ᓴᒧᐃᓕ ᓯᕗᓪᓖᑦ 14 - ᐊᒡᓔᑦ ᐃᑦᔪᕐᖕᓁᑦᑐᑦᔫᓇᑕᓂᐅᑉ ᓯᕘᕋᖏᓪᓗᓂ ᐱᓂᐊᕐᓂᖏᑦ 1 ᐅᓪᓗᐃᑦ ᐃᓚᖓᓂ ᔫᓇᑕᓂ ᓴᐅᓕᐅᑉ ᐃᕐᓂᖓ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓄᐊᓚᐅᕐᓗᒃ.” ᐊᑖᑕᓂᓕ ᓴᐅᓕ ᐅᖃᐅᑎᓚᐅᓐᖏᓛ. 2 ᓴᐅᓕᓕ ᒋᐱᐊᑉ ᓄᓇᖓᑕ ᑭᒡᓕᖓᓂ ᓇᐹᕐᑑᑉ ᐹᒪᒍᕌᑉ ᐊᑖᓂ ᒥᒡᒍᕋᓐᒦᓚᐅᕐᐳᖅ; ᐃᓚᖃᕐᓗᓂ ᐃᒻᒪᖄ 600 ᖃᓂᒋᔮᓃᑦᑐᓂᒃ. 3 ᑐᓂᕐᕈᓯᕐᑎᑦᓯᔨ ᑍᑦᓱᒪᓂ ᓴᒡᕕᖕᒥᐅᑕᕐᒥᒃ ᐊᑐᕐᑐᖅ ᐊᕼᐂᔭᐅᓚᐅᕐᐳᖅ, ᐊᕼᐃᑑᑉ ᐃᕐᓂᖓ ᐃᑲᐸᑦ ᖃᑕᓐᖑᑖ, ᑖᓐᓇ ᐊᕼᐃᑐ ᐃᕐᓂᕆᔭᐅᕗᖅ ᐱᓂᕼᐋᔅᒧᑦ, ᐃᓔᑉ ᐃᕐᓂᖓᓄᑦ, ᑐᓂᕐᕈᓯᕐᑎᑦᓯᔨᐅᔪᒧᑦ ᐊᑕᓂᕐᒧᑦ ᓮᓗᐊᒥ, ᐃᓄᐃᓪᓕ ᖃᐅᔨᒪᓚᐅᓐᖏᓚᑦ ᔫᓇᑕᓂᐅᑉ ᐊᐅᓪᓚᕐᓂᖓᓂᒃ. 4 ᒥᒃᒫᔅᓕ ᐊᖅᑯᑖᓂ ᔫᓇᑕᓂᐅᑉ ᐊᖅᑯᑎᒋᔭᕆᐊᖃᕐᑕᖓᓂ ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓄᑦ, ᒪᕐᕉᖕᓂᒃ ᐊᑦᔨᐅᖏᑦᑑᖕᓂᒃ ᐅᔭᕋᒡᔪᐊᕐᑕᖃᓚᐅᕐᐳᖅ ᓄᕗᓖᖕᓂᒃ; ᐂᑉᐸᖓ ᑍᔭᐅᓚᐅᕐᐳᖅ ᐳᔭᑦᒥᒃ, ᐂᑉᐸᖓᓗ ᓯᓂᒥᒃ. 5 ᐂᑉᐸᖓ ᐅᓐᓄᐊᓪᓗᐊᑉ ᓇᓛᓃᓐᓂᕐᓴᖅ ᒥᒃᒫᔅ ᓯᕗᕌᓃᑉᐳᖅ, ᐂᑉᐸᖓᓗ ᐅᓪᓗᓪᓗᐊᑉ ᓇᓛᓃᑦᑐᖅ ᒋᐸᐅᑉ ᐊᑭᐊᓃᑉᐳᖅ. 6 ᔫᓇᑕᓂ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐃᑳᓚᐅᕐᓗᒃ ᐱᓕᔅᑏᓂᒥᐅᑦ ᑭᐱᔭᐅᓯᒪᖏᑦᑐᑦ ᑕᖕᒫᕐᓯᒪᕕᖓᓄᑦ; ᐃᒻᒪᖄ ᐊᑕᓂᐅᑉ ᐱᓇᓱᐊᕈᑎᓂᐊᕐᐹᑎᒃᑯᒃ; ᐊᑕᓂᖅ ᐊᒡᕕᐊᕐᑕᐅᔪᓐᓇᖏᒻᒪᑦ ᓵᓚᖃᕐᑎᑦᓯᖁᓪᓗᒍ ᐅᓄᕋᓗᐊᕈᑦᑕ ᐅᓄᖏᒃᑲᓗᐊᕈᑦᑕᓘᓐᓃᑦ.” 