SALMOAK 47 - Elizen Arteko Biblia (Biblia en Euskara Traducción Interconfesional)

47. (46.) SALMOA Munduaren eta Israelen erregeari gorazarrea

¹ Koru-zuzendariarentzat. Koreren semeen salmoa.

² Herri guztiok, egin txalo, egin pozez oihu eta irrintzi Jainkoari.

³ Izugarria baita Jauna, Goi-goikoa, mundu osoaren errege handia.

⁴ Herriak menpean ipintzen dizkigu, nazioak oinpean jartzen.

⁵ Guretzat lurralde bat aukeratu du, bere maitea duen Jakoben harrotzeko bide.

⁶ Irrintzi artean igo da Jainkoa, turuta-soinuz Jauna.

⁷ Kanta Jainkoari, kanta! Kanta gure erregeari, kanta!

⁸ Jainkoa mundu osoaren errege: kanta hari trebeki!

⁹ Jainkoa nazioen errege da, bere tronu santuan eseria dago.

¹⁰ Herrietako printzeak elkartu zaizkio Abrahamen Jainkoaren herriari, munduko ahaltsuak Jainkoarenak baitira. Bera guztien gainetik garai!