ᑯᕉᓂᑲ ᓯᕗᓪᓖᑦ 9 - ᐊᒡᓔᑦ ᐃᑦᔪᕐᖕᓁᑦᑐᑦ

ᐃᓄᐃᑦ ᐊᐅᓪᓚᕈᑦᔭᐅᓯᒪᕕᖕᒥᑦ ᐅᑎᓚᐅᕐᑐᑦ

¹ ᐃᓴᕆᐊᓕᒥᐅᓕᒫᑦ ᑭᖑᕚᕇᒃᐸᓪᓕᐊᓂᖏᑎᒍᑦ ᑎᑎᕋᕐᑕᐅᓚᐅᕐᐳᑦ ᐱᒋᐊᕐᓂᖓᓂᑦ, ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖏᑕ ᑎᑎᖅᑲᖁᑎᖏᓐᓂ. ᔫᑕᒃᑯᓪᓕ ᐊᐅᓪᓚᕈᑦᔭᐅᓚᐅᕐᐳᑦ ᐹᐱᓘᓂᒧᑦ ᐱᐅᖏᑦᑐᓕᓯᒪᓂᖏᓐᓄᑦ.

² ᓯᕗᓪᓕᕐᐹᑦ ᓄᓇᒥᖕᓄᑦ ᐅᑎᓚᐅᕐᑐᑦ ᓄᓇᖃᓕᕐᓗᑎᒃ ᐃᒡᓗᒐᓴᒥᖕᓂ ᐅᑯᐊ ᐃᓴᕆᐊᓕᒥᐅᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᑦ, ᑐᒃᓯᐊᕐᕕᒡᔪᐊᕐᒥᓗ ᐱᓇᓱᐊᕐᑏᑦ.

³ ᔫᑕᐅᑉ ᑭᖑᕚᖏᑕ ᐃᓚᖏᑦ ᔨᕉᓴᓕᒥ ᓄᓇᑖᕐᐳᑦ, ᐱᓐᔭᒥᓂᐅᓪᓗ ᑭᖑᕚᖏᑕ ᐃᓚᖏᑦ, ᐃᕗᕅᒻᓗ, ᒫᓇᓯᐅᓪᓗ ᑭᖑᕚᖏᑕ ᐃᓚᖏᑦ.

⁴ ᔪᑍ ᐊᒥᕼᐆᑎᐅᑉ ᐃᕐᓂᖓ, ᑖᓐᓇ ᐅᒻᕆᐅᑉ ᐃᕐᓂᖓ, ᑖᓐᓇ ᐃᒻᕆᐅᑉ ᐃᕐᓂᖓ, ᑖᓐᓇ ᐹᓂᐅᑉ ᐃᕐᓂᖓ, ᐱᕆᔨᐅᑉ ᑭᖑᕚᖏᓐᓂᑦ ᔫᑕᐅᑉ ᑭᖑᕚᖓ.

⁵ ᓮᓗᓁᑎᒥᐅᑦ: ᐊᓮᐊ ᐃᕐᓂᖏᓐᓂ ᐊᖓᔪᒃᓯᕐᐹᖅ.

⁶ ᔨᕋᐅᑉ ᐃᕐᓂᖏᓐᓂ: ᔨᐅᐃᐅᓪ ᐃᓚᒋᔭᖏᓪᓗ, 690ᐅᕗᑦ.

⁷ ᐱᓐᔭᒥᓂᐅᑉ ᐃᕐᓂᖏᓐᓂ: ᓴᓪᓗ ᒥᓱᓚᒻ ᐃᕐᓂᖓ, ᑖᓐᓇ ᕼᐅᑕᕕᐊᑉ ᐃᕐᓂᖓ, ᑖᓐᓇ ᕼᐊᓯᓄᐊᑉ ᐃᕐᓂᖓ.

⁸ ᐃᑉᓂᐊ ᔨᕈᕼᐋᒻ ᐃᕐᓂᖓ, ᐄᓚ ᐅᔨᐅᑉ ᐃᕐᓂᖓ, ᑖᓐᓇ ᒥᒃᑭᕆᐅᑉ ᐃᕐᓂᖓ; ᒥᓱᓚᒻᓗ ᓯᕚᑍᐊᐅᑉ ᐃᕐᓂᖓ, ᑖᓐᓇ ᕆᐅᓕᐅᑉ ᐃᕐᓂᖓ, ᑖᓐᓇ ᐃᑉᓁᔭᐅᑉ ᐃᕐᓂᖓ.

