JOB 26 - Elizen Arteko Biblia (Biblia en Euskara Traducción Interconfesional)

Jainkoaren egintzak

⁵ «Han behean, itsasoaren eta bertako bizidunen azpian, dar-dar egiten dute hildakoek.

⁶ Hildakoen Egoitza agerian dago Jainkoaren aurrean, Hondamen Leizea estalkirik gabe.

⁷ Berak hedatzen du zeru-sabaia hutsaren gainean, lurra ezerezaren gain zintzilikatzen;

⁸ ura hodeietan pilatu eta hodeiak ez dira pisuaz lehertzen;

⁹ ilargi betearen aurpegia iluntzen du, haren gain bere hodeia hedatuz;

¹⁰ zirkulua ezarri du itsas mugan, argia eta iluntasuna bereizteko.

¹¹ Mendiak, haren mehatxuaz izutu egiten dira, zeruko zutabeak dardarka hasten.

¹² Bere indarraz Ozeanoa menderatzen du, bere adimenaz Rahab munstroa suntsitzen;

¹³ hark putz egin eta zerua garbi uzten du, haren eskuak herensuge iheslaria aldez alde zulatzen.

¹⁴ Eta hauek haren egintzen adibide kaskar baizik ez badira, haren jardueraren oihartzun motel besterik ez, nork ulertuko du haren egintza handienen burrundara?»

Job

¹ Jobek erantzun zuen:

Bildadek alferrik hitz egin

² «Zein ederki laguntzen diozun ahulari eta eusten indargabeko besoei!

³ Zein aholku ederrak ezjakinarentzat; hori trebetasuna erakusten duzuna!

⁴ Noren laguntzaz esan dituzu zeure hitzak? Nork bultzatu zaitu horrela hitz egitera?»