ᑯᕉᓂᑲ ᓯᕗᓪᓖᑦ 21 - ᐊᒡᓔᑦ ᐃᑦᔪᕐᖕᓁᑦᑐᑦ

ᑍᕕᑎᐅᑉ ᐃᓄᖕᓂᒃ ᓈᓮᓂᖓ

¹ ᓵᑖᓇᓯ ᐱᓇᓱᐊᓕᕐᐳᖅ ᐃᓴᕆᐊᓕᒥᐅᑦ ᐊᑭᕋᕐᑐᕐᓗᒋᑦ, ᑍᕕᑎᓗ ᑲᔪᖏᕐᓴᕐᐹ ᐃᓴᕆᐊᓕᑎᓂᒃ ᓈᓮᖁᓪᓗᒍ.

² ᑍᒤᒻᒪᑦ ᑍᕕᑎ ᐅᖃᕐᐳᖅ ᔪᐊᐱᒧᑦ ᐅᓇᑕᕐᑏᓪᓗ ᐊᖓᔪᖅᑳᖏᓐᓄᑦ, “ᐃᓴᕆᐊᓕᒥᐅᓕᒫᑦ ᓈᓴᕆᐊᕐᑐᓚᐅᕐᓯᐅᒃ ᐱᐊᕐᓯᐸᒥᑦ ᑖᓐ ᑎᑭᓪᓗᒍ, ᐅᓄᕐᓂᖏᓐᓂᒡᓗ ᐅᖃᐅᑎᓂᐊᕐᐸᓯᓐᖓ ᖃᑦᓯᐅᓂᖏᓐᓂᒃ ᖃᐅᔨᒪᖁᓪᓗᖓ.”

³ ᔪᐊᐱᓕ ᑭᐅᕗᖅ, “ᑍᒪᑐᖅ ᐊᑕᓂᐅᑉ ᐃᓴᕆᐊᓕᒥᐅᑦ ᐃᓄᖏᑦ 100ᓱᓪᓗᐊᕐᑐᓂᒃ ᐅᓄᕐᓯᑎᒋᐊᕐᓕᒋᑦ! ᐊᖓᔪᖅᑳᕐᔪᐊᖅ ᐊᑕᓂᕋ, ᐊᖓᔪᖅᑳᕐᔪᐊᒪ ᐱᔨᒋᔧᓐᓇᕆᓐᖏᓔᑦ? ᓱᖕᒪᓕ ᐊᖓᔪᖅᑳᕐᔪᐊᕋ ᑍᒤᓕᐅᖁᔨᕙ? ᓱᖕᒪᑦ ᐸᓯᔭᒃᓴᓐᖑᕐᑎᑦᓯᔪᒃᓴᐅᕙ ᐃᓴᕆᐊᓕᒥᐅᓂᒃ?”

⁴ ᑍᒤᒃᑲᓗᐊᕐᑎᓪᓗᒍ ᐊᖓᔪᖅᑳᕐᔪᐊᑉ ᐅᖃᐅᓯᖏᑦ ᓵᓚᖃᕐᐳᑦ ᔪᐊᐱᒥᒃ. ᑕᕝᕙ ᔪᐊᐱ ᐃᖏᕐᕋᓕᓚᐅᕐᐳᖅ ᐃᓴᕆᐊᓕᒥᐅᓕᒫᓄᑦ, ᐅᑎᕐᓗᓂᓗ ᔨᕉᓴᓕᒧᑦ.

⁵ ᔪᐊᐱᐅᓪᓗ ᐃᓄᐃᑦ ᐅᓄᕐᓂᖏᑦ ᑐᓂᕔᑦ ᑍᕕᑎᒧᑦ. ᐃᓴᕆᐊᓕᒥᐅᓕᒫᑦ 1,100,000ᐅᕗᑦ ᓴᕕᒡᔪᐊᕐᒨᕈᓐᓇᕐᑐᑦ, ᔫᑕᒥᐅᓪᓗ 470,000ᓂᒃ ᐱᑕᖃᕆᕗᑦ ᓴᕕᒡᔪᐊᕐᒨᕈᓐᓇᕐᑐᓂᒃ.

⁶ ᓕᕔᒃᑯᓪᓕ ᐱᓐᔭᒥᓂᑯᓪᓗ ᑭᖑᕚᖏᑦ ᓈᓴᖃᓯᐅᑎᓚᐅᓐᖏᓔᑦ, ᐊᖓᔪᖅᑳᕐᔪᐊᑉ ᑎᓕᓯᑦᔪᑎᒋᔭᖏᑦ ᔪᐊᐱᐅᑉ ᐊᖏᖃᑎᒋᓚᐅᖏᓐᓇᒥᒋᑦ.

