ᓴᒧᐃᓕ ᓯᕗᓪᓖᑦ 28 - ᐊᒡᓔᑦ ᐃᑦᔪᕐᖕᓁᑦᑐᑦ1 ᑕᒪᑐᒪ ᑭᖑᓂᐊᒍᑦ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑦ ᑲᑎᓚᐅᕐᐳᑦ, ᐅᓇᑕᕆᐊᕈᒪᓪᓗᑎᒃ ᐃᓴᕆᐊᓕᒥᐅᓂᒃ, ᐊᑭᔅᓗ ᐅᖃᕐᐳᖅ ᑍᕕᑎᒧᑦ, “ᖃᐅᔨᒪᔪᒃᓴᐅᕗᑎᑦ ᐃᓄᖁᑎᑎᓪᓗ ᐅᕙᓐᓂᒃ ᐅᓇᑕᕆᐊᖃᑎᖃᕐᑐᒃᓴᐅᒐᑦᓯ.” 2 ᑍᕕᑎ ᑭᐅᕗᖅ, “ᐃᓛᒃ ᐱᔨᒋᕙᕐᒪ, ᖃᐅᔨᓂᐊᕐᐳᑎᑦ ᐱᔩᑦ ᖃᓄᐃᓕᐅᕈᓐᓇᕐᓂᖓᓂᒃ.” ᐊᑭᔅᓗ ᐅᖃᕐᐳᖅ, “ᐱᐅᕗᖅ, ᓴᐳᓐᓂᐊᕐᑎᒋᓂᐊᓕᕐᐸᒋᑦ ᑍᒪᓐᖓᓕᒫᖅ.” ᓴᐅᓕᐅᑉ ᐃᑲᔪᕐᑎᖃᕋᓱᐊᕐᓂᖓ ᐊᖓᒃᑰᓇᓱᐊᕐᑎᒥᒃ 3 ᑍᑦᓱᒪᓂ ᓴᒧᐃᓕ ᑐᖁᖓᓕᓚᐅᕐᒪᑦ, ᐃᓴᕆᐊᓕᒥᐅᓕᒫᓪᓗ ᕿᒃᓵᐅᑎᒋᓚᐅᕐᐹᑦ ᐃᓗᕕᓚᐅᕐᐹᓪᓗ ᓄᓇᖓᓂ ᕌᒪᒥ. ᓴᐅᓕᐅᓪᓗ ᓯᕗᓂᕐᒥᒃ ᖃᐅᔨᓇᓱᐊᕐᑏᑦ ᐊᖓᒃᑰᓇᓱᐊᕐᑏᓪᓗ ᐊᐅᓪᓚᕐᑎᓚᐅᕐᓯᒪᕔᑦ ᐃᓴᕆᐊᓕᒥᑦ. 4 ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᑦ ᑲᑎᓚᐅᕐᐳᑦ ᑕᖕᒫᕐᓗᑎᒡᓗ ᓄᓇᓖᑦ ᓲᓂᒥᐅᑦ ᓴᓂᐊᓄᑦ; ᓴᐅᓕᐅᓪᓗ ᐃᓴᕆᐊᓕᒥᐅᑦ ᑲᑎᖁᓚᐅᕐᐰᑦ, ᑕᖕᒫᕐᓗᑎᒡᓗ ᖃᖅᑲᒥ ᒋᐅᓪᐳᐊᒥ. 5 ᓴᐅᓕᓕ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖏᓐᓂᒃ ᑕᑯᒐᒥ, ᑲᑉᐱᐊᓱᓕᕐᐳᖅ, ᐆᒻᒪᑎᒥᒍᓪᓗ ᐊᖏᔪᒥᒃ ᓴᔪᓕᕐᓗᓂ. 