ᑯᕉᓂᑲ ᐂᑉᐸᖏᑦ 27 - ᐊᒡᓔᑦ ᐃᑦᔪᕐᖕᓁᑦᑐᑦᐊᖓᔪᖅᑳᕐᔪᐊᖅ ᔫᑕᒻ ᔫᑕᒥᐅᑕᖅ ᐊᑕᓃᑦ ᐂᑉᐸᖏᑦ 15:32-38 1 ᔫᑕᒻ ᐊᕐᕌᒍᖃᓚᐅᕐᐳᖅ 25ᓂᒃ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 16ᓂᒃ ᔨᕉᓴᓕᒥ. ᐊᓈᓇᖓ ᐊᑎᖃᕐᐳᖅ ᔨᕉᓴᕼᐊᒥᒃ ᔭᑑᑭᐅᑉ ᐸᓂᖓ. 2 ᐱᓂᐊᕐᓂᖃᓚᐅᕐᐳᕐᓗ ᓈᒻᒪᒃᑐᒥᒃ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐊᑖᑕᖓᑕ ᐅᓮᐊᐅᑉ ᐱᓂᐊᕐᓂᕆᓚᐅᕐᑕᖓᑐᑦ; ᐊᑖᑕᒥᑐᓪᓕ ᐱᐅᖏᑦᑐᓕᓚᐅᓐᖏᓚᖅ ᐊᑕᓂᐅᑉ ᐃᒡᓗᖓᓂ ᑎᐱᑦᓯᐊᕆᒃᑐᒥᒃ ᐃᑯᐊᓪᓔᓗᓂ. ᐃᓄᐃᓪᓕ ᑭᓯᐊᓂ ᐱᐅᖏᑦᑐᓖᓐᓇᓚᐅᕐᐳᑦ. 3 ᔫᑕᒻ ᐃᑎᕐᑕᕐᕕᖕᒥᒃ ᐳᕐᑐᓂᕐᓴᒥᒃ ᓴᓇᓚᐅᕐᐳᖅ ᐊᑕᓂᐅᑉ ᐃᒡᓗᖓᓂ, ᐊᕙᓗᕐᔪᐊᒥᒡᓗ ᐊᑯᓂ ᓴᓇᓚᐅᕐᐳᖅ ᐅᐱᐅᓕᒥᒃ ᐊᑎᓕᖕᒥᒃ. 4 ᐃᒡᓗᒐᓴᓕᐅᓚᐅᕐᐳᕐᓗ ᔫᑕᐅᑉ ᖃᖅᑲᖓᓂ, ᓇᐹᕐᑐᐃᓪᓗ ᐊᑯᓐᓂᖓᓂ ᐃᑎᕐᓴᓂᒃ ᐃᔨᕐᓯᒪᕕᓕᐅᓚᐅᕐᐳᖅ ᓇᐸᔪᕐᔪᐊᓕᐅᕐᓗᓂᓗ. 5 ᐅᓇᑕᓚᐅᕐᐳᖅ ᐊᒧᓁᑎᑦ ᐊᖓᔪᖅᑳᕐᔪᐊᖓᓂᒃ ᓵᓚᒋᓪᓗᒋᓪᓗ. ᐊᒧᓁᑎᒥᐅᓪᓗ ᑐᓂᓚᐅᕐᐹᑦ ᑖᑦᓱᒪᓂ ᐊᕐᕌᒍᒥ 100ᓂᒃ ᑖᓚᓐᑎᓂᒃ ᓯᐅᓪᕕᕆᓂᒃ, 10,000ᓂᒡᓗ ᖃᑦᑕᓂᒃ ᓂᐊᖂᔭᒃᓴᓂᒃ, ᓂᐊᖂᔭᒃᓮᓪᓗ ᓴᐅᓂᖏᓐᓂᒃ 10,000ᓂᒃ. ᐊᒧᓁᑎᒥᐅᓪᓗ ᑍᒤᓪᓗᐊᕐᑐᓂᒃ ᐊᑭᓕᓚᐅᕐᐹᑦ ᐊᕐᕌᒎᑉ ᐂᑉᐸᖓᓂ ᐱᖓᔪᐊᓐᓂᓗ. 6 ᔫᑕᒻᓗ ᐊᔪᖏᑦᑐᕐᔪᐊᕈᓚᐅᕐᐳᖅ, ᐱᓇᓱᐊᑦᓯᐊᕈᒪᓪᓗᓂ ᑐᒃᓯᐊᓚᐅᕐᒪᑦ ᐊᑕᓂᐅᑉ ᒎᑎᖓᑕ ᓵᖓᓂ. 7 ᔫᑕᒻᓕ ᐱᓂᐊᕐᓂᖏᑕ ᐃᓚᖏᑦ, ᐅᓇᑕᕐᓂᖏᓪᓗ ᐱᓂᐊᕐᓂᖏᓪᓗ, ᑎᑎᕋᕐᓯᒪᕗᑦ ᐃᓴᕆᐊᓕᒥᐅᑉ ᔫᑕᒥᐅᓪᓗ ᐊᖓᔪᖅᑳᕐᔪᐊᖏᑕ ᑎᑎᕋᕐᓯᒪᔪᖁᑎᖏᓐᓂ. 8 25ᓂᒃ ᐊᕐᕌᒍᖃᓚᐅᕐᐳᖅ ᐊᖓᔪᖅᑳᕐᔪᐊᓐᖑᕐᑎᓪᓗᒍ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 16ᓂᒃ ᔨᕉᓴᓕᒥ. 9 ᔫᑕᒻᓗ ᑐᖁᖕᒪᑦ ᓯᕗᓕᖏᑕ ᐃᓂᖓᓄᐊᕐᐳᖅ, ᐃᓗᕕᕐᐹᓪᓗ ᑍᕕᑎᐅᑉ ᐃᒡᓗᒐᓴᖏᓐᓂ; ᐃᕐᓂᖓᓗ ᐂᕼᐊᔅ ᐊᖓᔪᖅᑳᓐᖑᕐᐳᖅ ᐃᓂᖓᓂ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society