ᐊᑕᓃᑦ ᓯᕗᓪᓖᑦ 9 - ᐊᒡᓔᑦ ᐃᑦᔪᕐᖕᓁᑦᑐᑦ

ᒎᑎᑉ ᓴᖅᑭᒃᑲᓐᓂᕐᓂᖓ ᓲᓗᒨᓂᒧᑦ

¹ ᐊᖓᔪᖅᑳᕐᔪᐊᑉ ᓲᓗᒨᓂ ᐱᔭᕇᕐᓯᒪᓕᕐᑎᓪᓗᒍ ᑐᒃᓯᐊᕐᕕᒡᔪᐊᒥᒃ, ᐊᖓᔪᖅᑳᕐᔪᐊᒃᑯᕕᖕᒥᓂᓗ ᐊᓯᓕᒫᖏᓐᓂᓗ ᓴᓇᔪᒪᔭᒥᓂᒃ.

² ᐊᑕᓂᖅ ᓴᖅᑭᒃᑲᓐᓂᕆᕗᖅ ᓲᓗᒨᓂᒧᑦ, ᑍᒫᑦᓮᓐᓇᖅ ᓴᖅᑭᓚᐅᕐᓂᕐᒥᑐᑦ ᒋᐱᐅᓂᒥ.

³ ᐊᑕᓂᐅᓪᓗ ᐅᖃᕐᕕᒋᕚ, “ᑐᒃᓯᐊᕐᓂᑎᑦ ᕿᓄᓂᑎᓪᓗ ᑐᓴᕐᐸᒃᑲ, ᑐᒃᓯᐊᕐᕕᒡᔪᐊᖅ ᑖᓐᓇ ᐃᑦᔪᕐᓁᓕᑎᑉᐸᕋ ᓴᓇᓚᐅᕐᑍᑦ; ᐃᓂᒋᓂᐊᕐᓕᕐᐸᕋᓗ ᑐᒃᓯᐊᕐᕕᐅᖁᓪᓗᖓ ᐃᓱᖃᖏᑦᑐᒧᑦ, ᒥᐊᓂᕆᓂᐊᕐᐸᕋ ᓴᐳᑎᕙᒡᓗᒍᓗ ᑍᒪᓐᖓᓕᒫᖅ.

⁴ ᓱᓕᑦᓯᐊᕐᓗᑎᑦ ᒪᓕᑦᓯᐊᕐᓗᑎᓪᓗ ᐅᕙᓐᓂᒃ ᐱᔨᑦᓯᕐᓂᐊᕈᕕᑦ ᐊᑖᑕᒃᑐᑦ ᑍᕕᑎᑐᑦ, ᐱᖁᔭᒃᑲᓗ ᓈᓚᒃᑯᕕᒋᑦ ᒪᓕᒃᑕᐅᖁᔭᒃᑲᓗ ᐃᓕᖕᓄᑦ ᒪᓕᑦᓯᐊᕈᕕᒋᑦ,

⁵ ᐊᖏᕈᑎᒋᓯᒪᔭᒃᑲ ᑲᔪᓯᑎᓐᓂᐊᕐᐸᒃᑲ ᐊᑖᑕᖕᓄᑦ ᑍᕕᑎᒧᑦ, ᐅᖃᐅᑎᓯᒪᒐᒃᑯ ᐃᒫᒃ, ‘ᐃᓴᕆᐊᓕ ᐊᐅᓚᑕᐅᖏᓐᓇᕐᓂᐊᕐᐳᖅ ᑭᖑᕚᕐᓄᑦ.’

⁶ ᑭᓯᐊᓂ ᐅᕙᓐᓂᒃ ᒪᓕᒍᓐᓃᕈᕕᑦ ᑭᖑᕚᑎᓪᓘᓐᓃᑦ ᓈᓚᒍᓐᓃᕈᕕᓪᓗ ᐱᖁᔭᓐᓂᒃ ᐅᖃᐅᓯᕆᔭᓐᓂᒡᓗ ᐃᓕᖕᓄᑦ ᑐᓂᔭᓐᓂᒃ, ᑐᒃᓯᐊᖃᑦᑕᓕᕐᓗᑎᓪᓗ ᒎᑎᓐᖑᐊᓄᑦ,

⁷ ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.

