ᑯᕉᓂᑲ ᓯᕗᓪᓖᑦ 24 - ᐊᒡᓔᑦ ᐃᑦᔪᕐᖕᓁᑦᑐᑦ

ᑐᓂᕐᕈᓯᕐᑎᑦᓯᔨᓄᑦ ᐱᓇᓱᐊᒐᒃᓮᑦ

¹ ᐅᑯᐊ ᑕᕝᕙ ᐂᕉᓂᐅᑉ ᐃᕐᓂᖏᑕ ᐊᕕᒃᑐᕐᑕᐅᓯᒪᓂᖏᑦ, ᐂᕉᓂᐅᑉ ᐃᕐᓂᖏᑦ ᐅᑯᐊᖑᕗᑦ: ᓁᑖᑉ, ᐊᐱᕼᐅ, ᐃᓕᓯᕆ, ᐃᑕᒫᕐᓗ.

² ᓁᑖᑉᓗ ᐊᐱᕼᐅᓗ ᑐᖁᖅᑳᓚᐅᕐᐴᒃ ᐊᑖᑕᒥᖕᓂᑦ, ᕿᑐᕐᖓᕐᑖᓚᐅᕋᑎᒃ; ᑍᒤᒻᒪᑦ ᐃᓕᓯᕆᒃᑯᒃ ᐃᑕᒫᕆᒃᑯᒃ ᑐᓂᕐᕈᓯᕐᑎᑦᓯᔨᐅᓕᓚᐅᕐᐴᒃ.

³ ᑍᕕᑎᓗ ᐃᑲᔪᕐᑕᐅᓪᓗᓂ ᔭᑑᒃᒧᑦ ᐃᓕᓯᕆᐅᑉ ᐃᕐᓂᖓᓄᑦ, ᐊᕼᐃᒥᓕᖕᒧᓪᓗ ᐃᑕᒫᕆᐅᑉ ᐃᕐᓂᖓᓄᑦ, ᐋᖅᑭᒃᓱᓚᐅᕐᐰᑦ ᐱᔨᑦᓯᕆᐊᖃᕐᓂᖏᑕ ᐱᕕᒃᓴᖏᑦ ᒪᓕᒐᓕᐅᕐᓗᒋᑦ.

⁴ ᐃᓕᓯᕆᐅᑉ ᐃᕐᓂᖏᑦ ᐊᖓᔪᖅᑳᖑᔪᑦ ᐅᓄᕐᓂᕐᓴᐅᓚᐅᕐᐳᑦ ᐃᑕᒫᕆᐅᑉ ᐃᕐᓂᖏᓐᓂᑦ, ᑖᒃᑯᐊ ᒪᓕᒡᓗᒋᑦ ᐊᕕᒃᑐᕐᑕᐅᕗᑦ ᐃᓕᓯᕆᐅᑉ ᐃᕐᓂᖏᑦ 16ᖑᓚᐅᕐᒪᑕ ᐊᖓᔪᖅᑳᖑᔪᑦ ᓯᕗᓕᖏᑕ ᐃᓚᖏᓐᓂ, ᐃᑕᒫᕆᐅᓪᓗ ᐃᕐᓂᖏᑦ ᓯᑕᒪᐅᔪᕐᑑᑎᓪᓗᒋᑦ ᐊᖓᔪᖅᑳᖑᔪᑦ ᓯᕗᓕᖏᑕ ᐃᓚᖏᓐᓂ.

⁵ ᑖᒃᑯᐊ ᐋᖅᑭᒃᓱᕐᑕᐅᕗᑦ ᓇᓚᐅᑦᑖᕈᑎᒧᑦ, ᐊᑦᔨᒌᒃᑐᒥᒃ, ᐃᒤᓕᖓᑎᓪᓗᒋᑦ ᐃᓚᖏᑦ ᐊᖓᔪᖅᑳᓐᖑᕐᐳᑦ ᐃᑦᔪᕐᓁᑦᑐᒃᑯᕕᖕᒧᑦ, ᐃᓚᖏᓪᓗ ᐊᖓᔪᖅᑳᓐᖑᕐᐳᑦ ᒎᑎᐅᑉ ᐃᒡᓗᖓᓄᑦ ᐃᓕᓯᕆᐅᑉ ᐃᑕᒫᕆᐅᓪᓗ ᐃᕐᓂᖏᑦ.