7 ᐅᓇᑕᐅᑎᖏᓐᓂᒃ ᐊᒡᔭᕐᓯᔨᖓᑕ ᐅᖃᐅᑎᕚ, “ᐆᒻᒪᑎᖕᓂ ᐃᓱᒪᒋᔭᑎᑦ ᐱᓇᓱᐊᒃᑭᑦ; ᑕᑯᒋᑦ ᐃᓚᒋᓂᐊᕐᐸᒋᑦ, ᖃᓄᓕᒫᖅ ᐱᔪᒪᔭᕐᓂᒃ ᐱᓇᓱᐊᖃᑎᒋᓗᑎᑦ.” 8 ᑕᕝᕙ ᔫᓇᑕᓂ ᐅᖃᕐᐳᖅ, “ᐊᑏ, ᐃᑳᓚᐅᕐᓗᒃ ᐱᓕᔅᑍᓂᒥᐅᓄᓪᓗ ᑕᑯᔭᐅᑎᓪᓗᓄᒃ ᑖᒃᑯᓄᖓ. 9 ᐅᖃᐅᑎᒃᐸᑎᒍᒃ, ‘ᐅᑕᖅᑭᒋᑦᑎᒃ ᐅᕙᑦᑎᓂᒃ.’ ᑕᕝᕙᓂ ᓇᔪᕐᑕᑦᑎᓐᓂ ᓅᓐᓂᐊᓐᖏᓚᒍᒃ, ᒪᓕᒃᓴᖏᓪᓗᑎᒃᑯᒡᓗ. 10 ᐅᖃᕐᐸᑕᓕ, ‘ᕾᒋᑦᓯᒃ ᒪᐅᖓ,’ ᑕᕝᕙ ᐂᓂᐊᕐᐳᒍᒃ; ᑕᒪᓐᓇ ᓇᓗᓁᒃᑯᑕᐅᔪᒫᕐᐳᖅ ᐊᑕᓂᐅᑉ ᓵᓚᖃᕐᑎᑦᓯᔪᒫᕐᓂᖓᓂᒃ.” 11 ᑕᕝᕙ ᑕᒪᖏᒃ ᑕᑯᔭᐅᑎᓚᐅᕐᐴᒃ ᐱᓕᔅᑍᓂᒥᐅᓄᑦ; ᐱᓕᔅᑏᓂᒥᐅᓪᓗ ᐅᖃᕐᐳᑦ, “ᑕᑯᒋᑦ! ᐄᑉᕈᐃᑦ ᕾᓕᕐᐳᑦ ᐃᑎᕐᓴᓂᑦ ᐃᔨᕐᓯᒪᕕᖕᒥᖕᓂᑦ!” 12 ᐅᖃᐅᑦᔨᓚᐅᕐᐳᓪᓗ ᔫᓇᑕᓂᒥᒃ ᐅᓇᑕᐅᑎᖏᓐᓂᒡᓗ ᐊᒡᔭᕐᓯᔨᖓᓄᑦ, “ᕾᒋᑦᓯᒃ ᒪᐅᖓ, ᑕᑯᑎᓐᓂᐊᕋᑦᑎᒋᑦ.” ᔫᓇᑕᓂ ᐅᖃᕐᐳᖅ ᐅᓇᑕᐅᑎᒥᓄᑦ ᐊᒡᔭᕐᓯᔨᒥᓄᑦ, “ᑭᖑᓂᓐᓂ ᒪᓕᓐᖓ ᐊᑕᓂᐅᑉ ᑐᓂᕔᑦ ᐃᓴᕆᐊᓕᒥᐅᑦ ᐊᒡᒐᖏᓐᓄᑦ.” 13 ᑕᕝᕙ ᔫᓇᑕᓂ ᒪᔪᕋᓕᕐᐳᖅ ᐹᕐᖑᕐᓗᓂ ᐊᒡᒐᒥᓄ ᓰᖅᑯᕐᒥᓄᓪᓗ, ᐃᓅᓱᒃᑑᓪᓗ ᒪᓕᒃᐹ. ᑕᕝᕙ ᔫᓇᑕᓂ ᐱᓕᔅᑍᓂᒥᐅᓄᑦ ᕿᒡᒋᕐᕕᐅᖕᒪᑦ, ᐃᓅᓱᒃᑑᑉ ᑐᖁᑉᐰᑦ ᑐᓄᖏᓐᓂᑦ; 14 ᓯᕗᓪᓕᕐᒥ ᑐᖁᕅᓪᓗᑎᒃ ᔫᓇᑕᓂᒃᑯᒃ ᑐᖁᑦᓯᕘᒃ ᐃᒻᒪᖄ ᐊᖑᑎᓂᒃ 20ᓂᒃ ᐱᕈᕐᓰᕕᐅᑉ ᐊᕝᕙᖓᑐᑦ ᓯᕕᑐᑎᒋᔪᒥ. 