ᑯᕉᓂᑲ ᐂᑉᐸᖏᑦ 6 - ᐊᒡᓔᑦ ᐃᑦᔪᕐᖕᓁᑦᑐᑦ

ᓲᓗᒨᓂᐅᑉ ᐅᖃᓪᓚᖕᓂᖓ ᐃᓄᖕᓄᑦ

¹ ᑕᕝᕙ ᓲᓗᒨᓂ ᐅᖃᕐᐳᖅ: “ᐊᑕᓂᖅ ᐅᖃᓚᐅᕐᐳᖅ ᐃᓂᖃᕐᓂᐊᕐᓂᕋᕐᓗᓂ ᓄᕗᑦᑕᕆᒃᑐᒥ,

² ᐃᒡᓗᓕᐅᓚᐅᕐᐸᒋᑦ ᐱᐅᔪᒻᒪᕆᐊᓗᖕᒥᒃ, ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”

³ ᑕᕝᕙ ᐊᖓᔪᖅᑳᕐᔪᐊᑉ ᐃᓴᕆᐊᓕᒥᐅᓕᒫᑦ ᑲᑎᒪᔪᑦ ᓵᓪᓗᒋᑦ, ᓮᒻᒪᕐᑎᑉᐰᑦ ᐃᓴᕆᐊᓕᒥᐅᑦ, ᑲᑎᒪᔪᓕᒫᑦ ᓇᖏᕐᑎᓪᓗᒋᑦ.

⁴ ᐅᖃᕐᓗᓂᓗ: “ᐊᑕᓂᖅ ᓂᕐᑐᕐᑕᐅᓕ, ᐃᓴᕆᐊᓕᒥᐅᑦ ᒎᑎᖓᑦ, ᓇᓚᐅᑦᓯᑎᑦᓯᔪᖅ ᐱᓇᓱᐊᕐᓂᒥᒍᑦ ᐊᖏᕈᑎᒋᓪᓗᒍ ᐅᖃᓚᐅᕐᑕᒥᓂᒃ ᐊᑖᑕᓐᓄᑦ ᑍᕕᑎᒧᑦ, ᐅᖃᕐᓗᓂ,

⁵ ‘ᐅᓪᓗᒥᑦ ᑍᑲᓐᖓᓂᑦ ᐃᓄᖁᑎᒃᑲ ᐊᐅᓪᓚᕐᑎᓐᓇᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᒡᓗᒐᓴᖕᓂᒃ ᐃᓴᕆᐊᓕᒥᐅᑉ ᐊᓯᖏᓐᓂᒃ ᐃᒡᓗᓕᐅᖁᔨᓪᓗᖓ, ᐊᑎᓐᓂ ᐅᕙᓐᓄᑦ ᑐᒃᓯᐊᕐᕕᐅᖃᑦᑕᕐᓂᐊᕐᑐᒥᒃ, ᐃᓄᖕᒥᒡᓗ ᓂᕈᐊᓚᐅᓐᖏᓚᖓ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ ᐊᖓᔪᖅᑳᖑᓂᐊᕐᑐᒥᒃ,

⁶ ᔨᕉᓴᓕᒻᓕ ᓂᕈᐊᓚᐅᕐᐸᕋ ᐊᑎᕋ ᑕᕝᕙᓃᑦᓮᓐᓇᖁᓪᓗᒍ ᑍᕕᑎᓗ ᓂᕈᐊᓚᐅᕐᐸᕋ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ ᐊᖓᔪᖅᑳᖑᖁᓪᓗᒍ.’

⁷ “ᐊᑖᑕᒐ ᑍᕕᑎ ᐆᒻᒪᒥᐅᑕᖃᓚᐅᕐᐳᖅ ᐃᒡᓗᓕᐅᕈᒪᓪᓗᓂ ᐊᑕᓂᐅᑉ ᐊᑎᖓᓄᑦ, ᐃᓴᕆᐊᓕᒥᐅᑦ ᒎᑎᖓᓄᑦ.

