ᓴᒧᐃᓕ ᓯᕗᓪᓖᑦ 6 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᖏᕈᑎᐅᑉ ᐃᒃᓯᕐᕕᖓᑕ ᐅᑎᕐᑎᑕᐅᓂᖓ

¹ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐱᓕᔅᑍᓂᒦᓚᐅᕐᐳᖅ ᑕᖅᑭᓂᒃ 7ᓂᒃ.

² ᐱᓕᔅᑍᓂᒥᐅᓪᓗ ᕾᖁᔨᓚᐅᕐᐳᑦ ᑐᓂᕐᕈᓯᕐᑎᑦᓯᔨᓂᒃ ᖃᐅᔨᓇᓱᐊᕐᑎᓂᒡᓗ ᐊᐱᕆᓪᓗᒋᓪᓗ, “ᖃᓄᐃᓕᐅᕐᑐᒃᓴᐅᕕᑖ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓᓂᒃ? ᐅᖃᐅᑎᓚᐅᕐᑎᒍᑦ ᐅᑎᕐᑎᓐᓂᐊᕈᑦᑎᒍ ᐃᓂᖓᓄᑦ ᓱᓇᒥᒃ ᐃᓚᖃᕐᓗᓂ ᐊᐅᓪᓚᕐᑎᑕᒃᓴᕆᕙᕗᑦ?”

³ ᑖᒃᑯᐊ ᑭᐅᕗᑦ, “ᐃᓴᕆᐊᓕᒥᐅᑉ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐊᐅᓪᓚᕐᑎᓐᓂᐊᕈᑦᓯᐅᒃ, ᐃᓚᖃᖏᓪᓗᒍ ᐊᐅᓪᓚᕐᑎᑕᒃᓴᕆᓐᖏᓚᓯ, ᐊᐅᓪᓚᕐᑎᑦᓯᖃᓯᐅᑦᔨᔪᒃᓴᐅᕗᓯᓕ ᐂᑦᑑᑎᓂᒃ ᐸᓯᔭᒃᓴᐅᓂᑦᓯ ᐊᑭᓕᐅᑎᒃᓴᖓᓂᒃ. ᑕᕝᕙ ᑍᒤᓕᐅᕈᑦᓯ ᐋᖅᑭᒃᑕᐅᓂᐊᕐᐳᓯ, ᖃᐅᔨᓂᐊᕐᐳᓯᓗ ᓱᖕᒪᑦ ᑖᑦᓱᒧᖓ ᓱᒋᐊᕐᑕᐅᓐᓂᕐᒪᒑᑦᓯ.”

⁴ ᐃᓄᐃᓪᓗ ᐊᐱᕆᕗᑦ, “ᓱᓇᓃᒃ ᐂᑦᑑᑎᖃᕐᑐᒃᓴᐅᕕᑖ ᐸᓯᔭᒃᓴᐅᓂᑦᑎᓐᓄᑦ ᐊᑭᓕᐅᑎᒃᓴᓂᒃ?” ᑖᒃᑯᐊ ᑭᐅᕗᑦ, “ᑕᓪᓕᒪᓂᒃ ᒎᓗᓂᒃ ᐋᓐᓂᐊᓇᕐᑐᓐᖑᐊᓂᒃ ᐋᖅᑭᒃᑕᐅᔪᓐᓇᖏᑦᑐᓂᒃ ᑕᓪᓕᒪᓂᒡᓗ ᒎᓗᓂᒃ ᐊᕕᓐᖓᓐᖑᐊᓂᒃ, ᐱᓕᔅᑍᓂᒥᐅᑦ ᐊᖓᔪᖅᑳᖏᑕ ᖃᑦᓯᐅᓂᖏᑦ ᒪᓕᒡᓗᒋᑦ; ᖃᓂᒻᒪᓯᖅ ᐃᓕᑦᓯᓐᓄᐊᓚᐅᕐᒪᑦ ᐊᖓᔪᖅᑳᓕᒫᑦᓯᓐᓄᓪᓗ.