15 ᑕᕝᕙ ᐱᓕᔅᑍᓂᒥᐅᑦ ᑕᕝᕙᓃᑦᑐᑦ ᑲᑉᐱᐊᓱᖕᓂᕐᒧᑦ ᐅᐃᒻᒪᒃᐳᑦ; ᐱᕈᕐᓰᕕᖕᒦᑦᑐᑦ, ᐃᓄᓕᒫᑦ; ᐅᓇᑕᕐᑐᒃᓮᓪᓗ ᑕᖕᒫᕐᓯᒪᕕᖕᒦᑦᑐᑦ ᑎᒡᓕᒐᕐᑏᓪᓗ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ; ᓄᓇᓗ ᓴᔪᒃᐱᓪᓚᒃᐳᖅ; ᐊᑕᖏᑦᓯᐊᕐᓗᑎᒡᓗ ᑐᑮᕈᑎᑦᓯᐊᕐᐳᑦ. ᐱᓕᔅᑏᓂᒥᐅᑦ ᓵᓚᐅᓂᖏᑦ 16 ᓴᐅᓕᐅᑉ ᖃᐅᔨᓴᕐᑎᖁᑎᖏᑦ ᒋᐱᐊᒥ ᐱᓐᔭᒥᓂᐅᑉ ᓄᓇᖓᓂ ᑕᑯᓚᐅᕐᐳᑦ; ᐱᓕᔅᑍᓂᒥᐅᓂᒃ ᕿᒫᔪᓂᒃ ᓇᒧᑐᐃᓐᓇᖅ. 17 ᑕᕝᕙ ᓴᐅᓕ ᐅᖃᓕᕐᐳᖅ ᐃᓚᒥᓄᑦ ᓇᔪᕐᑎᒥᓄᑦ, “ᐅᓇᑕᕐᑐᒃᓮᑦ ᓈᓴᕐᓯᒋᒃ ᑭᓇᒃᑯᓪᓗ ᑕᒫᓃᖏᒻᒪᖔᑕ ᖃᐅᔨᓴᕐᓗᓯ.” ᖃᐅᔨᓴᕋᒥᒡᓗ ᖃᐅᔨᕗᑦ ᔫᓇᑕᓂᓗ ᐅᓇᑕᐅᑎᓂᒃ ᐊᒡᔭᕐᓯᔨᖓᓗ ᐱᑕᖃᖏᓐᓂᖏᖕᓂᒃ. 18 ᓴᐅᓕᓗ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᒧᑦ ᐊᕼᐂᔭᒧᑦ, “ᐊᑕᓂᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ ᕾᓚᐅᕐᓕ.” ᑍᑦᓱᒪᓂ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓇᔪᕐᑎᒋᔭᐅᓚᐅᕐᒪᑦ ᒎᑎᐅᑉ ᐊᖏᕈᑎᖓᑕ ᐃᒃᓯᕐᕕᖁᑎᖓ. 19 ᓴᐅᓕᓕ ᐅᖃᓪᓚᒃᑎᓪᓗᒍ ᓱᓕ ᑐᓂᕐᕈᓯᕐᑎᑦᓯᔨᒧᑦ, ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᓂᐱᕐᔪᐊᖃᓕᕐᐸᓪᓕᐊᕗᖅ; ᑍᒤᒻᒪᑦ ᓴᐅᓕ ᐅᖃᓕᕐᐳᖅ ᑐᓂᕐᕈᓯᕐᑎᑦᓯᔨᒧᑦ, “ᑕᕝᕙᓐᖓᑦ ᐊᒡᒐᑎᑦ ᐲᓕᒃᑭᑦ.” 