ᑯᕆᓐᑎᐊᒥᐅᓄᑦ ᓯᕗᓪᓖᑦ 13 - ᐊᒡᓔᑦ ᐃᑦᔪᕐᖕᓁᑦᑐᑦᓇᒡᓕᖕᓂᖅ 1 ᐃᓄᐃᑦ ᐂᖏᓖᓪᓗ ᐅᖃᐅᓯᖏᓐᓄᑦ ᐅᖃᕈᓐᓇᕋᓗᐊᕈᒪ, ᓇᒡᓕᖕᓂᖃᕐᓇᖓᓗ, ᓯᕙᓂᐅᑎᑎᑐᑦ ᓂᐱᖅᑯᕐᑐᔪᑎᑐᑦ ᐃᒥᐊᑦᑐᑎᑐᓪᓗ ᑍᒤᒃᑲᔭᕐᐳᖓ. 2 ᑐᓂᕐᕈᓯᐊᖃᕈᒪ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᓂᕐᒥᒃ ᓇᓗᓇᕐᑐᐊᓗᐃᓪᓗ ᑕᒪᕐᒥᒃ ᖃᐅᔨᒪᒍᒃᑭᑦ ᓇᓗᓁᕈᓐᓇᕐᓗᒋᓪᓗ, ᐅᒃᐱᕐᓂᖃᕈᒪᓗ ᖃᖅᑳᓗᐃᑦ ᐊᒡᓛᑦ ᓄᒃᑎᕈᓐᓇᕐᓗᒋᑦ, ᓇᒡᓕᖕᓂᖃᕐᓇᖓᓗ, ᓱᓇᒃᓴᐅᒐᔭᓐᖏᓚᖓ. 3 ᐱᖁᑎᒃᑲᓗ ᑕᒪᕐᒥᒃ ᐊᔪᕐᓴᕐᑐᓄᑦ ᑐᓂᒐᔭᕈᒃᑭᑦ ᑎᒥᒐᓗ ᐃᑯᒪᒧᑦ ᓄᖑᑕᐅᑎᒐᓗᐊᕈᒃᑯ, ᓇᒡᓕᖕᓂᖃᕐᓇᖓᓗ, ᐅᕙᓐᓄᑦ ᓱᕙᓪᓕᕈᑕᐅᒐᔭᓐᖏᓚᑦ. 4 ᓇᒡᓕᖕᓂᖅ ᕿᓄᐃᓵᕈᓐᓇᕐᐳᖅ ᐱᑦᓯᐊᕈᓐᓇᕐᓗᓂᓗ; ᓇᒡᓕᖕᓂᖅ ᐊᓐᓂᕈᑦᔨᓐᖏᓚᖅ, ᐱᐅᔪᕆᓇᓂᓗ, 5 ᓇᒡᓕᖕᓂᖅ ᐃᓕᖅᑯᓯᕐᓗᖕᒥᒃ ᓴᖅᑭᑎᑦᓯᓐᖏᓚᖅ, ᓇᖕᒥᓂᕐᓯᐅᕐᓂᕐᒥᒃ ᓴᖅᑭᑎᑦᓯᓐᖏᓚᖅ, ᓂᓐᖓᒃᓴᕅᓐᓇᓂᓗ, ᑕᒻᒪᕐᓂᕐᓂᒃ ᐳᐃᒍᑦᔧᕐᓯᓇᓱᐊᓐᖏᓚᖅ. 6 ᓇᒡᓕᖕᓂᖅ ᐱᐅᖏᑦᑐᓕᓂᕐᒥᒃ ᖁᕕᐊᓲᑎᖃᓐᖏᓚᖅ, ᓱᓕᑦᓯᐊᕐᓂᕐᓕ ᖁᕕᐊᓲᑎᒋᕚ. 7 ᓇᒡᓕᖕᓂᖅ ᓱᓇᓕᒫᓄᑦ ᐃᑲᔪᕐᐳᖅ; ᑕᒤᓐᓂᒃ ᐅᒃᐱᕐᐳᖅ, ᑕᒤᓐᓂᒃ ᓂᕆᐅᒃᐳᖅ, ᑕᒤᓐᓂᒃ ᕿᓄᐃᓵᕐᐳᖅ. 