⁵ ᑖᒃᑯᐊ ᓴᓇᓐᖑᐊᕐᑕᒃᓴᕆᕙᓯ ᐋᓐᓂᐊᓇᕐᑐᓐᖑᐊᑦ ᐊᕕᓐᖓᓐᖑᐊᓪᓗ ᐃᓕᑦᓯᓐᓂᒃ ᓱᕅᓚᐅᕐᒪᑕ ᓄᓇᑦᓯᓐᓂᒡᓗ, ᓂᕐᑐᕐᓇᕐᓯᑎᑕᒃᓴᕆᕙᓯᓗ ᐃᓴᕆᐊᓕᒥᐅᑦ ᒎᑎᖓᑦ; ᐃᒻᒪᖄ ᐊᒃᓱᕈᕈᓐᓃᕋᔭᕐᐳᖅ ᓱᒋᐊᕐᓯᔭᕆᐊᒃᓴᖅ ᐃᓕᑦᓯᓐᓂᒃ, ᒎᑎᑦᓯᓂᒃ ᓄᓇᑦᓯᓐᓂᒡᓗ.

⁶ ᓱᖕᒪᑦ ᐆᒻᒪᑎᓯ ᓯᑎᔫᒋᐊᖃᕐᐸᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑎᑐᑦ ᐰᕉᑐᑦ ᐄᑦᔨᑉᑎᒥᐅᑎᑐᓪᓗ ᐆᒻᒪᑎᖏᑦ ᓯᑎᔫᓚᐅᕐᓂᖏᑎᑐᑦ? ᐱᓐᖑᐊᕆᑐᐃᓐᓇᓕᓚᐅᕐᒪᒋᑦ, ᐃᓄᖁᑎᖏᓐᓂᒃ ᐊᐅᓚᕐᑎᑦᓯᓚᐅᕐᑎᓐᓇᒋᑦ, ᑕᕝᕙ ᐊᐅᓪᓚᕈᓇᕐᓯᑎᑦᓯᓚᐅᕐᐳᑦ.

⁷ ᑍᒤᒻᒪᑦ, ᓄᑖᒥᒃ ᑲᓕᒐᓕᐅᓕᕆᑦᓯ ᐊᒃᓴᓗᐊᓕᖕᒥᒃ ᒪᕐᕉᖕᓂᒡᓗ ᐃᒻᒧᒃᓯᐅᒑᖕᓂᒃ ᕿᒧᒋᐅᕐᓯᒪᖏᑦᑑᖕᓂᒃ; ᑖᒃᑯᐊᒃ ᑲᓕᒐᕐᒥᒃ ᐅᓂᐊᕐᑐᒃᓴᓕᐊᕆᓗᒋᒃ, ᓄᕐᕋᖏᒡᓕ ᐅᑎᕐᑎᓪᓗᒋᑦ ᐆᒪᔪᖃᐅᑎᒧᑦ.

⁸ ᐊᑕᓂᐅᓪᓗ ᐊᖏᕈᑎᖓᑕ ᐃᒃᓯᕐᕕᖁᑎᖓ ᑲᓕᒐᕐᒧᐊᕐᓗᒍ, ᐃᒃᓯᕐᕖᓪᓗ ᐃᓗᓕᓖᑦ ᒎᓗᓂᒃ ᓴᓇᓐᖑᐊᕐᓯᒪᔪᓂᒃ ᐂᑦᑑᑎᒋᓂᐊᕐᑕᑦᓯᓐᓂᒃ ᐸᓯᔭᒃᓴᐅᓂᑦᓯᓐᓄᑦ ᐊᑭᓕᐅᑎᒃᓴᐅᓂᐊᕐᑐᓂᒃ ᑲᓕᒐᕐᒧᐊᖃᓯᐅᑎᓗᒋᑦ. ᑲᓕᒑᕐᓗ ᐊᐅᓪᓚᕐᑎᓪᓗᒍ, ᐃᒻᒥᓂᒃ ᐃᖏᕐᕋᓂᐊᕐᒪᑦ ᐃᓄᖃᖏᓪᓗᓂ.