20 ᑕᕝᕙ ᓴᐅᓕᐅᑉ ᐃᓄᖁᑎᓂ ᓇᔪᕐᑎᓂ ᐃᓚᒋᓪᓗᒋᑦ ᐱᓕᔅᑍᓂᒥᐅᓂᒃ ᐅᓇᑕᕆᐊᓕᕐᐳᑦ; ᑕᑯᒋᓪᓗ, ᑕᑯᓕᕐᐳᑦ ᐃᒻᒥᖕᓄᑦ ᓴᕕᒡᔪᐊᓄᑦ ᑐᖁᕋᖃᑦᑕᐅᑎᓕᕐᑐᓂᒃ, ᐅᐃᒪᔮᒻᒪᕆᒃᓗᑎᒃ ᑐᑮᕈᑎᓯᒪᔪᓂᒃ. 21 ᐄᑉᕈᐃᓪᓕ ᐱᓕᔅᑍᓂᒥᐅᓂᒃ ᐃᓚᐅᔪᕕᓃᑦ ᑕᖕᒫᕐᓯᒪᕕᖓᓂ ᓄᓇᓖᑦ ᖃᓂᒋᔭᖓᓃᑦᑐᕕᓂᓕᒫᑦ ᐃᓚᓕᐅᑎᕗ ᐃᓴᕆᐊᓕᒥᐅᓄᑦ ᓴᐅᓕᒧᑦ ᔫᓇᑕᓂᒧᓪᓗ. 22 ᐊᒻᒪᑦᑕᐅᖅ, ᐃᔨᕐᓯᒪᓚᐅᕐᑐᓕᒫᑦ ᖃᖅᑲᓂ ᐃᕗᕅᒥᐅᑉ ᓄᓇᖓᓂ, ᑐᓴᕋᒥᒃ ᐱᓕᔅᑍᓂᒥᐅᑦ ᕿᒫᓂᖏᓐᓂᒃ, ᐃᓚᓕᐅᑎᕗᑦ ᐅᓇᑕᕆᐊᕐᓗᑎᒃ ᐱᓕᔅᑏᓂᒥᐅᓂᒃ. 23 ᐅᓪᓗᒥ ᑖᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᐰᑦ; ᐅᓇᑕᕐᓂᕐᓗ ᑎᑭᐅᑎᓚᐅᕐᐳᖅ ᓄᓇᒧᑦ ᐱᑦᐂᕕᓐᒧᑦ. ᐱᓂᐊᕐᓃ ᐅᓇᑕᕐᓂᐅᑉ ᑭᖑᓂᐊᓂ 24 ᐃᓴᕆᐊᓕᒥᐅᑦ ᐅᓪᓗᒥ ᑍᑦᓱᒪᓂ ᑕᖃᕗᑦ ᑳᖕᓂᕐᒧᑦ, ᓴᐅᓕ ᐅᖃᓚᐅᕐᒪᑦ, ᐊᖏᒻᒪᕆᒃᓱᓂ ᐃᒫᒃ: “ᓱᒋᐊᕐᑕᐅᔪᒃᓴᐅᕗᖅ ᓇᓪᓕᐊᑦ ᐅᓐᓄᓚᐅᖅᑳᕐᑎᓐᓇᒍ ᓂᕆᔪᖅ ᐊᑭᓂᐊᕇᓚᐅᖅᑳᕐᑎᓐᓇᖓ ᐊᑭᕋᓐᓂᒃ.” ᑍᒤᒻᒪᑦ ᓇᓪᓕᐊᓪᓘᓐᓃᑦ ᓂᕆᔪᖃᓚᐅᓐᖏᓚᑦ. 25 ᐃᓄᓕᒫᑦ ᓇᐹᕐᑐᓕᖕᒧᑦ ᑎᑭᑉᐳᑦ; ᓇᓂᓯᓪᓗᑎᓪᓗ ᐃᒍᑦᓮᑦ ᓰᕐᓇᐅᑎᖏᓐᓂᒃ ᕼᐊᓂᓂᒃ ᓇᓂᑐᐃᓐᓈᕐᑐᓂᒃ ᒪᓂᖅᑲᒥᓗ. 26 ᐃᓄᐃᑦ ᑕᒪᐅᖓ ᑎᑭᓐᓇᒥᒃ ᓇᐹᕐᑐᓕᖕᒧᑦ, ᐃᒍᑦᓮᑦ ᓂᕿᖏᓐᓂᒃ ᕼᐊᓂᓂᒃ ᑕᒪᓐᓇ ᑕᑕᑉᐳᖅ ᑰᒐᕐᑐᓂᒃ, ᑭᓯᐊᓂᓕ ᓇᓪᓕᐊᓪᓘᓐᓃᑦ ᓂᕆᓚᐅᓐᖏᓚᖅ; ᑲᑉᐱᐊᓱᒧᑦ ᓴᐅᓕᐅᑉ ᐊᖏᕈᑎᓕᐊᕆᓚᐅᕐᑕᖓᓂᒃ. 