ᑯᕉᓂᑲ ᓯᕗᓪᓖᑦ 13 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᖏᖃᑎᒌᖕᓂᐅᑉ ᐃᒃᓯᕐᕕᖓᑕ ᔨᕉᓴᓕᒧᐊᕐᑕᐅᓂᖓ

¹ ᑕᕝᕙ ᑍᕕᑎ ᐅᖃᖃᑎᖃᓚᐅᕐᐳᖅ ᐊᖓᔪᖅᑲᐅᔪᓄᑦ ᑕᐅᓴᓐᑎᓄᑦ 100ᓄᓪᓗ, ᓯᕗᓕᕐᑎᓕᒫᓄᓪᓗ.

² ᑍᕕᑎᓗ ᐅᖃᕐᐳᖅ ᑲᑎᒪᔪᓄᑦ ᐃᓴᕆᐊᓕᒥᐅᓕᒫᓄᑦ, “ᐃᓕᑦᓯᓐᓄᑦ ᓈᒻᒪᒋᔭᐅᒃᐸᑦ, ᐊᑕᓂᐅᓪᓗ ᒎᑎᑦᑕ ᓈᒻᒪᒋᒃᐸᒍ, ᑎᓕᓯᓚᐅᕐᑕ ᖃᑕᓐᖑᑎᑦᑎᓐᓂᒃ ᐃᓴᕆᐊᓕᒥᐅᓕᒫᑦ ᓄᓇᖓᓄᑦ, ᑐᓂᕐᕈᓯᕐᑎᑦᓯᔩᓪᓗ ᓕᕔᑏᓪᓗ ᐃᒡᓗᒐᓴᖕᓃᑦᑐᑦ ᓄᓇᑐᐃᓐᓇᒦᑦᑐᓪᓗ ᓂᕿᒃᓴᓕᖕᒥ ᑲᑎᖃᑕᐅᖁᓗᒋᑦ ᐅᕙᑦᑎᓐᓄᑦ;

³ ᒎᑎᑦᑕ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐅᑎᕐᑎᓚᐅᕐᓚᕗᑦ; ᑲᒪᒋᔪᓐᓃᓚᐅᕋᑦᑎᒍᑦ ᓴᐅᓕ ᐃᓅᑎᓪᓗᒍ.”

⁴ ᑲᑎᒪᔪᓕᒫᑦ ᐊᖏᖃᑕᐅᕗᑦ ᑍᒤᑦᓱᒪᓪᓗᑎᒃ, ᑕᒪᓐᓇ ᓈᒻᒪᒋᔭᐅᓚᐅᕐᐳᖅ ᐃᓄᓕᒫᓄᑦ.

⁵ ᑕᕝᕙ ᑍᕕᑎᐅᑉ ᐃᓴᕆᐊᓕᒥᐅᓕᒫᑦ ᑲᑎᑎᑉᐰᑦ ᓮᕼᐅᕆ ᐄᑦᔨᑉᑎᒥᑦ ᐱᒋᐊᕐᓗᒋᑦ ᕼᐊᒫᑎ ᐃᑎᕆᐊᕐᕕᖕᒧᑦ ᑎᑭᓪᓗᒍ, ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐅᑎᕐᑎᑕᐅᖁᓪᓗᒍ ᑭᕆᐊᑦ-ᔨᕆᒻᒥᑦ.

⁶ ᑍᕕᑎᐅᓪᓗ ᐃᓴᕆᐊᓕᒥᐅᒫᑦ ᐹᓚᒧᐊᖃᑎᒋᕔᑦ, ᑕᕝᕗᖓ ᑭᕆᐊᑦ-ᔨᕆᒻᒧᑦ ᔫᑕᐅᑉ ᓄᓇᖓᓃᑦᑐᒧᑦ, ᑕᕝᕙᓐᖓᑦ ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐂᓪᓗᒍ, ᑍᔭᐅᔪᖅ ᐊᑕᓂᐅᑉ ᐊᑎᖓ ᐃᒃᓯᕙᐅᑕᕐᔪᐊᖃᕐᐳᖅ ᓯᕋᐱᐅᑉ ᖁᓛᓂ.

⁷ ᒎᑎᐅᓪᓗ ᐃᒃᓯᕐᕕᖁᑎᖓ ᐅᓯᕚᑦ ᐊᒃᓴᓗᐊᓕᖕᒧᑦ ᓄᑖᒧᑦ, ᐊᐱᓇᑕᐅᑉ ᐃᒡᓗᖓᓂᑦ, ᐆᔭᐅᓪᓗ ᐊᕼᐂᐅᓪᓗ ᐊᒃᓴᓗᐊᓕᒃ ᐊᐅᓚᑉᐹᒃ.

