རོམ་མི་ལེའུ་ 13 - རྫོང་ཁ་

གཞུང་གི་འགོ་དཔོན་ལུ་ཞེ་ས་འབད་དགོ་པའི་སྐོར།

¹ མི་ག་ར་གིས་ གཞུང་གི་འགོ་དཔོན་ཚུ་གི་བཀའ་ལུ་ཉན་བཅུག་ ག་ཅི་སྨོ་ཟེར་བ་ཅིན་ དཀོན་མཆོག་གི་གནང་མི་དབང་ཚད་མ་གཏོགས་ གཞན་ག་ནི་ཡང་མེད་ དཔོན་སྦེ་ཡོད་མི་ ཁོང་ག་ར་ལུ་ དཀོན་མཆོག་གིས་དཔོན་གྱི་གོ་གནས་གནང་གནངམ་ཨིན།

² དེ་འབདཝ་ལས་བརྟེན་ཏེ་ གཞུང་གི་འགོ་དཔོན་ཚུ་གི་བཀའ་ལུ་མ་ཉན་པར་ ངོ་རྒོལ་འབད་མི་འདི་གིས་ དབང་ཚད་གནང་མི་དཀོན་མཆོག་ལུ་ཡང་ངོ་རྒོལ་འབདཝ་ཨིན་ དེ་སྦེ་འབད་མི་ཚུ་གིས་ ཁྲིམས་དེ་ལོག་སྟེ་ཁོང་རང་གི་གུ་འོངམ་ཨིན།

³ ལེགས་ཤོམ་འབད་མི་ཚུ་ལུ་ འགོ་དཔོན་ཚུ་གིས་འདྲོགས་མི་བཅུག་ དེ་འབདཝ་ད་ ལཱ་ཟོགཔོ་འབད་མི་ཚུ་གིས་ ཁོང་འགོ་དཔོན་ཚུ་བལྟ་སྟེ་འདྲོག་དགོ་ དེ་གིས་འབད་ ག་ར་འབད་རུང་ གཞུང་གི་འགོ་དཔོན་ཚུ་བལྟ་སྟེ་ མ་འདྲོག་པར་སྡོད་དགོ་པ་ཅིན་ ལེགས་ཤོམ་འབད་དེ་སྡོད་ དེ་ལས་ཁོང་གིས་ཁྱོད་ལུ་བསྟོད་པ་རྐྱབས་འོང་།

⁴ ཁྱོད་ལུ་རོགས་རམ་བྱིན་ནིའི་དོན་ལུ་ དཀོན་མཆོག་གིས་འགོ་དཔོན་ཚུ་གནང་ཡི་ ག་ར་འབད་རུང་ ལཱ་ཟོགཔོ་འབད་བ་ཅིན་ ཁོང་འགོ་དཔོན་ཚུ་བལྟ་སྟེ་འདྲོག་དགོ་ ག་ཅི་སྨོ་ཟེར་བ་ཅིན་ ཁོང་གིས་དཔའ་རྟགས་གཏགས་ནི་དོན་དག་གཅིག་ཡོད་ དེ་འབདཝ་ལས་ ཟོགཔོ་འབད་མི་ཚུ་ལུ་ དཀོན་མཆོག་གི་ཐོག་ལས་ཁྲིམས་གཏང་ནི་སྦེ་ འགོ་དཔོན་ཚུ་ལུ་རྩིས་ལེན་ནི་གི་དབང་ཚད་ཐོབ་སྟེ་ ཁོང་དཀོན་མཆོག་གི་ཕྱག་ཞུཝ་ཨིན།

⁵ དེ་གིས་འབད་ དཀོན་མཆོག་གི་ཐོག་ལས་ཁྲིམས་གཏང་འོང་ཟེར་མནོ་སྟེ་རྐྱངམ་གཅིག་མེན་པར་ ཁོང་གི་བཀའ་ལུ་ཉནམ་ད་ འཛོལ་བ་མེན་ཟེར་དྲན་ཏེ་ གཞུང་གི་འགོ་དཔོན་ཚུ་གི་དབང་ཚད་འོག་ལུ་སྡོད་དགོ།

⁶ འདི་གི་དོན་ལས་སྦེ་ ཁྱེད་ཀྱིས་གཞུང་ལུ་བཏབ་དགོ་པའི་ཁྲལ་དེ་ཚུ་བཏབ་ ག་ཅི་སྨོ་ཟེར་བ་ཅིན་ ཁོང་འགོ་དཔོན་ཚུ་ རང་ལུ་སྐྱེལ་མི་འགན་ཁག་གི་ལཱ་ཚུ་འབད་དེ་ དཀོན་མཆོག་གི་ཕྱག་ཞུཝ་ཨིན།