27 ᔫᓇᑕᓂᓕ ᑐᓴᐅᒪᓚᐅᓐᖏᓚᖅ ᐊᑖᑕᖓᑕ ᐊᖏᕈᑎᓕᐊᕕᓂᖓᓂᒃ ᐃᓄᖕᓄᑦ; ᑍᒤᒻᒪᑦ ᕿᔪᖕᒧᑦ ᑎᒍᒥᐊᕐᑕᒥᓄᑦ ᖃᓗᓯᓚᐅᕐᐳᖅ ᐃᒍᑦᓮᑦ ᓰᕐᓇᐅᑎᖓᓂᑦ, ᑎᒍᓯᓪᓗᓂᓗ ᓂᕆᕗᖅ; ᑕᐅᑦᑐᐊᓗ ᐱᐅᓯᕚᓪᓕᑦᓴᐅᑎᒋᕗᖅ. 28 ᐊᖑᑏᓪᓕ ᐃᓚᖓᑦᑕ ᐅᖃᐅᑎᕚ, “ᐊᑖᑕᕕᑦ ᐃᓂᕐᑎᓚᐅᕐᐹᑎᒍᑦ ᐊᖏᕈᑎᓕᐅᕐᓗᓂ ᐅᖃᓚᐅᕐᐳᖅ, ‘ᓱᒋᐊᕐᑕᐅᔪᒃᓴᐅᕗᖅ ᐊᖑᑦ ᓂᕆᔪᖅ ᐅᓪᓗᒥ.’” ᐃᓄᐃᓪᓗ ᓄᑭᑭᒡᓕᓚᐅᕐᐳᑦ. 29 ᑕᕝᕙ ᔫᓇᑕᓂ ᐅᖃᕐᐳᖅ, “ᐱᐅᖏᑦᑐᒥᒃ ᐊᑖᑕᒐ ᓄᓇᒨᕆᓯᒪᕗᖅ; ᑕᑯᒋᑦ ᐱᕙᓪᓕᑲᐅᑎᒋᔪᖓ ᐃᒍᑦᓮᑦ ᓰᕐᓇᐅᑎᖏᓐᓂᒃ ᓂᕆᒐᒪ! 30 ᐱᐅᓂᕐᓴᒻᒪᕆᐅᒐᔭᕐᐳᖅ ᐅᓪᓗᒥ ᐃᓄᐃᑦ ᐃᓱᒪᕐᓱᕐᓗᑎᒃ ᓂᕆᓚᐅᕈᑎᒃ ᓵᓚᖃᕋᒥᒃ ᐊᑭᕋᒥᓂᒃ ᑎᒍᓚᐅᕐᑕᒥᖕᓂᒃ; ᐱᓕᔅᑍᓂᒥᐅᑦ ᑐᖁᑕᐅᔪᑦ ᐅᓄᕐᓂᕐᓴᐅᒐᔭᓚᐅᕐᐳᑦ!” 31 ᐅᓪᓗᒥ ᑍᑦᓱᒪᓂ ᐃᓴᕆᐊᓕᒥᐅᑦ ᓵᓚᖃᕐᐳᑦ ᐱᓕᔅᑍᓂᒥᐅᓂᒃ, ᐅᓇᑍᓐᓇᕐᓗᑎᒃ ᒥᒃᒫᔅᒥᑦ ᐂᔭᓚᓐᒧᑦ ᑎᑭᓪᓗᒍ. ᐃᓴᕆᐊᓕᒥᐅᓪᓗ ᓄᑮᕈᑎᓕᓚᐅᕐᐳᑦ; 32 ᑍᒤᒻᒪᑦ ᑐᐊᕕᕐᓗᑎᒃ ᐂᓚᐅᕐᐳᑦ ᑎᒍᓚᐅᕐᑕᒥᖕᓄᑦ ᐊᑭᕋᒥᖕᓂᑦ, ᓰᐲᑦ ᐃᒻᒧᒃᓯᐅᒊᓪᓗ ᑐᖁᕋᕐᐰᑦ ᑕᕝᕙᓂ ᐃᓂᖏᓐᓂ, ᓂᕆᓚᐅᕐᐳᓪᓗ ᓂᕿᒥᒃ ᐊᐅᓕᖕᒥᒃ. 33 ᑕᕝᕙ ᓴᐅᓕ ᐅᖃᐅᑦᔭᐅᕗᖅ ᐅᖃᕐᓗᑎᒃ, “ᑕᑯᒋᑦ, ᐃᓄᐃᑦ ᐊᔪᕐᑐᓕᕗᑦ ᐊᑕᓂᕐᒧᑦ ᓂᕆᖕᒪᑕ ᓂᕿᒥᒃ ᐊᐅᓕᖕᒥᒃ.” ᓴᐅᓕᓗ ᐅᖃᕐᐳᖅ, “ᐃᓕᑦᓯ ᐊᑭᕋᕐᑐᕐᑐᓯ, ᐅᔭᕋᒃᔪᐊᖅ ᒪᐅᖓ ᐅᕙᓐᓄᑦ ᐊᒃᓴᑳᑎᓚᐅᕐᓯᐅᒃ.” 