ᑯᕆᓐᑎᐊᒥᐅᓄᑦ ᓯᕗᓪᓖᑦ 4 - ᐊᒡᓔᑦ ᐃᑦᔪᕐᖕᓁᑦᑐᑦ

᙭ᔅᑑᓯᐅᑉ ᐋᐴᓯᑕᓕᖁᑎᖏᑦ

¹ ᐃᒫᒃ ᐃᓄᖕᓂᑦ ᖃᐅᔨᒪᔭᐅᔭᕆᐊᖃᕐᐳᒍᑦ, ᙭ᔅᑑᓯᒥᒃ ᐱᔨᑦᓯᕐᑎᑐᐃᓐᓇᐅᓂᑦᑎᓐᓂᒃ, ᑲᒪᔨᐅᑎᑕᐅᑐᐃᓐᓇᕐᓂᑦᑎᓐᓂᒃᓗ ᒎᑎᐅᑉ ᐱᖏᓐᓂᒃ ᓇᓗᓇᕐᑐᓂᒃ.

² ᐱᔭᕆᐊᖃᒻᒪᕆᒃᐳᓪᓕ ᑲᒪᔨᐅᑎᑕᐅᔪᑦ ᐅᒃᐱᕆᔭᒃᓴᐅᓂᕐᒥᖕᓂᒃ ᓴᖅᑭᑎᑦᓯᔪᒃᓴᐅᓪᓗᑎᒃ ᐊᖓᔪᖅᑳᒥᖕᓄᑦ.

³ ᐅᕙᖓᓕ ᐃᓕᑦᓯᓐᓄᑦ ᖃᐅᔨᓴᕐᑕᐅᒐᓗᐊᕈᒪ ᖃᓄᐃᒃᓴᓐᖏᓚᖓ ᐃᓄᐃᓪᓘᓐᓃᑦ ᐃᖅᑲᕐᑐᐃᕕᖏᓐᓂ; ᐅᕙᓐᓂᒡᓘᓐᓃᑦ ᐃᖅᑲᕐᑐᓐᖏᓚᖓ.

⁴ ᓱᓇᒥᒡᓘᓐᓃᑦ ᐃᓱᒪᔮᕈᑎᖃᖏᓐᓇᒪ, ᐃᓱᒪᔮᕈᑎᖃᖏᓐᓂᕋᓕ ᓱᓕᔪᒥᒃ ᐸᓯᔭᒃᓴᐅᖏᒻᒪᖔᕐᒪ ᓇᓗᓁᕐᓯᓐᖏᓚᖅ. ᐊᑕᓂᕐᓕ ᑖᓐᓇ ᐅᕙᓐᓂᒃ ᐃᖅᑲᕐᑐᐃᔨᐅᕗᖅ.

⁵ ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

⁶ ᑕᒪᒃᑯᐊ ᐃᓚᒃᑳ ᐅᖃᐅᓯᕆᕙᒃᑲ ᐱᕙᓪᓕᕈᑎᒃᓴᑦᓯᓐᓄᑦ ᐅᕙᖓᓗ ᐊᐴᓗᓯᓗ ᐆᒃᑑᑎᒋᓗᓄᒃ, ᑐᑭᓯᒃᑲᓐᓂᖁᓪᓗᓯ ᐅᖃᐅᓯᕆᓯᒪᔭᑦᑎᓐᓂᑦ, ᐅᓇ ᐅᖃᐅᓯᐅᕙᒃᑐᖅ ᑐᑭᓯᓂᐊᕋᑦᓯᐅᒃ, “ᐱᖁᔧᑦ ᒪᓕᑦᓯᐊᕐᓗᒋᑦ ᐃᓅᔪᒃᓴᐅᕗᓯ.” ᓇᓕᕐᓯ ᐱᐅᔪᕆᓗᓂ ᐃᓄᐃᑦ ᓇᓪᓕᐊᓐᓂᒃ ᐱᐅᓂᕐᓴᐅᓂᕅᖁᓇᒍ ᐊᓯᐊ ᓇᕐᕈᒋᓗᒍ.

⁷ ᑭᐊ ᐃᓅᖃᑎᖕᓂᑦ ᐊᔪᖏᓐᓂᕐᓴᐅᑎᑉᐹᑏᑦ? ᓱᓇᒥᒡᓕ ᐱᓯᒪᕕᑦ ᑐᓂᕐᕈᓯᐊᕆᓐᖏᑕᕐᓂᒃ? ᑐᓂᓯᕕᐅᓯᒪᒍᕕᑦ, ᓱᖕᒪᓪᓕ ᐃᓕᖕᓂᒃ ᓂᕐᑐᕐᐲᑦ? ᐱᓯᒪᔧᑦ ᑐᓂᕐᕈᓯᐊᕆᓯᒪᓐᖏᑕᕐᑐᑦ ᐱᓕᕐᓗᒎ?