⁹ ᖃᐅᔨᓴᕐᑐᒃᓴᐅᕗᓯ ᓇᒧᓐᖓᐅᖕᒪᖔᑦ; ᑲᔪᓯᑐᐊᕐᐸᑦ ᓄᓇᓕᖕᓄᑦ ᐱᑦ-ᓯᒥᔅᒧᑦ, ᑐᑭᖃᕐᓂᐊᕐᐳᖅ ᐃᓴᕆᐊᓕᒥᐅᑦ ᒎᑎᖓᑕ ᑕᒪᓐᓇ ᐱᐅᖏᑦᑐᐊᓗᒃ ᐊᑑᑎᓚᐅᕐᑕᕗᑦ ᑎᑭᑎᓯᒪᖕᒪᒍ; ᑲᔪᓯᓐᖏᑐᐊᕐᐸᓪᓕ, ᖃᐅᔨᓂᐊᕐᐳᒍ ᑕᒪᓐᓇ ᖃᓂᒪᓇᕐᑐᖅ ᑖᑦᓱᒪ ᑎᑭᑎᓚᐅᖏᒻᒪᒍ; ᓇᓪᓕᐅᑎᔪᕕᓂᑐᐃᓐᓇᐅᒐᔭᕐᐳᕐᓕ.”

¹⁰ ᑕᕝᕙ ᐊᖑᑎᑦ ᐱᓇᓱᐊᓚᐅᕐᐳᑦ ᐅᖃᐅᑦᔭᐅᑦᔪᑎᒥᖕᓂᒃ, ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ ᑎᒍᓯᕗᑦ ᑲᓕᒐᕐᒧᐊᕐᓗᒋᒡᓗ, ᓄᕐᕋᖏᒡᓗ ᐊᖏᕐᕋᐅᑎᓪᓗᒋᒃ.

¹¹ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᑲᓕᒐᕐᒧᐊᕐᐹᑦ, ᐃᒃᓯᕐᕕᖕᒥᒡᓗ ᐃᓗᓕᓕᖕᒥᒃ ᒎᓗᓂᒃ ᓴᓇᓐᖑᐊᕐᓯᒪᔪᓂᒃ ᐊᕕᓐᖓᓐᖑᐊᓂ ᖃᓂᒻᒪᓯᓐᖑᐊᓂᒡᓗ ᓴᓂᐊᓄᐊᕐᓯᓪᓗᑎᒃ.

¹² ᐃᒻᒧᒃᓯᐅᒊᓪᓗ ᐊᐅᓪᓚᕐᐳᑦ ᐊᖅᑯᑎᒃᑯᑦ ᐱᑦ-ᓯᒥᔅᒧᐊᕆᐊᒃᑯᑦ ᑐᕌᑦᓯᐊᕐᓗᑎᒡᓗ ᑲᔪᓯᕗᑦ, ᐊᖅᑯᑎᒥᑦ ᓴᖑᓐᖏᓚᑦ ᑕᓕᕐᐱᖕᒧᓪᓘᓐᓃᑦ ᓴᐅᒥᖕᒧᓪᓘᓐᓃᑦ, ᐱᓕᔅᑍᓂᒥᐅᓪᓗ ᐊᖓᔪᖅᑳᖏᑕ ᒪᓕᓚᐅᕐᐹᑦ ᐱᑦ-ᓯᒥᔅᓯᐅᑉ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ.

¹³ ᐱᑦ-ᓯᒥᔅᒥᐅᓪᓕ ᐃᓄᖏᑦ ᓂᐊᖂᔭᒃᓴᓕᕆᓚᐅᕐᐳᑦ ᓄᕗᖏᓐᓂᒃ ᐱᔧᓪᓗᑎ ᓇᕐᓴᒥ; ᑕᑯᓴᕋᒥᒡᓗ ᑕᑯᕗᑦ ᐊᖏᕈᑎᐅᑉ ᐃᒃᓯᕐᕕᖁᑎᖓᓂᒃ, ᖁᕕᐊᓱᒻᒪᕆᓚᐅᕐᐳᓪᓗ ᑕᑯᒐᒥᑦᔪᒃ.

