ᑯᕉᓂᑲ ᓯᕗᓪᓖᑦ 29 - ᐊᒡᓔᑦ ᐃᑦᔪᕐᖕᓁᑦᑐᑦ

ᑐᓂᕐᕈᑏᑦ ᑐᒃᓯᐊᕐᕕᒡᔪᐊᑉ ᓴᓇᔭᐅᓂᒃᓴᖓᓄᑦ

¹ ᑕᕝᕙ ᐊᖓᔪᖅᑳᕐᔪᐊᖅ ᑍᕕᑎ ᐅᖃᕐᐳᖅ ᑲᑎᒪᔪᓕᒫᓄᑦ: “ᐃᕐᓂᕋ ᓲᓗᒨᓂ, ᒎᑎᐅᑉ ᓇᖕᒥᓂᖅ ᓂᕈᐊᓚᐅᕐᒪᒍ, ᐃᓅᓱᒃᑑᖕᒪᑦ ᐱᓇᓱᐊᓚᐅᕐᓯᒪᓇᓂᓗ, ᑕᒪᓐᓇᓗ ᐱᓇᓱᐊᒐᒃᓴᖅ ᐊᖏᔪᐊᓘᖕᒪᑦ; ᐃᓄᖕᒧᓪᓗ ᐃᒡᓗᒃᓴᕆᔭᐅᑦᔮᓇᓂ ᐊᑕᓂᕐᒧᓪᓕ ᒎᑎᒧᑦ ᐃᒡᓗᕐᔪᐊᒃᓴᐅᓂᐊᕐᐳᖅ.

² ᑲᑎᕐᓱᐃᓯᒪᕗᖓᓕ ᒎᑎᒪ ᐃᒡᓗᒃᓴᖓᓄᑦ, ᐱᔪᓐᓇᕐᑕᓕᒫᒃᑯᑦ, ᒎᓗᓂᒃ ᐊᑐᕐᑕᐅᔭᕆᐊᓕᖕᓂᒃ, ᓯᐅᓪᕕᕆᓂᒃ, ᑲᓐᓄᔭᓂ, ᓴᕕᕋᔭᖕᓂᒃ, ᕿᔪᖕᓂᒡᓗ, ᐅᔭᕅᓪᓗ ᓴᓇᔭᕆᐊᓖᑦ, ᕿᓪᓕᕐᑐᓪᓗ ᐅᔭᕅᑦ ᑕᕐᓴᓖᑦ ᐊᑦᔨᒌᖏᑦᑐᓂᒃ, ᐊᓯᖏᓪᓗ ᐅᔭᕅᑦ ᑕᑯᒥᓇᕐᑐᑦ, ᒫᐳᐃᓪᓗ ᐅᔭᕅᑦ ᓯᑎᔪᑦ ᐅᓄᕐᑐᕐᔪᐊᑦ.

³ ᓱᓕᓗ, ᐱᓇᓱᐊᕐᓯᒪᒋᕗᖓ ᐃᒡᓗᒧᑦ ᐃᑦᔪᕐᓁᑦᑐᒧᑦ, ᑐᓂᓯᓯᒪᕗᖓ ᓇᖕᒥᓂᓐᓂᒃ ᒎᓗᓂᒃ ᓯᐅᓪᕕᕆᓂᒡᓗ, ᒎᑎᒪ ᐃᒡᓗᖓᓄᑦ ᑐᓂᓯᒪᓪᓚᕆᒃᑲᒪ ᑐᓂᓯᒪᕙᒃᑲ ᒎᑎᐅᑉ ᐃᒡᓗᖓᓄᑦ:

⁴ 3,000ᓂᒃ ᑖᓕᓐᑎᓂᒃ ᒎᓗᓂᒃ, ᐅᐱᕼᐃᐅᑉ ᒎᓗᖓᓂᑦ, 7,000ᓂᒃ ᑖᓕᓐᑎᓂᒃ ᓯᐅᓪᕕᕆᓂᒃ ᓯᖃᓪᓕᓯᒪᑦᓯᐊᕐᑐᒥᒃ, ᐃᒡᓘᑉ ᐊᕙᓗᐊᑕ ᖃᐹᒃᓴᖓᓂᒃ,