⁸ ᒫᓐᓇᓕ ᐱᔪᒪᔭᓕᒫᓯ ᐱᓯᒪᓕᕐᐸᓯ, ᑕᒤᓐᓂᒃ ᐊᔪᕐᓴᕈᓐᓃᕐᓗᓯ! ᐅᕙᒍᑦ ᑍᒤᓚᐅᕐᑎᓐᓇᑕ ᐊᖓᔪᖅᑳᕐᔪᐊᑎᑐᑦ ᑍᒤᓕᕐᐳᓯ! ᐊᖓᔪᖅᑳᕐᔪᐊᓐᖑᖁᕙᑦᓯ, ᐊᐅᓚᑦᓯᔨᐅᖃᑎᒌᖕᓂᐊᕋᑦᑕ!

⁹ ᐅᕙᓐᓄᓪᓕ ᐃᓱᒪᓇᕐᑑᕗᖅ ᒎᑎᐅᑉ ᐋᐴᓯᑕᓕᐅᔪᒍᑦ ᐃᓄᖕᓂᑦ ᑭᖑᓪᓕᕐᐹᒦᑦᑐᑎᑐᑦ ᐃᓂᖃᕐᑎᒻᒪᑎᒍᑦ, ᓲᕐᓗ ᑐᖁᑕᐅᕕᒋᓂᐊᕐᑕᑦᑎᓐᓄᑦ ᐂᑎᑕᐅᔪᑎᑐᑦ; ᓯᓚᕐᔪᐊᕐᒥᐅᓕᒫᓄᑦ ᑕᑯᕋᓐᓈᕐᑕᐅᖁᓪᓗᑕ, ᐂᖏᓕᓄᑦ ᐃᓄᖕᓄᓪᓗ.

¹⁰ ᙭ᔅᑑᓯ ᐱᑦᔪᑎᒋᓪᓗᒍ ᓯᓔᑦᑑᔭᕐᐳᒍᑦ, ᐃᓕᑦᓯᓕ ᙭ᔅᑑᓯᒥ ᓯᓚᑐᕗᓯ. ᓴᓐᖐᑦᑑᕗᒍᑦ, ᐃᓕᑦᓯᓕ ᓴᓐᖏᔫᕗᓯ. ᐅᐱᒋᔭᐅᕗᓯ, ᐅᕙᒍᓪᓕ ᓇᕐᕈᒋᔭᐅᕗᒍᑦ.

¹¹ ᒫᓐᓇᒧᑦ ᑎᑭᓪᓗᒍ ᑳᒃᐳᒍᑦ ᐃᒥᕈᒃᓗᑕᓗ, ᐊᓐᓄᕌᕗᑦ ᐊᓕᒃᑐᕐᓯᒪᕗᑦ ᐊᓇᐅᓕᕐᑕᐅᕙᒃᓗᑕᓗ; ᓇᒧᑐᐃᓐᓇᕐᓗ ᓄᒃᑕᕐᐳᒍᑦ ᐊᖏᕐᕋᖃᕋᑕ ᑕᒫᓂᕐᕆᔭᒃᑐᑎᑐᑦ,

¹² ᓇᖕᒥᓂᖅ ᐊᒡᒐᑦᑎᓐᓄᑦ ᐊᒃᓱᕈᕐᓇᕐᑐᒥᒃ ᐱᓇᓱᐊᕐᐳᒍᑦ. ᓇᕐᕈᓇᕐᓂᕋᕐᑕᐅᔭᕌᖓᑦᑕ, ᓮᒻᒪᕐᑎᑦᓯᕙᒃᐳᒍᑦ; ᐊᑭᕋᕐᑐᕐᑕᐅᓕᕅᒐᑦᑕ, ᕿᓄᐃᓵᕈᑎᒋᕙᒃᐸᕗᑦ;

¹³ ᐅᖃᕐᓂᕐᓗᒡᕕᐅᔭᕌᖓᑦᑕ, ᐱᑦᓯᐊᕐᓂᕐᒥᒃ ᑭᐅᕙᒃᐳᒍᑦ; ᒫᓐᓇᒧᑦ ᐊᒡᓛᑦ ᑎᑭᓪᓗᑕ ᓯᓚᕐᔪᐊᕐᒥᐅᑦ ᐊᒃᑕᕐᓗᑯᖏᑎᑐᑦ ᑍᒤᑉᐳᒍᑦ; ᓇᖁᔭᕐᓇᕐᑐᑎᑐᑦ ᐱᐅᖏᓐᓂᕐᐹᑎᑐᑦ ᐃᓄᓕᒫᓄᑦ ᑍᒤᓪᓗᑕ.