⁷ ཁྱེད་ཀྱིས་གཞུང་ལུ་སྤྲོད་དགོཔ་འདི་ཚུ་ཡོད་པ་ཅིན་ འདི་ཚུ་ག་ར་སྤྲོད་ ཁྲལ་བཏབ་ནི་ཡོད་པ་ཅིན་ ཁྲལ་བཏབ་ ཅ་དམ་གྱི་ཁྲལ་བཏབ་ནི་ཡོད་པ་ཅིན་ འདི་གི་ཁྲལ་ཡང་བཏབ་ འདྲོག་དགོ་མི་འདི་ཚུ་ལུ་ཞེས་ས་ཞུ་ དེ་ལས་གུས་ཞབས་ཕུལ་དགོ་མི་ཚུ་ལུ་གུས་ཞབས་ཕུལ།།

གཅིག་གིས་གཅིག་ལུ་བྱམས་པ་འབད་དགོ་པའི་སྐོར།

⁸ གཅིག་གིས་གཅིག་ལུ་བྱམས་པ་འབད་ནི་མ་གཏོགས་ གཞན་གྱི་དྲིན་འབག་མ་དགོཔ་སྦེ་སྡོད་ ག་ཅི་སྨོ་ཟེར་བ་ཅིན་ གཞན་ལུ་བྱམས་པ་འབདཝ་ད་ལུ་ མི་འདི་གིས་དཀོན་མཆོག་གི་བཀའ་ཁྲིམས་ག་ར་གྲུབ་ཨིན།

⁹ དཀོན་མཆོག་གི་བཀའ་ཁྲིམས་ནང་ ཁྱོད་རོགས་ཀྱི་ཨམ་སྲུ་དང་ལུས་འབྲེལ་མ་འབད་ མི་མ་བསད་ ཨརཝ་མ་རྐུ་ འདོད་པ་མ་བཙོང་ཟེར་བྲིས་ཏེ་ཡོད་ ཨ་ནི་བཀའ་ཁྲིམས་ཚུ་ལས་འགལ་ཏེ་ བཀའ་ཁྲིམས་གཞན་ ག་དེ་ཅིག་རང་ཡོད་རུང་ དེ་ཚུ་ག་ར་གི་དོན་དག་དེ་ ཁྱོད་ཀྱིས་རང་གི་ཁྱིམ་ཚང་ལུ་ རང་ལུ་བཟུམ་སྦེ་བྱམས་པ་འབད་ཟེརཝ་ཨིན་མས།

¹⁰ རང་གི་ཁྱིམ་ཚང་ལུ་བྱམས་པ་འབད་མི་འདི་གིས་ རྩ་ལས་རང་ཁྱིམ་ཚང་ལུ་ངན་པ་མི་འབད་ ཨ་ནི་བྱམས་པ་འདི་གི་རྒྱུད་ལས་སྦེ་ བཀའ་ཁྲིམས་ག་ར་གྲུབ་ནི་ཨིན།

¹¹ འདི་གིས་མ་ཚད་ ང་བཅས་གཉིད་ལས་ལོང་ནི་གི་དུས་ཚོད་ཀྲིག་ཀྲི་རན་ཡི་ཟེར་ཁྱེད་ཀྱིས་ཤེས་ ག་ཅི་སྨོ་ཟེར་བ་ཅིན་ ང་བཅས་འགོ་དང་པ་ དད་པ་བསྐྱེད་པའི་བསྒང་ལས་ཡང་ ད་ལྟོ་ཐར་པ་དེ་ ང་བཅས་ཀྱི་སྦོ་ལོགས་ཁར་ལྷོད་ཅི།

¹² ད་གནམ་ནུབ་མོ་རྫོགས་ཏེ་ ཤར་དཀར་ནི་འབད་དོ་ དེ་འབདཝ་ལས་ང་བཅས་ཀྱིས་ གནག་དུང་ནང་གི་ལཱ་ངན་པ་དེ་ཚུ་བཀོག་བཞག་སྟེ་ འོད་ཟེར་གྱི་གོ་ཁྲབ་གྱོན་དགོ།

¹³ འཆལ་སྤྱོད་སྤྲོ་སྟོན་ནང་བཅའ་མར་གཏོགས་ནི་དང་ ཆང་གིས་འགྲང་ནི་ མ་རབས་ཀྱི་ལཱ་ ལུས་ཀྱི་འདོད་ཆགས་ གཅིག་གིས་གཅིག་ལུ་འཐབ་འཛིང་ནི་ དེ་ལས་མིག་ཏོ་ཚ་ནི་ལ་སོགས་པ་མེན་པར་ ཉིམ་དཀརཔོ་བཟུམ་སྦེ་ སྤྱོད་ལམ་ལེགས་ཤོམ་སྦེ་སྒྲིག་སྟེ་སྡོད་དགོ།

¹⁴ དེ་ལས་འདོད་ཆགས་ངན་པའི་དབང་དུ་མ་སོང་པར་ དེ་འབདཝ་ད་ ཁྱེད་རང་གི་གཟུགས་ཁར་བགོ་ལ་གྱོན་དོཝ་བཟུམ་སྦེ་ གཙོ་བོ་ཡེ་ཤུ་ཁིརཱིས་ཀྱི་རང་བཞིན་འདི་གྱོན་དགོ།