⁸ ᐊᑕᓂᕐᓕ ᐅᖃᓚᐅᕐᐳᖅ ᐊᑖᑕᓐᓄᑦ, ‘ᐆᒻᒪᒥᐅᑕᖃᕋᕕᑦ ᐃᒡᓗᓕᐅᕈᒪᓪᓗᑎᑦ ᐊᑎᓐᓄᑦ, ᑕᒪᑐᒥᖓ ᐃᓱᒪᑦᓯᐊᓚᐅᕐᐳᑎᑦ ᐆᒻᒪᑎᖕᓂ,

⁹ ᑭᓯᐊᓂᓕ ᐃᒡᓗᓕᐅᕐᑐᒃᓴᐅᓐᖏᓚᑎᑦ, ᐃᕐᓃᓪᓕ ᐃᓕᖕᓂᓐᖔᕐᓗᓂ ᐃᓅᔪᒫᕐᑐᖅ ᑖᓐᓇ ᐃᒡᓗᓕᐅᕈᒫᕐᐳᖅ ᐊᑎᓐᓄᑦ.’

¹⁰ “ᒫᓐᓇ ᐊᑕᓂᐅᑉ ᐊᖏᕈᑎᒋᓚᐅᕐᑕᓂ ᓇᓚᐅᑦᓯᑎᑉᐹ; ᐅᕙᖓ ᐊᑖᑕᒐ ᑍᕕᑎ ᐃᓇᖏᓚᐅᕋᒃᑯ, ᐃᒃᓯᕙᓕᕐᓗᖓᓗ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂ, ᐊᑕᓂᐅᑉ ᐊᖏᕈᑎᒋᓯᒪᔭᖓᓂ, ᐃᒡᓗᓕᐅᓚᐅᕐᐳᖓᓗ ᐊᑕᓂᐅᑉ ᐊᑎᖓᓄᑦ, ᐃᓴᕆᐊᓕᒥᐅᑦ ᒎᑎᖓᓄᑦ.

¹¹ ᐃᒃᓯᕐᕕᒡᓗ ᐊᖏᕈᑕᐅᓯᒪᔪᕐᑕᓕᒃ ᐃᓕᓚᐅᕐᐸᕋ ᐃᓗᐊᓄᑦ, ᐊᑕᓂᐅᑉ ᐊᖏᖃᑎᒌᒍᑎᖏᓐᓂᒃ ᐃᓗᓕᓕᒃ ᐃᓴᕆᐊᓕᒥᐅᑦ ᐃᓄᖏᓐᓄᑦ.”

ᓲᓗᒨᓂᐅᑉ ᑐᒃᓯᐊᕐᓂᖓ

¹² ᑕᕝᕙ ᓲᓗᒨᓂ ᓇᖏᓚᐅᕐᐳᖅ ᐊᑕᓂᐅᑉ ᑐᓂᕐᕈᓯᕐᕕᐊᑕ ᓯᕗᕌᓂ ᐃᓴᕆᐊᓕᒥᐅᑦ ᑲᑎᒪᑎᓪᓗᒋᑦ, ᑕᓖᖕᓂᓗ ᖁᒻᒧᑦ ᐃᓵᒃᐰᑦ.

¹³ ᓲᓗᒨᓂ ᓴᓇᓯᒪᓚᐅᕐᐳᖅ ᓇᑎᕐᒥᑦ ᖁᕝᕙᓯᖕᓂᕐᓴᒥᒃ ᐃᓄᐃᑦ ᓯᕗᕌᓃᕝᕕᖕᒥᒃ ᑲᓐᓄᔧᓐᓇᐅᓪᓗᒍ ᓴᓂᒧᖃᕐᑐᒥᒃ ᓯᑕᒪᐅᔪᕐᑐᓂᒃ ᐃᑎᒐᖕᓂᒃ ᑐᑭᒧᖃᕆᓪᓗᓂ ᓯᑕᒪᐅᔪᕐᑐᓂᒃ, ᐳᕐᑐᓂᖃᕐᓗᓂᓗ ᑕᓪᓕᒪᓂᒃ ᐃᑎᒐᖕᓂᒃ, ᐃᓕᓯᒪᓚᐅᕐᐹᓗ ᐃᒡᓘᑉ ᐱᕕᑐᓂᐊᑕ ᕿᑎᖓᓄᑦ, ᑕᕝᕗᖓᓗ ᒪᔪᕐᐳᖅ. ᓰᖅᑯᕐᓗᓂᓗ ᐃᓴᕆᐊᓕᒥᐅᑦ ᑲᑎᒪᔪᑦ ᓵᖓᓂ, ᑕᓖᖕᓂᓗ ᐃᓵᒃᐰᒃ ᕿᓚᖕᒧᑦ;