⁸ ᑍᕕᑎᒃᑯᑦ ᐃᓴᕆᐊᓕᒥᐅᓕᒫᓪᓗ ᖁᕕᐊᓱᒃᑐᐊᓘᓪᓗᑎᒃ ᑖᓂᓯᓚᐅᕐᐳᑦ ᒎᑎᐅᑉ ᓵᖓᓂ ᐱᔪᓐᓇᕐᓂᓕᒫᑎᒃ ᐊᑐᕐᓗᒋᑦ, ᐃᓐᖏᕐᓗᑎᒃ ᕼᐊᕐᐱᓄᑦ ᑯᑭᑦᑕᐸᐅᑎᓄᓪᓗ ᕿᓚᐅᑎᓄᑦ ᓯᕙᓂᐅᑎᓄᓪᓗ ᑎᑦᑐᓚᐅᑎᓄᓪᓗ.

⁹ ᓮᑐᓂᐅᓪᓗ ᐃᕖᔧᕕᐊᑕ ᓇᑎᖓᓄᑦ ᑎᑭᓐᓇᒥᒃ, ᐆᔭᐅᑉ ᐊᒡᒐᒥᓄᑦ ᐃᒃᓯᕐᕕᒃ ᐊᒃᑐᕐᐹ, ᐊᖑᓴᓪᓗᐃᑦ ᐅᓂᐊᕐᑐᑦ ᐹᓪᓚᑲᓪᓚᖕᒪᑕ.

¹⁰ ᑕᕝᕙ ᐊᑕᓂᐅᑉ ᓂᓐᖓᐅᑎᕚ ᐆᔭ; ᐊᓐᓇᐅᕚᓗ ᐊᒡᒐᖏᑦ ᐊᔭᑉᐸᖕᒪᑕ ᐃᒃᓯᕕᖁᑎᖓᓄᑦ; ᑕᕝᕙᓂᓗ ᑐᒃᑯᕗᖅ ᒎᑎᑉ ᓵᖓᓂ.

¹¹ ᑍᕕᑎᓗ ᓂᓐᖓᒃᐳᖅ ᐊᑕᓂᐅᑉ ᐱᓂᐊᕐᓂᖓᓂᒃ ᐆᔭᒧᑦ; ᑖᓐᓇᓗ ᓇᔪᕐᑕᖓᑦ ᑍᔭᐅᓕᕐᐳᖅ ᐱᕆᔾ-ᐆᔭᒥᒃ ᐅᓪᓗᒥᒧᑦ ᑎᑭᓪᓗᒍ.

¹² ᑍᕕᑎᓗ ᑎᒥᒃ ᑲᑉᐱᐊᓱᓕᕐᐳᖅ ᐅᓪᓗᒥ ᑕᕝᕙᓂ; ᐅᖃᕐᓗᓂᓗ, “ᖃᓄᕐᓕ ᒎᑎᐅᑉ ᐃᒃᓯᕐᕕᖁᑎᖓ ᐊᓐᖏᕐᕋᐅᑎᔪᓐᓇᕐᐸᕌ?”

¹³ ᑍᒤᒻᒪᑦ ᑍᕕᑎᐅᑉ ᐃᒃᓯᕐᕕᒃ ᐊᖏᕐᕋᐅᑎᓚᐅᓐᖏᓛ ᑍᕕᑎᐅᑉ ᐃᒡᓗᒐᓴᖏᓐᓄᑦ, ᕿᒪᒃᐹᓕ ᐅᐱᑦ-ᐄᑕᒥᒃᑯᓐᓄᑦ ᒋᑍᑎᒥᐅᓄᑦ.

¹⁴ ᒎᑎᐅᓪᓗ ᐃᒃᓯᕐᕕᖁᑎᖓ ᐅᐱᑦ-ᐄᑕᒻᑯᑦ ᐃᒡᓗᖓᓃᓚᐅᕐᐳᖅ ᑕᖅᑭᓂᒃ ᐱᖓᓱᓂᒃ; ᐊᑕᓂᐅᓪᓗ ᐅᐱᑦ-ᐄᑕᒻᑯᑦ ᐃᒡᓗᖓᑦ ᓮᒻᒪᕐᑎᑉᐹ ᐱᖁᑎᓕᒫᖏᓪᓗ.