8 ᓇᒡᓕᖕᓂᖅ ᐃᓱᓕᓐᓂᐊᓐᖏᓚᖅ; ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᖕᓃᑦ, ᐃᓱᓕᑦᑐᒫᕐᐳᑦ; ᑐᓴᕐᖓᕐᑕᕐᓃᑦ, ᐃᓱᓕᑦᑐᒫᕆᕗᑦ; ᖃᐅᔨᒪᓃᑦ, ᐃᓱᓕᑦᑐᒫᕆᕗᑦ. 9 ᐃᓔᓐᓇᖏᓐᓂᒃ ᐃᓕᓯᒪᒐᑦᑕ, ᒎᑎᐅᓪᓗ ᐅᖃᐅᓯᕆᖁᔭᖏᑕ ᐃᓔᓐᓇᖏᓐᓂᒃ ᐅᖃᕈᓐᓇᕐᓗᑕ; 10 ᑕᒤᓐᓂᒡᓕ ᓈᒻᒪᒃᓯᑎᑕᐅᓂᖅ ᓇᓪᓕᐅᑎᒃᐸᑦ, ᐃᓔᓐᓇᕐᓂᒃ ᐱᓯᒪᓂᖅ ᓄᖑᔪᒫᕐᐳᖅ. 11 ᓄᑕᕋᐅᑎᓪᓗᖓ, ᓄᑕᕋᕐᑎᑐᑦ ᐅᖃᓪᓚᒃᐸᓚᐅᕐᐳᖓ, ᓄᑕᕋᕐᑎᑐᓪᓗ ᐃᓱᒪᕙᓚᐅᕐᐳᖓ, ᑐᑭᓯᓂᖃᕐᓗᖓᓗ ᓄᑕᕋᕐᑎᑐᑦ; ᐱᕈᕇᕋᒪᓕ, ᓄᑕᕋᐅᑉ ᐃᓕᖅᑯᓯᖓ ᐊᑐᕈᓐᓃᕐᐸᕋ. 12 ᒫᓐᓇ ᑕᕐᕋᕐᑑᑎᒃᑯᑦ ᑕᑯᑦᓯᐊᕈᓐᓇᕐᓇᑕ ᑕᑯᓐᓇᕐᐳᒍᑦ; ᐱᔪᒫᕐᑐᒥᓕ ᑕᑯᓐᓇᓕᕈᒫᕐᐳᒍᑦ ᑮᓇᕐᒥᑦ ᑮᓇᕐᒧᑦ. ᒫᓐᓇ ᐃᓔᓐᓇᖓᓂᒃ ᖃᐅᔨᒪᕗᖓ; ᐱᔪᒫᕐᑐᒥᓕ ᑕᒤᓐᓂᑦᓯᐊᖅ ᑐᑭᓯᔪᒫᕐᐳᖓ, ᓲᕐᓗ ᒎᑎᒧᑦ ᖃᐅᔨᒪᔭᐅᒐᒪ ᐃᓘᓐᓇᒃᑯᑦ. 13 ᒫᓐᓇᓕ ᐅᑯᐊ ᐱᖓᓱᑦ ᑲᔪᓰᓐᓇᕐᓂᐊᕐᐳᑦ: ᐅᒃᐱᕐᓂᖅ, ᓂᕆᐅᖕᓂᖅ, ᓇᒡᓕᖕᓂᖅ; ᓇᒡᓕᖕᓂᕐᓕ ᑖᒃᑯᓇᖓ ᐊᖏᓂᕐᐸᐅᕗᖅ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society