6 ᑍᒤᒻᒪᑦ ᓴᐅᓕ ᐊᑕᓂᕐᒥᒃ ᐊᐱᕆᓚᐅᕐᐳᖅ ᓱᔪᒃᓴᐅᖕᒪᖔᕐᒥ, ᐊᑕᓂᐅᓪᓕ ᑭᐅᓚᐅᓐᖏᓛ, ᓯᓐᓇᒃᑐᕐᓂᒃᑯᑦ, ᓇᓚᐅᑦᓵᕈᑎᒃᑯᓪᓘᓐᓃᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᓪᓘᓐᓃᑦ. 7 ᑕᕝᕙ ᓴᐅᓕ ᑎᓕᓯᕗᖅ ᐱᔨᒥᓂᒃ, “ᕿᓂᓚᐅᕆᑦᓯ ᐊᕐᓇᒥᒃ ᐊᖓᒃᑰᓇᓱᐊᕐᑎᒥᒃ, ᐅᐸᖕᓂᐊᕋᒃᑯ ᖃᐅᔨᓇᓱᐊᕐᕕᒋᔭᕐᑐᕐᓗᒍ.” ᐱᔨᖏᑕ ᑭᐅᕚᑦ, “ᓄᓇᒥ ᐃᓐᑐᐊᕆᒥ ᐱᑕᖃᕐᐳᖅ.” 8 ᑕᕝᕙ ᓴᐅᓕ ᐃᒻᒥᓂᒃ ᐃᓕᑕᕐᓇᕈᓐᓃᕐᑎᓚᐅᕐᐳᖅ, ᐊᓐᓄᕌᓂᒡᓗ ᐊᓯᖏᓐᓂᒃ ᐊᑎᓪᓗᓂ, ᑖᕐᓯᖕᒪᓪᓗ ᒪᕐᕉᖕᓂᒃ ᐂᑉᐸᖃᕐᓗᓂ ᐊᕐᓇᒧᑦ ᐂᕗᑦ, ᐅᖃᐅᑎᕚᓗ, “ᐊᓂᕐᓃᑦ ᐊᐱᕐᓱᓚᐅᒃᑭᑦ ᐱᑦᔪᑎᒋᓗᖓ, ᕾᖁᔨᓗᑎᓪᓗ ᐊᖑᑎᐅᑉ ᐊᑎᖓᓂᒃ ᓇᓪᓕᐊᓐᓂᑐᐃᓐᓇᖅ ᑍᔭᓐᓂᒃ.” 9 ᐊᕐᓇᐅᑉ ᑭᐅᕚ, “ᖃᐅᔨᒪᑦᓯᐊᕐᐳᑎᑦ ᐊᖓᔪᖅᑳᕐᔪᐊᑉ ᓴᐅᓕᐅᑉ ᐱᓂᐊᕐᓂᕆᓚᐅᕐᑕᖓᓂᒃ, ᐊᐅᓪᓚᖁᓚᐅᕐᒪᒋᑦ ᐃᓴᕆᐊᓕᒥᑦ ᓯᕗᓂᕐᒥ ᖃᐅᔨᓇᓱᐊᕐᑏᑦ ᐊᖓᒃᑰᓇᓱᐊᕐᑏᓪᓗ. ᖃᓄᐃᒻᒪᓕ ᑕᕝᕙ ᐱᕕᒃᓮᕈᑎᓇᓱᐊᓕᕐᐱᖔ ᑐᖁᑕᐅᑎᑦᓱᒪᓪᓗᖔ?” 10 ᓴᐅᓕᓕ ᐊᖏᒻᒪᕆᒃᐳᖅ ᓯᖁᒥᓐᓂᐊᖏᑕᒥᓂᒃ ᐊᑕᓂᐅᑉ ᓵᖓᓂ, ᐅᖃᕐᓗᓂᓗ, “ᐊᑕᓂᖅ ᐆᒪᖕᒪᑦ, ᐊᖏᒻᒪᕆᒃᐳᖓ ᓱᒋᐊᕐᑕᐅᓂᐊᓐᖏᓚᑎᑦ ᑕᒪᑐᒥᖓ ᐱᓇᓱᐊᕐᓂᕐᓂᒃ.” 11 ᑕᕝᕙ ᐊᕐᓇᐅᑉ ᐅᖃᐅᑎᕚ, “ᑭᓇᒦᒃ ᕾᖁᔨᕖᑦ?” ᑭᐅᕗᖅ, “ᓴᒧᐃᓕ ᕾᖁᓚᐅᕈᒃ.” 12 ᐊᕐᓇᐅᓪᓕ ᓴᒧᐃᓕ ᑕᑯᒐᒥᐅᒃ, ᓂᓪᓕᕐᐳᖅ ᕾᒐᓛᕐᓱᓂ; ᓴᐅᓕᒧᓪᓗ ᐅᖃᕐᓗᓂ, “ᓱᖕᒪᑦ ᓯᓔᕐᕆᕕᖔ? ᓴᐅᓕᐅᕗᑎᑦ.” 