¹⁴ ᐅᖃᕐᓗᓂᓗ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᒎᑎᑕᖃᓐᖏᓚᖅ ᐃᓕᒃᑐᑦ ᑍᒤᑦᑐᒥᒃ ᕿᓚᖕᒥ ᓄᓇᒥᓗ, ᐊᖏᖃᑎᒌᒍᑏᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ ᑲᔪᓯᑎᒃᑲᕕᐅᒃ ᐱᔨᖕᓄᑦ ᐱᑦᓯᐊᕐᑐᓄᑦ ᑲᔪᖏᓪᓚᕆᒃᑐᓄᓪᓗ.

¹⁵ ᐊᖏᕈᑎᒋᓚᐅᕐᑍᑦ ᑲᔪᓯᑎᓐᓇᕕᐅᒃ ᐱᔨᖕᓄᑦ ᑍᕕᑎᒧᑦ ᐊᑖᑕᓐᓄᑦ; ᓇᖕᒥᓂᖅ ᐅᖃᓚᐅᕋᕕᑦ ᖃᓂᕐᓄᑦ, ᐅᓪᓗᒥᓗ ᓇᓚᐅᑦᓯᑎᓐᓇᕕᐅᒃ ᐱᓇᓱᐊᕐᓂᒃᑯᑦ.

¹⁶ ᒫᓐᓇᓕ ᑍᒤᒻᒪᑦ ᐊᑕᓃᖅ ᐃᓴᕆᐊᓕᒥᐅᑦ ᒎᑎᖓᑦ, ᐊᖏᕈᑎᒋᓚᐅᕐᑍᑦ ᐱᔨᖕᓄᑦ ᑍᕕᑎᒧᑦ ᐊᑖᑕᓐᓄᑦ ᑲᔪᓯᑎᓕᕈᒃ, ᐅᖃᓚᐅᕋᕕᑦ, ‘ᑲᔪᓯᓪᓚᕆᒍᒫᕐᐳᑦ ᐊᖑᑎᑦ ᐃᒃᓯᕙᔪᒫᕐᑐᑦ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂ, ᐃᕐᓂᑎᑦ ᒪᓕᖕᓂᐊᕐᐸᑕ ᐃᓕᒃᑐᑦ, ᐱᖁᔭᓐᓂᒡᓗ ᒪᓕᖕᓂᐊᕐᐸᑕ ᓵᓐᓂ ᐃᓕᒃᑐᑦ.’

¹⁷ ᒫᓐᓇᓗ, ᐊᑕᓃᖅ ᐃᓴᕆᐊᓕᒥᐅᑦ ᒎᑎᖓᑦ, ᐅᖃᐅᓯᕐᐱᑦ ᓱᓕᓂᖏᑦ ᓴᖅᑭᑎᓕᒃᑭᑦ, ᐅᖃᐅᓯᕆᓚᐅᕐᑕᑎᑦ ᐱᔨᖕᓄᑦ ᑍᕕᑎᒧᑦ.

