ᑯᕉᓂᑲ ᓯᕗᓪᓖᑦ 5 - ᐊᒡᓔᑦ ᐃᑦᔪᕐᖕᓁᑦᑐᑦ

ᕉᐱᓂᐅᑉ ᑭᖑᕚᖏᑦ

¹ ᕉᐱᓂᐅᑉ ᐃᕐᓂᖏᑦ ᐃᓴᕆᐊᓕᐅᑉ ᐊᖓᔪᒃᓯᕐᐹᖁᑎᖓᑕ ᐊᖓᔪᒃᓯᕐᐹᖑᒐᓗᐊᖅ, ᑭᓯᐊᓂ ᐊᑖᑕᖓᑕ ᓄᓕᐊᒃᑲᓐᓂᖓᓂᒃ ᐃᓐᓇᖓᖃᑎᖃᓚᐅᕐᒪᑦ ᓱᒃᑯᑎᕆᓚᐅᕐᐳᖅ, ᑕᕝᕙ ᐊᖓᔪᒃᓯᕐᐸᐅᓂᖓᑕ ᑎᑎᕋᕐᑕᐅᓯᒪᓂᖓ ᑐᓂᔭᐅᓚᐅᕐᐳᖅ ᐃᓴᕆᐊᓕᐅᑉ ᐃᕐᓂᖓᑕ ᔫᓯᐱᐅᑉ ᐃᕐᓂᖏᓐᓄᑦ, ᑍᒤᒻᒪᑦ ᐊᖓᔪᒃᓯᕐᐹᖑᓂᖓᑕ ᐃᓚᖏᑦ ᑎᑎᕋᕐᑕᐅᓯᒪᓐᖏᓚᑦ ᐊᖓᔪᒃᓯᕐᐹᕐᓯᐅᑎᑎᒍᑦ.

² ᔫᑕᓕ ᐱᓪᓚᕆᐅᓂᕐᐸᐅᓕᓚᐅᕐᐳᖅ ᖃᑕᓐᖑᑎᒥᓂᑦ ᑖᑦᓱᒪᓐᖓᓪᓗ ᐊᖓᔪᖅᑳᕐᔪᐊᑦ ᐱᓯᒪᓪᓗᑎᒃ, ᐊᖓᔪᒃᓯᕐᐹᕐᓯᐅᑏᑦ ᑎᑎᕋᕐᓯᒪᓂᖏᑦ ᔫᓯᐱᒃᑰᕋᓗᐊᕐᑎᓪᓗᒋᑦ,

³ ᕉᐱᓂᐅᑉ ᐃᕐᓂᖏᑦ ᐃᓴᕆᐊᓕᐅᑉ ᐊᖓᔪᒃᓯᕐᐹᖁᑎᖓᑕ ᐅᑯᐊᖑᕗᑦ: ᕼᐊᓅᒃ, ᐸᓪᓗ, ᕼᐃᔅᕋᓐ, ᑳᕐᒥᓗ.

⁴ ᔪᐃᓕᐅᑉ ᐃᕐᓂᖏᑦ ᐅᑯᐊᖑᕗᑦ: ᓯᒤᐊ ᑖᑦᓱᒪ ᐃᕐᓂᖓ ᒑᒡ, ᑖᑦᓱᒪ ᐃᕐᓂᖓ ᓯᒥ-ᐂ,

⁵ ᑖᑦᓱᒪ ᐃᕐᓂᖓ ᒤᑲ, ᑖᑦᓱᒪ ᐃᕐᓂᖓ ᕆᐂᐊ, ᑖᑦᓱᒪ ᐃᕐᓂᖓ ᐰᓕ,

⁶ ᑖᑦᓱᒪ ᐃᕐᓂᖓ ᐲ-ᕋ, ᑖᓐᓇ ᑎᓪᒐᑦ-ᐱᓪᓂᓯᕆᐅᑉ ᐊᓯᕆᐊᑉ ᐊᖓᔪᖅᑳᕐᔪᐊᖓᑕ ᑎᒍᓪᓗᓂᐅᒃ ᐊᐅᓪᓚᐅᑎᓚᐅᕐᑕᖓ; ᑖᓐᓇ ᓯᕗᓕᕐᑎᐅᓚᐅᕐᑐᑦ ᕉᐱᓁᑎᓄᑦ.

