ᑯᕉᓂᑲ ᓯᕗᓪᓖᑦ 27 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᓇᑕᕐᑐᒃᓮᑦ ᐃᓄᐃᓪᓗ ᐊᕕᒃᑐᕐᑕᐅᓂᖏᑦ

¹ ᐃᓴᕆᐊᓕᒃᑯᑦ ᐃᓄᖏᑕ ᐅᓄᕐᓂᖏᑦ ᒪᓕᒡᓗᒋᑦ ᑎᑎᕋᕐᑕᐅᓯᒪᕗᑦ, ᐊᖓᔪᖅᑳᑦ ᐊᑖᑕᖏᑕ ᐃᓚᖏᓐᓄᑦ, ᐊᖓᔪᖅᑳᑦ ᑕᐅᓴᓐᑎᓄᑦ 100ᓄᓪᓗ ᐊᖓᔪᖅᑳᖁᑎᖏᓪᓗ, ᐱᔨᑦᓯᕐᑎᐅᔪᑦ ᐊᖓᔪᖅᑳᕐᔪᐊᕐᒧᑦ ᓱᓇᓕᒫᓂᒃ ᐅᓇᑕᕐᑐᒃᓮᑦ ᐊᒡᒍᕐᑕᐅᓯᒪᓂᖏᓐᓄᑦ, ᑖᒃᑯᐊ ᐊᕕᒃᑐᕐᑕᐅᓯᒪᓂᖏᑦ ᑎᑭᑉᐸᓪᓕᐊᔪᑦ ᐊᐅᓪᓚᕐᐸᓪᓕᐊᔪᓪᓗ, ᑕᖅᑭᑕᒫᑦ ᐊᕐᕌᒎᑉ ᐃᓗᐊᓂ, ᐊᕕᒃᑐᕐᑕᐅᓯᒪᔪᑦ ᐅᓄᕐᓂᖃᕐᐳᑦ 24,000ᓂᒃ.

² ᐊᕕᒃᑐᕐᑕᐅᓯᒪᔪᓄᑦ ᓯᕗᓪᓕᕐᐹᓄᑦ ᑕᖅᑭᒥ ᓯᕗᓪᓕᕐᐹᒥ ᔭᓱᐱ-ᐊᒻ ᔭᑉᑍᓕᐅᑉ ᐃᕐᓂᖓ, 24,000ᓄᑦ ᐊᖓᔪᖅᑳᖑᓚᐅᕐᐳᖅ.

³ ᐱᕆᔨᐅᑉ ᑭᖑᕚᖏᓐᓂᑦ ᐱᓯᒪᔪᖅ, ᑖᓐᓇᓗ ᐊᖓᔪᖅᑳᖑᓚᐅᕐᐳᖅ ᐊᖓᔪᖅᑳᓄᑦ ᐅᓇᑕᕐᑐᒃᓴᓕᒫᓄᑦ ᑕᖅᑭᒥ ᓯᕗᓪᓕᕐᐹᒥ.

⁴ ᑕᖅᑭᐅᑉ ᐂᑉᐸᖓᓂ ᑐᑍ ᐊᕼᐅᕼᐂᒥᐅᑕᖅ ᐊᖓᔪᖅᑳᖑᓚᐅᕐᐳᖅ ᐊᕕᒃᑐᕐᑕᐅᓯᒪᔪᓄᑦ ᐃᑲᔪᕐᑎᖃᕐᓗᓂ ᒪᑮᑕᒥᒃ; ᑲᒪᒋᔭᖏᑦ 24,000ᐅᕗᑦ.

⁵ ᐅᓇᑕᕐᑐᒃᓴᓄᑦ ᐊᖓᔪᖅᑳᖑᓚᐅᕐᐳᖅ ᑕᖅᑭᐅᑉ ᐱᖓᔪᐊᓐᓂ ᐱᓁᐊ, ᔨᕼᐅᐃᐊᑕᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓ, ᑖᓐᓇ ᐊᖓᔪᖅᑳᖑᓚᐅᕐᐳᖅ ᐊᕕᒃᑐᕐᓯᒪᔪᓄᑦ 24,000ᓄᑦ.

