ᑯᕉᓂᑲ ᐂᑉᐸᖏᑦ 17 - ᐊᒡᓔᑦ ᐃᑦᔪᕐᖕᓁᑦᑐᑦ

ᔨᕼᐆᓴᐸᐅᑉ ᐊᖓᔪᖅᑳᕐᔪᐊᕈᕐᓂᖓ

¹ ᔨᕼᐆᓴᐸᑦᓗ ᐋᓴᐅᑉ ᐃᕐᓂᖓ ᐃᓇᖐᓪᓗᓂ ᐊᖓᔪᖅᑳᕐᔪᐊᕈᕐᐳᖅ, ᐃᒻᒥᓂᒡᓗ ᓲᖑᓯᑎᓐᓇᓱᐊᕐᓗᓂ ᐊᑭᕋᕐᑐᕐᓕᕐᐳᖅ ᐃᓴᕆᐊᓕᒥᐅᓂᒃ.

² ᐅᓇᑕᕐᑐᒃᓴᓂᒃ ᐃᓂᑖᕐᑎᑦᓯᕗᖅ ᔫᑕᐅᑉ ᐃᒡᓗᒐᓴᓕᒫᖏᓐᓂ ᓴᐴᓗᑕᓕᖕᓂ, ᐅᓇᑕᕐᑐᒃᓴᒃᑯᕕᓕᐅᕐᐳᕐᓗ ᔫᑕᐅᑉ ᓄᓇᖓᓂ, ᐃᕗᕅᑎᐅᓪᓗ ᐃᒡᓗᒐᓴᖏᓐᓂ ᐊᑖᑕᖓᑕ ᐂᓴᐅᑉ ᓵᓚᒋᓚᐅᕐᑕᖏᓐᓂ.

³ ᐊᑕᓂᐅᑉ ᔨᕼᐆᓴᐸᑦ ᐃᓚᒋᕚ, ᐊᑖᑕᖓᑕ ᐱᒋᐊᓕᓵᕐᓂᖓᑐᑦ ᐃᓅᓚᐅᕐᒪᑦ, ᐰᓕᓂᒃ ᒎᑎᓐᖑᐊᓂᒃ ᑕᑎᖃᓚᐅᖏᒻᒪᑦ.

⁴ ᐊᑖᑕᖓᑕᓕ ᒎᑎᖓᓂᒃ ᑕᑎᖃᓚᐅᕐᐳᖅ ᐱᖁᔭᖏᓐᓂᒡᓗ ᒪᓕᒡᓗᓂ, ᐃᓴᕆᐊᓕᒥᐅᑉ ᐱᓂᐊᕐᓂᖏᑦ ᒪᓕᖕᓇᒋᑦ.

⁵ ᑍᒤᒻᒪᑦ ᐊᑕᓂᐅᑉ ᐊᐅᓚᑦᓯᑦᓯᐊᕐᑎᓚᐅᕐᐹ ᐊᖓᔪᖅᑲᐅᕕᖕᒥᒃ; ᔫᑕᒥᐅᓕᒫᓪᓗ ᑐᓂᓯᖃᑦᑕᓚᐅᕐᐳᑦ ᐂᑦᑑᑎᒋᔭᕆᐊᓕᖕᒥᖕᓂᒃ ᔨᕼᐆᓴᐸᑦᒧᑦ; ᐊᒃᓗᐃᓕᑎᓚᐅᕐᐹᑦ ᐅᐱᓐᓇᕐᓯᑎᓪᓗᒍᓗ.

⁶ ᓴᐱᖏᑦᓯᐊᓚᐅᕐᐳᖅ ᐱᓂᐊᕐᓂᒥᒍᑦ ᐊᑕᓂᕐᒧᑦ; ᒎᑎᓐᖑᐊᓄᓪᓗ ᑐᒃᓯᐊᕐᕖᑦ ᐱᓪᓚᕆᒋᔭᐅᔪᑦ ᕿᔪᐃᓪᓗ ᐃᓄᓐᖑᐊᑦ ᐊᓯᕋᒥᑦ ᔫᑕᒥᑦ ᐲᔭᕐᐰᑦ.