⁹ ᐃᓚᒋᔭᖏᑦ ᑭᖑᕚᕇᑦ ᑎᑎᕋᕐᑕᐅᓯᒪᓂᖏᑦ ᒪᓕᒡᓗᒋᑦ 956ᐅᕗᑦ. ᑖᒃᑯᐊ ᐊᖑᑎᓕᒫᑦ ᐊᖓᔪᖅᑳᖑᕗᑦ ᐊᑖᑕᒃᑯᖏᑕ ᐃᓚᒋᔭᖏᓐᓂ, ᐊᑖᑕᒃᑯᖏᑕᓗ ᐃᓚᒋᔭᖏᓐᓄᑦ.

ᑐᓂᕐᕈᓯᕐᑎᑦᓯᔩᑦ ᔨᕉᓴᓕᒦᑦᑐᑦ

¹⁰ ᐅᑯᐊ ᑐᓂᕐᕈᓯᕐᑎᑦᓯᔨᐅᕗᑦ: ᔨᑍᐊ, ᔨᕼᐅᐃᐊᕆᑉ, ᔭᑭᓐ;

¹¹ ᐊᔭᕅᐊᓗ, ᕼᐃᓪᑬᐊᐅᑉ ᐃᕐᓂᖓ, ᑖᓐᓇ ᒥᓱᓚᒥᐅᑉ ᐃᕐᓂᖓ, ᑖᓐᓇ ᔭᑑᑭᐅᑉ ᐃᕐᓂᖓ, ᑖᓐᓇ ᒥᕅᐅᑎᐅᑉ ᐃᕐᓂᖓ, ᑖᓐᓇ ᐊᕼᐃᑑᑉ ᐃᕐᓂᖓ, ᐊᖓᔪᖅᑳᖑᔪᖅ ᒎᑎᐅᑉ ᐃᒡᓗᖓᓂ.

¹² ᐊᑍᐊᓗ ᔨᕈᕼᐋᒻ ᐃᕐᓂᖓ, ᑖᓐᓇ ᐸᓱᕼᐅᕆᐅᑉ ᐃᕐᓂᖓ, ᑖᓐᓇ ᒪᓪᑬᔭᐅᑉ ᐃᕐᓂᖓ; ᒫᓮᓗ ᐊᑎ-ᐃᐅᑉ ᐃᕐᓂᖓ, ᑖᓐᓇ ᔭᓯᕋᐅᑉ ᐃᕐᓂᖓ, ᑖᓐᓇ ᒥᓱᓚᒥᐅᑉ ᐃᕐᓂᖓ, ᑖᓐᓇ ᒥᓯᓕᒥᑎᐅᑉ ᐃᕐᓂᖓ, ᑖᓐᓇ ᐃᒥᕆᐅᑉ ᐃᕐᓂᖓ.

¹³ ᐃᓚᒋᔭᖏᓪᓗ, ᐊᑖᑕᖏᑕ ᐃᓚᖏᓐᓂ ᐊᖓᔪᖅᑳᖑᔪᑦ 1,760ᐅᕗᑦ, ᑖᒃᑯᐊ ᐊᖑᑏᑦ ᐱᔪᓐᓇᑦᓯᐊᕐᐳᑦ ᐱᓇᓱᐊᕈᓐᓇᑦᓯᐊᕐᓗᑎᒃ ᒎᑎᐅᑉ ᐃᒡᓗᖓᓂ.