⁸ ᐅᓇ ᑐᒃᓯᐊᕐᕕᒡᔪᐊᖅ ᓱᕋᒃᓯᒪᓕᕐᓗᓂ ᓯᖁᒥᓯᒪᓕᕈᒪᕐᐳᖅ, ᐃᓄᓕᒫᑦ ᑖᑦᓱᒥᖓ ᑕᑯᔪᕕᓃᑦ ᖁᐊᕐᓵᕐᓗᑎᒡᓗ ᑲᒪᓂᐊᕈᒫᕐᐳᑦ ᐅᖃᕐᓗᑎᒡᓗ, ‘ᖃᓄᐊᓗᒃ ᐊᑕᓂᖅ ᑍᒤᓕᐅᕐᐸ ᑕᕝᕗᖓ ᓄᓇᒧᑦ ᐅᕗᖓᓗ ᑐᒃᓯᐊᕐᕕᒡᔪᐊᒧᑦ?’

⁹ ᑕᕝᕙ ᐅᖃᓕᕈᒫᐳᑦ, ‘ᐃᓄᐃᑦ ᕿᒤᓚᐅᕐᒪᑕ ᐊᑕᓂᕐᒥᒃ ᒎᑎᒥᖕᓂᒃ ᓯᕗᓕᕕᓂᖏᓐᓂᒃ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᓚᐅᕐᑐᒥᒃ, ᐃᑲᔪᕐᑎᑖᕋᓱᐊᕐᓯᒪᖕᒪᑕ ᒎᑎᓐᖑᐊᓄᑦ ᑐᒃᓯᐊᕐᕕᒋᓗᒋᓪᓗ, ᑍᒤᒻᒪᑦ ᐊᑕᓂᕐᒧᑦ ᐊᓱᕈᕐᓇᕐᑐᒧᐊᕐᑎᑕᐅᓯᒪᕗᑦ.’”

ᓲᓗᒨᓂᐅᑉ ᐊᖏᖃᑎᖃᕐᓂᖓ ᕼᐃᕋᒻᒥᒃ

¹⁰ ᓲᓗᒨᓂ ᑐᒃᓯᐊᕐᕕᒡᔪᐊᒥᒃ ᓴᓇᓚᐅᕐᒪᑦ ᐊᕐᕌᒍᓂᒃ 20ᓂᒃ ᐊᖓᔪᖅᑳᕐᔪᐊᖃᕐᕕᖕᒥᓂᒡᓗ,

¹¹ ᐊᖓᔪᖅᑳᕐᔪᐊᖅ ᕼᐅᕋᒻ ᑍᕆᒥᐅᑕᖅ ᑐᓂᓯᓯᒪᖕᒪᑦ ᕿᔪᖕᓂᒃ ᓮᐸᕋᓯᓂᒃ ᓰᑕᕆᓂᒡᓗ ᓯᑕᒃᑕᓂᒃ ᒎᓗᓂᒡᓗ ᐱᔪᒪᔭᖏᓐᓂᒃ ᐊᑐᕐᓂᐊᕐᑕᖏᓐᓂᒃ ᓴᓇᓗᓂ. ᐱᔭᕇᕐᓂᖓᑕ ᑭᖑᓂᖓᒍᑦ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᕼᐅᕋᒻ ᑐᓂᕚ ᐃᒡᓗᒐᓴᖕᓂᒃ 20ᓂᒃ ᒐᓕᓕᐊᒦᑦᑐᓂᒃ.

¹² ᕼᐅᕋᒻ ᑕᑯᔭᕐᑐᕋᒥᒋᑦ ᑍᕆᒥᑦ ᐱᓪᓗᓂ ᓲᓗᒨᓂᐅᑉ ᑐᓂᓚᐅᕐᑕᖏᓐᓂᒃ, ᐱᐅᒋᓚᐅᓐᖏᓔᑦ.