⁵ ᒎᓗᓂᒃ ᓯᐅᓪᕕᕆᓂ, ᓱᓇᓕᒫᓂᒡᓗ ᓴᓇᔨᓄᑦ ᓴᓇᔭᐅᔪᒃᓴᓂᒃ, ᑭᓇᓖ ᑍᒪ ᐅᓪᓗᒥ ᐱᔪᒪᑦᓯᐊᕐᓗᓂ ᐃᒻᒥᓂᒃ ᑐᓂᔪᒪᕚ ᐊᑕᓂᕐᒧᑦ?”

⁶ ᑕᕝᕙ ᐃᓚᒥᖕᓄᑦ ᐊᖓᔪᖅᑳᑦ ᐃᒻᒥᓂᒃ ᐱᔪᒪᓂᑎᒃ ᒪᓕᒡᓗᒋᑦ ᑐᓂᓯᕗᑦ, ᐊᖓᔪᖅᑳᓪᓗ 1,000ᓄᑦ 100ᓄᓪᓗ, ᑲᒪᔩᓪᓗ ᐊᖓᔪᖅᑳᕐᔪᐊᑉ ᐱᔭᒃᓴᖏᓐᓄᑦ.

⁷ ᑐᓂᓯᕗᑦ ᐱᓇᓱᐊᕈᑎᒃᓴᓂᒃ ᒎᑎᐅᑉ ᐃᒡᓗᖓᓄᑦ 5,000ᓂᒃ 10,000ᓂᒡᓗ ᑖᓕᓐᑎᓂᒃ ᒎᓗᓂᒃ, 10,000ᓂᒃ ᑖᓕᓐᑎᓂᒃ ᓯᐅᓪᕕᕆᓂᒃ, 18,000ᓂᒃ ᑖᓕᓐᑎᓂᒃ ᑲᓐᓄᔭᓂᒃ, ᓴᕕᕋᔭᖕᓂᒡᓗ 100,000ᓂᒃ ᑖᓕᓐᑎᓂᒃ.

⁸ ᓇᓪᓕᐊᓪᓗ ᑕᑯᒥᓇᕐᑐᓂᒃ ᐅᔭᕋᖁᑎᓕᒃ ᑐᓂᓯᕗᖅ ᐊᑕᓂᐅᑉ ᐃᒡᓗᖓᑕ ᑮᓇᐅᔭᒃᑯᕕᖓᓄᑦ, ᔨᕼᐃᐅᓪᒧᑦ ᒌᕐᓲᓁᑎᒥᐅᑕᕐᒧᑦ ᑲᒪᒋᔭᐅᓂᐊᕐᑎᓪᓗᒋᑦ.

⁹ ᑕᕝᕙ ᐃᓄᐃᑦ ᖁᕕᐊᓱᓕᕐᐳᑦ ᑐᓂᓯᔪᒪᑦᓯᐊᕐᓗᑎᒃ ᑐᓂᓯᒐᒥᒃ, ᐆᒻᒪᒻᒧᑦ ᑲᑦᓱᖎᕐᓯᒪᑦᓯᐊᕐᓗᑎᒃ ᑐᓂᓯᒐᒥᒃ ᐊᑕᓂᕐᒧᑦ; ᐊᖓᔪᖅᑳᕐᔪᐊᕐᑕᐅᖅ ᑍᕕᑎ ᐊᖏᔪᒥᒃ ᖁᕕᐊᓱᒻᒪᕆᓕᓚᐅᕆᕗᖅ.