¹⁸ “ᒎᑎᓕ ᐃᓄᖕᓂ ᐃᓂᖃᕈᓐᓇᕋᓗᐊᕐᐹ ᓄᓇᕐᔪᐊᒥ? ᑕᑯᒋᑦ, ᕿᓚᒃ ᕿᓔᓪᓗ ᖁᑦᓯᖕᓂᕐᐹᖏᑦ ᐃᓂᖃᕐᑎᑦᓯᔪᓐᓇᓐᖏᓚᑦ ᐃᓕᖕᓂᒃ; ᖃᓄᕐᓕ ᐅᓇ ᐃᒡᓗᓕᐊᕆᓚᐅᕐᑕᕋ ᐃᓂᖃᕐᑎᑦᓯᔪᓐᓇᕐᐸ!

¹⁹ ᐱᔨᕕᑦ ᑐᒃᓯᐊᕐᓂᖏᑦ ᕿᓄᓂᖏᓪᓗ ᑐᓴᕐᐸᑎᑦ, ᐊᑕᓃᖅ ᒎᑎᒐ, ᓈᓚᒋᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑐᒃᓯᐊᕈᑎᒋᔭᖏᓐᓂᒃ ᓵᖕᓂ:

²⁰ ᐃᔩᒃᑭᒃ ᑕᑯᓐᓇᖁᓪᓗᒋᒃ ᐅᕗᖓ ᐃᒡᓗᒧᑦ ᐅᓪᓗᒃᑯᑦ ᐅᓐᓄᒃᑯᓪᓗ, ᐃᓂᒋᓂᐊᕐᓂᕋᓚᐅᕐᑕᕐᓄᑦ ᐊᑏᓪᓗ ᑕᕝᕗᖓ ᐃᓕᓂᐊᕐᓂᕋᓚᐅᕋᕕᐅᒃ, ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑕᕝᕙᓂ ᐃᓂᒋᓂᐊᓚᐅᕐᑕᕐᓂ.

²¹ ᑐᓴᖁᓪᓗᑎᓪᓗ ᐱᔨᕕᑦ ᐃᓴᕆᐊᓕᒥᐅᓪᓗ ᐃᓄᖏᑕ ᕿᓄᓂᖏᓐᓂᒃ, ᑐᒃᓯᐊᕐᑎᓪᓗᒋᑦ ᑕᕝᕙᓂ ᐃᓂᒋᓕᕐᑕᖓᓂ; ᑐᓴᕆᑦ ᐃᓂᒋᔭᕐᓂᑦ ᕿᓚᖕᒥᑦ; ᑐᓴᕈᕕᓪᓗ ᐃᓱᒪᒋᔪᓐᓁᕐᕕᒋᒃᑭᑦ.

²² “ᓇᓪᓕᐊᑦ ᐊᔪᕐᑐᓕᒃᐸᑦ ᐃᓅᖃᑎᒥᓄᑦ ᐅᖃᕕᒡᓗᓂᓗ ᐊᖏᒻᒪᕆᒃᑎᑕᐅᒃᐸᑦ, ᐂᓗᓂᓗ ᑐᓂᕐᕈᓯᕐᕕᒃᐱᑦ ᓵᖓᓂ ᐅᖃᕕᒡᓗᓂ ᐊᖏᒻᒪᕆᒃᐸᑦ ᐅᕙᓂ ᐃᒡᓗᒥ,

²³ ᑐᓴᓚᐅᒃᑭᑦ ᕿᓚᖕᒥᑦ, ᐱᓂᐊᕐᕕᒋᓗᒋᓪᓗ, ᐱᔨᑎᓪᓗ ᐋᖅᑭᒃᓱᕐᓗᖏᑦ, ᐊᔪᕐᑐᓕᔪᖅ ᐊᑭᓂᐊᕐᑕᐅᖁᓪᓗᒍ ᐃᒻᒥᓂᒃ ᓂᐊᖁᒥᓄᑦ ᐃᓕᔭᒥᓂᒃ, ᐃᓱᐊᕐᑐᓕᔪᕐᓗ ᐃᓱᐊᕐᑐᓕᓂᕐᒥᓄᑦ ᐱᓇᓱᐊᕐᕕᐅᖁᓪᓗᒍ ᐊᑭᓕᕐᑕᐅᓗᓂ.