¹³ ᑍᒤᒻᒪᑦ ᓲᓗᒨᓂᒧᑦ ᐅᖃᕐᐳᖅ, “ᓱᓇᓂᒃ ᑐᓂᓯᓐᓂᕐᐲᑦ ᑖᒃᑯᐊ ᖃᑕᖑᑎᒋᕙᒃᑲ ᓄᓇᓖ ᐅᕙᓐᓄᑦ ᕾᓚᐅᕐᑕᑎᑦ.” ᑕᒪᓐᓇ ᐱᔪᑎᒋᓪᓗᒍ ᑕᒪᓐᓇ ᓄᓇ ᓱᓕ ᐅᓪᓗᒥ ᐊᑎᖃᕐᐳᖅ ᑲᐳᓪᒥᒃ.

¹⁴ ᕼᐅᕋᒻ ᓲᓗᒨᓂᒧᑦ ᑐᔪᐃᓚᐅᕐᐳᖅ 10,000ᐸᐅᓐᓂᒃ ᐅᖁᒤᓂᖃᕐᑐᓂᒃ ᒎᓗᓂᒃ.

ᓲᓗᒨᓂᐅᑉ ᐊᒃᓱᐃᓕᒃᑲᓐᓂᕐᓂᖓ

¹⁵ ᐊᖓᔪᖅᑳᕐᔪᐊᖅ ᓲᓗᒨᓂ ᓴᓇᑎᑦᓯᕗᖅ ᐊᑭᓕᕐᓱᕐᑕᐅᖏᑦᑐᓂᒃ ᑐᒃᓯᐊᕐᕕᒡᔪᐊᕐᒥᒃ ᐊᖓᔪᖅᑳᕐᔪᐊᒃᑯᕕᖕᒥᓂᒡᓗ, ᓄᓇᓗ ᐳᕐᑐᓯᒋᐊᕐᑕᐅᑎᓪᓗᓂᐅᒃ ᐃᒡᓗᒐᓴᖕᓃᑦᑐᖅ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ, ᐃᒡᓗᒐᓮᓪᓗ ᔨᕉᓴᓕᐅᑉ ᐊᕙᓗᕐᔪᐊᖓᓂᒃ ᓴᓇᔭᐅᑎᑦᓯᓪᓗᓂ. ᓴᓇᔭᐅᑎᑦᓯᒃᑲᓐᓂᕐᓗᓂᓗ ᑖᒃᑯᐊ ᐊᑐᕐᓗᓂᒋᑦ ᐃᒡᓗᒐᓴᖕᓂᒃ ᕼᐂᔭᒦᑦᑐᓂᒃ ᒥᒋᑐᒥᓗ ᒋᔨᕆᒥᓗ.

¹⁶ (ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᓚᐅᕐᓯᒪᖕᒪᑦ ᒋᔨᕆᒥᒃ ᓵᓚᒋᓪᓗᓂᒋᓪᓗ ᐃᓄᓕᒫᖏᓪᓗ ᑐᖁᓪᓗᓂᒋᑦ ᐃᑯᐊᓪᓚᒃᑎᓪᓗᓂᒋᓪᓗ ᐃᒡᓗᒐᓮᑦ, ᐃᒡᓗᒐᓴᖕᓃᑦᑐᓪᓗ ᑬᓇᓂᒥᐅᑦ ᑐᖁᓪᓗᓂᒋᑦ, ᑭᖑᓂᖓᒍᑦ ᐸᓂᖕᒥᓄᑦ ᑐᓂᕐᕈᑎᒋᓚᐅᕐᐹ ᑲᑎᑎᑕᐅᖕᒪᑦ ᓲᓗᒨᓂᒧᑦ.

¹⁷ ᓲᓗᒨᓂᐅᑉ ᑖᓐᓇ ᐃᒡᓗᒐᓴᒃ ᒋᔨᕆ ᓴᓇᒃᑲᓐᓂᓚᐅᕐᐹ) ᐊᑐᕐᓗᓂ ᐊᑭᓕᕐᓱᕐᑕᐅᖏᑦᑐᓂᒃ, ᓲᓗᒨᓂᓗ ᓴᓇᒃᑲᓐᓂᓚᐅᕆᕗᖅ ᐊᒃᐸᓯᖕᓂᓴᐅᔪᓂᒃ ᐱᑦ-ᕼᐅᕋᓐᒥᒃ,

