ᑯᕉᓂᑲ ᓯᕗᓪᓖᑦ 4 - ᐊᒡᓔᑦ ᐃᑦᔪᕐᖕᓁᑦᑐᑦ

ᔫᑕᐅᑉ ᑭᖑᕚᖏᑦ

¹ ᔫᑕᐅᑉ ᐃᕐᓂᖏᑦ ᐅᑯᐊᖑᕗᑦ: ᐱᕆᔾ, ᕼᐃᔅᕋᓐ, ᑳᕐᒥ, ᕼᐊᕐ, ᓲᐸᐅᓗ.

² ᕆᐂᐊ ᓲᐸᐅᑉ ᐃᕐᓂᖓ ᐃᕐᓂᕐᑖᕐᐳᖅ ᔭᕼᐊᑕᒥᒃ, ᔧᕼᐊᑕ ᐃᕐᓂᕐᑖᕐᐳᖅ ᐊᕼᐅᒤᒥᒃ ᓚᕼᐊᑦᒥᒡᓗ. ᑖᒃᑯᐊ ᐃᓚᒌᑦ ᔪᕋᑍᑎᒥᐅᖑᕗᑦ.

³ ᐅᑯᐊ ᐊᑖᑕᖃᕐᐳᑦ ᐃᑖᒻᒥᒃ: ᔨᔭᕆᐅᓪ, ᐃᔅᒪ, ᐂᑦᐸᓴᓗ; ᓇᔭᖓᓗ ᐊᑎᖃᕐᐳᖅ ᕼᐊᔨᓕᐴᓂᒥᒃ.

⁴ ᐱᓄᐃᓕ ᐃᕐᓂᖃᕐᐳᖅ ᒋᑐᐊᕆᒥᒃ, ᐃᔨᕆᒥᒡᓗ ᕼᐅᓴᐅᑉ ᐊᑖᑕᖓᓂᒃ. ᑖᒃᑯᐊ ᕼᐊᕆᐅᑉ ᐃᕐᓂᕆᕔᑦ, ᐃᐸᕋᑕᐅᑉ ᐊᖓᔪᒃᓯᕐᐹᖁᑎᖓᑕ, ᐱᑦᓕᐊᒻ ᐊᑖᑕᖓᑕ.

⁵ ᐋᓴᕼᐅᕆ ᑎᑯᐊᑉ ᐊᑖᑕᖓ ᒪᕐᕉᖕᓂᒃ ᓄᓕᐊᖃᓚᐅᕐᐳᖅ, ᕼᐃᓚᒥᒃ ᓈᕋᒥᒡᓗ.

⁶ ᓈᕋ ᐃᕐᓂᕐᑖᕐᐳᖅ ᑖᑦᓱᒪᓐᖓᑦ ᐊᕼᐅᔮᒻᒥᒃ, ᕼᐃᕙᕆᒥᒃ, ᑎᒥᓁᒥᒃ, ᕼᐊ-ᐊᕼᓴᑕᕆᒥᒡᓗ. ᑖᒃᑯᐊ ᓈᕋᐅᑉ ᐃᕐᓂᕆᕔᑦ.

⁷ ᕼᐃᓚᐅᑉ ᐃᕐᓂᖏᑦ ᐅᑯᐊᖑᕗᑦ: ᔨᕆᑎ, ᐃᔾᕼᐊᕆ, ᐃᑕᓇᓐᓗ.

⁸ ᑰᔾ ᐃᕐᓂᕐᑖᕐᐳᖅ ᐊᓅᐱᒥᒃ, ᔪᐱᐸᒥᒃ, ᐊᕼᐊᕆᕼᐅᓪᒥᐅᓂᒡᓗ ᕼᐊᕈᒥᐅᑉ ᐃᕐᓂᖓᓂᒃ.

⁹ ᔧᐹᔾᓕ ᐅᐱᓐᓇᕐᓂᕐᓴᐅᓚᐅᕐᐳᖅ ᖃᑕᓐᖑᑎᒥᓂᑦ, ᐊᓈᓇᖓᑕᓗ ᐊᑦᑎᕐᐹ ᔧᐹᑦᔨᒥᒃ, ᐅᖃᕐᓗᓂ, “ᐋᓐᓂᐊᓇᕐᑐᒃᑯᑦ ᐃᕐᓂᐊᕆᓚᐅᕋᒃᑯ.”

