ᓴᒧᐃᓕ ᓯᕗᓪᓖᑦ 13 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᓇᑕᕐᓃᑦ ᐱᓕᔅᑏᓂᒥᐅᓂᒃ

¹ ᓴᐅᓕ ᐊᕐᕌᒍᒥᒃ ᐊᑕᐅᓯᕐᒥᒃ ᐊᐅᓚᑦᓯᓕᕐᑎᓪᓗᒍ; ᐃᓴᕆᐊᓕᒥᐅᓂᒡᓗ ᐊᐅᓚᑦᓯᓕᕐᑎᓪᓗᒍ ᐊᕐᕌᒎᖕᓂᒃ ᒪᕐᕉᖕᓂᒃ.

² ᓴᐅᓕ ᓂᕈᐊᕐᐳᖅ ᐊᖑᑎᓂᒃ 3,000ᓂᒃ ᐃᓴᕆᐊᓕᒥᐅᓂᑦ; 2,000ᓮᑦ ᓇᔫᑎᓚᐅᕐᐳᑦ ᒥᒃᒫᔅᒥ ᖃᖅᑲᒥ ᐱᑎᓕᐅᑉ ᓄᓇᖓᓂ, 1,000ᓮᑦ ᐃᕐᓂᖓᓂ ᔫᓇᑕᓂᒦᑎᓪᓗᒋᑦ ᒋᐱᐊᒥ ᐱᓐᔭᒥᓂᐅᑉ ᓄᓇᖓᓂ; ᐊᓯᖏᓪᓕ ᓴᐅᓕᐅᑉ ᐊᖏᕐᕋᕐᑎᑉᐰᑦ ᐊᖏᕐᕋᖏᓐᓄᑦ.

³ ᔫᓇᑕᓂᐅᑉ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖃᕐᕕᖓ ᐅᓇᑕᕐᓗᒍ ᓵᓚᒋᕚ ᒋᐸᒦᑦᑐᖅ, ᐱᓕᔅᑍᓂᒥᐅᓪᓗ ᑐᓴᓚᐅᕐᐳᑦ ᑕᒪᑐᒥᖓ. ᓴᐅᓕᓗ ᑎᑦᑐᓚᐅᒻᒥᒃ ᓂᓪᓕᐊᑎᑦᓯᓚᐅᕐᐳᖅ ᓄᓇᓕᓕᒫᓄᑦ ᐅᖃᕐᓗᓂ, “ᐄᑉᕈᐃᑦ ᑐᓴᕐᓕᑦ!”

⁴ ᐃᓴᕆᐊᓕᒥᐅᓕᒫᓪᓗ ᑐᓴᕐᐳᑦ ᓴᐅᓕᐅᑉ ᑐᖁᑦᓯᓂᖓᓂᒃ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᖃᕐᕕᖓᓂ, ᐃᓴᕆᐊᓕᒥᐅᓪᓗ ᐱᓕᔅᑍᓂᒥᐅᓂᒃ ᓱᒃᑯᐃᓂᖏᓐᓂᒃ. ᐃᓄᐃᓪᓗ ᕾᖁᔭᐅᕗᑦ ᑲᑎᖁᓪᓗᒋᑦ ᓴᐅᓕᒧᑦ ᒋᐅᓪᒐᐅᓪᒥ.

⁵ ᐱᓕᔅᑍᓂᒥᐅᓪᓗ ᑲᑎᕗᑦ ᐃᓴᕆᐊᓕᒥᐅᓂᒃ ᐅᓇᑕᕆᐊᕈᒪᓪᓗᑎᒃ, 30,000ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ, 6,000ᓂᒡᓗ ᕿᒻᒥᕐᔪᐊᒦᑦᑐᓂᒃ, ᐅᓇᑕᕐᑐᒃᓮᓪᓗ ᐅᓄᕐᑐᕐᔪᐊᑦ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ ᒥᒃᒫᔅᒧᐊᕐᐳᑦ, ᐱᑦᐂᕕᓐ ᓴᓂᐊᓃᑦᑐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᑍᑯᖓᓗ ᑕᖕᒫᕐᐳᑦ.

