ᔪᐊᓇᓯᐅᑉ ᐂᑉᐸᖏᑦ 1 - ᐊᒡᓔᑦ ᐃᑦᔪᕐᖕᓁᑦᑐᑦᓇᓗᓁᕐᓯᑦᔪᑏᑦ 1 ᐃᓐᓇᕐᑕᕆᔭᐅᔪᒥᑦ ᐊᕐᓇᒧᑦ ᓂᕈᐊᕐᑕᐅᓯᒪᔪᒧᑦ ᕿᑐᕐᖓᖏᓐᓄᓪᓗ, ᓱᓕᓂᕐᒥ ᓇᒡᓕᒋᔭᓐᓄᑦ, ᐅᕙᖓᑐᐊᖑᖏᑦᑐᕐᓗ ᑕᒤᓐᓂᓪᓕ ᓱᓕᔪᒥᒃ ᖃᐅᔨᓯᒪᔪᓂᑦ ᓇᒡᓕᒋᔭᐅᕗᑎᑦ, 2 ᓱᓕᔪᖅ ᐃᓗᑦᑎᓐᓃᑦᑐᖅ ᐅᕙᑦᑎᓐᓃᑦᓮᓐᓇᕐᓂᐊᕐᒪᑦ ᐃᓱᖃᖏᑦᑐᒧᑦ: 3 ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ, ᐊᑖᑕᐅᑉ ᐃᕐᓂᖓᑕ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ, ᓂᑲᒍᓱᖕᓂᖓᓄᑦ, ᓮᒻᒪᕐᑎᑦᓯᓂᖓᓄᓪᓗ ᐃᓚᒋᔭᐅᑦᓮᓐᓇᕐᑕ, ᓱᓕᔪᒥ ᓇᒡᓕᖕᓂᕐᒥᓗ. ᓱᓕᔪᖅ ᓇᒡᓕᖕᓂᕐᓗ 4 ᖁᕕᐊᓱᒃᑎᑕᐅᕗᖓ ᐊᖏᔪᒥᒃ ᕿᑐᕐᖓᕕᑦ ᐃᓚᖏᓐᓂᒃ ᖃᐅᔨᓚᐅᕋᒪ ᓱᓕᔪᒥ ᐃᓅᖕᒪᑕ, ᐊᑖᑕᐅᑉ ᑍᒫᒃ ᐱᖁᓯᒪᖕᒫᑎᒍᑦ. 5 ᒫᓐᓇᓗ ᕿᓄᕕᒋᕙᒋᑦ, ᓇᒡᓕᖕᓇᕐᑐᑎᑦ ᐊᕐᓈᖅ: ᑕᒪᓐᓇ ᐱᖁᔭᖅ ᓄᑖᖑᓐᖏᓚᖅ ᑎᑎᕋᐅᓯᕆᔭᕋ ᐃᓕᖕᓄᑦ, ᐱᒋᐊᕐᓂᖓᓂᑦ ᐱᓯᒪᔭᕗᑦ, ᑍᒫᒃ ᓇᒡᓕᒃᑎᒌᒃᑐᒃᓴᐅᒐᑦᑕ. 6 ᓇᒡᓕᖕᓂᐅᕗᖅ ᑕᕝᕙ, ᐱᖁᔭᖏᓐᓂᒃ ᒪᓕᒡᓗᑕ; ᐅᓇ ᑕᕝᕙ ᐱᖁᔭᖓ, ᐱᒋᐊᕐᓂᖓᓂᑦ ᑐᓴᐅᒪᔭᓯ, ᓇᒡᓕᖕᓂᕐᒥ ᐃᓅᖁᓪᓗᓯ. 