¹⁰ ᔧᐹᔾᓕ ᐃᓴᕆᐊᓕᒥᐅᑦ ᒎᑎᖓᓄᑦ ᑐᒃᓯᐊᓚᐅᕐᐳᖅ ᐅᖃᕐᓗᓂ, “ᓮᒻᒪᕐᑎᓚᐅᓐᖓ ᓄᓇᖁᑎᒪᓗ ᑭᒡᓕᖓ ᐊᖏᒡᓕᒋᐊᕐᓗᒍ, ᐊᒡᒐᑎᑦ ᐱᔪᓐᓇᕐᑐᕐᔪᐊᑦ ᐅᕙᓐᓃᖁᓪᓗᒋᑦ, ᐃᓕᖕᓄᑦ ᓴᐳᑎᔭᐅᓯᒪᖁᓪᓗᖓ ᐊᑦᑕᕐᓇᕐᑐᓂᑦ ᓱᓇᑐᐃᓐᓇᓄᑦ ᐋᓐᓂᕐᑕᐅᖁᓇᖓ!” ᒎᑎᐅᓪᓗ ᑐᓂᓚᐅᕐᐹ ᐱᔪᒪᔭᖓᓂᒃ.

ᐃᓚᒌᑦ ᐊᓯᖏᑦ ᓇᓗᓁᕐᓯᒪᔪᑦ

¹¹ ᑭᓘᑉ ᓲᕼᐊᐅᑉ ᓄᑲᖓ ᐃᕐᓂᕐᑖᕐᐳᖅ ᒥᕼᐂᕆᒥᒃ, ᑖᓐᓇ ᐊᑖᑕᒋᔭᐅᕗᖅ ᐃᔅᑖᓐᒧᑦ.

¹² ᐃᔅᑖᓐ ᐃᕐᓂᕐᑖᕐᐳᖅ ᐱᑦ-ᕋᐸᒥᒃ, ᐸᓯᐊᒥᒃ, ᑎᕼᐃᓇᒥᒡᓗ ᐊᑖᑕᒋᔭᐅᔪᒥᒃ ᐃᕐ-ᓇᕼᐊᓴᒧᑦ. ᑖᒃᑯᐊ ᐊᖑᑏᑦ ᕇᑲᒥᐅᖑᕗᑦ.

¹³ ᑮᓇᑦᔨᐅᑉ ᐃᕐᓂᖏᒃ ᐅᑯᐊᖑᕘᒃ; ᐅᑎᓂ-ᐅᓪ, ᓯᕅᐊᓗ. ᐅᑎᓂ-ᐅᓕᐅᑉ ᐃᕐᓂᖏᑦ ᐅᑯᐊᖑᕗᑦ; ᕼᐂᑖᑕ, ᒥᐅᓄᑍᓗ.

¹⁴ ᒥᐅᓄᑍ ᐃᕐᓂᕐᑖᕐᐳᖅ ᐅᐸᕋᒥᒃ, ᓯᕅᐊᒥᒡᓗ; ᓯᕅᐊᓗ ᐃᕐᓂᕐᑖᕐᐳᖅ ᔪᐊᐱᒥᒃ ᔨ-ᕼᐊᕋᓯᒻ ᐊᑖᑕᖓᓂᒃ, ᑖᒃᑯᐊ ᑍᔭᐅᓚᐅᕐᐳᑦ ᓴᓇᔨᓪᓚᕆᖕᓂᒃ.

¹⁵ ᑬᓚᐱᐅᑉ ᐃᕐᓂᖏᑦ ᔨᐳᓂᐊᐅᑉ ᐃᕐᓂᖓᑕ ᐅᑯᐊᖑᕗᑦ; ᐃᕈ, ᐄᓚ, ᓈᒻᓗ; ᐄᓚᓗ ᐃᕐᓂᖃᕐᐳᖅ ᑮᓇᑦᔨᒥᒃ.

¹⁶ ᔨᕼᐊᓕᓕᐅᓪ ᐃᕐᓂᖏᑦ ᐅᑯᐊᖑᕗᑦ; ᔨᑉ, ᔨᐸᕼᐊ, ᑎᕅ-ᐊ, ᐊᓴᕆᐅᓗ.