ᑍᕕᑎᐅᑉ ᓂᕐᑐᐃᓂᖓ ᒎᑎᒥᒃ

¹⁰ ᑍᒤᒻᒪᑦ ᑍᕕᑎᐅᑉ ᐊᑕᓂᖅ ᓂᕐᑐᕐᐹ ᐃᓄᐃᑦ ᑲᑎᒪᔪᑦ ᓵᖓᓂ; ᑍᕕᑎᓗ ᐅᖃᕐᐳᖅ: “ᓂᕐᑐᕐᓇᕐᐳᑎᑦ ᐊᑕᓃᖅ ᐃᓴᕆᐊᓕᒥᐅᑦ ᒎᑎᖓᑦ ᐊᑖᑕᕗᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

¹¹ ᐊᑕᓃᖅ ᐱᒋᒐᕕᒋᑦ ᐊᖏᔪᕐᔪᐊᖑᓂᖅ, ᐱᔪᓐᓇᕐᓂᕐᓗ, ᓂᕐᑐᕐᓇᕐᓂᖅ, ᓵᓚᖃᕐᓂᕐᓗ, ᐊᖓᔪᖅᑲᐅᓂᕐᓗ; ᕿᓚᖕᒦᑦᑐᓕᒫᑦ ᓄᓇᒦᑦᑐᓕᒫᓪᓗ ᐱᒋᒐᕕᒋᑦ; ᐊᑕᓂᐅᓂᖅ ᐱᒋᒐᕕᐅᒃ, ᐊᑕᓃᖅ, ᐊᖏᒡᓕᑎᑕᐅᕗᑎᑦ ᐊᖓᔪᖅᑳᕐᔪᐊᖑᓪᓗᑎᓪᓗ ᑕᒤᓐᓄᓕᒫᖅ.

¹² ᐊᒃᓗᐃᓐᓃᑦ ᐅᐱᓐᓇᕐᓃᓪᓗ ᐃᓕᖕᓂᑦ ᐱᖕᒪᑕ, ᑕᒤᓐᓂᒡᓗ ᐊᐅᓚᑦᓯᔪᑎᑦ. ᐱᔪᓐᓇᕐᓂᖅ ᐊᒡᒐᖕᓃᑉᐳᑦ ᐊᔪᒐᖃᖏᓐᓂᕐᓗ; ᐱᓂᐊᕐᓂᒃᑯᓪᓗ ᐊᖏᔪᕈᕐᑎᑕᐅᓂᖃᕐᐳᖅ ᓲᖑᓂᕐᑖᕐᑐᖃᕐᓗᓂᓗ ᑕᒤᓐᓄᑦ.

¹³ “ᑍᒤᒻᒪᑦ ᒫᓐᓇ ᖁᔭᒋᕙᑦᑎᒋᑦ ᒎᑎᕗᑦ, ᐊᑏᓪᓗ ᓂᕐᑐᕐᓇᕐᑐᖅ ᓂᕐᑐᕐᐸᕗᑦ.

¹⁴ ᐅᕙᖓᓕ, ᐃᓅᖃᑎᒃᑲᓗ ᖃᓄᖅ ᐱᔪᒪᓂᑦᑎᓐᓄ ᑐᓂᓯᔪᓐᓇᕐᐱᑖ? ᐃᓘᓐᓇᑦᓯᐊᑎᒃ ᐃᓕᖕᓂᑦ ᐱᖕᒪᑕ, ᓇᖕᒥᓂᑎᓪᓗ ᑕᕝᕙ ᑐᓂᕙᕗᑦ ᐃᓕᖕᓄᑦ.

¹⁵ ᑐᔪᕐᒥᐊᑎᑐᑦ ᑍᒤᑉᐳᒍ ᓵᖕᓂ, ᓂᐅᕐᕈᐊᑎᑑᕐᐳᒍᓪᓗ, ᓯᕗᓕᑦᑎᑐᑦ; ᐅᓪᓗᕗᑦ ᓄᓇᒥ ᑕᕐᕋᑎᑐᑦ ᑍᒤᑉᐳᑦ, ᓇᔪᐃᓐᓇᒐᒃᓴᕐᑕᖃᕋᓂᓗ.