⁶ ᐃᓴᕆᐊᓕᒥᐅᑦ ᐃᓄᖏᑦ ᑕᑯᒐᒥᒃ ᑲᑉᐱᐊᓇᕐᑐᒦᓕᕐᓂᕐᒥᖕᓂᒃ, (ᐃᓗᖏᕐᓱᕐᓗᑎᒃ ᐃᓱᒪᔮᓕᕐᐳᑦ,) ᐃᓴᕆᐊᓕᒥᐅᑦ ᐃᓚᖏᑦ ᐃᔨᕐᐳᑦ ᕾᕈᓱᖕᓄᑦ ᐃᑎᕐᓴᓄᓪᓗ ᐅᔭᕅᓪᓗ ᐊᑯᓐᓂᖓᓐᓄᑦ, ᐃᑎᕐᓴᐅᓂᕐᓄᓪᓗ;

⁷ ᐊᓯᖏᑦ ᔪᐊᕐᑕᓂᐅᑉ ᑰᖓᒍᑦ ᐃᑳᕐᐳᑦ ᒑᓪᓗ ᒋᓕᐊᑎᓪᓗ ᓄᓇᖓᓄᑦ. ᓴᐅᓕᓕ ᓱᓕ ᒋᐅᓪᒐᐅᓪᒦᑉᐳᖅ, ᐃᓚᒋᔭᖏᓪᓗ ᐃᓄᐃᑦ ᑕᕝᕙᓃᑉᐳᑦ ᓯᕘᕋᓂᕐᒧᑦ ᓴᔪᒡᓗᑎᒃ.

⁸ ᐅᑕᖅᑭᓕᕐᐳᕐᓗ ᓴᒧᐃᓕᒥᒃ ᐅᓪᓗᓂᒃ 7ᓂᒃ, ᑍᒫᒃ ᓴᒧᐃᓕᐅᑉ ᐅᑕᖅᑭᖁᓚᐅᕐᒪᒍ, ᓴᒧᐃᓕ ᕾᓇᓵᓕᕐᒪᑦ ᒋᐅᓪᒐᐅᓪᒧᑦ, ᐃᓄᐃᓪᓗ ᕿᒤᕙᓪᓕᐊᓕᓚᐅᕐᐳᑦ ᓴᐅᓕᒥᒃ.

⁹ ᑕᕝᕙ ᓴᐅᓕ ᐅᖃᕐᐳᖅ, “ᑐᓂᕐᕈᑎᒃᓮᑦ ᐃᑯᐊᓪᓚᑦᓯᓂᕐᒧᑦ ᐃᓚᒌᑦᓯᐊᕐᓂᕐᒧᓪᓗ ᕾᓚᐅᕐᓯᐅᒃ.” ᑕᕝᕙ ᑐᓂᕐᕈᓯᓚᐅᕐᐳᖅ ᐃᑯᐊᓚᒋᐊᓕᖕᒥᒃ ᑐᓂᕐᕈᑎᒥᒃ.

¹⁰ ᐱᔭᕇᕐᑎᓪᓗᒍᓗ ᑐᓂᕐᕈᓯᕐᓂᕐᒥᒃ ᐆᑕᒃᓴᓂᒃ, ᑕᑯᒋᑦ, ᓴᒧᐃᓕ ᑎᑭᑉᐳᖅ; ᑕᕝᕙ ᓴᐅᓕᐅᑉ ᐸᕐᕆᐊᕐᐹ ᑐᓐᖓᓱᒃᑎᓪᓗᒍᓗ.

¹¹ ᓴᒧᐃᓕᓗ ᐅᖃᕐᐳᖅ, “ᖃᓄᐃᓕᐅᕐᑐᐊᓘᓕᕐᐲᑦ?” ᓴᐅᓕᓗ ᑭᐅᕗᖅ, “ᐃᓄᐃᑦ ᐅᕙᓐᓂᒃ ᕿᒤᕙᓪᓕᐊᓕᕐᒪᑕ, ᐅᓪᓗᓂᓗ ᑎᑭᕝᕕᒋᓂᐊᓚᐅᕐᑕᕐᓂ ᑎᑭᓚᐅᖏᓐᓇᕕᑦ ᐅᖃᐅᓯᕆᓚᐅᕐᑕᕐᓂ, ᐱᓕᔅᑍᓂᒥᐅᓪᓗ ᑲᑎᓚᐅᕐᒪᑕ ᒥᒃᒫᔅᒥ,

