SALMOAK 138 - Elizen Arteko Biblia (Biblia en Euskara Traducción Interconfesional)

138. (137.) SALMOA Jainko salbatzaileari esker oneko kanta

¹ Davidena. Eskerrak ematen dizkizut, Jauna, bihotz-bihotzez, beste jainkoen aurrean zu kantuz ospatzen.

² Zure tenplu santura begira ahuspezten naiz, zuri eskerrak emanez: zeure maitasun eta leialtasunaz, paregabe handi egin dituzu zeure izena eta promesa.

³ Dei egin nizunean, entzun egin zenidan, bihotzean kemena bizkortu.

⁴ Eskerrak emango dizkizute, Jauna, munduko errege guztiek, zure promesaren berri jakitean.

⁵ Zure nagusigoa dela eta, kantatuko dute: «Handia da Jaunaren ospea!»

⁶ Bai, gorena da Jauna, baina apalari arretaz dio begiratzen; harroari, berriz, urrutitik igartzen.

⁷ Arriskuz inguraturik aurkitzean, babestu nire bizia etsai amorratuengandik, luzatu eskua eta salba nazazu.

⁸ Dena egingo du Jaunak nire alde. Jauna, zure maitasuna betikoa! Ez utzi bertan behera hasi duzun lana.