ᓕᕔᑏᑦ ᔨᕉᓴᓕᒦᑦᑐᑦ

¹⁴ ᓕᕔᑏᑦ: ᓯᒤᐊ ᕼᐊᓲᑉ ᐃᕐᓂᖓ, ᑖᓐᓇ ᐊᔾᕆᑳᒻ ᐃᕐᓂᖓ, ᑖᓐᓇ ᕼᐊᓴᐰᐊᐅᑉ ᐃᕐᓂᖓ, ᑖᓐᓇ ᒥᕋᕆᐅᑉ ᐃᕐᓂᖓ;

¹⁵ ᐸᒃᐸᑲᕆ, ᕼᐃᕆᔅ, ᒐᓚᓪ, ᒪᑕᓁᐊᓗ, ᒤᑲᐅᑉ ᐃᕐᓂᖏᑦ, ᑖᓐᓇ ᔨᒃᕆᐅᑉ ᐃᕐᓂᖓ, ᑖᓐᓇ ᐊᓴᐸᐅᑉ ᐃᕐᓂᖓ;

¹⁶ ᐅᐸᑍᐊ ᓯᒤᐊᐅᑉ ᐃᕐᓂᖓ, ᑖᓐᓇ ᒐᓚᐅᑉ ᐃᕐᓂᖓ, ᑖᓐᓇ ᔨᑐᑕᓂᐅᑉ ᐃᕐᓂᖓ; ᐱᕆᑬᐊᓗ ᐂᓴᐅᑉ ᐃᕐᓂᖓ, ᑖᓐᓇ ᐃᐅᓪᑳᓇᐅᑉ ᐃᕐᓂᖓ, ᓄᓇᖃᓚᐅᕐᑐᑦ ᓂᑐᐸᕼᐊᑍᑎᓂ ᓄᓇᓕᖕᓂ.

ᓕᕔᑏᑦ ᐃᑎᕐᑕᕐᕕᖕᒥ ᑲᒪᔩᑦ ᔨᕉᓴᓕᒥ

¹⁷ ᐃᑎᕐᑕᕐᕕᓕᕆᔩᑦ ᐅᑯᐊᖑᕗᑦ: ᓴᓗᒻ, ᐊᑯᑉ, ᑖᓪᒪᓐ, ᐊᕼᐂᒪᓐ, ᐃᓚᒋᔭᖏᓪᓗ, ᓴᓗᒻ ᐊᖓᔪᖅᑳᕆᔭᐅᓪᓗᓂ.

¹⁸ ᑕᕝᕗᖓ ᑎᑭᓪᓗᒍ ᑖᒃᑯᐊ ᐃᑎᕐᑕᕐᕕᓕᕆᔨᐅᓚᐅᕐᐳᑦ ᑕᖕᒫᕐᓯᒪᕕᖕᓂ ᓕᕔᑉ ᕿᑐᕐᖓᖏᑦ ᐊᖓᔪᖅᑳᕐᔪᐊᑉ ᐃᑎᕐᑕᕐᕕᖓᓂ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥᒃ.

¹⁹ ᓴᓗᒻ ᑯᕆᐅᑉ ᐃᕐᓂᖓ, ᑖᓐᓇ ᐃᐰᐊᓴᐅᑉ ᐃᕐᓂᖓ, ᑖᓐᓇ ᑰᕋᐅᑉ ᐃᕐᓂᖓ, ᖃᑕᓐᖑᑎᖏᓪᓗ ᐊᑖᑕᖓᑕ ᐃᓚᖏᓐᓂᑦ, ᑰᕋᕼᐂᑎᒥᐅᑦ, ᐊᖓᔪᖅᑳᖑᕗᑦ ᐱᓇᓱᒃᑕᐅᒋᐊᓕᖕᓄᑦ, ᑐᐱᐅᑉ ᐃᑎᕐᑕᕐᕕᖓᓂ ᑲᒪᔨᐅᓪᓗᑎᒃ, ᓯᕗᓕᖏᑦ ᑲᒪᔨᐅᓚᐅᕐᒪᑕ ᐊᑕᓂᐅᑉ ᐃᑎᕐᑕᕐᕕᖓᓂ ᑕᒫᕐᓯᒪᕕᖕᒥ.

²⁰ ᐱᓂᕼᐋᓯᓗ ᐃᓕᓯᕆᐅᑉ ᐃᕐᓂᖓ ᐊᖓᔪᖅᑳᕆᔭᐅᓚᐅᕐᐳᖅ ᓯᕗᓂᖓᒍᑦ; ᑖᓐᓇ ᐊᑕᓂᐅᑉ ᐃᓚᒋᓚᐅᕐᐹ.