⁷ ᐊᕐᕌᒍᐃᑦ ᐱᖓᔪᐊᓐᓂ ᐊᖓᔪᖅᑳᕐᔪᐊᖑᓕᕐᓗᓂ ᐊᖓᔪᖅᑳᖁᑎᓂ ᑎᓕᕔᑦ, ᐱᓐ-ᕼᐂᓪ, ᐅᐸᑍᐊ, ᓴᑲᕅᐊ, ᓇᑖᓂᐅᓪ, ᒥᑬᐊᓗ, ᐃᓕᓐᓂᐊᕐᑎᑦᓯᖁᓪᓗᒋᑦ ᔫᑕᐅᑉ ᐃᒡᓗᒐᓴᖏᓐᓂ;

⁸ ᐃᓚᖃᕐᑎᓪᓗᒋᑦ ᓕᕔᑎᓂᒃ, ᓯᒤᐊ, ᓂᑕᓁᐊ, ᔨᐸᑍᐊ, ᐊᓴᕼᐃᐅᓪ, ᓯᒥᕋᒫᑎ, ᔨᕼᐅᓇᑕᓐ, ᐊᑐᓁᔭ, ᑐᐰᔭ, ᑑᑉᐊᑐᓁᔭ, ᓕᕔᑏᑦ ᐃᓚᖃᕐᑎᓪᓗᒋᑦ ᐅᑯᓂᖓ, ᑐᓂᕐᕈᓯᕐᑎᑦᓯᔩᖕᓂᒃ ᐃᓔᓴᒪᒥᒃ, ᔨᕼᐅᕌᒻᒥᒡᓗ.

⁹ ᑖᒃᑯᐊ ᐃᓕᓮᕗᑦ ᔫᑕᒥ, ᐊᑕᓂᐅᑉ ᐱᖁᔭᖏᑦ ᑎᑎᕋᕐᓯᒪᔪᑦ ᐱᓯᒪᓪᓗᒋᑦ; ᔫᑕᐅᑉ ᐃᒡᓗᒐᓴᓕᒫᖏᓐᓄᑦ ᐂᓚᐅᕐᐳᑦ ᐃᓕᓮᓪᓗᑎᒃ ᐃᓄᖕᓂᒃ.

ᔨᕼᐆᓴᐸᐅᑉ ᐊᔪᖏᓐᓂᖓ

¹⁰ ᐊᑕᓂᐅᓪᓗ ᓯᕘᕋᓇᕐᓂᖓᑕ ᐊᖓᔪᖅᑲᐅᕕᓕᒫᑦ ᓄᓇᓕᖏᓪᓗ ᔫᑕᐅᑉ ᐊᕙᑖᓃᑦᑐᑦ ᑐᕝᕕᒋᓚᐅᕐᐰᑦ, ᐅᓇᑕᕆᐊᒃᓴᕐᓗ ᓯᕘᕋᓕᓚᐅᕐᐳᑦ ᔨᕼᐆᓴᐸᑦᒥᒃ.

¹¹ ᐱᓕᔅᑍᓂᒥᐅᓪᓗ ᐂᑦᑐᐃᔭᕐᑐᕐᐳᑦ ᔨᕼᐆᓴᐸᑦᒧᑦ ᐊᑭᓕᐅᑎᒥᖕᓂᒃ ᓯᐅᓪᕕᕆᓂᒃ, ᐋᕋᑉᒥᐅᓪᓗ ᑐᓂᓯᒋᕗᑦ ᓰᐱᐅᑉ ᐊᖑᓴᓪᓗᖏᓐᓂᒃ 7,700ᓂᒃ, ᒎᑦᓰᓪᓗ ᐊᖑᓴᓪᓗᖏᓐᓂᒃ 7,700ᓂᒃ.

¹² ᔨᕼᐆᓴᐸᑦᓗ ᐱᔪᓐᓇᕐᓯᕙᓪᓕᐊᓚᐅᕐᐳᖅ ᑲᔪᓯᔪᒥᒃ. ᓴᐴᓗᑕᓕᐅᓚᐅᕐᐳᕐᓗ ᔫᑕᒥ ᐃᒡᓗᒐᓴᖕᓂᒃ ᓱᓇᑐᐃᓐᓇᒃᑯᕕᖕᓂᒡᓗ.