⁶ ᑖᓐᓇ ᐱᓁᐊ ᐊᔪᖏᑦᑐᕐᔪᐊᓂᑦ 30ᓂᑦ ᐃᓚᒋᔭᐅᕗᖅ, ᑖᒃᑯᓄᖓᓗ 30ᓄᑦ ᐊᖓᔪᖅᑳᖑᓪᓗᓂ; ᑖᑦᓱᒪ ᐃᕐᓂᖓ ᐊᒥᔭᐹᑦ ᐊᕕᒃᑐᕐᓯᒪᔪᖁᑎᖏᓐᓄᑦ ᐊᖓᔪᖅᑳᖑᓚᐅᕐᐳᖅ.

⁷ ᑕᖅᑭᐅᑉ ᓯᑕᒪᖓᓐᓂ ᐊᓴᕼᐃᐅᓪ ᔪᐊᐱᐅᑉ ᓄᑲᖓ ᐊᖓᔪᖅᑳᖑᓚᐅᕐᐳᖅ, ᔨᐸᑍᐊᓗ ᑖᑦᓱᒪ ᐃᕐᓂᖓ ᐃᓇᖏᐅᑎᓚᐅᕐᐳᖅ ᑖᑦᓱᒧᖓ; ᐊᕕᒃᑐᕐᓯᒪᔪᓄᑦ 24,000ᓄᑦ.

⁸ ᑕᖅᑭᐅᑉ ᑕᓪᓕᒪᖓᓐᓂ ᓴᒻᕼᐅᑎ ᐃᔅᕋᕼᐂᑎᒥᐅᑕᖅ ᐊᖓᔪᖅᑳᖑᓚᐅᕐᐳᖅ; ᐊᕕᒃᑐᕐᓯᒪᔪᓄᑦ 24,000ᓄᑦ.

⁹ ᑕᖅᑭᐅᑉ ᐱᖓᓲᔪᕐᑐᖓᓐᓂ ᐂᕋ ᐃᒃᑭᓯᐅᑉ ᑎᑯᐊᒥᐅᑕᐅᑉ ᐃᕐᓂᖓ ᐊᖓᔪᖅᑳᖑᓚᐅᕐᐳᖅ; ᐊᕕᒃᑐᕐᓯᒪᔪᓄᑦ 24,000ᓄᑦ.

¹⁰ ᑕᖅᑭᐅᑉ 7ᖓᓐᓂ ᕼᐃᓕᔾ ᐱᓗᓁᑎᒥᐅᑕᖅ, ᐃᕗᕅᑎᒃᑯᓐᓂᑦ ᐱᓯᒪᔪᖅ ᐊᖓᔪᖅᑳᖑᓚᐅᕐᐳᖅ; ᐊᕕᒃᑐᕐᓯᒪᔪᓄᑦ 24,000ᓄᑦ.

¹¹ ᑕᖅᑭᐅᑉ ᓯᑕᒪᐅᔪᕐᑐᖓᓐᓂ ᓯᐱᑬ ᕼᐅᓴᑍᑎᒥᐅᑕᖅ, ᔨᕋᕼᐂᑎᓂᑦ ᐱᓯᒪᔪᖅ ᐊᖓᔪᖅᑳᖑᓚᐅᕐᐳᖅ; ᐊᕕᒃᑐᕐᓯᒪᔪᓄᑦ 24,000ᓄᑦ.

¹² ᑕᖅᑭᐅᑉ 9ᖓᓐᓂ ᐊᐰᔨᕆ ᐊᓇᑑᑎᒥᐅᑕᖅ, ᐱᓐᔭᒥᓂᒃᑯᓐᓂᑦ ᐱᓯᒪᔪᖅ ᐊᖓᔪᖅᑳᖑᓚᐅᕐᐳᖅ; ᐊᕕᒃᑐᕐᓯᒪᔪᓄᑦ 24,000ᓄᑦ.

¹³ ᑕᖅᑭᐅᑉ 10ᖓᓐᓂ ᒪᕼᐊᕅ ᓂᑐᐸᕼᐊᑍᑎᒥᐅᑕᖅ, ᔨᕋᕼᐂᑎᓂᑦ ᐱᓯᒪᔪᖅ ᐊᖓᔪᖅᑳᖑᓚᐅᕐᐳᖅ; ᐊᕕᒃᑐᕐᓯᒪᔪᓄᑦ 24,000ᓄᑦ.

¹⁴ ᑕᖅᑭᐅᑉ 11ᖓᓐᓂ ᐱᓁᐊ ᐱᕋᑐᓁᒥᐅᑕᖅ, ᐃᕗᕅᑎᓂᑦ ᐱᓯᒪᔪᖅ ᐊᖓᔪᖅᑳᖑᓚᐅᕐᐳᖅ; ᐊᕕᒃᑐᕐᓯᒪᔪᓄᑦ 24,000ᓄᑦ.

