯᑰᓯᒥᓗ ᑎᒍᓯᒃᑲᓐᓂᕐᓂᕕᓂᖓ ᕼᐊᒫᑎᒥᒡᓗ ᔫᑕᐅᑉ ᓄᓇᖁᑎᒋᓚᐅᕐᑕᖏᓐᓂᒃ ᑎᑎᕋᕐᑕᐅᓯᒪᔪᐃᓐᓇᐅᕗᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕕᓂᖏᑕ ᐅᓂᒃᑳᕐᑕᐅᓯᒪᕕᖏᓐᓂ.

²⁹ ᔨᕈᐳᐊᒻ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕕᓂᖏᑕ ᐃᓗᕕᕐᑕᐅᓯᒪᕕᖏᓐᓂ. ᐃᕐᓂᖓᓗ ᓴᑲᕅᐊ ᐊᖓᔪᖅᑳᕐᔪᐊᖑᓕᓚᐅᕆᕗᖅ ᐊᑖᑕᓂ ᐃᓇᖏᕐᓗᒍ.