SALMOAK 23 - Elizen Arteko Biblia (Biblia en Euskara Traducción Interconfesional)

23. (22.) SALMOA Uste oneko otoitza

¹ Daviden salmoa. Jauna dut artzain: ez zait ezer falta.

² Larre guritan etzanarazten nau, ur baretara eramaten,

³ eta indarrak berritzen; bide egokitik narama, leiala delako.

⁴ Ibar beltz-ilunetan banabil ere, ez dut inolako gaitzen beldurrik, zu nirekin baitzaude: zure artzain-makilak lasaitzen nau.

⁵ Zuk atontzen didazu mahaia etsaien begi aurrean, ukenduz gantzutzen didazu burua; gainezka dut kopa.

⁶ Bai, zorionak eta leialtasunak inguratuko naute bizitzako egun guztietan; Jaunaren etxean biziko naiz amaigabeko egunetan.