2 KRONIKAK 27 - Elizen Arteko Biblia (Biblia en Euskara Traducción Interconfesional)

Jotamen erregealdia

¹ Hogeita bost urte zituen Jotamek errege izaten hastean, eta hamasei urtez izan zen errege Jerusalemen. Haren amak Jeruxa zuen izena eta Tzadoken alaba zen.

² Jaunari atsegin zaiona egin zuen, beraren aita Uziasek bezala, baina ez zen tenpluan sartu. Hala ere, herria okerbideratua zebilen.

³ Jotamek egin zuen Jaunaren etxeko ate garaia; eta beste lan asko ere bai Ofel zeritzan auzategiko harresian.

⁴ Hiriak eraiki zituen Judako mendialdean, gotorleku eta dorreak ere bai oihanetan.

⁵ Amondarren erregeari eraso eta nagusitu egin zitzaion; urte hartan eta hurrengo bietan amondarrek zerga handia ordaindu behar izan zioten: hiru tona zilar, hiru mila tona gari eta beste horrenbeste garagar.

⁶ Jotam indartsu egin zen, Jaunaren, bere Jainkoaren, aurrean jokabide zuzena zeramalako.

⁷ Jotamen gainerako jarduerak, egin zituen gerrak eta beste egintzak «Judako eta Israelgo Erregeen Liburuan» daude idatziak.

⁸ Hogeita bost urte zituen errege izaten hastean, eta hamasei urtez izan zen errege Jerusalemen.

⁹ Hil zenean, Daviden hirian ehortzi zuten Jotam. Ondorengo erregea haren seme Akaz izan zen.