34 ᓴᐅᓕᓗ ᐅᖃᕐᐳᖅ, “ᓯᐊᒻᒪᕐᓗᓯ ᐃᓄᖕᓄᑦ ᐂᒋᑦᓯ ᐅᖃᐅᑎᓗᒋᓪᓗ, ‘ᕾᑦᓯᒋᑦᓯ ᐃᒻᒧᒃᓯᐅᒐᕐᓂᒃ ᓰᐱᓂᒡᓗ ᑕᒪᐅᖓ ᓂᕆᓗᓯᓗ; ᐊᔪᕐᑐᓕᔪᒃᓴᐅᓐᖏᓚᓯ ᐊᑕᓂᕐᒧᑦ ᓂᕆᓗᓯᓗ ᓂᕿᒥᒃ ᐊᐅᓕᖕᒥᒃ.’” ᐅᓐᓄᒃᑎᓪᓗᒍ ᐃᓄᓕᒫᑦ ᐊᑐᓂᑦ ᐆᒪᔪᓂᒃ ᑲᑎᑦᓯᕗᑦ ᑐᖁᓪᓗᒋᓪᓗ ᑕᕝᕙᓂ. 35 ᓴᐅᓕᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ; ᑖᓐᓇᓗ ᓯᕗᓪᓕᕐᐹᖑᕗᖅ ᑐᓂᕐᕈᓯᕐᕕᒃ ᓴᓇᔭᖓ ᐊᑕᓂᕐᒧᑦ. 36 ᑕᕝᕙ ᓴᐅᓕ ᐅᖃᕐᐳᖅ, “ᐂᓚᐅᕐᑕ ᐅᓐᓄᒃᑯᑦ ᑕᐅᓄᖓ ᐱᓕᔅᑍᓂᒥᐅᓄᑦ, ᑐᖁᕋᕐᓗᒋᓪᓗ ᐅᓪᓛᑉ ᖃᐅᓂᖓ ᑎᑭᓪᓗᒍ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᖏᓪᓗᒋᑦ.” ᑖᒃᑯᐊ ᑭᐅᕗᑦ, “ᐱᐅᓂᕐᐹᖑᓇᓱᒋᔧᑦ ᐊᑐᓕᕈᒃ.” ᑐᓂᕐᕈᓯᕐᑎᑦᓯᔨᓕ ᐅᖃᕐᐳᖅ, “ᐊᑕᓂᕐᒧᑦ ᖃᐅᔨᒋᐊᓚᐅᕐᑕ ᑕᒫᓂ.” 37 ᑍᒤᒻᒪᑦ ᓴᐅᓕ ᐊᐱᕐᓱᕐᐳᖅ ᒎᑎᒧᑦ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ? ᓵᓚᖃᕐᑎᓐᓂᐊᕐᐱᑎᒎᑦ ᑐᓂᓗᒋᑦ ᐃᓴᕆᐊᓕᒥᐅᑦ ᐱᔪᓐᓇᕐᓂᖏᓐᓅᑦ?” ᐊᑕᓂᕐᓕ ᑭᐅᓚᐅᓐᖏᓚᖅ ᐅᓪᓗᒥ ᑍᑦᓱᒪᓂ. 38 ᓴᐅᓕᓗ ᐅᖃᕐᐳᖅ, “ᕾᒋᑦᓯ ᓯᕗᓕᕐᑎᐅᔪᓯ ᐃᓄᖕᓄᑦ, ᖃᐅᔨᓇᓱᐊᕐᓗᓯᓗ ᐅᓪᓗᒥ ᐊᔪᕐᑐᓕᔪᖃᕐᓂᕐᒪᖔᑦ. 39 ᐊᑕᓂᖅ ᐆᒪᖕᒪᑦ ᐱᐅᓕᒃᓯᓚᐅᕐᑑᑉ ᐃᓴᕆᐊᓕᒥᐅᓂᒃ, ᐃᕐᓂᕆᒐᓗᐊᕈᒃᑯ ᔫᓇᑕᓂ, ᑐᖁᔪᒃᓴᐅᕗᖅ.” ᑭᓯᐊᓂᓕ ᓇᓪᓕᐊᓪᓄᓪᓘᓐᓃᑦ ᐃᓄᖕᒧᑦ ᑭᐅᔭᐅᓚᐅᓐᖏᓚᖅ. 40 ᑕᕝᕙ ᓴᐅᓕᐅᑉ ᐃᓴᕆᐊᓕᒥᐅᓕᒫᑦ ᐅᖃᐅᑎᕔᑦ, “ᐃᓕᑦᓯ ᐊᕙᓂ ᓇᖏᓚᐅᕆᑦᓯ ᐃᕐᓂᕋᓗ ᔫᓇᑕᓂ ᒫᓂ ᓇᖏᕐᓂᐊᕆᕗᒍᒃ.” ᐃᓄᐃᓪᓗ ᑭᐅᕗᑦ, “ᐱᐅᓂᕐᐹᖑᓇᓱᒋᔧᑦ ᐊᑐᓚᐅᕈᒃ.” 