¹⁷ ᐃᔭᕋᐅᑉ ᐃᕐᓂᖏᑦ ᐅᑯᐊᖑᕗᑦ; ᔨᑎᕆ, ᒥᕇᑦ, ᐃᐱᕆ, ᔧᓚᓐᓗ. ᑖᒃᑯᐊ ᐱᑍᐊᐅᑉ ᐃᕐᓂᕆᕔᑦ, ᐸᕋᐅᐊᑉ ᐸᓂᖓᑕ, ᒥᕇᑎᐅᑉ ᓄᓕᐊᑖᕆᓚᐅᕐᒪᒍ; ᑖᓐᓇ ᐃᕐᓂᕐᑖᕐᐳᖅ ᒥᕆᐊᒻᒥᒃ, ᓴᒤᒥᒃ, ᐃᓴᐸᒥᒡᓗ ᐊᑖᑕᒋᔭᐅᔪᒥᒃ ᐃᔅᑎᒧᐊᒧᑦ.

¹⁸ ᒥᕇᑎᐅᓪᓕ ᓄᓕᐊᖓ ᔫᑎᒥᐅᑕᖅ ᐃᕐᓂᕐᑖᕐᐳᖅ ᔮᕆᑦᒥᒃ ᒋᑐᐊᕆᐅᑉ ᐊᑖᑕᖓᓂᒃ, ᕼᐃᐸᕆᒥᒡᓗ ᓲᑰᑉ ᐊᑖᑕᖓᓂᒃ, ᔨᑯᑎᐅᒥᒡᓗ ᔭᓄᐊᑉ ᐊᑖᑕᖓᓂᒃ.

¹⁹ ᕼᐅᑍᐊᐅᑉ ᓄᓕᐊᖓᑕ ᐃᕐᓂᖏᑦ, ᓁᕼᐋᒻ ᓇᔭᖓᑕ, ᐊᑖᑕᒋᔭᐅᕗᑦ ᑮᓚᒧᑦ ᒑᕐᒤᒥᐅᑕᒧᑦ ᐃᔅᑎᒧᐊᒧᓪᓗ ᒫ-ᑲᑍᑎᒥᐅᑕᕐᒧᑦ.

²⁰ ᓯᒨᓂᐅᑉ ᐃᕐᓂᖏᑦ ᐅᑯᐊᖑᕗᑦ: ᐋᒻᓇᓐ, ᕆᓇ, ᐱᓐ-ᕼᐊᓇᓐ, ᑍᓘᓂᓗ. ᐃᓮᑉ ᐃᕐᓂᖏᒃ: ᔪᕼᐃᔅ, ᐱᓐ-ᔪᕼᐃᑎᓗ.

ᓰᓚᐅᑉ ᑭᖑᕚᖏᑦ

²¹ ᓰᓚᐅᑉ ᐃᕐᓂᖏᑦ ᔫᑕᐅᑉ ᐃᕐᓂᖓᑕ ᐅᑯᐊᖑᕗᑦ: ᐃᕆ, ᓕᑲᐅᑉ ᐊᑖᑕᖓ, ᓛᑕ ᒪᕇᓴᐅᑉ ᐊᑖᑕᖓ, ᐃᓚᒌᓄᓪᓗ ᐃᒡᓗᒥᐅᖃᑎᒌᓄᑦ ᖃᓪᓗᓈᕐᑕᓕᐅᕐᑎᓄᑦ ᐱᑦ-ᐊᓯᐱᐊᒥ;

²² ᔫᑭᒻᓗ, ᑯᔨᐸᒥᐅᓪᓗ ᐊᖑᑎᑦ, ᔪᐊᓯᒥᐅᓪᓗ, ᓴᕋᐸᒥᐅᓪᓗ, ᐊᐅᓚᑦᓯᔪᑦ ᒧᐊᐱᒥ ᐅᑎᓚᐅᕐᐳᑦ ᓕᕼᐃᒻᒧᑦ (ᑖᒃᑯᐊᓕ ᑕᕝᕙᓂ ᑎᑎᕋᕐᑕᐅᓯᒪᔪᑦ ᐱᑐᖃᒻᒪᕆᐅᕗᑦ).

²³ ᑖᒃᑯᐊ ᒪᕐᕋᓕᐅᕐᑎᐅᓚᐅᕐᐳᑦ ᓄᓇᓖᑦ ᓂᑍᒥ ᒋᑎᕋᒥᓗ; ᑍᑲᓂ ᓄᓇᖃᕐᐳᖅ ᐊᖓᔪᖅᑳᕐᔪᐊᒧᑦ ᐱᓇᓱᐊᕐᓗᑎᒃ.

ᓯᒥᐅᓂᐅᑉ ᑭᖑᕚᖏᑦ

²⁴ ᓯᒥᐅᓂᐅᑉ ᐃᕐᓂᖏᑦ ᐅᑯᐊᖑᕗᑦ: ᓂᒧᐃᓕ, ᔭᒥᓐ, ᔭᕆᑉ, ᔨᕋ, ᓴᕼᐅᓕ.