13 ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᑲᑉᐱᐊᓱᖏᓪᓗᑎᑦ; ᓱᓇᒦᒃ ᑕᑯᕖᑦ?” ᐊᕐᓇᖅ ᓴᐅᓕᒧᑦ ᑭᐅᕗᖅ, “ᑕᑯᕗᖓ ᐊᓂᕐᓂᕐᒥᒃ ᓄᓇᒥᑦ ᓴᖅᑭᑦᑐᒥᒃ.” 14 ᓴᐅᓕ ᐊᐱᕆᕗᖅ, “ᖃᓅᖅ ᑕᐅᑦᑐᖃᕐᐹ?” ᑭᐅᕗᖅ, “ᐊᖑᑦ ᐃᑦᑐᐊᓗᒃ ᕾᕗᖅ; ᐅᓕᒡᔪᐊᕐᓯᒪᔪᖅ.” ᓴᐅᓕᓗ ᖃᐅᔨᕗᖅ ᓴᒧᐃᓕᐅᓂᖓᓂᒃ, ᐹᒻᒪᒃᑎᕐᐳᕐᓗ ᒪᓂᖅᑲᒧᑦ, ᐅᐱᒍᓱᑦᓯᐊᕐᓂᕐᒧᑦ. 15 ᑕᕝᕙ ᓴᒧᐃᓕ ᐅᖃᕐᐳᖅ ᓴᐅᓕᒧᑦ, “ᓱᖕᒫᑦ ᐸᒃᕕᓵᕐᐱᖔ ᕾᖁᓪᓗᖓ ᒪᑭᑎᓐᓇᕕᖓ?” ᓴᐅᓕ ᑭᐅᕗᖅ, “ᐅᖁᒤᒃᓴᓗᐊᓕᕋᒪ; ᐱᓕᔅᑍᓂᒥᐅᑦ ᐅᓇᑕᕆᐊᕋᓱᓕᕐᒪᑕ ᐅᕙᓐᓂᒃ, ᒎᑎᐅᑉ ᕿᒪᒃᓯᒪᓕᕐᒪᖓ ᑭᐅᔪᓐᓁᓪᓕᓪᓗᓂᖓᓗ, ᐅᖃᕐᑎᒥᒍᑦ ᓯᓐᓇᒃᑑᒪᒃᑯᓪᓘᓐᓃᑦ; ᑍᒤᒻᒪᑦ ᕾᖁᓚᐅᕐᐸᒋᑦ ᐅᖃᐅᑦᔭᐅᔪᒪᓪᓗᖓ ᖃᓄᐃᓕᐅᕐᑐᒃᓴᐅᖕᒪᖔᕐᒪ.” 16 ᓴᒧᐃᓕᓗ ᐅᖃᕐᐳᖅ, “ᓱᖕᒪᓪᓕ ᐊᐱᕆᕕᖔ, ᐊᑕᓂᕐᒧᑦ ᕿᒪᒃᑕᐅᓯᒪᓕᕋᕕᑦ ᐊᑭᕋᕆᓕᕋᕕᐅᒡᓗ? 17 ᐊᑕᓂᐅᑉ ᐱᓂᐊᕐᕕᒋᓯᒪᕚᑎᑦ ᐅᕙᒃᑯᑦ ᐅᖃᐅᓯᕆᓚᐅᕐᓯᒪᔭᒥᓂᒃ; ᐊᖓᔪᖅᑲᐅᕕᖕᓂᒃ ᐊᕐᓵᓚᐅᕐᐹᑎᑦ, ᑐᓂᓪᓗᒍᓗ ᐃᓅᖃᑎᖕᓄᑦ ᑍᕕᑎᒧᑦ. 18 ᐊᑕᓂᐅᑉ ᓂᐱᖓᓂᒃ ᓈᓚᓚᐅᖏᓐᓇᕕᑦ, ᐊᒪᓕᑬᒥᐅᑦ ᓄᖑᓚᐅᖏᓐᓇᕕᒋᑦ ᐱᖁᑎᖏᓪᓗ ᓂᓐᖓᐅᑎᓯᒪᑎᓪᓗᓂᖏᑦ, ᑍᒤᒻᒪᑦ ᐊᑕᓂᐅᑉ ᐱᓂᐊᕐᕕᒋᓕᕐᐹᑎᑦ ᒫᓐᓇ ᑍᒫᒃ. 19 ᓱᓕᓗ ᐃᕝᕕᑦ ᐃᓴᕆᐊᓕᒥᐅᓪᓗ ᑐᓂᓂᐊᕐᐰᑦ ᐱᓕᔅᑍᓂᒥᐅᓄᑦ; ᖃᐅᒃᐸᓪᓗ ᐃᕐᓂᑎᓪᓗ ᐃᓚᒋᓕᕐᓂᐊᕐᐸᑦᓯᓐᖓ; ᐊᑕᓂᐅᑉ ᐃᓴᕆᐊᓕᒥᐅᑦ ᐅᓇᑕᕐᑐᓴᖏᑦ ᑐᓂᓂᐊᕐᐰᑦ ᐱᓕᔅᑍᓂᒥᐅᓄᑦ.” 