7 ᐊᒥᓱᑦ ᑕᒻᒪᕐᑎᑦᓯᔪᑦ ᓯᓚᕐᔪᐊᕐᒧᑦ ᑎᑭᓯᒪᖕᒪᑕ, ᑖᒃᑯᐊ ᔩᓱᓯ ᙭ᔅᑑᓯᒥᒃ ᑎᒥᑖᕐᓯᒪᔪᒥᒃ ᐅᖃᐅᓯᖃᖃᑦᑕᓐᖏᑦᑐᑦ; ᑖᒃᑯᐊ ᑕᒻᒪᕐᓮᔨᐅᕗᑦ ᙭ᔅᑑᓯᒥᒡᓗ ᐊᑭᕋᕐᑐᕐᐳᑦ. 8 ᐃᓕᑦᓯᓐᓂᒃ ᖃᐅᔨᓴᕆᑦᓯ, ᐱᓇᓱᐊᕐᓯᒪᔭᑦᓯᓐᓂᒃ ᐊᓯᐅᔨᖁᓇᓯ, ᐊᑭᓕᕐᑕᐅᖁᓪᓗᓯᓕ ᑕᒪᒃᑭᑦᑎᐊᕐᑐᒥᒃ. 9 ᓇᓪᓕᐊᑦ ᙭ᔅᑑᓯᐅᑉ ᐊᔪᕆᕐᑐᐃᓂᖓᓃᑦᓮᓐᓇᖏᑦᑐᖅ ᑖᓐᓇ ᒎᑎᖃᓐᖏᓚᖅ; ᓇᓪᓕᐊᓪᓕ ᙭ᔅᑑᓯᐅᑉ ᐊᔪᕆᕐᑑᓯᖓᓃᑦᓯᐊᕐᑐᖅ ᑕᒤᓐᓂᒃ ᐱᖃᕐᐳᖅ ᐊᑖᑕᒥᒃ ᐃᕐᓂᕐᒥᒡᓗ. 10 ᑭᓇᑐᐃᓐᓇᕐᒧᑦ ᑎᑭᑕᐅᒍᑦᓯ ᑕᒪᑐᒥᖓ ᐊᔪᕆᕐᑑᓯᖃᖏᑦᑐᒧᑦ, ᐊᖏᕐᕋᑦᓯᓐᓄᑦ ᑐᓐᖓᓴᕐᓂᐊᕋᓯᐅᒃ ᐅᕝᕙᓗ ᑐᓐᖓᓇᕐᕕᒋᑦᑍᓕᓯᐅᒃ; 11 ᓇᓪᓕᐊᑦ ᑍᒤᑦᑐᒥᒃ ᐃᓚᓕᐅᕐᓯᔪᖅ ᐃᓚᓕᐅᕐᓯᕗᖅ ᐱᐅᖏᑦᑐᒥᒃ ᐱᓇᓱᐊᕐᓂᖓᓄᑦ. ᐅᖃᐅᓰᑦ ᓄᖅᑲᐅᓯᕈᑏᑦ 12 ᓱᓕ ᐊᒥᓱᓂᒃ ᑎᑎᕋᕐᕕᒋᔪᓐᓇᕋᓗᐊᕐᐸᒋᑦ, ᑭᓯᐊᓂᓕ ᐅᖃᕐᕕᒋᔪᒪᓐᖏᓚᒋᑦ ᑎᑎᕋᕐᕕᒃᓴᑐᐃᓐᓇᒃᑯᑦ ᒥᓱᒃᑕᐅᑎᒧᓪᓗ; ᓇᖕᒥᓂᕐᓕ ᐳᓛᕆᐊᓛᕈᒪᕙᒋᑦ ᐅᖃᖃᑎᒋᓗᑎᓪᓗ ᑕᑯᓐᓇᖃᑦᑕᐅᑎᓗᓄᒃ, ᖁᕕᐊᓱᖕᓂᕗᑦ ᓈᒻᒪᒃᓯᑦᓯᐊᖁᓪᓗᒍ. 13 ᐅᒃᐱᖃᑎᕕᑦ ᐊᕐᓇᐅᑉ ᓂᕈᐊᕐᑕᐅᓯᒪᔫᑉ ᕿᑐᕐᖓᖏᑕ ᑕᕝᕙᐅᕗᑏᕐᐹᑎᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society