²¹ ᓴᑲᕅᐊ ᒥᓯᓕᒤᐊᐅᑉ ᐃᕐᓂᖓ ᐅᒃᑯᐊᒥ ᑲᒪᔨᐅᕗᖅ ᑐᐱᕐᒥ ᑲᑎᒪᕕᖕᒥ.

²² ᑖᒃᑯᐊ ᓂᕈᐊᕐᑕᐅᓯᒪᔪᑦ ᐃᑎᕐᑕᕐᕕᓕᕆᔨᐅᖁᓪᓗᒋᑦ ᑲᑎᑦᓱᑎᒃ 212ᖑᕗᑦ. ᑎᑎᕋᕐᑕᐅᓯᒪᕗᑦ ᑭᖑᕚᕇᖕᓂᖏᑦ ᒪᓕᒡᓗᒋᑦ ᓄᓇᖏᓐᓂ. ᑍᕕᑎᐅᑉ ᓴᒧᐃᓕᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᓕᓚᐅᕐᒪᒋᑦ ᐅᐱᓐᓇᕐᑐᒥᒃ ᐱᓇᓱᐊᒐᖃᖁᓪᓗᒋᑦ.

²³ ᑖᒃᑯᐊ ᕿᑐᕐᖓᖏᓪᓗ ᐃᑎᕐᑕᕐᕕᖕᒥ ᑲᒪᔨᐅᓚᐅᕐᐳᑦ ᐊᑕᓂᐅᑉ ᐃᒡᓗᖓᓂ, ᑕᕝᕙᓂ ᑐᐱᐅᑉ ᐃᑎᕐᑕᕐᕕᖓᓂ ᑲᒪᔨᐅᖁᓪᓗᒋᑦ.

²⁴ ᐃᑎᕐᑕᕐᕕᓕᕆᔩᑦ ᐱᔭᒃᓴᖃᕐᑎᑕᐅᓚᐅᕐᐳᑦ ᓯᑕᒪᓂ ᓴᓂᕋᕐᔪᐊᓂ: ᑕᓕᕐᐱᐊᓂ, ᓴᐅᒥᐊᓂ, ᓵᖓᓂ, ᑐᓄᐊᓂᓗ;

²⁵ ᖃᑕᓐᖑᑎᖏᓪᓗ ᓄᓇᓕᖕᓃᑦᑐᑦ ᐃᑲᔪᕆᐊᕆᐊᖃᖃᑦᑕᓚᐅᕐᐳᑦ ᐅᓪᓗᐃᑦ 7 ᐊᓂᒍᕅᖕᒪᑕ ᑕᒫᑦ, ᑍᒪᓐᖓᑦ ᑲᔪᓯᔪᒥᒃ ᑍᒤᓕᐅᕆᐊᖃᕐᓱᑎᒃ.

²⁶ ᓯᑕᒪᓂᒃ ᐊᖓᔪᖅᑳᖃᕐᐳᑦ ᐃᑎᕐᑕᕐᕕᖕᓂ ᐊᑐᓂᑦ; ᓕᕔᑎᓂᒃ, ᐊᑕᓂᐅᑉ ᐃᒡᓗᖓᓂ ᑲᒪᔨᐅᑎᑕᐅᔪᓂᒃ ᐱᖁᑎᓂᒃ ᑮᓇᐅᔭᒃᑯᕕᖕᓂᒡᓗ ᒎᑎᐅᑉ ᐃᒡᓗᖓᓂ.

²⁷ ᐊᖏᕐᕋᖃᓚᐅᕐᐳᓪᓗ ᒎᑎᐅᑉ ᐃᒡᓗᖓᑕ ᐊᕙᑖᓂ; ᑲᒪᔨᐅᒐᒥᒃ ᖃᐅᔨᓴᕐᑎᐅᓪᓗᑎᒡᓗ, ᐊᖓᔪᖅᑳᖑᓚᐅᕐᐳᓪᓗ ᒪᑐᐃᕐᑕᐅᔭᕆᐊᖃᕐᓂᖓᓄᑦ ᐅᓪᓛᑕᒫᑦ.

ᓕᕔᑏᑦ ᐊᓯᖏᑦ

²⁸ ᐃᓚᖏᑦ ᑲᒪᔨᐅᓚᐅᕐᐳᑦ ᐃᓗᓕᖁᑎᓂᒃ ᑐᒃᓯᐊᕐᓂᕐᒥ ᐊᑐᕐᑕᐅᖃᑦᑕᕐᑐᓄᑦ, ᐃᑎᕐᑐᑦ ᐊᓂᔪᓪᓗ ᓈᓴᕆᐊᖃᖃᑦᑕᕐᓱᒋᑦ.