⁷ ᒎᑎᐅᓪᓕ ᑕᒪᓐᓇ ᖁᕕᐊᒋᓚᐅᓐᖏᓛ, ᐃᓴᕆᐊᓕᒥᐅᓪᓗ ᓱᒋᐊᕐᐰᑦ.

⁸ ᑕᕝᕙ ᑍᕕᑎ ᐅᖃᓕᕐᐳᖅ ᒎᑎᒧᑦ, “ᐊᖏᔪᒥᒃ ᐊᔪᕐᑐᓕᕗᖓ ᑕᒪᓐᓇ ᐱᓂᐊᕐᓂᕋ ᐱᑦᔪᑎᒋᓪᓗᒍ, ᒫᓐᓇᓕ, ᑐᒃᓯᐊᕐᐳᖓ, ᐱᔨᕕᑦ ᐱᐅᖏᑦᑐᓕᓂᖓ ᐲᓚᐅᕈᒃ; ᓯᓔᑦᑐᐊᓗᖕᒥᒃ ᑕᒪᑐᒥᖓ ᐱᓂᐊᓚᐅᕋᒪ.”

⁹ ᐊᑕᓂᕐᓗ ᐅᖃᕐᐳᖅ ᒑᑦᒧᑦ, ᑍᕕᑎᐅᑉ ᐅᖃᕐᑎᖓᓄᑦ, ᐅᖃᕐᓗᓂ,

¹⁰ “ᑍᕕᑎ ᐅᖃᐅᑎᔭᕐᑐᕈᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐱᖓᓱᓂᒃ ᒪᓂᑦᓯᕕᒋᕙᒋᑦ; ᓇᓪᓕᐊᓐᓂᒃ ᐊᑕᐅᓯᕐᒥᒃ ᓂᕈᐊᕆᑦ, ᐃᓕᖕᓄᑦ ᑍᒫᒃ ᐱᓇᓱᐊᕐᓂᐊᕋᒪ.’”

¹¹ ᑕᕝᕙ ᒑᑦ ᐂᕗᖅ ᑍᕕᑎᒧᑦ ᐅᖃᐅᑎᓪᓗᒍᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᓂᕈᐊᓕᕆᑦ ᐊᑐᕐᓂᐊᕐᑐᓂᒃ,

¹² ᐊᕐᕌᒍᓂᒃ ᐱᖓᓱᓂᒃ ᑳᖕᓇᕐᑐᖃᓛᕐᐳᖅ, ᐅᕝᕙᓗ ᑕᖅᑭᓂᒃ ᐱᖓᓱᓂᒃ ᐅᓇᑕᕐᓂᒃᑯᑦ ᐊᑭᕋᕐᓄᑦ ᓵᓚᐅᓯᒪᓛᕐᐳᑎᑦ, ᐅᕝᕙᓗ ᐅᓪᓗᓂᒃ ᐱᖓᓱᓂᒃ ᐊᑕᓂᐅᑉ ᓴᕕᒡᔪᐊᖓᓄᑦ, ᓄᓇᓕᒫᖅ ᖃᓂᒪᓇᕐᑐᒧᑦ ᑎᑭᑕᐅᓛᕐᐳᖅ, ᐊᑕᓂᐅᓪᓗ ᐂᖏᓕᖓ ᐂᖁᓪᓗᒍ ᐊᓯᕈᐃᔭᕐᑐᕐᓗᓂ ᓄᓇᓕᓕᒫᓄᑦ ᐃᓴᕆᐊᓕᒥᐅᓄᑦ.’ ᒫᓐᓇ ᐃᓱᒪᒃᓴᕐᓯᐅᕐᓗᑎᑦ ᑐᑭᑖᕐᑐᒃᓴᐅᕗᑎᑦ ᑭᐅᔪᓐᓇᖁᓪᓗᖓ ᑎᓕᔨᒋᓚᐅᕐᑕᓐᓄᑦ.”

¹³ ᑍᕕᑎ ᐅᖃᕐᐳᖅ ᒑᑦᒧᑦ, “ᕿᒃᓵᒻᒪᕆᓕᕐᐳᖓ; ᐊᑏ ᐊᑕᓂᐅᑉ ᐊᒡᒐᖏᑕ ᐊᑖᓄᐊᕐᓚᖓ, ᑖᑦᓱᒪ ᓈᒃᑭᒍᓱᖕᓂᖓ ᐊᖏᔫᖕᒪᑦ; ᐃᓅᓪᓕ ᐊᒡᒐᖏᑕ ᐊᑖᓄᐊᕐᑎᑦᑍᓕᓐᖓ.”

¹⁴ ᑕᕝᕙ ᐊᑕᓂᖅ ᑎᓕᓯᕗᖅ ᖃᓂᒪᓇᕐᑐᒥᒃ ᐃᓴᕆᐊᓕᒥᐅᓄᑦ; ᑕᒪᑐᒧᖓᓗ 70,000 ᐃᓴᕆᐊᓕᒥᐅᑦ ᑐᖁᕗᑦ.

¹⁵ ᒎᑎᓗ ᐂᖏᓕᒥᒃ ᑎᓕᓯᕗᖅ ᔨᕉᓴᓕᒥᒃ ᐊᓯᕈᐃᖁᓪᓗᒍ; ᐊᓯᕈᐃᒋᐊᑐᐃᓐᓇᕆᐊᖃᓕᕐᑎᓪᓗᒍᓕ, ᐊᑕᓂᖅ ᑕᑯᒐᒥ, ᐱᓂᐊᕐᓂᕆᓂᐊᕐᑕᒥᓂᒃ ᓴᖑᑎᑦᓯᕗᖅ; ᐂᖏᓕᓗ ᑐᖁᕅᔪᖅ ᐅᖃᐅᑎᕚ, “ᓄᖅᑲᕆᑦ ᑍᒪᑲᓚᐅᖅ.” ᐊᑕᓂᐅᓪᓗ ᐂᖏᓕᖓ ᓇᖏᕐᐳᖅ ᐃᕖᔧᕕᐅᑉ ᓇᑎᖓᑕ ᓴᓂᐊᓂ ᐅᐊᕐᓇᓐᒥ ᔨᐳᓮᑎᒥ.

¹⁶ ᑍᕕᑎᓗ ᖁᒻᒧᑦ ᑕᑯᓴᕋᒥ ᐊᑕᓂᐅᑉ ᐂᖏᓕᖓ ᑕᑯᕚ ᓯᓔᓐᓇᕐᒦᑦᑐᖅ ᓄᓇᕐᔪᐊᓪᓗ ᕿᓚᐅᓪᓗ ᐊᑯᓐᓂᖓᓂ, ᓴᕕᒡᔪᐊᕐᒥᒃ ᑎᒍᒥᐊᕐᓗᓂ ᐅᕐᓕᕐᑐᖅ ᔨᕉᓴᓕᒧᑦ. ᑕᕝᕙ ᑍᕕᑎ ᐊᖓᔪᖅᑳᓪᓗ, ᐊᓐᓄᕌᕐᓯᒪᓪᓗᑎᒃ ᐊᕐᔭᓕᓂᓕᖕᓂᒃ, ᒪᓂᖅᑲᒧᑦ ᐹᒻᒪᒃᐳᑦ ᓄᓇᒧᑦ ᐳᓪᓗᑎᒃ.

¹⁷ ᑍᕕᑎᓗ ᒎᑎᒧᑦ ᐅᖃᕐᐳᖅ, “ᐅᕙᖓᐅᓐᖏᓛᖅ ᑎᓕᓯᓚᐅᕐᑐᖅ ᐃᓄᐃᑦ ᓈᓴᕐᑕᐅᖁᓪᓗᒋᑦ? ᐅᕙᖓ ᑕᕝᕙ ᐊᔪᕐᑐᓕᓚᐅᕐᐳᖓ ᐱᐅᖏᑦᑐᓕᓪᓗᖓᓗ. ᐅᑯᐊᓕ ᓰᐲᑦ ᖃᓄᖅ ᐱᓂᐊᓚᐅᕐᐹᑦ? ᑐᒃᓯᐊᕐᐳᖓ ᐊᑕᓃᖅ ᒎᑎᒐ, ᐊᒡᒐᑎᑦ ᐅᕙᓐᓄᑦ ᑐᕌᖓᓚᐅᕐᓕᑦ ᐊᑖᑕᒪᓗ ᐃᓚᒋᔭᖏᓐᓄᑦ; ᐃᓄᖁᑎᑎᓪᓕ ᖃᓂᒪᓇᕐᑐᒧᑦ ᑎᑭᑕᐅᑎᓐᓂᐊᕐᓇᒋᑦ.”

¹⁸ ᑍᒤᒻᒪᑦ ᐊᑕᓂᐅᑉ ᐂᖏᓕᖓᑕ ᒑᑦ ᑎᓕᕚ ᐅᖃᖁᓪᓗᒍ ᑍᕕᑎᒧᑦ ᑍᕕᑎ ᑐᓂᕐᕈᓯᕐᕕᖕᒥᒃ ᓇᑉᐸᕐᓯᖁᓪᓗᒍ ᐊᑕᓂᕐᒧᑦ ᐅᐊᕐᓇᓂᐅᑉ ᔨᐳᓮᑎᐅᑉ ᓂᐊᖂᔭᒃᓴᓂᒃ ᐃᕖᔧᕕᖓᑕ ᓇᑎᖓᓂ.

¹⁹ ᑕᕝᕙ ᑍᕕᑎ ᑕᑉᐸᐅᖓ ᐂᕗᖅ ᒑᑦ ᐅᖃᐅᓯᖏᑦ ᒪᓕᒡᓗᒋᑦ, ᐅᖃᐅᓯᕆᓚᐅᕐᑕᖏᑦ ᐊᑕᓂᐅᑉ ᐊᑎᖓᓂ.

²⁰ ᐅᐊᕐᓇᓐᓗ ᕿᕕᐊᕋᒥ ᑕᑯᕗᖅ ᐂᖏᓕᒥᒃ; ᐃᕐᓂᖏᓪᓗ ᓯᑕᒪᑦ ᐱᖃᑎᒋᔭᖏᑦ ᐃᔨᕐᐳᑦ, ᐊᕋᐅᓇᓕ ᑲᔪᓯᕗᖅ ᓯᖃᓪᓕᓯᓪᓗᓂ ᓂᐊᖂᔭᒃᓴᒥᒃ.

²¹ ᑍᕕᑎᓕ ᐅᐊᕐᓇᓐᒧᑦ ᑎᑭᓕᕐᑎᓪᓗᒍ, ᐊᕋᐅᓇ ᑕᑯᓴᕋᒥ ᑕᑯᕗᖅ ᑍᕕᑎᒥᒃ ᐃᕖᔧᕕᐅᓪᓗ ᓇᑎᖓᓂᑦ ᐊᓂᓪᓗᓂ, ᐅᐱᒍᓱᖕᓂᕐᒧᑦ ᑍᕕᑎᐅᑉ ᓵᖓᓄᑦ ᐹᒻᒪᒃᐳᖅ ᒪᓂᖅᑲᒧᑦ ᐳᓪᓗᓂ.

²² ᑍᕕᑎᓗ ᐅᐊᕐᓇᓐᒧᑦ ᐅᖃᕐᐳᖅ, “ᐃᕖᔧᕕᐅᑉ ᓇᑎᖓᑕ ᐃᓚᖓᓂ ᐱᕕᒃᓴᖃᕐᑎᓚᐅᓐᖓ ᑐᓂᕐᕈᓯᕐᕕᓕᐅᖁᓪᓗᖓ ᐊᑕᓂᕐᒧᑦ; ᐊᑭᓖᑎᓪᓗᖓᓗ ᐃᓚᑰᖏᑦᑐᒥᒃ, ᖃᓂᒪᓇᕐᑐᖅ ᐲᕐᑕᐅᔪᓐᓇᖁᓪᓗᒍ ᐃᓄᖕᓂᑦ.”

²³ ᑕᕝᕙ ᐅᐊᕐᓇᓐ ᑍᕕᑎᒧᑦ ᐅᖃᕐᐳᖅ, “ᐱᑐᐃᓐᓇᓕᕈᒃ; ᐊᖓᔪᖅᑳᕐᔪᐊᕋ ᐊᑕᓂᕋ ᐱᓂᐊᓚᐅᕐᓕ ᐱᔪᒪᔭᒥᓂᒃ ᐱᐅᔫᓇᓱᒋᔭᒥᓂᒃ; ᑕᑯᒋᑦ, ᑐᓂᒃᑲᓐᓂᕐᐸᒋᑦ ᐊᖑᓴᓪᓗᕐᓂᒃ ᐆᑕᒃᓴᓂᒃ ᑐᓂᕐᕈᑎᒃᓴᐅᖁᓪᓗᒋᑦ, ᓯᖃᓪᓕᓯᕕᐅᓪᓗ ᐃᓚᒃᓴᖏᑦ ᕿᔪᐃᑦ ᓂᐊᖂᔭᒃᓮᑦ ᑐᓂᕐᕈᑎᒃᓴᐅᖁᓪᓗᒋᑦ; ᑕᒪᕐᒥᒃ ᑐᓂᕙᒃᑲ.”

²⁴ ᐊᖓᔪᖅᑳᕐᔪᐊᕐᓕ ᑍᕕᑎ ᐅᖃᕐᐳᖅ ᐅᐊᕐᓇᓐᒧᑦ, “ᑍᒫᖑᓐᖏᓚᖅ, ᓂᐅᕕᐊᕆᔪᒪᕙᕋ ᐊᑭᖓᓂᒃ ᐃᓗᐃᑦᑐᒥᒃ ᐊᑭᓕᕐᓗᒍ; ᐱᖁᑎᖕᓂᒃ ᑎᒍᓯᔪᒪᓐᖏᓚᖓ ᐊᑕᓂᕐᒧᑦ ᑐᓂᓂᐊᕐᑕᓐᓂᒃ, ᐅᕝᕙᓗ ᑐᓂᕐᕈᑎᒃᓴᒥ ᐆᑕᒃᓴᓂᒃ ᑐᓂᓯᔪᒪᓐᖏᓚᖓ ᐊᑭᓕᓚᐅᓐᖏᑕᓐᓂᒃ.”

²⁵ ᑕᕝᕙ ᑍᕕᑎ ᐅᐊᕐᓇᓐᒧᑦ ᐊᑭᓖᕗᖅ ᒎᓗᒥᒃ 600ᓂᒃ ᓵᑯᓂᒃ ᐅᖁᒤᑎᒋᔪᓂᒃ.

²⁶ ᑕᕝᕙᓂᓗ ᑍᕕᑎ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᑐᓂᕐᕈᓯᕐᓗᓂᓗ ᐆᑕᒃᓴᓂᒃ ᓮᒻᒪᖃᑎᒌᒍᑎᒃᓴᒥᒡᓗ, ᐊᑕᓂᕐᒧᓪᓗ ᑐᒃᓯᐊᕐᐳᖅ, ᑖᑦᓱᒪᓗ ᑭᐅᕚ ᐃᑯᒪᒧᑦ ᕿᓚᖕᒥᑦ ᑲᑕᒃᑐᒧᑦ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᑐᓂᕐᕈᑎᒃᓮᑦ ᐃᑯᐊᓪᓚᒃᑎᑉᐰᑦ.

²⁷ ᐊᑕᓂᐅᓪᓗ ᐂᖏᓕ ᐅᖃᐅᑎᖕᒪᒍ, ᓴᕕᒡᔪᐊᓂ ᐃᓕᕚ ᐴᖓᓄᑦ.

²⁸ ᑍᑦᓱᒪᓂᐅᑎᓪᓗᒍ, ᑍᕕᑎ ᑕᑯᒐᒥ ᐊᑕᓂᐅᑉ ᑭᐅᓂᖓᓂᒃ ᐅᐊᕐᓇᓂᐅᑉ ᔨᐳᓮᑎᒥᐅᑉ ᐃᕖᔧᕕᖁᑎᖓᑕ ᓇᑎᖓᓂ, ᑕᕝᕙᓂ ᑐᓂᕐᕈᓯᕐᐳᖅ.

²⁹ ᐊᑕᓂᐅᑉ ᑐᐱᖓ ᑐᓂᕐᕈᓯᕐᕕᒃ ᐆᑕᒃᓴᓄᑦ, ᒨᓯᓯᐅᑉ ᓴᓇᓚᐅᕐᑕᖓ ᐃᓄᖃᔪᐃᑦᑐᒥ, ᐃᑯᐊᓚᑦᓯᓗᓂᓗ ᑐᓂᕐᕈᓯᕐᕕᒃ ᑍᑦᓱᒪᓂᐅᑎᓪᓗᒍ ᓇᑉᐸᕐᑕᐅᓯᒪᓚᐅᕐᒪᑦ ᒋᐱᐅᓂᒥ.

³⁰ ᑍᕕᑎᓕ ᑍᑯᓐᖓᕈᓐᓇᓚᐅᓐᖏᓚᖅ ᒎᑎᒥᒃ ᐊᐱᕐᓱᕆᐊᕐᑐᕐᓗᓂ, ᑲᑉᐱᐊᓱᓚᐅᕋᒥ ᐊᑕᓂᐅᑉ ᐂᖏᓕᖓᑕ ᓴᕕᒡᔪᐊᖓᓂᒃ.