¹² ᐃᓱᒪᓕᓚᐅᕐᐳᖓ, ‘ᐱᓕᔅᑍᓂᒥᐅᑦ ᐅᓇᑕᕆᐊᕐᓂᐊᓕᕐᐹᖓ ᒋᐅᓪᒐᐅᓪᒧᑦ, ᐊᑕᓂᕐᒧᓪᓗ ᑐᒃᓯᐊᕐᓂᒃᑯᑦ ᖃᐅᔨᒋᐊᓚᐅᕐᓇᖓ’; ᑍᒤᒻᒪᑦ ᑐᓂᕐᕈᓯᕆᐊᖃᕋᓱᒋᓕᓚᐅᕐᐳᖓ ᐃᑯᐊᓪᓚᒋᐊᓕᖕᓂᒃ ᑐᓂᕐᕈᑎᓂᒃ.”

¹³ ᓴᒧᐃᓕ ᐅᖃᕐᐳᖅ ᓴᐅᓕᒧᑦ, “ᓯᓔᑦᑐᐊᓗᖕᒥᒃ ᐱᓇᓱᐊᓚᐅᕐᐳᑎᑦ; ᐊᑕᓂᐅᑉ ᒎᑎᕕᑦ ᐱᖁᔭᖏᓐᓂᒃ ᓈᓚᓚᐅᖏᓐᓇᕕᑦ, ᐃᓕᖕᓄᑦ ᐱᖁᔨᑦᔪᑎᒋᓚᐅᕐᑕᖏᓐᓂᒃ; ᐊᑕᓂᐅᑉ ᐋᖅᑭᒃᓱᕋᔭᓚᐅᕐᐹ ᐊᖓᔪᖅᑲᐅᕖᑦ ᐃᓴᕆᐊᓕᒥᐅᓂᒃ ᐃᓱᖃᖏᑦᑐᒧᑦ.

¹⁴ ᒫᓐᓇᓕ ᐊᖓᔪᖅᑲᐅᕖᑦ ᑲᔪᓯᓂᐊᕈᓐᓃᕐᐳᖅ; ᐊᑕᓂᖅ ᕿᓂᕈᒫᓕᕐᐳᖅ ᐃᓄᖕᒥᒃ ᐊᑕᓂᐅᑉ ᐆᒻᒪᑎᖓᓂᒃ ᕿᓂᕐᑐᒥᒃ; ᐊᑕᓂᐅᓪᓗ ᐊᖓᔪᖅᑳᓐᖑᕐᑎᑦᓱᒫᕐᐹ ᐃᓄᖁᑎᒥᓄᑦ, ᐊᑕᓂᐅᑉ ᐱᖁᔭᖓᓂᒃ ᓈᓚᓚᐅᖏᓐᓃᑦ ᐱᑦᔪᑎᒋᓗᒍ.”

¹⁵ ᓴᒧᐃᓕᓗ ᒪᑭᓪᓗᓂ, ᑲᔪᓯᓪᓗᓂ ᒪᔪᐊᕐᐳᖅ ᒋᐅᓪᒐᐅᓪᒥᑦ ᒋᐱᐊᒧᑦ ᐱᓐᔭᒥᓂᐅᑉ ᓄᓇᖓᓄᑦ. ᓴᐅᓕᐅᓪᓗ ᐃᓄᐃᑦ ᓇᔪᕐᑎᓂ ᖃᐅᔨᓴᕋᒥᒋᑦ, ᐊᖑᑏᑦ 600ᐅᕗᑦ.

¹⁶ ᑕᕝᕙ ᓴᐅᓕᒃᑯᒃ ᐃᕐᓂᕇᒃ ᔫᓇᑕᓂᒃᑯᒃ, ᐃᓄᐃᓪᓗ ᒋᐸᒦᖏᓐᓇᕐᐳᑦ ᐱᓐᔭᒥᓂᐅᑉ ᓄᓇᖓᓂ; ᐱᓕᔅᑍᓂᒥᐅᓪᓕ ᑕᖕᒫᕐᓯᒪᑎᓪᓗᒋᑦ ᒥᒃᒫᔅᒥ.

¹⁷ ᐱᓕᔅᑍᓂᒥᐅᓪᓗ ᑎᒡᓕᒃᑏᑦ ᐅᓇᑕᕆᐊᕐᐳᑦ ᐊᐅᓪᓚᕐᓗᑎᒃ ᑕᖕᒫᕐᓯᒪᕕᖕᒥᓂᑦ ᐱᖓᓲᓕᓪᓗᑎᒃ; ᐱᖓᔪᒋᑦ ᐅᐸᕋᐅᑉ ᓇᓛᓄᑦ ᐂᓕᕐᐳᑦ, ᓴᕼᐅᓕᐅᑉ ᓄᓇᖓᓄᑦ,

¹⁸ ᐃᓚᖏᑦ ᐱᑦ-ᕼᐅᕋᐅᑉ ᓇᓛᓄᑦ ᐂᓕᕐᐳᑦ, ᐱᖓᔪᖏᑦ ᔨᐳᐃᒻ ᓇᕐᓴᖓᓄᑦ ᐅᔭᐅᒪᔪᒧᑦ ᓄᓇᐅᑉ ᑭᒡᓕᖓᓄᓐᖓᐅᕗᑦ ᐃᓄᖃᔪᐃᑦᑐᒦᑦᑐᒧᑦ.

¹⁹ ᑭᓯᐊᓂᓕ ᐃᓴᕆᐊᓕᒥᐅᓂ ᓴᕕᕋᔭᓕᐅᕐᑎᖃᓚᐅᖏᒻᒪᑕ; ᑕᕝᕙ ᐱᓕᔅᑍᓂᒥᐅᑦ ᐅᖃᓚᐅᕐᐳᑦ, “ᐄᑉᕈᐃᒥᐅᑦ ᓴᕕᒡᔪᐊᓕᐅᖃᑦᑕᕐᓂᐊᖏᒻᒪᑕ ᖃᓗᒋᐊᓕᐅᖃᑦᑕᖏᓪᓗᑎᒡᓗ.”

²⁰ ᐃᓴᕆᐊᓕᒥᐅᓪᓕ ᐱᓕᔅᑍᓂᒥᐅᓄᑦ ᐂᒋᐊᖃᖃᑦᑕᓚᐅᕐᐳᑦ ᓄᓇᓕᕆᑦᔪᑎᖏᑦ ᓄᓇᒥᒃ ᒪᒃᐱᕐᑎᕆᑦᔪᑏᑦ, ᐅᓕᒪᐅᑏᑦ, ᑲᑭᐊᒃᔪᐊᑦ, ᐃᐱᓴᕐᑕᐅᖁᓪᓗᒋᑦ ᑖᒃᑯᓄᖓ;

²¹ ᐊᑭᓖᑎᑕᐅᓪᓗᑎᒃ ᑮᓇᐅᔭᒥᒃ ᐊᑕᐅᓯᕐᒥᒃ ᐃᐱᒃᓮᕙᓚᐅᕐᐳᑦ ᓄᓇᒥᒃ ᒪᒃᐱᕐᑎᕆᑦᔪᑎᓂᒃ ᑲᑭᐊᒃᔪᐊᓄᓪᓗ, ᑮᓇᐅᔮᖕᓂᒃ ᒪᕐᕉᖕᓂᒃ ᐊᑭᓖᕙᒃᓱᑎᒃ ᐅᓕᒪᐅᑎᓄᑦ, ᕿᔪᑯᑖᓄᓪᓗ ᓄᕗᓕᖕᓄᑦ.

²² ᑍᑦᓱᒪᓂᓕ ᐅᓪᓗᒥ ᐅᓇᑕᕐᑎᓪᓗᒋᑦ ᐃᓴᕆᐊᓕᒥᐅᑦ ᓴᕕᔪᐊᖃᓚᐅᓐᖏᓚᑦ ᖃᓗᒋᐊᖃᕋᑎᒡᓘᓐᓃᑦ, ᓴᐅᓕᒃᑯᒃ ᐃᕐᓂᕇᒃ ᔫᓇᑕᓂᒃᑯᒃ ᐱᑕᓕᑑᑎᓪᓗᒋᒃ.

²³ ᑕᕝᕙ ᐱᓕᔅᑍᓂᒥᐅᑦ ᐅᓇᑕᕐᑐᒃᓴᓂᒃ ᐃᓕᓴᕐᕕᖓᑦ ᓅᑕᐅᓚᐅᕐᐳᖅ ᒥᒃᒫᔅ ᐅᖓᑖᓄᑦ.