¹⁵ ᑕᖅᑭᐅᑉ 12ᖓᓐᓂ ᕼᐃᐅᓪᑍ ᓂᑐᐸᕼᐊᑍᑎᒥᐅᑕᖅ, ᐅᑎᓂ-ᐅᓪᒥᑦ ᐱᓯᒪᔪᖅ ᐊᖓᔪᖅᑳᖑᓚᐅᕐᐳᖅ; ᐊᕕᒃᑐᕐᓯᒪᔪᓄᑦ 24,000ᓄᑦ.

ᐊᐅᓚᑦᓯᔨᐅᔪᑦ ᑭᖑᕚᕇᓄᑦ

¹⁶ ᐃᓴᕆᐊᓕᒥᐅᓪᓕ ᑭᖑᕚᖏᓐᓄᑦ ᐃᓔᓯᕆ ᔨᒃᕆᐅᑉ ᐃᕐᓂᖓ ᐊᐅᓚᑦᓯᔨᐅᓚᐅᕐᐳᖅ ᕉᐱᓂᒃᑯᓐᓄᑦ; ᓯᕚᑍᐊ ᒫᑲᐅᑉ ᐃᕐᓂᖓ ᓯᒥᐅᓂᒃᑯᓐᓄᑦ ᐊᖓᔪᖅᑳᖑᓚᐅᕐᐳᖅ;

¹⁷ ᕼᐊᓴᐰᐊ ᑭᒧᐃᓕᐅᑉ ᐃᕐᓂᖓ ᐊᐅᓚᑦᓯᔨᐅᓚᐅᕐᐳᖅ ᓕᕔᑎᓄᑦ; ᔭᑑᒃ ᐊᐅᓚᑦᓯᔨᐅᓚᐅᕐᐳᖅ ᐂᕉᓂᒃᑯᓐᓄᑦ;

¹⁸ ᐃᓕᕼᐅ, ᑍᕕᑎᐅᑉ ᖃᑕᓐᖑᑎᖓᑕ ᐃᓚᖓᑦ ᐊᐅᓚᑦᓯᔨᐅᓚᐅᕐᐳᖅ ᔫᑕᒃᑯᓐᓄᑦ; ᐅᒻᕆ ᒤᑰᑉ ᐃᕐᓂᖓ ᐊᐅᓚᑦᓯᔨᐅᓚᐅᕐᐳᖅ ᐃᓴᑳᕆᒃᑯᓐᓄᑦ;

¹⁹ ᐃᓯᒤᐊ ᐅᐸᑍᐊᐅᑉ ᐃᕐᓂᖓ ᐊᐅᓚᑦᓯᔨᐅᓚᐅᕐᐳᖅ ᓯᐳᓗᓂᒥᐅᓄᑦ; ᔨᕆᒪᑎ ᐊᔭᕆ-ᐃᐅᓪ ᐃᕐᓂᖓ ᐊᐅᓚᑦᓯᔨᐅᓚᐅᕐᐳᖅ ᓈᑉᑕᓕᒥᐅᓄᑦ;

²⁰ ᕼᐆᓯᐊ ᐊᔭᔧᐊᐅᑉ ᐃᕐᓂᖓ ᐊᐅᓚᑦᓯᔨᐅᓚᐅᕐᐳᖅ ᐃᕗᕅᒥᐅᑦ ᐃᓚᖏᓐᓄᑦ; ᔪᐃᓕ ᐱᑍᐊᐅᑉ ᐃᕐᓂᖓ ᐊᐅᓚᑦᓯᔨᐅᓚᐅᕐᐳᖅ ᒫᓇᓯᐅᑉ ᑭᖑᕚᖏᑕ ᕿᑎᖅᑲᖏᓐᓄᑦ;

²¹ ᐃᑐ ᓴᑲᕅᐊᐅᑉ ᐃᕐᓂᖓ ᐊᐅᓚᑦᓯᔨᐅᓚᐅᕐᐳᖅ ᒫᓇᓯᐅᑉ ᑭᖑᕚᖏᑕ ᑭᑎᖅᑲᖏᓐᓄᑦ ᒋᓕᐊᑎᒦᑦᑐᓄᑦ; ᔭ-ᐊᓯᐅᓪ ᐋᑉᓅᑉ ᐃᕐᓂᖓ ᐊᐅᓚᑦᓯᔨᐅᓚᐅᕐᐳᖅ ᐱᓐᔭᒥᓂᒃᑯᓐᓄᑦ;