²⁴ “ᐃᓴᕆᐊᓕᒥᐅᓪᓗ ᐃᓄᖁᑎᑎᑦ ᓵᓚᐅᒃᐸᑕ ᐊᑭᕋᒥᖕᓄᑦ ᐃᓕᖕᓄᑦ ᐊᔪᕐᑐᓕᓂᖏᑦ ᐱᓪᓗᒋᑦ, ᐅᑎᕐᐸᑕᓗ ᖃᕿᐊᓕᕐᓗᑎᒃ ᐊᑎᕐᓄᑦ, ᑐᒃᓯᐊᕐᐸᑕᓗ ᕿᓄᓗᑎᒡᓗ ᓵᖕᓂ ᑕᕝᕙᓂ ᐃᒡᓗᒥ.

²⁵ ᑐᓴᕆᑦ ᕿᓚᖕᒥᑦ ᐃᓱᒪᒋᔪᓐᓁᕐᕕᒋᓗᒋᓪᓗ ᐊᔪᕐᑐᓕᓂᖏᓐᓂᒃ ᐃᓴᕆᐊᓕᒥᐅᑦ ᐃᓄᖁᑎᑎᑦ, ᐅᑎᕐᑎᓪᓗᒋᓪᓗ ᓄᓇᖏᓐᓄᑦ ᑐᓂᓚᐅᕐᑕᕐᓄᑦ ᓯᕗᓕᕆᓚᐅᕐᑕᖏᓐᓄᑦ.

²⁶ “ᕿᓚᒃ ᒪᑐᒃᐸᑦ ᓯᓚᓗᖃᑦᑕᕈᓐᓁᕐᐸᓪᓗ ᐃᓕᓐᓄᑦ ᐊᔪᕐᑐᓕᓂᖏᑦ ᐱᓪᓗᒋᑦ, ᑐᒃᓯᐊᕐᐸᑕᓗ ᑕᕝᕙᓂ, ᖃᕿᐊᓕᕐᓗᑎᒡᓗ ᐊᑎᕐᓄᑦ, ᐊᔪᕐᑐᓕᓂᕐᒥᖕᓂᒡᓗ ᕿᒤᒃᐸᑕ, ᒥᑭᒡᓕᑎᕐᓗᑎᒃ ᐃᓕᖕᓄᑦ ᑐᒃᓯᐊᕐᐸᑕ,

²⁷ ᑐᓴᖃᑦᑕᕐᓂᐊᕐᐸᑎᑦ ᕿᓚᖕᒥᑦ, ᐃᓱᒪᒋᔪᓐᓁᕐᓗᒋᓪᓗ ᐱᔨᕕᑦ ᐊᔪᕐᑐᓕᓂᖏᑦ, ᐃᓴᕆᐊᓕᒥᐅᑦ ᐃᓄᖁᑎᑎᑦ, ᐃᓕᓮᔪᓐᓇᖁᓪᓗᑎᑦ ᐱᐅᔪᓂᒃ ᐃᓅᓯᕆᔭᕆᐊᓕᖏᓐᓂᒃ; ᓯᓚᓗᒃᑕᐅᑎᓕᕐᓗᒋᓪᓗ ᓄᓇᖏᑦ, ᐃᓄᖁᑎᖕᓄᑦ ᑐᓂᓚᐅᕋᕕᐅᒃ ᑭᖑᕐᖑᑎᔭᐅᖁᓪᓗᒍ.

²⁸ “ᓄᓇᒥ ᑳᖕᓇᕐᑐᖃᓕᕐᐸᑦ, ᖃᓂᒪᓇᕐᑐᖃᓕᕐᐸᑦ, ᐱᕈᕐᑐᐃᓪᓗ ᐊᓄᕆᒧᑦ ᓱᒃᑯᑕᐅᒃᐸᑕ, ᐱᒡᓕᕐᑕᐅᔮᕐᑐᓄᑦ ᐅᓄᕐᑐᕐᔪᐊᓄ ᓄᖑᑕᐅᒃᐸᑕ, ᐊᑭᕋᒥᖕᓄᓪᓗ ᓵᓚᐅᒃᐸᑕ ᓄᓇᒥᓂ ᐃᒡᓗᒐᓴᖕᓂᓗ; ᐋᓐᓂᐊᓇᕐᑐᖃᕐᐸᑦ ᓱᓇᑐᐃᓐᓇᕐᒥᒃ, ᖃᓂᒪᓇᕐᑐᖃᕐᐸᓪᓗ ᖃᓄᑐᐃᓐᓇᖅ;

