SALMOAK 54 - Elizen Arteko Biblia (Biblia en Euskara Traducción Interconfesional)

54. (53.) SALMOA Eraso larrian Jainko babesleari oihu

¹ Koru-zuzendariarentzat. Harizko musika-tresnaz. Daviden poema.

² Zifdarrak David beraien artean ezkutatua zela Sauli esatera joan zirenekoa .

³ Salba nazazu, ene Jainko, zarena zarelako! Defenda nazazu zeure ahalmenaz!

⁴ Entzun, ene Jainko, nire otoitza, makur belarria nire eskarietara.

⁵ Arrotzek eraso baitidate, gogorkeria-zaleak ni hil nahian dabiltza, Jainkoaren ardurarik gabe.

⁶ Baina nik Jainkoa dut lagun, Jauna biziaren benetako babes.

⁷ Bihur beza gaitza nire etsaiengana! Honda bitza zeharo, bere maitasunagatik!

⁸ Sakrifizioak eskainiko dizkizut bihotz-bihotzez, goretsi egingo zaitut, Jauna, ona zarelako.

⁹ Larrialdi guztietatik libratu nau Jaunak, eta etsaien porrotaz alaitzen naiz.