²² ᑖᓐᒧᑦ, ᐊᔭᕆᐅᓪ ᔨᕈᕼᐋᒻ ᐃᕐᓂᖓ ᐊᐅᓚᑦᓯᔨᐅᓚᐅᕐᐳᖅ ᑖᓐᑯᓐᓄᑦ. ᑖᒃᑯᐊ ᑕᕝᕙ ᐊᐅᓚᑦᓯᔨᐅᓚᐅᕐᑐᑦ ᐃᓴᕆᐊᓕᒥᐅᑦ ᑭᖑᕚᖏᓐᓄᑦ.

²³ ᑍᕕᑎᐅᓪᓕ ᓈᓴᖃᓯᐅᑎᓚᐅᓐᖏᓔᑦ ᐊᕐᕌᒍᓖᑦ 20ᓂᒃ ᖃᑦᓰᓐᓇᐅᓂᕐᓴᓂᒡᓗ, ᐊᑕᓂᐅᑉ ᐊᖏᕈᑎᖃᕐᓯᒪᓂᖓᓄᑦ ᐃᓴᕆᐊᓕᒥᐅᓂᒃ ᐅᓄᕐᓯᑎᑦᓯᓂᐊᕐᓂᕋᕐᓗᓂ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ.

²⁴ ᔪᐊᐱ ᔨᕈᐃᐊᐅᑉ ᐃᕐᓂᖓ ᓈᓮᒋᐊᓯᓚᐅᕋᓗᐊᕐᐳᖅ, ᐱᔭᕇᓚᐅᓐᖏᓚᕐᓕ; ᓂᓐᖓᐅᑦᔭᐅᓂᖅ ᐃᓴᕆᐊᓕᒥᐅᓄᑦ ᑎᑭᐅᑎᓚᐅᕐᒪᑦ ᑕᒪᓐᓇ ᐱᑦᔪᑎᒋᓪᓗᒍ, ᓈᓴᕐᑕᐅᓯᒪᔪᓪᓘᓐᓃᑦ ᑎᑎᕋᕐᑕᐅᖃᑕᐅᓚᐅᓐᖏᓚᑦ ᐊᖓᔪᖅᑳᕐᔪᐊᑉ ᑍᕕᑎᐅᑉ ᑎᑎᕋᕐᐸᓪᓕᐊᔭᐅᑎᑕᖏᓐᓂ.

ᐊᐅᓚᑦᓯᔨᐅᔪᑦ ᐊᖓᔪᖅᑳᕐᔪᐊᑉ ᐱᖁᑎᖏᓐᓄᑦ

²⁵ ᐊᔾᒪᕕᑎ ᐊᑎ-ᐃᐅᑉ ᐃᕐᓂᖓ ᐊᐅᓚᑦᓯᔨᐅᕗᖅ ᐊᖓᔪᖅᑳᕐᔪᐊᑉ ᑮᓇᐅᔭᖏᓐᓄᑦ; ᔫᓇᑕᓂ ᐅᓮᐊᐅᑉ ᐃᕐᓂᖓ ᐊᐅᓚᑦᓯᔨᐅᕗᖅ ᓯᕐᓗᐊᓂᒃ ᐱᕈᕐᓰᕕᖕᒦᑦᑐᓂᒃ, ᐃᒡᓗᒐᓴᓃᑦᑐᓂᒃ, ᓄᓇᓕᖕᓃᑦᑐᓂᒃ ᖃᐅᔨᓴᕐᕕᖕᒦᑦᑐᓂᒡᓗ.

²⁶ ᐃᔭᕆ ᑭᓘᑉ ᐃᕐᓂᖓ ᐊᐅᓚᑦᓯᔨᐅᕗᖅ ᓴᓇᔨᓄᑦ ᐱᕈᕐᓰᕕᖕᒥ ᓄᓇᒥᒡᓗ ᒪᒃᐱᕐᑎᕆᔨᓄᑦ.

²⁷ ᓯᒥ-ᐂᓗ ᕋᒪᑍᑎ ᐊᐅᓚᑦᓯᔨᐅᕗᖅ ᐱᕈᕐᓰᕕᖕᒥ ᕔᓂᒃᓴᓄᑦ; ᔭᑉᑍ ᓯᑉᒤᑎ ᐊᐅᓚᑦᓯᔨᐅᕗᖅ ᐱᕈᕇᕐᐸᓪᓕᐊᔪᓂᒃ ᕔᓂᒃᓴᓂᒃ.