²⁹ ᑐᒃᓯᐊᕐᑐᖃᑐᐊᕐᐸᑦ ᕿᓄᔪᖃᑐᐊᕐᐸᓪᓗ ᓇᓪᓕᐊᓐᓂᑐᐃᓐᓇᖅ, ᐃᓄᖕᒥᒃ ᐃᓴᕆᐊᓕᒥᐅᓂᓪᓘᓐᓃᑦ ᐃᓄᖁᑎᖕᓂᑦ, ᐅᖁᒤᒃᓴᐅᑎᒥᖕᓂᒃ ᐊᑐᓂᑦ ᖃᐅᔨᒪᖕᒪᑕ, ᓇᖕᒥᓂᕐᓗ ᕿᒃᓴᐅᑎᒋᔭᒥᖕᓂᒃ ᑕᓕᕐᒥᖕᓂᒃ ᐃᓴᑐᐊᕐᐸᑕ ᑕᕝᕙᓂ ᐃᒡᓗᒥ;

³⁰ ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐃᓱᒪᒋᔪᓐᓁᕐᓗᒋᓪᓗ, ᑐᓂᓯᕕᒋᓗᒋᓪᓗ ᐊᑐᓂᑦ ᐱᔭᕆᐊᖃᕐᓂᖏᑦ ᒪᓕᒡᓗᒋᑦ ᐆᒻᒪᑎᖏᑦ ᖃᐅᔨᒪᒐᕕᒋᑦ, ᐱᓂᐊᕐᓂᖏᓪᓗ ᒪᓕᒡᓗᒋᑦ (ᐃᕝᕕᑐᐊᖅ ᑭᓯᕕᑦ, ᐆᒻᒪᑎᖏᑦ ᖃᐅᔨᒪᒐᕕᒋᑦ ᐃᓅᑉ ᕿᑐᕐᖓᖏᑦ);

³¹ ᓯᕘᕋᖁᓪᓗᒋᑦ ᐃᓕᖕᓂᒃ ᐃᓅᖁᓪᓗᒋᓪᓗ ᐊᖅᑯᑎᐅᖁᔭᕐᓂ ᐃᓅᓂᓕᒫᖏᓐᓂ ᓄᓇᒥ ᑐᓂᓚᐅᕐᑕᕐᓂ ᓯᕗᓕᕆᓚᐅᕐᑕᑦᑎᓐᓄᑦ.

³² “ᑍᒫᑦᓮᓐᓇᕐᓗ ᐃᓅᖃᑎᑐᖃᕆᔭᐅᖏᑦᑐᑦ, ᐃᓴᕆᐊᓕᒥᐅᓄᑦ ᐃᓄᖁᑎᖕᓄᑦ ᐃᓚᒋᔭᐅᖏᑦᑐᑦ, ᓄᓇᒥᑦ ᐅᖓᓯᒃᑐᒥᑦ ᐱᔪᑦ ᐊᑏᑦ ᐱᓪᓗᒍ, ᐊᒡᒐᑎᑦ ᐱᔪᓐᓇᕐᑐᕐᔪᐊᑦ, ᑕᓕᕐᓄᓪᓗ ᐃᓵᖓᔪᒧᑦ, ᕾᒃᐸᑕ ᑐᒃᓯᐊᕐᐸᑕᓗ ᑕᕝᕙᓂ ᐃᒡᓗᒥ,