¹⁶ “ᐊᑕᓃᖅ ᒎᑎᕗᑦ, ᒪᑯᐊᓕᒫᑦ ᐱᖁᑏᑦ ᐅᓄᕐᑐᐊᓗᐃᑦ ᐊᑐᐃᓐᓇᕈᕐᑕᕗᑦ ᓴᓇᔪᒪᓪᓗᑕ ᐃᒡᓗᓕᐅᕐᓗᑕ ᐊᑎᕐᓄᑦ ᐃᑦᔪᕐᓁᑦᑐᒧᑦ ᐊᒡᒐᖕᓂᑦ ᐱᓯᒪᕗᑦ ᑕᒤᑕᓗ ᓇᖕᒥᓂᕆᕙᑎᑦ.

¹⁷ ᖃᐅᔨᒪᕗᖓ, ᒎᑎᒑ, ᐆᒻᒪᑏᑦ ᖃᐅᔨᓴᖃᑦᑕᕋᕕᒋᑦ, ᐃᓱᐊᕐᓂᕐᒦᑦᑐᓪᓗ ᖁᕕᐊᒋᒐᕕᒋᑦ; ᐅᕙᖓᓕ, ᐆᒻᒪᑎᒪ ᐃᓱᐊᕐᓂᖓᓄᑦ ᓇᖕᒥᓂᖅ ᐱᔪᒪᓂᕋ ᒪᓕᒡᓗᒍ ᑐᓂᓯᕗᖓ ᑕᒪᒃᑯᓂᖓᓕᒫᖅ, ᒫᓐᓇᓗ ᐃᓄᖁᑎᑎᑦ ᑕᑯᓯᒪᕙᒃᑲ, ᒫᓐᓇ ᐅᕙᓃᑦᑐᑦ, ᐱᔪᒪᑦᓯᐊᕐᓗᑎᒃ ᖁᕕᐊᓱᒡᓗᑎᒡᓗ ᑐᓂᓯᕗᑦ ᐃᓕᖕᓄᑦ.

¹⁸ ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᔧᑰᓪᓗ, ᓯᕗᓕᑦᑕᓗ ᒎᑎᖓᑦ, ᑕᒪᓐᓇ ᐃᓱᖃᖏᑦᑐᒧᑦ ᑲᔪᓯᑎᓚᐅᕈᒃ ᐃᓄᖁᑎᕕᑦ ᐆᒻᒪᑎᖓᑕ ᐃᓱᒪᖏᓐᓂ, ᐆᒻᒪᑎᖏᓪᓗ ᐃᓕᖕᓄᑦ ᑐᕌᕐᑎᑦᓮᓐᓇᒃᑭᑦ.

¹⁹ ᐃᕐᓂᕋᓗ ᓲᓗᒨᓂ ᑐᓂᓚᐅᕈᒃ ᐆᒻᒪᑎᒥᒃ ᑲᑦᓱᖎᕐᓯᒪᑦᓯᐊᕐᑐᒥᒃ ᐱᖁᔭᕐᓂᒃ ᒪᓕᒍᓐᓇᖁᓪᓗᒍ, ᐅᖃᐅᓯᕐᓂᒡᓗ, ᐊᑐᕐᑕᐅᖁᔭᓕᒫᓐᓂᒡᓗ ᐊᑐᑦᓯᐊᕈᓐᓇᖁᓪᓗᒍ ᑕᒤᓐᓂᒃ, ᑐᒃᓯᐊᕐᕕᒡᔪᐊᒥᒡᓗ ᓴᓇᔪᓐᓇᖁᓪᓗᒍ ᐊᑐᐃᓐᓇᕈᕐᓯᒪᔭᒃᑲ ᐱᓇᓱᐊᕈᑎᒋᓗᒋᑦ.”

²⁰ ᑕᕝᕙ ᑍᕕᑎ ᑲᑎᓐᖓᔪᓕᒫᓄᑦ ᐅᖃᕐᐳᖅ, “ᐊᑕᓂᖅ ᒎᑎᓯ ᓂᕐᑐᕐᓯᐅᒃ.” ᐃᓄᓕᒫᓪᓗ ᐊᑕᓂᖅ ᓂᕐᑐᕐᐹᑦ, ᓯᕗᓕᖏᑦᑕ ᒎᑎᖓᑦ, ᐅᑯᓪᓗᑎᒡᓗ, ᐊᑕᓂᖅ ᑐᒃᓯᐊᕐᕕᒋᕚᑦ, ᐊᖓᔪᖅᑳᕐᔪᐊᓪᓗ ᐅᑯᕕᒋᓪᓗᒍ ᐅᐱᒋᕚᑦ.