²⁸ ᐰᓕ-ᕼᐋᓇᓂ ᒋᑎᕅᑎ ᐊᐅᓚᑦᓯᔨᐅᕗᖅ ᓇᐹᕐᑐᓄᑦ ᐅᕐᓱᒃᓴᓕᖕᓄᑦ ᓇᐹᕐᑐᓄᓪᓗ ᓯᑲᒧᐊᓄᑦ ᓇᑎᕐᓇᒦᑦᑐᓄᑦ; ᔪᐊᓯᓗ ᐊᐅᓚᑦᓯᔨᐅᕗᖅ ᐅᕐᓱᓄᑦ ᐅᕐᓱᒃᓴᒃᑯᕕᖕᒦᑦᑐᓄᑦ.

²⁹ ᓯᑦᕅ ᓵᕋᓐᓁᑎᒥᐅᑕᖅ ᐊᐅᓚᑦᓯᔨᐅᕗᖅ ᐆᒪᔪᓄᑦ ᓂᕿᒃᓴᓕᖕᒦᑦᑐᓄᑦ ᓵᕋᓐᒥ; ᓴᕚᑎ ᐊᑦᓔᑉ ᐃᕐᓂᖓ ᐊᐅᓚᑦᓯᔨᐅᕗᖅ ᐆᒪᔪᓄᑦ ᓇᕐᓴᓃᑦᑐᓄᑦ.

³⁰ ᐅᐰᓕ ᐃᓯᒤᓕᒥᐅᑕᖅ ᐊᐅᓚᑦᓯᔨᐅᕗᖅ ᑳᒥᓕᖕᓄᑦ; ᔨᑍᐊ ᒥᕈᓄᑍᒥᐅᑕᖅ ᐊᐅᓚᑦᓯᔨᐅᕗᖅ ᓯᐅᑎᖅᑯᕐᑐᔪᓄᑦ ᐊᕐᓇᓪᓗᖕᓄᑦ. ᔮᓯᔅ ᕼᐊᒐᕅᒥᐅᑕᖅ ᐊᐅᓚᑦᓯᔨᐅᕗᖅ ᓯᐅᑎᖅᑯᕐᑐᔪᓄᑦ ᑲᑎᓐᖓᔪᓄᑦ.

³¹ ᑖᒃᑯᐊ ᕼᐊᒐᕅᑎᒥᐅᑦ ᐊᖓᔪᖅᑳᖑᕗᑦ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐱᖁᑎᓕᒫᖏᓐᓄᑦ.

³² ᔫᓇᑕᓂᓗ ᑍᕕᑎᐅᑉ ᐊᒃᑲᖓ, ᐃᑲᔪᕐᑎᐅᕗᖅ ᓯᓚᑐᔫᓪᓗᓂ, ᐱᖁᔭᓂᒡᓗ ᐃᓕᓯᒪᔪᖅ; ᔨᕼᐃᐅᓗ ᕼᐊᑯᒧᓁᑎᐅᑉ ᐃᕐᓂᖓ ᑖᒃᑯᐊᒃ ᐊᖓᔪᖅᑳᕐᔪᐊᑉ ᐃᕐᓂᖏᓐᓂᒃ ᑲᒪᔨᐅᕘᒃ.

³³ ᐊᕼᐃᑐᐱᐅᓪ ᐊᖓᔪᖅᑳᕐᔪᐊᑉ ᐃᑲᔪᕐᑎᒋᕚ ᑐᑭᑖᕈᑕᐅᔭᕆᐊᓕᖕᓄᑦ, ᕼᐅᓮᓗ ᐊᑬᑎᒥᐅᑕᖅ ᐊᖓᔪᖅᑳᕐᔪᐊᑉ ᐃᓚᓐᓈᕆᕚ.

³⁴ ᐊᕼᐃᑐᐱᐅᓪ ᐃᓇᖏᕐᑕᐅᓚᐅᕐᐳᖅ ᔨᕼᐅᐃᐊᑕᒧᑦ ᐱᓁᐊᐅᑉ ᐃᕐᓂᖓᓄᑦ, ᐊᐰᐊᑕᒧᓪᓗ. ᔪᐊᐱᓕ ᐊᖓᔪᖅᑳᖑᓚᐅᕐᐳᖅ ᐊᖓᔪᖅᑳᕐᔪᐊᑉ ᐅᓇᑕᕐᑐᒃᓴᖏᓐᓄᑦ.