²⁹ ᐃᓚᖏᑦ ᑎᓕᔭᐅᓯᒪᕗᑦ ᐱᖁᑎᓄᑦ ᓱᓇᑐᐃᓐᓇᓕᒫᓄᓪᓗ ᐃᑦᔪᕐᓁᑦᑐᒃᑯᕕᖕᒥ ᐊᑐᕐᑕᐅᕙᒃᑐᓄᑦ ᑲᒪᔨᐅᖁᓪᓗᒋᑦ, ᓯᖃᓪᓕᓯᒪᔪᓄᑦ ᓂᐊᖂᔭᒃᓴᓄᑦ, ᕔᓂᓄᑦ, ᐅᕐᓱᓄᑦ, ᑎᐱᑦᓯᐊᕆᒃᓴᐅᑎᓄᑦ ᐳᔪᕐᓄᑦ, ᓂᕿᓄᓪᓗ ᐅᐊᕈᑎᒃᓴᓄᑦ.

³⁰ ᑐᓂᕐᕈᓯᕐᑎᑦᓯᔩᑦ ᐃᕐᓂᖏᑕ ᐃᓚᖏᑦ ᓂᕿᓄᑦ ᐅᐊᕈᑎᒃᓴᓂᒃ ᒪᒪᕐᓴᐅᑎᒃᓴᓂᒃ ᑲᑎᕐᓱᐃᔨᐅᓪᓗᑎᒃ ᐱᓇᓱᐊᕐᑎᐅᓚᐅᕐᐳᑦ.

³¹ ᒪᑎᑍᐊᓗ ᓕᕔᑎᑦ ᐃᓚᖓᑦ, ᓴᓗᒻᒥᐅᑉ ᐊᖓᔪᒃᓯᕐᐹᖁᑎᖓ ᑰᕋᕼᐂᑎᒥᐅᑕᖅ, ᐊᖓᔪᖅᑳᖑᓚᐅᕐᐳᖅ ᐆᑕᐅᓯᒪᔪᓂᒃ ᐴᒍᑕᕐᓄᑦ.

³² ᐃᓚᒋᔭᖏᓪᓕ ᐃᓚᖏᑦ ᑯᕼᐋᑍᑎᒥᐅᑦ ᑲᒪᔨᐅᓚᐅᕆᕗᑦ ᓂᐊᖂᔭᓕᐅᕐᑐᓂᒃ, ᐊᑐᐃᓐᓇᕈᕐᑎᑕᐅᖃᑦᑕᕐᑐᓂᒃ ᓴᐸᑎᒧᑦ.

³³ ᐊᑖᑕᒃᑯᖏᑕ ᐃᓚᖏᓐᓂ ᐊᖓᔪᖅᑲᐅᔪᑦ ᓕᕔᑎᓂ ᑲᒪᔨᐅᓚᐅᕐᐳᑦ ᐃᓐᖏᕐᑎᓄᑦ, ᐊᖏᕐᕋᖃᕐᓗᑎᒃ ᑐᒃᓯᐊᕐᕕᒡᔪᐊᑉ ᐃᒡᓗᕈᓯᖏᓐᓂ, ᐊᓯᖏᓐᓂᒃ ᐱᓇᓱᐊᒐᒃᓴᖃᕐᑎᑕᐅᓇᑎᒃ, ᑍᒪᓐᖓᑦ ᐱᓇᓱᐊᕆᐊᖃᕐᓗᑎᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ.

³⁴ ᑖᒃᑯᐊ ᐊᑖᑕᖏᑕ ᐃᓚᖏᓐᓂ ᐊᖓᔪᖅᑳᑦ ᓕᕔᑎᓂ ᐊᖓᔪᖅᑲᐅᕗᑦ, ᑭᖑᕚᕇᑦ ᑭᖑᓕᕇᖕᓂᖏᑦ ᒪᓕᓪᓗᒋᑦ, ᓄᓇᖃᕐᓗᑎᒃ ᔨᕉᓴᓕᒥ.