¹³ ᐱᖁᑎᖃᒻᒪᕆᓚᐅᕐᐳᕐᓗ ᐃᒡᓗᒐᓴᖕᓂ ᔫᑕᒦᑦᑐᓂᒃ. ᐅᓇᑕᕐᑎᖁᑎᖃᕐᓗᓂ, ᐊᔪᖏᑦᑐᕐᔪᐊᓂᒡᓗ ᐅᓇᑕᕆᐊᒃᓴᖅ, ᔨᕉᓴᓕᒦᑦᑐᓂᒃ.

¹⁴ ᐃᒤᓕᖓᕗᑦ ᓯᕗᓕᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᔫᑕᒥ, ᐊᖓᔪᖅᑳᖁᑎᖃᕐᐳᖅ 1,000ᓄᑦ: ᐊᕕᒃᑐᕐᓯᒪᔪᓄᑦ, ᐋᑦᓇ ᐊᖓᔪᖅᑳᖑᕗᖅ, ᐊᖓᔪᖅᑲᐅᕕᖃᕐᓗᓂ 300,000ᓂᒃ ᐅᓇᑕᕐᑎᓂᒃ ᐊᔪᖏᑦᑐᕐᔪᐊᓂᒃ.

¹⁵ ᑖᑦᓱᒪ ᑐᖓᓕᖓ ᔨᕼᐅᕼᐊᓇᓐ ᐊᖓᔪᖅᑳᖑᕗᖅ, ᐊᖓᔪᖅᑲᐅᕕᖃᕐᓗᓂ 280,000ᓂᒃ,

¹⁶ ᑖᑦᓱᒪ ᑐᖓᓕᒃᑲᓐᓂᖓ, ᐊᒪᓮᐊ ᔨᒃᕆᐅᑉ ᐃᕐᓂᖓ, ᐃᒻᒥᓂᒃ ᑐᓂᓯᒪᓚᐅᕐᑐᖅ ᐊᑕᓂᕐᒧᑦ, ᐊᖓᔪᖅᑲᐅᕕᖃᓚᐅᕐᐳᖅ 200,000ᓂᒃ ᐅᓇᑕᕐᑎᓂᒃ ᐊᔪᖏᑦᑐᕐᔪᐊᓂᒃ.

¹⁷ ᐱᓐᔭᒥᓂᐅᑉ ᑭᖑᕚᖏᓐᓂᑦ; ᐃᓔᐊᑕ ᐅᓇᑕᕐᓂᕐᒧᑦ ᐊᔪᖏᑦᑐᕐᔪᐊᖅ, ᐃᓚᖃᕐᓗᓂ ᐅᓇᑕᕐᑐᒃᓴᓂᒃ 200,000ᓂᒃ ᐅᓇᑕᐅᑎᖃᕐᑐᓂᒃ ᐱᑎᒃᓯᓂᒃ ᓴᐴᓗᑕᓂᒡᓗ.

¹⁸ ᑖᑦᓱᒪ ᑐᖓᓕᖓ ᔨᕼᐅᔭᐸᑦ, ᐃᓚᖃᕐᐳᖅ 180,000ᓂᒃ ᐅᓇᑕᕐᓂᕐᒧᑦ ᐊᑐᐃᓐᓇᐅᑦᓯᐊᕐᑐᓂᒃ.

¹⁹ ᑖᒃᑯᐊ ᐱᔨᑦᓯᓚᐅᕐᐳᑦ ᐊᖓᔪᖅᑳᕐᔪᐊᕐᒥᒃ, ᑖᒃᑯᐊᑦᑕᐅᖅ ᐊᓯᖏᓐᓂᒃ ᐊᖓᔪᖅᑳᕐᔪᐊᖅ ᑎᓕᓯᓚᐅᕆᕗᖅ ᐃᒡᓗᒐᓴᖕᓂ ᓴᐴᓗᑕᓕᖕᓂ ᔫᑕᒦᑦᑐᓕᒫᓂᒃ ᑲᒪᔨᐅᓂᐊᕐᑐᓂ.