²⁵ ᓴᕼᐅᓕ ᐃᕐᓂᖃᕐᐳᖅ ᓴᓗᒻᒥᒃ, ᑖᓐᓇ ᐃᕐᓂᖃᕐᐳᖅ ᒥᑉᓵᒻᒥᒃ, ᑖᓐᓇ ᐃᕐᓂᖃᕐᐳᖅ ᒥᔅᒪᒥᒃ.

²⁶ ᒥᔅᒪᐅᑉ ᐃᕐᓂᖏᑦ ᐅᑯᐊᖑᕗᑦ: ᕼᐊᒧ-ᐃᐅᓪ, ᑖᑦᓱᒪ ᐃᕐᓂᖓ ᔭᑯᕆ, ᑖᑦᓱᒪ ᐃᕐᓂᖓ ᓯᒥ-ᐂ,

²⁷ ᓯᒥ-ᐂ ᐃᕐᓂᖃᓚᐅᕐᐳᖅ 16ᓂᒃ ᐸᓂᖃᕐᓗᓂᓗ ᐱᖓᓲᔪᕐᑐᓂᒃ; ᑖᑦᓱᒪᓕ ᖃᑕᓐᖑᑎᖏᑦ ᐅᓄᕐᑐᓂᒃ ᕿᑐᕐᖓᕐᑖᓚᐅᓐᖏᓚᑦ, ᐃᓚᖏᓪᓘᓐᓃᑦ ᐅᓄᕐᓯᓚᐅᓐᖏᓚᑦ ᔫᑕᐅᑉ ᑭᖑᕚᖏᑎᑐᑦ.

²⁸ ᓄᓇᖃᓚᐅᕐᐳᑦ ᐱᐊᕐᓯᐸᒥ, ᒧᓚᑕᒥ, ᕼᐊᔭᕐ-ᓯᐅᓪᒥ,

²⁹ ᐱᐅᓪᕼᐊᒥ, ᐃᔨᒻᒥ, ᑐᓛᑦᑎᒥ,

³⁰ ᐱᑐᐃᓕᒥ, ᕼᐅᕐᒪᒥ, ᔨᒡᓛᒡᒥ,

³¹ ᐱᑦ-ᒫᑲᐳᑎᒥ, ᕼᐊᔭ-ᓲᓯᒻᒥ, ᐱᑦ-ᐰᕆᒥ, ᓵ-ᐊᕅᒥᓗ. ᑖᒃᑯᓇᓂ ᐃᒡᓗᒐᓴᖃᓚᐅᕐᐳᑦ ᑍᕕᑎ ᐊᐅᓚᑦᓯᓚᐅᕐᑎᓐᓇᒍ.

³² ᓄᓇᓕᖁᑎᖏᑦ ᐅᑯᐊᖑᓚᐅᕐᐳᑦ ᐃᑖᒻ, ᐂᓐ, ᕆᒪᓐ, ᑐᑭᓐ, ᐊᓵᓐᓗ ᑖᒃᑯᐊ ᐃᒡᓗᒐᓮᑦ ᑕᓪᓕᒪᑦ.

³³ ᓄᓇᓕᓕᒫᓪᓗ ᐃᒡᓗᒐᓮᑦ ᖃᓂᒋᔭᖓᓃᑦᑐᑦ ᐰᓕ ᑎᑭᓪᓗᒍ. ᑖᒃᑯᐊ ᓄᓇᖃᕐᕕᒋᕔᑦ, ᐃᓚᒌᖕᓂᕐᒥᓂᒡᓗ ᓇᓗᓁᕐᓯᓯᒪᕗᑦ ᑎᑎᕋᕐᑕᐅᓯᒪᓪᓗᑎᒃ.

³⁴ ᒥᓱᐸᑉ, ᔮᒻᓕᒃ, ᔫᓴᕼᐊ ᐊᒪᔧᐊᐅᑉ ᐃᕐᓂᖓ.

³⁵ ᔪᐃᓕ, ᔨᕼᐆᓗ ᔫᓯᐰᐊᑉ ᐃᕐᓂᖓ, ᑖᓐᓇ ᓯᕅᐊᐅᑉ ᐃᕐᓂᖓ, ᑖᓐᓇ ᐊᓮ-ᐃᐅᓕᐅᑉ ᐃᕐᓂᖓ.