⁷ ᖃᑕᓐᖑᑎᖏᑦ ᐃᓚᒌᑎᒍᑦ ᑭᖑᕚᕇᒃᐸᓪᓕᐊᓂᖏᑦ ᑎᑎᕋᕐᑕᐅᓯᒪᔪᑦ ᓇᓗᓁᕐᑕᐅᓯᒪᕗᑦ: ᐊᖓᔪᖅᑳᖓᑦ ᔨ-ᐂᓕ, ᓴᑲᕅᐊᓗ.

⁸ ᐲᓚ ᐂᔭᔨᐅᑉ ᐃᕐᓂᖓ, ᑖᑦᓱᒪ ᐃᕐᓂᖓ ᓰᒪ, ᑖᑦᓱᒪ ᐃᕐᓂᖓ ᔪᐃᓕ, ᓄᓇᖃᓚᐅᕐᑐᖅ ᐊᕈᐃᕆᒥ, ᓂᐴ ᐰᓕ-ᒥᐅᓂᒧᓪᓗ ᑎᑭᓪᓗᒍ.

⁹ ᓯᕿᓂᐅᑉ ᓄᐃᕕᐊᑕ ᓇᓛᓂ ᓄᓇᖃᓚᐅᕐᐳᑦ ᓱᓇᖃᔪᐃᑑᑉ ᑭᒡᓕᖓᓄᑦ ᑰᑉ ᐃᕗᕅᑎᐅᑉ ᓇᓛᓃᑦᑐᒧᑦ, ᐆᒪᔪᖁᑎᖏᑦ ᐅᓄᕐᓯᓗᐊᓚᐅᕐᒪᑕ ᒋᓕᐊᑏᑦ ᓄᓇᖓᓂ.

¹⁰ ᓴᐅᓕ ᐃᓅᑎᓪᓗᒍ ᐅᓇᑕᓚᐅᕐᐳᑦ ᕼᐊᒐᕅᑎᓂᒃ, ᑖᒃᑯᓄᖓᓕ ᓵᓚᐅᒐᒥᒃ; ᑐᐱᕐᒥᐅᑕᐅᓕᓚᐅᕐᐳᑦ ᓇᓂᑐᐃᓐᓇᖅ ᒋᓕᐊᑎᐅᑉ ᖃᓂᒋᔮᓂ ᓯᕿᓂᐅᑉ ᓄᐃᕕᐊᓃᑦᑐᒥ.

ᒑᑦ ᑭᖑᕚᒋᑦ

¹¹ ᒑᑦ ᑭᖑᕚᖏᑦ ᓄᓇᖃᓚᐅᕐᐳᑦ ᐹᓴᓂᐅᑉ ᓄᓇᖓᓂ ᓴᓕᑲᒧᑦ ᑎᑭᓪᓗᑎᒃ.

¹² ᔪᐃᓕ ᐊᖓᔪᖅᑳᕆᔭᐅᕗᖅ, ᑐᖓᓕᐊ ᓴᕚᒻ, ᔭᓁ ᓴᕚᑎᓗ ᓄᓇᖃᕐᑎᓪᓗᒋᒃ ᐹᓴᓂᒥ.

¹³ ᖃᑕᓐᖑᑎᖏᓪᓗ ᐊᑖᑕᖓᑕ ᐃᓚᖏᓐᓂᑦ ᐅᑯᐊᖑᕗᑦ: ᒤᑯ, ᒥᓱᓚᒻ, ᓰᐸ, ᔫᕅ, ᔧᑲᓐ, ᔨᐊ, ᐄᐸᕆᓗ, 7ᐅᕗᑦ ᑲᑎᑦᓱᑎᒃ.

¹⁴ ᐅᑯᐊ ᐊᐱᕼᐂᓕᐅᑉ ᕿᑐᕐᖓᕆᕔᑦ; ᑖᑦᓱᒪ ᐃᕐᓂᖓ ᕼᐅᕆ, ᑖᑦᓱᒪ ᐃᕐᓂᖓ ᔭᕈᐊ, ᑖᑦᓱᒪ ᐃᕐᓂᖓ ᒋᓕᐊᑎ, ᑖᑦᓱᒪ ᐃᕐᓂᖓ ᒤᑯ, ᑖᑦᓱᒪ ᐃᕐᓂᖓ ᔨᓯᓮ, ᑖᑦᓱᒪ ᐃᕐᓂᖓ ᔭᑑ, ᑖᑦᓱᒪ ᐃᕐᓂᖓ ᐳᔾ;