ᐊᖓᔪᖅᑳᕐᔪᐊᑉ ᓴᐅᓕᐅᑉ ᑭᖑᕚᖏᑦ

³⁵ ᔨ-ᐂᓕ ᒋᐱᐅᓂ ᐊᑖᑕᖓ, ᓄᓕᐊᓕᒃ ᒫᑲᒥᒃ, ᓄᓇᖃᓚᐅᕐᐳᖅ ᒋᐱᐊᒥ.

³⁶ ᐊᖓᔪᒃᓯᕐᐹᖁᑎᖓ ᐊᑉᑖᓐ, ᑐᖓᓕᖏᑦ ᔫᕆ, ᑭᔅ, ᐰᓕ, ᓂᕆ, ᓁᑖᑉ,

³⁷ ᒋᑐᐊᕆ, ᐊᕼᐂᐅ, ᓴᑲᕅᐊ, ᒥᒃᓘᑎᓗ,

³⁸ ᒥᒃᓘᑎᓗ ᐃᕐᓂᖃᕐᐳᖅ ᓯᒥ-ᐊᒥᒃ; ᑖᒃᑯᐊ ᓄᓇᖃᓚᐅᕐᐳᑦ ᐃᓚᒥᑕ ᐊᑭᐊᓂ ᔨᕉᓴᓕᒥ, ᐃᓚᓂ ᐃᓚᒋᓪᓗᒋᑦ.

³⁹ ᓂᕆ ᐃᕐᓂᖃᕐᐳᖅ ᑭᔅᒥᒃ, ᑭᔅ ᐃᕐᓂᖃᕐᐳᖅ ᓴᐅᓕᒥᒃ, ᓴᐅᓕᓗ ᐃᕐᓂᖃᕐᐳᖅ ᔫᓇᑕᓂᒥᒃ, ᒪᓪᑭᓱᐊᒥᒃ, ᐊᐱᓇᑕᑉᒥᒃ, ᐃᔅᐰᓕᒥᒃ.

⁴⁰ ᔫᓇᑕᓂ ᐃᕐᓂᖃᕐᐳᖅ ᒥᕆᑉ-ᐰᓕᒥᒃ, ᒥᕆᑉ-ᐰᓕ ᐃᕐᓂᖃᕐᐳᖅ ᒤᑲᒥᒃ.

⁴¹ ᒤᑲᐅᑉ ᐃᕐᓂᖏᑦ ᐅᑯᐊᖑᕗᑦ: ᐰᑖᓐ, ᒥᓕᒃ, ᑕᕆᐊ, ᐂᕼᐊᔅᓗ.

⁴² ᐂᕼᐊᔅ ᐃᕐᓂᖃᕐᐳᖅ ᔮᕋᒥᒃ, ᔮᕋ ᐃᕐᓂᖃᕐᐳᖅ ᐊᓕᒥᑎᒥᒃ, ᐊᔾᒪᕕᑎᒥᒃ ᔨᒻᕆᒥᒡᓗ; ᔨᒻᕆ ᐃᕐᓂᖃᕐᐳᖅ ᒨᔭᒥᒃ.

⁴³ ᒨᔭ ᐃᕐᓂᖃᕐᐳᖅ ᐰᓂᐊᒥᒃ, ᕆᐰᐊᓗ ᐃᕐᓂᖃᕐᐳᖅ ᐃᓖᓴᒥᒃ, ᐃᓖᓴᓗ ᐃᕐᓂᖃᕐᐳᖅ ᐊᔨᐅᓪᒥᒃ.

⁴⁴ ᐂᔪᓪ ᐃᕐᓂᖃᕐᐳᖅ ᐱᖓᓱᔪᕐᑐᓂᒃ ᐅᑯᐊ ᑕᕝᕙ ᐊᑎᖏᑦ: ᐊᔾᕆᑳᒻ, ᐳᑭᕈ, ᐃᓯᒥᐅᓪ, ᓯ-ᐊᕅᐊ, ᐅᐸᑍᐊ, ᕼᐊᓇᓐᓗ; ᑖᒃᑯᐊ ᑕᕝᕙ ᐊᔨᐅᓪᐱᐅᑉ ᐃᕐᓂᖏᑦ.