³⁶ ᐃᓔ-ᐅ-ᓁ, ᔭ-ᐋᑯᐸ, ᔨᓱᕼᐂᐊ, ᐊᓮᐊ, ᐊᑎ-ᐃᐅᓪ, ᔨᓯᒤᐅᓪ, ᐱᓁᐊ.

³⁷ ᔨᔭ ᑖᓐᓇ ᓯᐰᑉ ᐃᕐᓂᖓ, ᑖᓐᓇ ᐊᓛᓐ ᐃᕐᓂᖓ, ᑖᓐᓇ ᔨᑍᐊᐅᑉ ᐃᕐᓂᖓ, ᑖᓐᓇ ᓯᒻᕆᐅᑉ ᐃᕐᓂᖓ, ᑖᓐᓇ ᓯᒤᐊᐅᑉ ᐃᕐᓂᖓ.

³⁸ ᑖᒃᑯᐊ ᐊᑎᖃᕐᐳᑦ ᐃᓚᒥᓄᑦ ᐊᖓᔪᖅᑳᖑᓚᐅᕐᑐᑦ, ᑭᖑᕚᖏᓪᓗ ᐅᓄᕐᓯᕙᓪᓕᐊᓚᐅᕐᐳᑦ ᐅᓄᕐᑐᕐᔪᐊᖑᓕᕐᓗᑎᒃ.

³⁹ ᓯᐊᒻᒪᕐᓯᒪᓚᐅᕐᐳᑦ ᒋᑐᐊᕆᐅᑉ ᐃᑎᕐᑕᕐᕕᖓᓂᑦ, ᓇᕐᓴᒧᑦ ᓯᕿᓂᐅᑉ ᓄᐃᕕᐊᓃᑦᑐᒧᑦ, ᐆᒪᔪᖁᑎᒥᖕᓄᑦ ᓂᕿᒃᓴᕐᓯᐅᕐᓗᑎᒃ.

⁴⁰ ᑕᒫᓂ ᓇᓂᓯᓚᐅᕐᐳᑦ ᐊᒥᖓᖏᑦᑐᒥᒃ, ᐱᐅᔪᒥᒃ ᓂᕿᒃᓴᓕᖕᒥᒃ, ᓄᓇᓗ ᐊᖏᔪᐊᓘᓪᓗᓂ, ᓂᐱᖃᕋᓂ, ᓮᓕᑦᓯᐊᕐᓇᕐᓗᓂᓗ; ᓯᕗᓂᖓᒍᑦ ᕼᐋᒥᒃᑯᓐᓄᑦ ᓄᓇᒋᔭᐅᓚᐅᕐᑐᕕᓂᕐᒥᒃ.

⁴¹ ᑖᒃᑯᐊ ᐊᑏᑦ ᑎᑎᕋᕐᑕᐅᓯᒪᔪᑦ ᑕᑯᔭᐅᓚᐅᕐᐳᑦ ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥ, ᑐᐱᖏᑦ ᓱᕋᒃᑎᕐᑕᐅᓚᐅᕐᐳᑦ ᒥ-ᔫᓂᒥᐅᓪᓗ ᑐᖁᑕᐅᓚᐅᕐᐳᑦ ᑍᑲᓃᓐᑐᑦ, ᓄᓁᕐᑕᐅᓪᓗᑎᒡᓗ ᐅᓪᓗᒥᒧᑦ ᑎᑭᓪᓗᒍ, ᑕᕝᕙᓂᓗ ᓄᓇᑖᓚᐅᕐᐳᑦ ᓂᕿᒃᓴᖃᑦᓯᐊᕐᓂᖓ ᐆᒪᔪᓄᑦ ᐱᑦᔪᑎᒋᓪᓗᒍ.

⁴² ᐃᓚᖏᑦ, ᓯᒥᐅᓂᐅᑉ ᑭᖑᕚᖏᑦ 500, ᖃᖅᑲᒧᑦ ᓰᐊᕆᒧᐊᓚᐅᕐᐳᑦ, ᐊᖓᔪᖅᑳᖃᕐᓗᑎᒃ ᐅᑯᓂᖓ ᐱᓚᑍᐊ, ᓂ-ᐊᕅᐊ, ᕆᐰᐊ, ᐊᑦᔧᐅᓗ, ᐃᓮᑉ ᐃᕐᓂᖏᑦ.

⁴³ ᐊᒪᓕᑬᑎᒥᐅᓪᓗ ᑭᒫᔪᕕᓃᑦ ᐊᒥᐊᒃᑯᖏᑦ ᑐᖁᓪᓗᒋᑦ ᓄᖑᓚᐅᕐᐰᑦ. ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.