¹⁵ ᑖᑦᓱᒪ ᐃᕐᓂᖓ ᐊᕼᐂ, ᑖᑦᓱᒪ ᐃᕐᓂᖓ ᐊᑉᑍᓕ, ᑖᑦᓱᒪ ᐃᕐᓂᖓ ᒍᓂ, ᑖᓐᓇ ᐊᖓᔪᖅᑳᖑᓚᐅᕐᐳᖅ ᐊᑖᑕᖓᑕ ᐃᓚᖏᓐᓄᑦ;

¹⁶ ᑖᒃᑯᐊ ᓄᓇᖃᓚᐅᕐᐳᑦ ᒋᓕᐊᑎᒥ, ᐹᓴᓂᒥ ᓄᓇᓕᖏᓐᓂᓗ, ᓵᕋᓐᓗ ᓄᓇᓕᒫᖓᓂ ᓂᕿᒃᓴᓕᖕᒥ ᓄᓇᖁᑎᖓᑕ ᑭᒡᓕᖓᓄᑦ.

¹⁷ ᑖᒃᑯᐊᓕᒫᑦ ᐃᓚᒌᑦ ᑎᑎᕋᕐᑕᐅᓯᒪᕗᑦ ᔫᑕᒻ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥ, ᔨᕈᐳᐊᒻᓗ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᒥ.

ᓯᕿᓂᐅᑉ ᓄᐃᕕᐊᓃᑦᑐᑦ ᑭᖑᕚᖑᖃᑎᒌᑦ ᐅᓇᑕᕐᑐᒃᓴᖏᑦ

¹⁸ ᕉᐱᓂᐅᑉ ᑭᖑᕚᖏᑦ, ᒑᑎᐅᓪᓗ ᑭᖑᕚᖏᑦ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ ᐊᔪᖏᑦᑐᕐᔪᐊᖁᑎᖃᓚᐅᕐᐳᑦ, ᐅᓇᑕᕈᓐᓇᑦᓯᐊᕐᑐᓂᒃ, ᓴᐴᓗᑕᓕᔭᕐᑐᓂᒃ, ᓴᕕᒡᔪᐊᓕᔭᕐᑐᓂᒡᓗ, ᐱᑎᒃᓯᒧᓪᓗ ᐊᔪᖏᑦᑐᓂᒃ, ᐅᓇᑕᕐᓂᕐᒥᒃ ᖃᐅᔨᒪᑦᓯᐊᕐᑐᓂᒃ, 44,760ᓂᒃ, ᐊᑐᐃᓐᓇᐅᑦᓯᐊᕐᑐᓂᒃ.

¹⁹ ᐅᓇᑕᕆᐊᓚᐅᕐᐳᖅ ᕼᐊᒐᕅᑎᓂᒃ, ᔨᑖᕆᓂᒃ, ᓇᐱᔅᓂᒃ ᓅᑕᑉᓂᒡᓗ;

²⁰ ᐃᑲᔪᕐᑕᐅᓪᓗᑎᒃ, ᕼᐊᒐᕅᑎᒥᐅᑉ ᓵᓚᐅᕗᑦ ᑖᒃᑯᓄᖓ, ᑖᒃᑯᐊ ᒎᑎᒧᑦ ᑐᒃᓯᐊᓚᐅᕐᒪᑕ ᐅᓇᑕᕐᓱᑎᒃ, ᑐᒃᓯᐊᕐᓂᖏᑦ ᑐᓴᓚᐅᕐᐰᑦ, ᑖᑦᓱᒥᖓ ᑕᑎᖃᕐᒪᑕ.

²¹ ᐆᒪᔪᖁᑎᖏᑦ ᐊᐅᓪᓚᐅᑎᕔᑦ: 50,000 ᑳᒥᓖᑦ, 250,000 ᓰᐲᑦ, 2,000 ᓯᐅᑎᖅᑯᕐᑐᔪᑦ, 100,000ᓪᓗ ᐊᖑᑎᑦ ᑐᖁᓚᐅᓐᖏᑕᖏᑦ ᐱᖃᓯᐅᑎᓪᓗᒋᑦ.

²² ᐅᓄᕐᑐᑦ ᑐᖁᑕᐅᓚᐅᕐᐳᑦ, ᐅᓇᑕᕐᓂᖅ ᒎᑎᐅᑉ ᐅᓇᑕᕐᓂᕆᓚᐅᕐᒪᒍ. ᓄᓇᖅᑲᓕᓚᐅᕐᐳᓪᓗ ᓄᓇᕕᓂᖏᓐᓂ ᐊᐅᓪᓚᐅᑦᔭᐅᓂᖏᓐᓄᑦ ᑎᑭᓪᓗᑎᒃ.