³³ ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐱᓂᐊᕐᕕᒋᓗᒋᓪᓗ ᐃᓅᖃᑎᑐᖃᕆᔭᐅᖏᑦᑐᑦ ᐃᓕᖕᓄᑦ ᑐᒃᓯᐊᕐᓂᖏᑦ ᒪᓕᒡᓗᒋᑦ; ᓄᓇᒦᑦᑐᑦ ᐃᓄᓕᒫᑦ ᐊᑎᕐᓂᒃ ᖃᐅᔨᖁᓪᓗᒋᑦ ᐃᓕᖕᓂᒡᓗ ᓯᕘᕋᓕᖁᓪᓗᒋᑦ, ᐃᓄᖁᑎᒃᑐᑦ ᐃᓴᕆᐊᓕᒃᑯᑎᑐᑦ, ᖃᐅᔨᖁᓪᓗᒋᑦ ᑖᓐᓇ ᐃᒡᓗ ᓴᓇᓚᐅᕐᑕᕋ ᑍᔭᐅᔪᒃᓴᐅᖕᒪᑦ ᐊᑎᕐᓂ.

³⁴ “ᐃᓄᖁᑎᑎᓪᓗ ᐅᓇᑕᕆᐊᕐᐸᑕ ᐊᑭᕋᒥᖕᓂᒃ, ᓇᒧᑐᐃᓐᓇᖅ ᑎᓕᒍᕕᒋᑦ, ᑐᒃᓯᐊᕐᐸᑕᓗ ᐃᓕᖕᓄᑦ ᐃᒡᓗᒐᓴᖕᓄᑦ ᑕᕝᕗᖓ ᓂᕈᐊᓚᐅᕐᑕᕐᓄᑦ ᐃᒡᓗᒧᓪᓗ ᓴᓇᓚᐅᕐᑕᓐᓄᑦ ᐊᑎᕐᓂ,

³⁵ ᑕᕝᕙ ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ ᑐᒃᓯᐊᕐᓂᖏᓐᓂᒃ ᕿᓄᓂᖏᓐᓂᒡᓗ, ᐱᓂᐊᕐᕕᒋᓗᒋᓪᓗ ᐱᔪᒪᓂᖏᑦ ᒪᓕᒡᓗᒋᑦ.

³⁶ “ᐊᔪᕐᑐᓕᒃᐸᑕᓕ ᐃᓕᖕᓄᑦ ᓇᓪᓕᐊᓐᓂᒡᓘᓐᓃᑦ ᐊᔪᕐᑐᓕᖏᑦᑐᖃᖏᒻᒪᑦ, ᓂᓐᖓᐅᑎᒍᕕᒋᓪᓗ, ᑐᓂᓗᒋᓪᓗ ᐊᑭᕋᖏᓐᓄᑦ, ᑎᒍᔭᐅᓗᑎᒡᓗ ᐊᐅᓪᓚᕈᑦᔭᐅᒃᐸᑕ ᓄᓇᒧᑦ ᐅᖓᓯᒃᑐᒧᑦ ᖃᓂᑦᑐᒧᓪᓘᓐᓃᑦ;

³⁷ ᐆᒻᒪᑎᒥᒍᓪᓕ ᐅᑎᕐᐸᑕ ᓄᓇᒥᑦ ᐊᐅᓪᓚᕈᑦᔭᐅᕕᒋᓯᒪᔭᒥᖕᓂᑦ ᑎᒍᔭᐅᓯᒪᕕᒋᔭᒥᖕᓂᓪᓗ, ᖃᕿᐊᓕᕐᐸᑕᓗ, ᕿᓄᓕᕐᐸᑕᓗ ᐃᓕᖕᓄᑦ ᓄᓇᒥ ᑎᒍᔭᐅᓯᒪᕕᖕᒥᓂᑦ, ᐅᖃᕐᓗᑎᒃ, ‘ᐊᔪᕐᑐᓕᓚᐅᕐᐳᒍᑦ, ᑕᒻᒪᓚᐅᕐᐳᒍᑦ, ᐱᐅᖏᑦᑐᓕᓪᓗᑕᓗ,’