¹⁴ ᑕᕝᕙ ᑲᓕᒐᖅ ᑎᑭᐅᑎᕗᖅ ᐱᕈᕐᓰᕕᖕᒧᑦ ᐱᒋᔭᐅᔪᒧᑦ ᔮᓱᐊᒧᑦ ᐱᑦ-ᓯᒥᔅᒦᑦᑐᒧᑦ, ᑕᕝᕗᓐᖓᕋᒥᓗ ᓄᖅᑲᕐᐳᖅ. ᐅᔭᕋᒡᔪᐊᑉ ᓴᓂᐊᓄᑦ; ᐃᓄᐃᓪᓗ ᑲᓕᒐᖅ ᓱᕋᒃᑎᕐᓗᒍ ᑭᔪᒃᓴᓕᐊᕆᕚᑦ ᐃᒻᒧᒃᓯᐅᒑᒡᓗ ᑐᖁᓪᓗᒋᒃ ᐃᑯᐊᓪᓚᒃᐰᑦ ᑐᓂᕐᕈᑎᒋᓪᓗᒋᒃ ᐊᑕᓂᕐᒧᑦ.

¹⁵ ᓕᕔᑏᓪᓗ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐲᓚᐅᕐᐹᑦ ᐃᒃᓯᕐᕕᒡᓗ ᒎᓗᓂᒃ ᓴᓇᓐᖑᐊᕐᓯᒪᔪᓂᒃ ᐃᓗᓕᓕᒃ ᐱᖃᓯᐅᑎᓪᓗᒍ, ᐅᔭᕋᒡᔪᐊᓪᓗ ᖄᖓᓄᑦ ᐃᓕᕔᑦ; ᑕᕝᕙ ᐱᑦ-ᓯᒥᔅᓯᐅᑉ ᐃᓄᖏᑦ ᐃᑯᐊᓚᑦᓯᓪᓗᑎᒃ ᑐᓂᕐᕈᓯᓚᐅᕐᐳᑦ ᑐᖁᑦᓯᓪᓗᑎᒡᓗ ᑐᓂᕐᕈᓯᕐᓗᑎᒃ ᐅᓪᓗᒥ ᑕᕝᕙᓂ ᐊᑕᓂᕐᒧᑦ.

¹⁶ ᐱᓕᔅᑍᓂᒥᐅᓪᓗ ᐊᖓᔪᖅᑳᖏᑦ ᑕᓪᓕᒪᑦ ᑕᑯᓐᓇᓚᐅᕐᐳᑦ ᐱᓂᐊᕐᓂᐅᔪᓂᒃ, ᑭᖑᓂᐊᒍᓪᓗ ᐅᑎᕐᐳᑦ ᐅᓪᓗᒥ ᑕᕝᕙᓂᑦᓮᓐᓇᖅ ᐃᑯᕋᓂᒧᑦ.

¹⁷ ᐱᓕᔅᑍᓂᒥᐅᑦ ᑐᓂᓯᓚᐅᕐᐳᑦ ᒎᓗᓂᒃ ᑕᓪᓕᒪᓂᒃ ᖃᓂᒪᓯᕐᓂᒃ ᐋᖅᑭᒃᑕᐅᔪᓐᓇᖏᑦᑐᓂᒃ ᓴᓇᓐᖑᐊᕐᓯᒪᔪᓂᒃ ᑖᒃᑯᐊ ᑐᓂᕐᕈᑕᐅᓪᓗᑎᒃ ᐊᑕᓂᕐᒧᑦ ᐊᑭᓕᐅᑎᒃᓴᐅᖁᓪᓗᒋᑦ ᐸᓯᔭᒃᓴᐅᓂᕐᒥᖕᓄᑦ: ᐃᒡᓗᒐᓴᖕᓂᑦ ᐅᑯᓇᓐᖓᑦ ᐱᑎᓪᓗᒋᑦ ᐋᔅᑖᑦ, ᒑᓴ, ᐊᓯᑭᓗᓂ, ᒑᑎ, ᐃᑯᕋᓂᒥᓪᓗ.