ᒫᓇᓯᐅᑉ ᐃᓄᖁᑎᖏᑦ ᓯᕿᓂᐅᑉ ᓄᐃᕕᐊᓃᑦᑐᑦ

²³ ᒫᓇᓯᐅᑉ ᑭᖑᕚᖏᑕ ᐊᕝᕙᖏᑦ ᓄᓇᖃᓚᐅᕐᐳᑦ ᓄᓇᒥ; ᐅᓄᕐᓯᕙᓪᓕᐊᒻᒪᕆᓚᐅᕐᐳᑦ ᐹᓴᓂᒥᑦ ᐰᓕ-ᕼᐊᕐᒪᓐᒧᑦ ᑎᑭᓪᓗᒍ, ᓯᓂᐊᕐᒧᑦ, ᖃᖅᑲᒧᓪᓗ ᕼᐅᕐᒪᒧᑦ.

²⁴ ᐅᑯᐊ ᐊᖓᔪᖅᑳᕆᔭᐅᕗᑦ ᐊᑖᑕᖓᑕ ᐃᓚᖏᓐᓄᑦ: ᐃᐱᕆ, ᐃᓮ, ᐃᓔᐅᓪ, ᐊᔭᕆ-ᐃᐅᓪ, ᔨᕆᒤᐊ, ᕼᐅᑕᕕᐊ, ᔭᑎᐅᓗ, ᑖᒃᑯᐊ ᐊᔪᖏᑦᑐᕐᔪᐊᖑᓪᓗᑎᒃ ᐅᓇᑕᕈᓐᓇᑦᓯᐊᓚᐅᕐᐳᑦ, ᐊᔪᖏᑦᑐᖁᑎᒋᔭᐅᓪᓗᑎᒡᓗ, ᐊᖓᔪᖅᑳᕆᔭᐅᓪᓗᑎᒃ ᐊᑖᑕᖓᑕ ᐃᓚᖏᓐᓄᑦ.

ᓯᕿᓂᐅᑉ ᓄᐃᕕᐊᓃᑦᑐᑦ ᓄᓇᖅᑲᑎᒌᑦ ᓯᖏᑕᐅᓂᖏᑦ

²⁵ ᐱᐅᖏᑦᑐᓕᓚᐅᕐᐳᓪᓕ ᓯᕗᓕᖏᑕ ᒎᑎᖓᓄᑦ, ᐊᓯᓐᓂᐊᓚᐅᕐᒪᑕ ᓄᓇᓖᑦ ᒎᑎᓐᖑᐊᖏᓐᓄᑦ, ᒎᑎᐅᑉ ᐊᓯᕈᓚᐅᕐᑕᖏᓐᓄᑦ ᓯᕗᓂᖓᓂ.

²⁶ ᑕᕝᕙ ᐃᓴᕆᐊᓕᐅᑉ ᒎᑎᖓᑕ ᐊᓯᕆᐊᑉ ᐊᖓᔪᖅᑳᕐᔪᐊᖓᑕ ᐴᓕᐅᑉ ᐊᓂᕐᓂᖓ ᐊᐅᓚᑎᓕᕐᐹ, ᑖᓐᓇ ᑍᔭᐅᕙᖕᒥᔪᖅ ᑎᓪᒐᑦ-ᐱᓪᓂᓯᕆᒥᒃ ᐊᓯᕆᐊᑉ ᐊᖓᔪᖅᑳᕐᔪᐊᖓᓂᒃ, ᑖᑦᓱᒪ ᐊᐅᓪᓚᐅᑎᓚᐅᕐᐰᑦ, ᑖᒃᑯᐊ ᕉᐱᓂᒥᐅᑦ, ᒑᑎᒥᐅᑦ, ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᑦ, ᕼᐋᓚᒧᐊᕈᑎᓪᓗᒋᑦ, ᕼᐂᐸᒧᑦ, ᕼᐊᕋᒧᑦ, ᒎᔭᓂᐅᓪᓗ ᑰᖓᓄᑦ, ᑍᑲᓂᒥᐅᖑᓕᕐᐳᓪᓗ ᐅᓪᓗᒥᒧᑦ ᑎᑭᓪᓗᑎᒃ.