¹⁴ ᑕᒪᒃᑯᓂᖓ ᑎᑎᕋᓐᖏᓚᖓ ᑲᓐᖑᓱᒃᑎᑦᓯᓇᓱᐊᕐᓗᖓ ᐃᓕᑦᓯᓐᓂᒃ, ᑐᑭᓯᒃᑲᓐᓂᕐᑎᓐᓇᓱᐊᕐᐸᑦᓯᓕ ᓇᖕᒥᓂᖅ ᕿᑐᕐᖓᑦᑐᑦ ᓇᒡᓕᒋᔭᑦᑐᑦ.

¹⁵ ᐊᒡᓛᑦ 10,000ᓂᒃ ᑲᒪᔨᖃᕋᓗᐊᕈᑦᓯ ᙭ᔅᑑᓯᒥ, ᐊᒥᓱᓂᒃ ᐊᑖᑕᖃᖏᓐᓇᑦᓯ. ᐃᓕᑦᓯᓐᓄᑦ ᐊᑖᑕᒋᔭᐅᒐᒪ ᙭ᔅᑑᓯ ᔩᓱᓯᒥ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ.

¹⁶ ᑕᕝᕙ ᐃᓇᑉᐸᑦᓯ, ᐅᕙᓐᓂᒃ ᒪᓕᒃᑎᐅᓚᐅᕆᑦᓯ.

¹⁷ ᑍᒤᒻᒪᑦ ᑎᒧᑎ ᐃᓕᑦᓯᓐᓄᑦ ᑎᓕᕙᕋ, ᐃᕐᓂᕋ ᓇᒡᓕᒋᔭᕋ ᐊᑕᓂᕐᒥ ᓱᕐᕋᔪᐃᑦᑑᖕᒪᑦ, ᑖᑦᓱᒪ ᐃᖅᑬᑎᓐᓂᐊᕐᒪᓯ ᐃᓅᓯᕆᔭᓐᓂᒃ ᙭ᔅᑑᓯᒥ, ᑍᒫᒡᓗ ᐊᔪᕆᕐᑐᐃᕙᒃᑲᒪ ᓇᓂᑐᐃᓐᓇᖅ ᐅᒃᐱᕐᑑᖃᑎᒌᓕᒫᓂ.

¹⁸ ᐃᓚᓯ ᐃᓚᖏᑦ ᐱᐅᔪᕆᓕᕐᐳᑦ, ᐅᕙᓐᓂᒃ ᑎᑭᓐᓂᐊᕋᓱᒋᒃᓯᓐᖏᒧᑦ.

¹⁹ ᐊᑕᓂᕐᓕ ᐱᖁᔨᒃᐸᑦ, ᑎᑭᓛᑦᐳᖓ ᐊᑯᓂᐅᓗᐊᖏᑦᑐᖅ, ᑎᑭᒃᑯᒪᓗ ᓇᖕᒥᓂᖅ ᖃᐅᔨᑦᓯᐊᓛᕐᐳᖓ ᑍᒃᑯᐊ ᐃᒻᒥᖕᓂᒃ ᐱᐅᓇᓱᒋᔪᑦ ᖃᓄᖅ ᐱᔪᓐᓇᕐᓂᖃᕐᑎᒋᖕᒪᖔᑕ, ᐅᖃᐅᓯᑐᐃᓐᓇᕐᒥᒃᑎᒎᖏᑦᑐᖅ.

²⁰ ᒎᑎᐅᑉ ᐊᑕᓂᐅᕕᖓ ᐅᖃᐅᓯᑐᐃᓐᓇᕐᓄᑦ ᐱᖏᒻᒪᑦ ᐱᔪᓐᓇᕐᓂᕐᒧᓪᓕ.

²¹ ᓇᓪᓕᐊᓐᓂᒡᓕ ᐱᔪᒪᕕᓯ? ᑏᒐᕈᑎᖃᕐᓗᖓ ᑎᑭᑦᑐᒃᓴᐅᕗᖓ, ᐅᕝᕙᓗ ᓇᒡᓕᖕᓂᖃᕐᓗᖓ ᐊᓂᕐᓂᒃᑯᑦ ᐃᓕᕋᓇᖏᑦᑐᒥᒃ?