41 ᑍᒤᒻᒪᑦ ᓴᐅᓕ ᐅᖃᕐᐳᖅ, “ᐊᑕᓃᖅ ᐃᓴᕆᐊᓕᒥᐅᑉ ᒎᑎᖓᑦ, ᓱᖕᒪᑦ ᐅᓪᓗᒥ ᐱᔨᖕᓄᑦ ᑭᐅᓚᐅᓐᖏᓚᑎᑦ? ᑕᒪᓐᓇ ᐸᓯᔭᒃᓴᐅᓂᖅ ᐅᕙᓐᓃᑉᐸᑦ ᐃᕐᓂᓐᓂᓘᓐᓃᑦ ᔫᓇᑕᓂᒥ, ᐊᑕᓃᖅ ᐃᓴᕆᐊᓕᒥᐅᑦ ᒎᑎᖓᑦ, ᓇᓚᐅᑦᓵᕈᑦ ᔪᕇᒻ ᓴᖅᑭᑎᓚᐅᕈᒃ; ᐸᓯᔭᒃᓴᐅᓂᕐᓕ ᐃᓄᖁᑎᖕᓃᑉᐸᑦ ᐃᓴᕆᐊᓕᒥᐅᓂ, ᓇᓚᐅᑦᓵᕈᑦ ᓱᒥᒻ ᓴᖅᑭᑎᓚᐅᕈᒃ.” ᑕᕝᕙ ᓴᐅᓕᒃᑯᒃ ᔫᓇᑕᓂᒃᑯᒃ ᓇᓚᐅᑕᐅᕘᒃ ᐃᓄᐃᑦ ᓇᓚᐅᑕᐅᓇᑎᒃ. 42 ᑕᕝᕙ ᓴᐅᓕ ᐅᖃᓕᕐᐳᖅ, “ᓇᓚᐅᑦᓵᓕᕆᑦ ᓇᓕᑦᑎᓐᓂᒃ ᐃᕐᓂᓐᓂᒃ ᔫᓇᑕᓂᒥᒃ ᐅᕙᓐᓂᒡᓘᓐᓃᑦ.” ᔫᓇᑕᓂᓗ ᑕᕝᕙ ᓇᓚᐅᑕᐅᕗᖅ. 43 ᑕᕝᕙ ᓴᐅᓕ ᔫᓇᑕᓂᒧᑦ ᐅᖃᓕᕐᐳᖅ, “ᐅᖃᐅᑎᓚᐅᓐᖓ ᓱᓇᒥᒃ ᐱᓇᓱᐊᕐᓂᕐᐲᑦ?” ᔫᓇᑕᓂᐅᓪᓗ ᐅᖃᐅᑎᕚ, “ᐃᒍᑦᓮᑦ ᓰᕐᓇᐅᑎᖏᓐᓂᑦ ᒥᑭᔪᒥᒃ ᓂᕆᓚᐅᕐᐳᖓ ᕿᔪᑯᑖᒧᑦ ᐊᒡᒐᓐᓃᑦᑐᒧᑦ; ᒫᓐᓇᓕ ᐊᑐᐃᓐᓇᐅᕗᖓ ᑐᖁᑕᐅᔪᒃᓴᐅᓂᕐᒧᑦ!” 44 ᓴᐅᓕᓗ ᐅᖃᕐᐳᖅ, “ᒎᑎᐅᑉ ᑍᒫᑦᓮᓐᓇᖅ ᐊᖏᓂᕐᓴᒥᒃ ᐱᓇᓱᐊᕐᕕᒋᓂᐊᕐᐹᖓ; ᐄᓛᒃ ᑐᖁᑕᐅᔪᒃᓴᐅᓕᕐᐳᑎᑦ, ᔫᓇᑕᓃ.” 45 ᑕᕝᕙ ᐃᓄᐃᑦ ᐅᖃᕐᐳᑦ ᓴᐅᓕᒧᑦ, “ᔫᓇᑕᓂ ᑐᖁᔪᒃᓴᐅᕚ ᐊᖏᔪᕐᔪᐊᒥᒃ ᓵᓚᖃᕐᓂᕐᒥᒃ ᐱᑎᑦᓯᓚᐅᕐᑐᖅ ᐃᓴᕆᐊᓕᒥᐅᓂᒃ? ᑍᒤᑦᑐᒃᓴᐅᓐᖏᓚᖅ! ᐊᑕᓂᖅ ᐆᒪᖕᒪᑦ, ᑖᑦᓱᒪ ᓵᖓᓂ ᔫᓇᑕᓂᐅᑉ ᓄᔭᖓ ᐊᑕᐅᓯᕐᓘᓐᓃᑦ ᓂᐊᖁᖓᓂᑦ ᑲᑕᖕᓂᐊᓐᖏᓚᖅ ᓄᓇᒧᑦ; ᐅᓪᓗᒥ ᐱᓂᐊᕐᓂᖓ ᒎᑎᐅᑉ ᐃᑲᔪᕐᓂᖓᓂᑦ ᐱᓯᒪᖕᒪᑦ.” ᑕᕝᕙ ᐃᓄᐃᑦ ᓴᐳᑦᔨᓚᐅᕐᐳᑦ ᔫᓇᑕᓂᒥᒃ, ᔫᓇᑕᓂᓗ ᑐᖁᑕᐅᓚᐅᓐᖏᓚᖅ. 