ᓲᓗᒨᓂᐅᑉ ᑎᓕᔭᐅᓂᖓ ᐊᖓᔪᖅᑳᕐᔪᐊᖑᓂᕐᒧᑦ

²¹ ᑐᓂᕐᕈᓯᕐᐳᓪᓗ ᐊᑕᓂᕐᒧᑦ, ᖃᐅᑎᓪᓗᒍᓗ ᑐᓂᕐᕈᑎᓂᒃ ᐃᑯᐊᓚᑎᑕᒃᓴᓂᒃ ᑐᓂᕐᕈᓯᕐᐳᑦ ᐊᑕᓂᕐᒧᑦ, ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓂᒃ 1,000ᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ 1,000ᓂᒃ, ᓄᕐᕋᕐᓂᒡᓗ 1,000ᓂᒃ, ᕔᓂᓂᒡᓗ ᑐᓂᕐᕈᓯᕐᐳᑦ, ᑐᓂᕐᕈᓯᕐᐳᓪᓗ ᐅᓄᕐᑐᕐᔪᐊᓂᒃ ᐃᓴᕆᐊᓕᒥᐅᓕᒫᑦ ᐱᓪᓗᒋᑦ.

²² ᓂᕆᕗᓪᓗ ᐃᒥᕐᓗᑎᒡᓗ ᐊᑕᓂᐅᑉ ᓵᖓᓂ ᐊᖏᔪᒥᒃ ᖁᕕᐊᓱᒡᓗᑎᒃ ᐅᓪᓗᒥ ᑖᑦᓱᒪᓂ. ᓲᓗᒨᓂᓗ ᑍᕕᑎᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓛᕐᓂᖓᓂᒃ ᓇᓗᓁᕐᐹᑦ ᑐᖓᓕᐊᓂᒃ, ᐅᕐᓱᕐᑎᕐᓗᒍᓗ ᐊᑕᓂᐅᑉ ᓵᖓᓂ ᐊᖓᔪᖅᑳᖑᖁᓪᓗᒍ, ᔭᑑᒡᓗ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑦ.

²³ ᑕᕝᕙ ᓲᓗᒨᓂ ᐃᖏᑉᐳᖅ ᐊᑕᓂᐅᑉ ᐃᒃᓯᕙᐅᑕᕐᔪᐊᖓᓄᑦ ᐊᖓᔪᖅᑳᕐᔪᐊᓐᖑᕐᓗᓂ ᐊᑖᑕᓂ ᑍᕕᑎ ᐃᓇᖏᕐᓗᒍ; ᐱᔪᓐᓇᕐᓯᕙᓪᓕᐊᕗᕐᓗ, ᐃᓴᕆᐊᓕᒥᐅᓕᒫᓪᓗ ᓈᓚᒃᐹᑦ.

²⁴ ᓯᕗᓕᕐᑎᓕᒫᑦ ᐊᔪᖏᑦᑐᕐᔪᐊᓪᓗ ᐊᖑᑏᑦ, ᐊᖓᔪᖅᑳᕐᔪᐊᓪᓗ ᑍᕕᑎᐅᑉ ᐃᕐᓂᓕᒫᖏᑦ, ᓈᓚᖕᓂᐊᓂᕋᕐᐳᑦ ᐊᖓᔪᖅᑳᕐᔪᐊᕐᒧᑦ ᓲᓗᒨᓂᒧᑦ.