20 ᑕᕝᕙ ᓴᐅᓕ ᑕᕝᕔᓐᓇᖅ ᐅᕐᕈᕗᖅ ᒪᓂᖅᑲᒧᑦ ᐃᓯᕕᑦᓯᐊᕐᓗᓂ, ᑲᑉᐱᐊᓱᒻᒪᕆᒃᓗᓂ ᓴᒧᐃᓕᐅᑉ ᐅᖃᐅᓯᖏᓐᓂᒃ; ᓴᓐᖐᓕᒻᒪᕆᓚᐅᕐᐳᖅ, ᓂᕆᓚᐅᖏᓐᓇᒥ ᐅᓪᓗᓕᒫᖅ ᐅᓄᐊᓕᒫᕐᓗ. 21 ᐊᕐᓇᐅᓪᓗ ᓴᐅᓕ ᐅᐸᒃᑲᒥᐅᒃ, ᑕᑯᒐᒥᐅᒡᓗ ᑲᑉᐱᐊᓱᓪᓚᕆᖕᓂᖓᓂᒃ, ᐅᖃᐅᑎᕚ, “ᑕᑯᒋᑦ, ᐊᖓᔪᖅᑳᒃ ᐃᓕᖕᓂᒃ ᓈᓚᒃᓱᖓ ᐱᓇᓱᐊᓚᐅᕐᐳᖓ; ᐃᓅᓯᕋ ᖁᔭᓈᕐᓱᒍ ᐱᓇᓱᐊᕐᑕᐅᖁᔭᕐᓂᒃ ᐱᓇᓱᐊᓚᐅᕐᐳᖓ. 22 ᒫᓐᓇᓕ ᑍᒤᒻᒪᑦ ᐱᔨᕕᑦ ᐱᖁᔭᖏᓐᓂᒃ ᐱᓇᓱᐊᓕᕆᑦ; ᓂᕿᓕᐅᕈᑎᓚᐅᕐᓚᒋᑦ; ᓂᕆᓯᒪᓕᕈᕕᑦ ᓄᑭᖃᕐᓗᑎᑦ ᐊᐅᓪᓚᕈᓐᓇᕐᓂᐊᕋᕕᑦ.” 23 ᓴᐅᓕᓕ ᐱᔪᒪᓚᐅᓐᖏᓚᖅ, ᐅᖃᕐᓗᓂᓗ, “ᓂᕆᓂᐊᓐᖏᓚᖓ.” ᐱᔨᖏᑕᓕ ᑲᑐᑎᓪᓗᒍ ᐊᕐᓇᐅᓪᓗ ᐊᔪᐃᓐᓇᓚᐅᕐᐹᑦ ᓂᕆᖁᓪᓗᒍ, ᑕᕝᕙ ᐊᖏᓕᓚᐅᕐᐳᖅ ᓈᓚᓕᕐᓗᓂ. ᓄᓇᒥᓪᓗ ᒪᑭᓐᓇᒥ, ᐃᖏᑉᐳᖅ ᐃᒡᓕᕐᒧᑦ. 24 ᐊᕐᓇᕐᓕ ᑐᐊᕕᕐᓗᓂ ᑐᖁᑦᓯᕗᖅ ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᖁᐃᒃᓯᑦᓯᐊᕆᓯᒪᔭᒥᓂᒃ, ᓂᐊᖂᔭᒃᓴᒥᒡᓗ ᐱᒐᒥ ᐃᖑᑦᓯᕗᖅ, ᓂᐊᖂᔭᓕᐅᕐᓗᓂᓗ ᐳᕙᓪᓚᕐᓴᐅᑎᖃᖏᑦᑐᒥᒃ. 25 ᓂᖀᓪᓗ ᓴᐅᓕᐅᑉ ᐱᔨᖏᑕᓗ ᓵᖓᓄᑦ ᐊᑐᐃᓐᓇᕈᕐᐰᑦ; ᑖᒃᑯᐊᓗ ᓂᕆᓚᐅᕐᐳᑦ. ᓂᕆᔭᕇᕋᒥᒃ ᒪᑭᑦᓱᑎᒃ ᐊᐅᓪᓚᕐᐳᑦ ᑕᕝᕙᓂ ᐅᓐᓄᖕᒥ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society