SALMOAK 130 - Elizen Arteko Biblia (Biblia en Euskara Traducción Interconfesional)

130. (129.) SALMOA Barru-barrutik Jaunari dei barkamen eske

¹ Erromes-kanta. Barru-barrutik egiten dizut dei, Jauna:

² Entzun, Jauna, nire mintzoa! Beude erne zure belarriak nire erregu-oihura.

³ Erruak kontuan badituzu, Jauna, oi Jauna, nork iraun bizirik?

⁴ Baina zuri barkamena dagokizu eta, barkatuz, zeureganako begirunea pizten diguzu.

⁵ Jaunaren zain nago, zain bihotz-bihotzez, haren erantzuna dut itxaro.

⁶ Jaunaren esperoan nago, gau osoan esna, goiza arte beilari.

⁷ Izan beza Israelek itxaropen Jaunarengan, Jaunarena baita maitasuna, Jaunarena askapen betea.

⁸ Berak askatuko du Israel erru guztietatik.