²⁵ ᐊᑕᓂᐅᓪᓗ ᓲᓗᒨᓂ ᐊᔪᕈᓐᓁᕐᑎᑉᐹ ᐃᓴᕆᐊᓕᒥᐅᓕᒫᑦ ᓵᖓᓂ, ᑐᓂᕚᓗ ᐊᖓᔪᖅᑳᕐᔪᐊᖑᓂᕐᒥᒃ ᐊᔪᖏᓐᓂᕐᒥᒃ ᑐᓂᔭᐅᓚᐅᕐᓯᒪᖏᑦᑐᒥᒃ ᐊᖓᔪᖅᑳᕐᔪᐊᓄᑦ ᓯᕗᓪᓕᖏᓐᓄᑦ ᐃᓴᕆᐊᓕᒥ.

ᑍᕕᑎᐅᑉ ᐊᖓᔪᖅᑳᖑᓂᖓᑕ ᓁᓕᒋᐊᕐᓯᒪᓪᓗᓂ ᓇᓗᓁᕐᑕᐅᓂᖓ

²⁶ ᑍᕕᑎ ᔨᓯᐅᑉ ᐃᕐᓂᖓ ᐊᖓᔪᖅᑳᖑᓚᐅᕐᐳᖅ ᐃᓴᕆᐊᓕᒥᐅᓕᒫᓄᑦ.

²⁷ ᐊᐅᓚᑦᓯᓚᐅᕐᐳᖅ ᐃᓴᕆᐊᓕᒥᐅᓄᑦ ᐊᕐᕌᒍᓂᒃ 40ᓂᒃ; ᐊᕐᕌᒍᓂᒃ 7ᓂᒃ ᐊᐅᓚᑦᓯᓚᐅᕐᐳᖅ ᕼᐃᐸᕋᓐᒥ, ᐊᕐᕌᒍᓂᒡᓗ 33ᓂᒃ ᐊᐅᓚᑦᓯᓚᐅᕐᐳᖅ ᔨᕉᓴᓕᒥ.

²⁸ ᑕᕝᕙ ᑭᖑᓂᖓᒍᑦ ᑐᖁᕗᖅ ᐃᓄᑐᖃᐅᑦᓯᐊᓕᕐᓗᓂ, ᐅᓪᓗᖏᑦ ᓈᑦᓯᐊᕐᓗᒋᑦ, ᐊᒃᓗᐃᑦᑑᓚᐅᕐᐳᖅ ᐅᐱᒋᔭᐅᓪᓗᓂᓗ; ᓲᓗᒨᓂᓗ ᑍᕕᑎᐅᑉ ᐃᕐᓂᖓ ᐊᐅᓚᑦᓯᓕᓚᐅᕐᐳᖅ ᑖᑦᓱᒥᖓ ᐃᓇᖐᓪᓗᓂ.

²⁹ ᐊᖓᔪᖅᑲᕐᔪᐊᑉ ᑍᕕᑎᐅᑉ ᐱᓂᐊᕐᓂᕆᓚᐅᕐᑕᖏᑦ, ᐱᒋᐊᕐᓂᖓᓂᑦ ᑭᖑᓪᓕᕐᐹᒧᑦ, ᑎᑎᕋᕐᓯᒪᕗᑦ ᓴᒧᐃᓕᐅᑉ ᐱᓂᐊᕐᓂᐅᕙᓪᓕᐊᔪᓂᒃ ᐊᒡᓚᒃᓯᒪᔭᖏᓐᓂ, ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐊᒡᓚᒃᑕᐅᓯᒪᐅᑎᖏᓐᓂ, ᒑᑦᓗ ᐊᒡᓚᒃᑕᐅᓯᒪᐅᑎᖏᓐᓂ,

³⁰ ᐊᐅᓚᑦᓯᓂᖓ ᐊᔪᖏᑦᑑᓂᖓᓗ ᐱᓂᐊᕐᓂᐅᓯᒪᔪᓪᓗ ᑖᑦᓱᒧᖓ ᐃᓴᕆᐊᓕᒥᐅᓂᓗ, ᐊᖓᔪᖅᑲᐅᕕᐅᔪᓂᓗ ᓄᓇᓕᓕᒫᓂ ᐊᒡᓚᒃᓯᒪᕗᑦ ᑖᒃᑯᓇᓂ.