SALMOAK 29 - Elizen Arteko Biblia (Biblia en Euskara Traducción Interconfesional)

29. (28.) SALMOA Ekaitzean ahaltsu ageri den Jaunari gorazarrea

¹ Davidena. Goretsi Jauna, zeruko izakiok, goretsi Jaunaren ospea eta indarra,

² goretsi Jaunaren izen ospetsua! Ahuspeztu Jaunaren aurrean, bere santutasunez agertzean!

³ Jaunaren ahotsak ur gainean durunda: Jainko aintzatsuak trumoia jo du. Jauna ur handien gainean garai.

⁴ Jaunaren ahotsa indartsu, Jaunaren ahotsa arrandiatsu.

⁵ Jaunaren ahotsak zedroak ditu apurtzen, Jaunak Libanoko zedroak txikitzen.

⁷ Jaunaren ahotsak ditu tximistez zartatzen.

⁶ Zekorren antzera salto eragiten die Libanoko mendiei, bufalokumearen antzera Sirion mendiari.

⁸ Jaunaren ahotsak basamortua du dardararazten, Jaunak Kadex basamortua dardararazten.

⁹ Jaunaren ahotsak arteak bihurritzen, basoak zuritzen. Haren zeruko tenpluan denek oihu: «Gora!»

¹⁰ Jauna eseria dago ur handien gainetik, Jauna tronuan eseria, betiko errege.

¹¹ Jaunak bere herria indar dezala! Jaunak bere herria bakeaz bedeinka dezala!