SALMOAK 125 - Elizen Arteko Biblia (Biblia en Euskara Traducción Interconfesional)

125. (124.) SALMOA Jaunak bereak gaitzetik gorde

¹ Erromes-kanta. Jaunarengan konfiantza dutenak Sion mendiaren antzeko dira; Jerusalemen errege denak ez du sekula kolokarik egingo.

² Nola mendiek Jerusalem, hala du Jaunak bere herria inguratzen, oraindanik eta betiko.

³ Gaiztoen aginpideak ez du iraungo Jaunak zintzoei emandako lurraldean, zintzoak ere has ez daitezen bidegabekeria egiten.

⁴ Jauna, egiezu on zintzoei, bihotz zuzenekoei.

⁵ Bide okerretara makurtzen direnak, berriz, desagerraraz bitza Jaunak gaizkileekin batera! Bakea Israeli!