³⁸ ᖃᕿᐊᓕᕐᐸᑕ ᐃᓕᖕᓄᑦ ᐆᒻᒪᑎᒥᖕᓄᑦ ᑕᒤᓐᓄᑦ ᑕᕐᓂᕐᒥᖕᓄᓪᓗ ᑕᒤᓐᓄᑦ ᓄᓇᒥ ᑎᒍᔭᐅᓯᒪᕕᖕᒥᖕᓂ, ᐊᐅᓪᓚᕈᑦᔭᐅᓯᒪᒋᔭᒥᖕᓂ, ᑐᒃᓯᐊᓕᕐᐸᑕ ᓄᓇᖏᑦᑕ ᓇᓛᓄᑦ, ᑐᓂᓚᐅᕐᑕᕐᓄᑦ ᓯᕗᓕᕆᓚᐅᕐᑕᖏᓐᓄᑦ, ᐃᒡᓗᒐᓴᖕᓄᑦ ᓂᕈᐊᕐᓯᒪᔭᕐᓄᑦ, ᐃᒡᓗᒧᓪᓗ ᓴᓇᓚᐅᕐᑕᓐᓄᑦ ᐊᑎᕐᓄᑦ,

³⁹ ᑕᕝᕙ ᑐᓴᓚᐅᒃᑭᑦ ᕿᓚᖕᒥᑦ ᐃᓂᒋᔭᕐᓂᑦ ᑐᒃᓯᐊᕐᓂᖏᑦ ᕿᓄᓂᖏᓪᓗ, ᐃᑲᔪᓚᐅᒃᑭᑦ ᑭᓐᖒᒪᒋᔭᖏᓐᓂᑦ ᐃᓱᒪᒋᔪᓐᓁᕐᓗᒋᓪᓗ ᐃᓄᖁᑎᑎᑦ ᐃᓕᖕᓄᑦ ᐊᔪᕐᑐᓕᓯᒪᓂᖏᓐᓂᑦ.

⁴⁰ “ᒫᓐᓇᓕ ᒎᑎᒐ, ᐃᔩᒃᑭᒃ ᐅᐃᒃᑭᑦ ᓯᐅᑏᒃᑭᒡᓗ ᐊᖕᒪᕐᓕᒃ ᑐᒃᓯᐊᕐᓂᕐᓂᒃ ᐅᕙᓂ ᑐᒃᓯᐊᕐᓂᕆᔭᐅᔪᓄᑦ.

⁴¹ ᒫᓐᓇᓗ, ᒪᑭᓕᕆᑦ ᐊᑕᓃᖅ ᒎᑏ, ᐃᓂᖕᓄᐊᓕᕆᑦ ᑕᕾᕐᓯᕐᕕᖕᓄᑦ, ᐃᕝᕕᑦ ᐃᒃᓯᕐᕕᖁᑏᓪᓗ ᓲᖑᔫᑦᔪᑏᑦ. ᑐᓂᕐᕈᓯᕐᑎᑦᓯᔨᖁᑎᑎᑦ, ᐊᑕᓃᖅ ᒎᑏ, ᐊᓐᓄᕌᕐᑎᓚᐅᒃᑭᑦ ᐱᐅᓕᔭᐅᓂᕐᒥᒃ, ᐃᑦᔪᕐᓁᑦᑐᖁᑎᑎᓪᓗ ᖁᕕᐊᓱᒃᑎᒃᑭᑦ ᐱᐅᔫᓂᕐᓄᑦ.

⁴² ᐊᑕᓃᖅ ᒎᑏ, ᑮᓁᑦ ᐊᓚᕐᑎᓐᓂᐊᕐᓇᒍ ᐅᕐᓱᕐᑎᓯᒪᔭᕐᓂᑦ! ᐃᖅᑲᐅᒪᒍᒃ ᓇᒡᓕᖕᓃᑦ ᓱᖁᓯᔪᐃᑦᑐᖅ ᐱᔨᖕᓂᒃ ᑍᕕᑎᒥᒃ.”