46 ᑕᕝᕙ ᓴᐅᓕᐅᑉ ᐱᓕᔅᑍᓂᒥᐅᑦ ᒪᓕᒃᓴᕈᓐᓃᕐᐰᑦ; ᐱᓕᔅᑍᓂᒥᐅᓪᓗ ᓄᓇᒥᓄᑦ ᐅᑎᓚᐅᕐᐳᑦ. ᓴᐅᓕᐅᑉ ᐃᓚᖏᑕᓗ ᐊᐅᓚᑦᓯᓂᖓᑦ 47 ᓴᐅᓕᐅᓪᓕ ᐊᖓᔪᖅᑲᐅᓂᖓ ᐃᓴᕆᐊᓕᒥᐅᓄᑦ ᐱᒋᐊᕐᓯᒪᓕᕐᑎᓪᓗᒍ, ᐅᓇᑕᖃᑦᑕᓚᐅᕐᐳᖅ ᐊᑭᕋᓕᒫᒥᓂᒃ ᓇᓂᑐᐃᓐᓈᕐᑐᓂᒃ ᐊᕙᑎᒥᖕᓂ, ᐃᓅᖃᑎᒌᓂᒃ ᒧᐊᐱᒥᐅᓂᒃ, ᐊᒧᓁᑎᒥᐅᓂᒃ, ᐄᑐᒥᒥᐅᓂᒃ, ᔫᐸᒥᐅᑦ ᐊᖓᔪᖅᑳᕐᔪᐊᖓᓂᒃ, ᐱᓕᔅᑍᓂᒥᐅᓂᒡᓗ; ᓇᓪᓕᐊᓐᓄᑐᐃᓐᓇᖅ ᐱᒋᐊᕌᖓᒥ ᓵᓚᒋᖃᑦᑕᓚᐅᕐᐰᑦ. 48 ᐅᓇᑕᕐᑐᒃᓴᓂᓗ ᑲᑎᑎᓪᓗᓂᒋᑦ ᐊᔪᖏᑦᑐᕐᔪᐊᖑᓪᓗᑎᒃ ᓵᓚᖃᓚᐅᕐᐳᑦ ᐊᒪᓕᑬᒥᐅᓂᒃ, ᐃᓴᕆᐊᓕᒥᐅᓪᓗ ᓴᐳᑎᓚᐅᕐᐰᑦ ᑲᑉᐱᐊᓱᒃᑎᑦᓯᔨᒋᔭᖏᓐᓂᑦ. 49 ᓴᐅᓕᐅᓪᓕ ᐃᕐᓂᖏᑦ ᐅᑯᐊᖑᕗᑦ ᔫᓇᑕᓂ, ᐃᔅᕕ, ᒪᓪᑭᓱᐊᓗ; ᐸᓂᖏᒡᓗ ᒪᕐᕉᒃ ᐊᑎᖃᕐᐴᒃ ᐊᖓᔪᒃᓯᖅ ᒥᕋᑉᒥᒃ, ᓄᑲᖓᓗ ᒤᑲᓪᒥᒃ; 50 ᓴᐅᓕᐅᓪᓗ ᓄᓕᐊᖓ ᐊᑎᖃᕐᐳᖅ ᐊᕼᐃᓄᐊᒥᒃ, ᐊᕼᐂᒫᔅᓯᐅᑉ ᐸᓂᖓ, ᐅᓇᑕᕐᑐᒃᓴᖁᑎᖏᑕᓗ ᐊᖓᔪᖅᑳᖓᑦ ᐊᑎᖃᕐᐳᖅ ᐋᑉᓄᒥᒃ, ᓂᕆᐅᑉ ᐃᕐᓂᖓ, ᓴᐅᓕᐅᑉ ᐊᒃᑲᖓᑕ. 51 ᓴᐅᓕᓕ ᐊᑖᑕᖃᕐᐳᖅ ᑭᔅᒥᒃ, ᐋᑉᓄᓗ ᐊᑖᑕᖃᕐᐳᖅ ᓂᕆᒥᒃ ᑖᓐᓇ ᐃᕐᓂᕆᔭᐅᓚᐅᕐᐴᒃ ᐊᐰᓕᒧᑦ. 52 ᐃᓅᓂᓕᒫᒥᓂ ᓴᐅᓕ ᐊᒃᓱᕈᕐᓗᓂ ᐅᓇᑕᓚᐅᕐᐳᖅ ᐱᓕᔅᑍᓂᒥᐅᓂᒃ; ᐊᖑᒻᒥᒃ ᓴᓐᖏᔪᒥᒃ ᓯᕘᕋᖏᑦᑐᒥᒡᓗ ᑕᑯᑐᐊᕌᖓᒥ ᐅᓇᑕᕐᑎᒥᓄᑦ ᐃᓚᓕᐅᑎᕙᓚᐅᕐᐰᑦ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society