⁶ ᐊᒡᓚᒃᑎᐅᕗᕐᓗ ᓯᒤᐊ ᓇᑖᓂᐅᑉ ᐃᕐᓂᖓ, ᓕᕔᑏᑦ ᐃᓚᖓᑦ, ᑎᑎᕋᕐᑎᐅᕗᖅ ᐊᖓᔪᖅᑳᕐᔪᐊᕐᒧᑦ, ᐊᖓᔪᖅᑳᓄᓪᓗ, ᔭᑑᒡᓗ ᑐᓂᕐᕈᓯᕐᑎᑦᓯᔨᐅᕗᖅ, ᐊᕼᐃᒥᓕᒃᓗ ᐊᐰᐊᑕᐅᑉ ᐃᕐᓂᖓ, ᐊᖓᔪᖅᑳᖑᔪᓪᓗ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᓯᕗᓕᖏᑕ ᐃᓚᖏᓐᓂ, ᐊᑖᑕᐅᔪᑦ ᐃᓚᖏᓐᓂᑦ ᐊᖓᔪᖅᑳᖑᓂᐊᕐᑐᓂᒃ ᓂᕈᐊᕐᓯᕗᑦ ᐊᑐᓂᑦ ᐃᓕᓯᕆᒃᑯᓐᓄᑦ ᐃᑕᒫᕆᒃᑯᓐᓄᓪᓗ.

⁷ ᓇᓚᐅᑦᑖᕈᑦ ᓯᕗᓪᓕᕐᐹᒥᒃ ᓇᓚᐅᑦᓯᕗᖅ ᔨᕼᐅᐃᐊᕆᑉᒥᒃ, ᑐᖓᓕᐊᓂ ᔨᑍᐊ,

⁸ ᐱᖓᔪᐊᓐᓂ ᕼᐊᕆᒻ, ᓯᑕᒪᖓᓐᓂ ᓯ-ᐅᕆᒻ,

⁹ ᑕᓪᓕᒪᖓᓐᓂ ᒪᓪᑬᔭ, ᐱᖓᓲᔪᕐᑐᖓᓐᓂ ᒤᔭᒥᓐ,

¹⁰ 7ᖓᓐᓂ ᕼᐊᑰᔾ, ᓯᑕᒪᐅᔪᕐᑐᖓᓐᓂ ᐊᐰᔭ,

¹¹ 9ᖓᓐᓂ ᔩᓱᐊ, ᖁᓕᖓᓐᓂ ᓯᑲᓁᐊ,

¹² 11ᖓᓐᓂ ᐃᓔᐊᓯᑉ, 12ᖓᓐᓂ ᔮᑭᒻ,

¹³ 13ᖓᓐᓂ ᕼᐅᐸ, 14ᖓᓐᓂ ᔨᓯᐱ-ᐊᑉ,

¹⁴ 15ᖓᓐᓂ ᐱᐅᓪᒐ, 16ᖓᓐᓂ ᐃᒥᕆ,

¹⁵ 17ᖓᓐᓂ ᕼᐃᔨᕆ, 18ᖓᓐᓂ ᕼᐊᐱᔨᔨ,

¹⁶ 19ᖓᓐᓂ ᐱᑕᕼᐂᐊ, ᐊᕙᑎᖓᓐᓂ ᔨᕼᐃᔨᑭᐅᓪ,

¹⁷ 21ᖓᓐᓂ ᔭᑭᓐ, 22ᖓᓐᓂ ᒐᒧᐃᓕ,

¹⁸ 23ᖓᓐᓂ ᑎᓔᐊ, 24ᖓᓐᓂ ᒫ-ᐊᔧᐊ.

¹⁹ ᑖᒃᑯᐊ ᐱᕕᒃᓴᕐᑖᕐᑎᑕᐅᕗᑦ ᐊᑐᓂᑦ ᐱᔨᑦᓯᖁᓪᓗᒋᑦ ᐊᑕᓂᐅᑉ ᐃᒡᓗᖓᓄᑦ ᐃᑎᕐᕕᒃᓴᖃᕐᓗᑎᒃ ᐱᖁᔧᑦ ᒪᓕᒡᓗᒋᑦ ᓯᕗᓕᖓᓐᓂᑦ ᐂᕉᓂᒥᑦ ᐱᒋᐊᕐᑎᑕᐅᓯᒪᔪᑦ, ᑍᒫᒃ ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑕ ᑎᓕᓚᐅᕐᒪᒍ.