¹⁸ ᐹᓛᑦ, ᑕᒫᕆᓗ ᓱᓇᖃᔪᐃᑦᑐᒦᑦᑑᒃ ᔫᑎᐊᒥ,

¹⁹ ᑖᒃᑯᐊ ᐃᒡᓗᒐᓮᑦ ᓲᓗᒨᓂᐅᑉ ᓱᓇᑐᐃᓐᓇᕐᑖᕐᕕᒋᕙᒡᓗᓂᒋᑦ ᐱᓯᒤᓐᓇᕐᓗᓂᒋᑦ, ᐃᒡᓗᒐᓮᓪᓗ ᐊᒃᓴᓗᐊᓕᖕᓂᒃ ᕿᒧᓯᐅᑎᖃᕐᕕᒋᓪᓗᓂᒋᑦ, ᕿᒻᒥᕐᔪᐊᒃᑯᓪᓗ ᐅᓇᑕᕐᑎᒃᑯᕕᒋᓚᐅᕐᐰᑦ, ᐊᓯᖏᓐᓂᒡᓗ ᓴᓇᔪᒪᒍᓂ ᔨᕉᓴᓕᒥ, ᓕᐸᓇᓂᒥᓘᓐᓃᑦ ᐅᕝᕙᓘᓐᓃᑦ ᓇᓂᓕᒫᖅ ᐊᖓᔪᖅᑳᕐᔪᐊᒃᑯᕕᒋᔭᒥᓂ.

²⁰ ᑖᒃᑯᐊ ᐊᒥᐊᒃᑯᓕᒫᑦ ᐊᒧᕅᑎᓂᑦ, ᕼᐃᑍᑎᓂᓪᓗ, ᐱᕆᔧᑎᓂᓪᓗ, ᕼᐃᕔᑎᓂᓪᓗ, ᔨᐳᓮᑎᓂᓪᓗ, ᐃᓴᕆᐊᓕᓄᑦ ᐃᓚᒋᔭᐅᖏᑦᑐᓂᒃ.

²¹ ᓲᓗᒨᓂ ᐊᑐᓚᐅᕐᐳᖅ ᐊᑭᖃᖏᑦᑐᒥᒃ ᓴᓇᑎᖃᑦᑕᕐᑕᒥᓂᒃ ᑭᖑᕚᕆᔭᐅᔪᓂᒃ ᑭᓇᓁᒥᐅᓄᑦ, ᐃᓴᕆᐊᓕᑎᑦ ᐅᓇᑕᕐᓗᓂᒋᑦ ᑐᖁᕋᕐᑍᓐᓇᕆᓚᐅᓐᖏᑕᖏᓐᓂᒃ, ᑕᒪᒃᑯᐊᓕᒫᑦ ᑕᕝᕙ ᓯᐊᓛᕆᔭᐅᓯᒪᕗᑦ ᐅᓪᓗᒥᒧᑦ ᑎᑭᓪᓗᒋᑦ.

²² ᓲᓗᒨᓂ ᓯᐊᓛᖃᓚᐅᓐᖏᓚᖅ ᐃᓴᕆᐊᓕᓂᑦ; ᑖᒃᑯᐊ ᑖᑦᓱᒥᖓ ᐱᔨᑦᓯᓚᐅᕐᐳᑦ ᐅᓇᑕᕐᑐᒃᓴᐅᓪᓗᑎᒃ, ᐊᖓᔪᖅᑳᖁᑎᒋᓪᓗᓂᒋᑦ, ᐊᖓᔪᖅᑳᖑᓪᓗᑎᒡᓗ ᐅᓇᑕᕐᑐᒃᓴᓄᑦ, ᐅᓇᑕᕐᑐᒃᓴᓄᓪᓗ ᐊᕕᒃᑐᕐᓯᒪᔪᓄᑦ ᐊᖓᔪᖅᑳᖑᓪᓗᑎᒃ, ᕿᒧᒃᓯᐅᑎᓄᓪᓗ ᐊᒃᓴᓗᐊᓕᖕᓄᑦ ᐊᖓᔪᖅᑳᖑᓪᓗᑎᒃ, ᕿᒻᒥᕐᔪᐊᒃᑰᕐᑎᐅᓪᓗᑎᒡᓗ.

²³ 550ᐅᓚᐅᕐᐳᑦ ᐊᖓᔪᖅᑳᑦ ᐃᖅᑲᓁᔭᕐᑎᓄᑦ ᐊᑭᓕᕐᓱᑕᐅᖏᑦᑐᓄᑦ, ᓲᓗᒨᓂᐅᑉ ᐃᒡᓗᖁᑎᒃᓴᖏᓐᓂ ᐊᑦᔨᒌᖏᑦᑐᓂ.

²⁴ ᓲᓗᒨᓂᐅᑉ ᓄᓇᑦ ᐳᕐᑐᓯᒋᐊᕐᑕᐅᑎᓚᐅᕐᐰᑦ ᐃᒡᓗᒐᓮᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ, ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑕ ᐸᓂᐊᑕ ᓄᒃᑎᕐᕕᒋᓚᐅᕐᐹ ᑍᕕᑎᐅᑉ ᐃᒡᓗᒐᓴᖏᓐᓂᑦ ᐱᓪᓗᓂ ᓲᓗᒨᓂᐅᑉ ᑖᑦᓱᒧᖓ ᓴᓇᔭᐅᑎᒻᒪᒍ ᓇᔪᒐᕆᓂᐊᓕᕐᓗᓂᐅᒃ.

²⁵ ᐊᕐᕌᒍ ᐱᖓᓱᐊᕐᑎᕐᓗᓂ ᓲᓗᒨᓂ ᑐᓂᕐᕈᓯᕐᐸᓚᐅᕐᐳᖅ ᐃᑯᐊᓚᑎᑕᒃᓴᓂᒃ ᑐᒃᓯᐊᕈᑎᓂᒡᓗ ᓮᒻᒪᕐᑎᑕᐅᔪᒪᑦᔪᑎᓂᒃ ᑐᓂᕐᕈᓯᕐᕕᖕᒥ ᓴᓇᓚᐅᕐᑕᒥᓂ ᐊᑕᓂᕐᒧᑦ, ᑎᐱᑦᓯᐊᕆᒃᓴᐅᑎᓂᒡᓗ ᐃᑯᐊᓚᑎᑦᓯᕙᒡᓗᓂ ᐊᑕᓂᕐᒧᑦ. ᑕᕝᕙ ᐱᔭᕇᓕᓚᐅᕐᐳᖅ ᑐᒃᓯᐊᕐᕕᒡᔪᐊᒥᒃ ᓴᓇᓪᓗᓂ.

²⁶ ᓱᓕ ᐊᖓᔪᖅᑳᕐᔪᐊᖅ ᓲᓗᒨᓂ ᐅᒥᐊᕐᔪᐊᓂᒃ ᓴᓇᔭᐅᑎᑦᓯᓪᓗᓂ ᐃᔨᐅᓂ-ᒋᐱᕆᒥ ᐃᓗᑎᐅᑉ ᖃᓂᒋᔮᓂ, ᐊᒡᒐᐸᐅᑉ ᑲᖏᕐᓱᐊᑕ ᓯᒡᔭᖓᓂ ᐃᒪᕐᒧᑦ ᐊᐅᐸᓗᒃᑕᒧᑦ, ᐄᑐᒥᐅᑉ ᓄᓇᖓᓂ.

²⁷ ᐊᖓᔪᖅᑳᕐᔪᐊᖅ ᕼᐅᕋᒻ ᑎᓕᓯᓚᐅᕐᐳᖅ ᐅᒥᐊᓕᒃᑕᓂᒃ ᐱᔪᓐᓇᑦᓯᐊᕐᑐᓂᒃ, ᐱᔨᑦᓯᕐᓂᐊᕐᑐᓂᒃ ᓲᓗᒨᓂᐅᑉ ᐅᒥᐊᕐᑐᑎᖁᑎᖏᓐᓂᒃ.

²⁸ ᑖᒃᑯᐊ ᐅᐱᕼᐃᕆᒧᐊᕋᒥᒃ, ᒎᓗᖁᑎᒥᖕᓂᒃ ᑎᑭᐅᑦᔨᓚᐅᕐᐳᑦ ᓲᓗᒨᓂᒧᑦ 32,000ᐸᐅᓐᓂᒃ ᐅᖁᒤᓐᓂᓕᖕᓂᒃ.