¹⁸ ᑐᓂᓯᓚᐅᕆᕗᓪᓗ ᒎᓗᓂᒃ ᐊᕕᓐᖓᓐᖑᐊᓂᒃ, ᐱᓕᔅᑍᓂᒥᐅᑦ ᐊᖓᔪᖅᑳᖏᑕ ᐊᐅᓚᑕᖏᓐᓂᑦ, ᐃᒡᓗᒐᓴᖕᓂᑦ ᓴᐴᓗᑕᓕᖕᓂᑦ ᓴᐴᓗᑕᖃᖏᑦᑐᓂᓪᓗ ᓄᓇᓕᖕᓂᒃ ᑐᑭᖃᕐᑎᓪᓗᒋᑦ. ᐅᔭᕋᒡᔪᐊᖅ ᔮᓱᐊᑉ ᐱᕈᕐᓰᕕᖁᑎᖓᓃᓚᐅᕐᑐᖅ ᐱᑦ-ᓯᒥᔅᒥ, ᖄᖓᓄᓪᓗ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐃᓕᓚᐅᕐᐹᑦ, ᑖᓐᓇ ᐅᔭᕋᒃᔪᐊᖅ ᑍᑲᓃᖏᓐᓇᕐᐳᖅ ᓱᓕ ᐅᓪᓗᒥᒧᑦ ᐱᓂᐊᕐᓂᐅᓚᐅᕐᑐᖅ ᓇᓗᓁᕐᑕᐅᓯᒪᖁᓪᓗᒍ.

¹⁹ ᐊᑕᓂᐅᑉ ᐊᖑᑎᑦ ᐃᓚᖏᑦ ᑐᖁᓚᐅᕐᐰᑦ ᐱᑦ-ᓯᒥᔅᒥᐅᑍᑦ ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖓᑕ ᐃᓗᐊᓄᑦ ᑕᑯᒋᐊᓚᐅᕐᓂᖏᑦ ᐱᓪᓗᒋᑦ; ᐃᓄᐃᓪᓗ ᕿᒃᓵᓚᐅᕐᐳᑦ ᐊᑕᓂᐅᑉ ᑐᖁᑦᓯᓂᕆᓚᐅᕐᑕᖓ 70ᓂᒃ ᐱᓂᐊᕐᓂᕆᓚᐅᕐᑕᖓᓗ ᐱᑦᔪᑎᒋᓪᓗᒍ.

ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓᑕ ᑭᕆᐊᑦ-ᔨᕆᒧᐊᕐᑕᐅᓂᖓ

²⁰ ᐱᑦ-ᓯᒥᔅᓯᐅᑉ ᐃᓄᖏᑦ ᐅᖃᓚᐅᕐᐳᑦ, “ᑭᓇ ᓇᖏᕈᓐᓇᕐᐹ ᐊᑕᓂᐅᑉ ᐃᑦᔪᕐᓁᑦᑑᑉ ᒎᑎᐅᑉ ᓵᖓᓂ? ᓇᒧᑦ ᐊᐅᓪᓚᕐᑎᑦᓱᓐᓇᕐᐸᕘᑦ ᐅᕙᑦᑎᓐᓂᒃ ᕿᒪᕉᑎᖁᓪᓗᒍ?”

²¹ ᑕᕝᕙ ᐅᖃᕆᐊᕐᑐᕐᑐᓂᒃ ᑎᓕᓯᕗᑦ ᑭᕆᐊᑦ-ᔨᕆᐅᑉ ᐃᓄᖏᓐᓄᑦ ᐅᖃᖁᓪᓗᒋᑦ ᐃᒫᒃ, “ᐱᓕᔅᑍᓂᒥᐅᓂᑦ ᐅᑎᕐᑎᑕᐅᖕᒪᑦ ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖁᑎᖓ. ᕾᓗᓯ ᐂᓚᐅᕐᓯᐅᒃ ᐊᖏᕐᕋᐅᑎᓂᐊᕋᑦᓯᐅᒃ.”