ᓕᕔᑏᑦ ᐊᓯᖏᑦ

²⁰ ᐅᑯᐊᓗ ᓕᕔᑉ ᐃᕐᓂᖏᑕ ᐃᓚᖏᑦ ᓇᓗᓁᕐᑕᐅᒋᕗᑦ: ᐊᒪᕌᒻ ᐃᕐᓂᖏᓐᓂᑦ ᓯᐳᐃᓕ, ᓯᐳᐃᓕᐅᑉ ᐃᕐᓂᖏᓐᓂᑦ ᔨᑍᐊ.

²¹ ᕆᕼᐊᐰᐊᒥᑦ: ᕆᕼᐊᐰᐊᐅᑉ ᐃᕐᓂᖏᓐᓂᑦ, ᐃᓮᐊ ᐊᖓᔪᖅᑳᖑᕗᖅ.

²² ᐃᔾᕼᐊᕅᑎᓂᑦ, ᓯᓗᒨᑎ, ᓯᓗᒨᑎᐅᑉ ᐃᕐᓂᖏᓐᓂᑦ ᔭᕼᐊᑕ.

²³ ᕼᐃᐸᕌᓂᐅᑉ ᐃᕐᓂᖏᓐᓂᑦ: ᔨᕅᐊ ᐊᖓᔪᖅᑳᖑᕗᖅ, ᑐᖓᓕᐊ ᐊᒪᕅᐊ, ᐱᖓᔪᐊᑦ ᔭᕼᐊᔨᐅᓪ, ᓯᑕᒪᖓᑦ ᔨᑲᒦᒻ.

²⁴ ᐊᑦᔧᐆᑉ ᐃᕐᓂᖏᓐᓂᑦ ᒤᑲ; ᒤᑲᐅᑉ ᐃᕐᓂᖏᓐᓂᑦ ᓴᒥᕆ.

²⁵ ᒤᑲᐅᑉ ᖃᑕᓐᖑᑎᖓᓂᑦ ᐃᓮᐊ; ᐃᓮᐊᐅᑉ ᐃᕐᓂᖏᓐᓂᑦ ᓴᑲᕅᐊ.

²⁶ ᒥᕋᕆᐅᑉ ᐃᕐᓂᖏᒃ ᐅᑯᐊᒃ: ᒪᕼᐊᓔ ᒧᓮᓗ. ᔮ-ᐊᔨᐊᐅᑉ ᐃᕐᓂᖓ ᐱᓄ.

²⁷ ᒥᕋᕆᐅᑉ ᐃᕐᓂᖏᑦ ᔮ-ᐊᔨᐊ, ᐱᓄ, ᓱᕼᐊᒻ, ᔭᑯᕆ, ᐃᐱᕆᓗ.

²⁸ ᒪᕼᐊᓔᒥᑦ, ᐃᓕᓯᕆᓕ, ᐃᕐᓂᖃᓚᐅᓐᖏᓚᖅ.

²⁹ ᑭᔅᒥᑦ, ᑭᓯᐅᑉ ᐃᕐᓂᖏᓐᓂᑦ, ᔨᕋᒥᐅᓪ,

³⁰ ᒧᓮᓪᓗ ᐃᕐᓂᖏᑦ ᐅᑯᐊᖑᕗᑦ: ᒪᕼᐊᓔ, ᐃᑐᕆ, ᔨᕆᒪᑎᓗ. ᑖᒃᑯᐊ ᓕᕔᑉ ᐃᕐᓂᕆᕔᑦ ᐊᑖᑕᖏᑕ ᐃᓚᖏᓐᓂ.

³¹ ᑖᒃᑯᐊᓗ ᓇᓚᐅᑦᑖᕈᑎᒧᑦ ᐱᓇᓱᐊᕐᑕᐅᒋᕗᑦ ᐂᕉᓂᐅᑉ ᐃᕐᓂᖏᑎᑐᑦ, ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ, ᔭᑑᒃᒧᑦ, ᐊᕼᐃᒥᓕᒃᒧᓪᓗ, ᐊᖓᔪᖅᑳᖑᓂᐊᕐᑐᑦ ᐊᑖᑕᖏᑕ ᐃᓚᖏᓐᓂ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ.