ᑯᕉᓂᑲ ᓯᕗᓪᓖᑦ 14 - ᐊᒡᓔᑦ ᐃᑦᔪᕐᖕᓁᑦᑐᑦ

ᑍᕕᑎᐅᑉ ᐃᓂᑖᕐᓂᖓ ᔨᕉᓴᓕᒥ

¹ ᐊᖓᔪᖅᑳᕐᔪᐊᕐᓗ ᕼᐅᕋᒻ ᑍᕆᒥᐅᑕᖅ ᑎᓕᓯᕗᖅ ᐅᖃᕆᐊᕐᑐᕐᑐᓂᒃ ᑍᕕᑎᒧᑦ, ᓇᐹᕐᑐᓂᒡᓗ ᓰᑕᕆᓂᒃ, ᐅᔭᕋᓕᕆᔨᓂᒡᓗ ᕿᔪᓕᕆᔨᓂᒡᓗ ᑍᕕᑎᒥᒃ ᐃᒡᓗᓕᐅᕐᑐᒃᓴᓂᒃ ᑎᓕᓯᒋᓪᓗᓂ.

² ᑍᕕᑎᓗ ᖃᐅᔨᓕᕐᐳᖅ ᐊᑕᓂᐅᑉ ᐱᒋᐊᕐᑎᒻᒪᒍ ᐊᖓᔪᖅᑳᕐᔪᐊᖑᓂᖓ ᐃᓴᕆᐊᓕᒥᐅᓄᑦ, ᐊᖓᔪᖅᑳᕐᔪᐊᖑᕕᖓᓗ ᐊᖏᔪᕈᕐᑎᑕᐅᖕᒪᑦ ᐃᓴᕆᐊᓕᐅᑉ ᐃᓄᖏᑦ ᐱᑦᔪᑎᒋᓪᓗᒋᑦ.

³ ᑍᕕᑎᓗ ᓄᓕᐊᕐᑖᒃᑲᓐᓂᕐᐳᖅ ᔨᕉᓴᓕᒥ, ᐃᕐᓂᕐᑖᒃᑲᓐᓂᕐᓗᓂᓗ ᐸᓂᒃᑖᒃᑲᓐᓂᕐᐳᖅ.

⁴ ᐅᑯᐊ ᑕᕝᕙ ᕿᑐᕐᖓᕐᑖᖏᑦ ᔨᕉᓴᓕᒥ: ᓵᒧᐊ, ᓲᐸᑉ, ᓁᑕᓂ, ᓲᓗᒨᓂ,

⁵ ᐃᑉᕼᐊᕐ, ᐃᓔᓱ-ᐊ, ᐃᐅᓪᐱᓕᑦ,

⁶ ᓅᒐ, ᓂᕕᒡ, ᔮᐱᐊ,

⁷ ᐃᓕᓴᒪ, ᐲᓔᐊᑕ, ᐃᓕᕕᓕᓪᓗ.

ᓵᓚᖃᕐᓃᑦ ᐱᓕᔅᑎᐊᒥᐅᓂᒃ

⁸ ᐱᓕᔅᑍᓂᒥᐅᑦ ᑐᓴᕋᒥᒃ ᑍᕕᑎ ᐅᕐᓱᕐᑎᕐᑕᐅᓪᓗᓂ ᐊᖓᔪᖅᑳᕐᔪᐊᓐᖑᕐᑎᑕᐅᓂᖓᓂᒃ ᐃᓴᕆᐊᓕᒥᐅᓕᒫᓄᑦ, ᐅᓇᑕᕐᑐᒃᓴᖁᑎᒥᖕᓂᒃ ᑎᓕᓯᕗᑦ ᑍᕕᑎᒥᒃ ᕿᓂᕆᐊᖁᓪᓗᒋᑦ; ᑍᕕᑎᓗ ᑐᓴᕋᒥ ᐅᓇᑕᕆᐊᓕᕐᐰᑦ.

⁹ ᐱᓕᔅᑍᓂᒥᐅᓪᓕ ᓇᕐᓴᒧᑦ ᕆᐰᒻᒧᑦ ᑎᑭᓐᓇᒥᒃ ᐊᕐᓵᕐᑎᕆᕗᑦ ᓇᔪᓕᕐᓗᒍᓗ.

¹⁰ ᑍᕕᑎᐅᑉ ᒎᑎ ᐊᐱᕆᕚ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ? ᑖᒃᑯᓂᖓ ᓵᓚᖃᕐᑎᓐᓂᐊᕐᐱᖔ?” ᐊᑕᓂᐅᓪᓗ ᐅᖃᐅᑎᕚ, “ᒪᔪᐊᓕᕆᑦ ᐅᓇᑕᕆᐊᕐᓗᑎᑦ, ᓵᓚᖃᕐᑎᓐᓂᐊᕐᐸᒋᑦ!”

¹¹ ᑍᕕᑎᓗ ᒪᔪᐊᕐᐳᖅ ᐰᓕ-ᐱᕋᓯᒻᒧᑦ, ᑕᕝᕙᓂᓗ ᓵᓚᒋᕔᑦ; ᑍᕕᑎᓗ ᐅᖃᕐᐳᖅ, “ᒎᑎ ᓱᕅᕗᖅ ᐊᑭᕋᑦᑎᓐᓂᒃ ᐊᖅᑯᑎᒋᓪᓗᑕ, ᑰᒃᑐᑦ ᓱᐱᔪᑐᑦ.” ᑍᒤᒻᒪᑦ ᑖᓐᓇ ᓄᓇ ᑍᔭᐅᓕᕐᐳᖅ ᐰᓕ-ᐱᕋᔨᒻᒥᒃ.

¹² ᒎᑎᓐᖑᐊᒥᓂᒃ ᑕᕝᕗᖓ ᕿᒤᖕᒪᑕ, ᑍᕕᑎᓗ ᑎᓕᓯᕗᖅ, ᑖᒃᑯᐊᓗ ᐃᑭᑕᐅᕗᑦ.

¹³ ᑭᖑᓂᐊᒍᑦ ᐱᓕᔅᑍᓂᒥᐅᑦ ᐅᑎᓚᐅᕆᕗᑦ ᓇᕐᓴᒧᑦ ᐊᕐᓵᕐᑎᕆᓕᕐᓗᑎᒡᓗ.

¹⁴ ᑍᕕᑎᐅᓪᓗ ᒎᑎ ᐊᐱᕆᒃᑲᓐᓂᕐᒪᒍ, ᒎᑎᐅᑉ ᐅᖃᐅᑎᕚ, “ᒪᓕᒡᓗᒋᑦ ᐅᓇᑕᕆᐊᕐᑍᓕᒃᑭᑦ; ᑬᕙᓪᓚᒡᓗᒋᓪᓕ ᐅᓇᑕᕆᐊᓕᕐᓯᐅᒃ ᑐᓄᐊᓂᑦ, ᓇᐹᕐᑐᓂ ᐸᐅᕐᖓᓕᖕᓂ.

¹⁵ ᑐᓴᑐᐊᕈᑦᓯ ᐱᓱᒡᕙᓗᒃᑐᓂᒃ ᓇᐹᕐᑐᑎᒍᑦ ᐸᐅᕐᖓᓕᒃᑎᒍᑦ, ᐅᓇᑕᕆᐊᕐᓂᐊᕐᐳᓯ; ᒎᑎᐅᑉ ᓯᕗᓪᓕᐅᓗᓂ ᐱᓕᔅᑍᓂᒥᐅᑉ ᐅᓇᑕᕐᑐᒃᓴᖏᑦ ᓱᒋᐊᕐᓂᐊᕐᒪᒋᑦ.”

¹⁶ ᑍᕕᑎᓗ ᑍᒫᒃ ᐱᓇᓱᐊᓚᐅᕐᐳᖅ ᒎᑎᐅᑉ ᐱᖁᔭᖓᓂᒃ, ᐱᓕᔅᑍᓂᒥᐅᓪᓗ ᐅᓇᑕᕐᑐᒃᓴᖏᑦ ᓵᓚᒋᓚᐅᕐᐰᑦ ᒋᐱᐅᓂᒥᑦ ᒋᔨᕆᒧᑦ ᑎᑭᓪᓗᒋᑦ.

¹⁷ ᑍᕕᑎᓗ ᖃᐅᔨᔭᐅᕙᓪᓕᐊᓕᕐᐳᖅ ᓄᓇᓕᓕᒫᓄᑦ, ᐊᑕᓂᐅᓪᓗ ᐃᓅᖃᑎᒌᒡᔪᐊᑦ ᓯᕘᕋᓕᕐᑎᑉᐰ ᑖᑦᓱᒥᖓ.