ཧིབ་རུ་ལེའུ་ 1 - རྫོང་ཁ་

དཀོན་མཆོག་གི་སྲས་ཕོ་ཉ་ཚུ་ལས་དྲག་ཤོས་ཨིན་པའི་སྐོར།

¹ ཧེ་མ་དཀོན་མཆོག་གིས་ ཐེངས་ལེ་ཤ་ ཐབས་ཤེས་སྣ་ཚོགས་མཛད་དེ་ ལུང་སྟོན་པ་ཚུ་གི་ཐོག་ལས་ ང་བཅས་ཀྱི་ཕ་བརྒྱུད་ཚུ་ལུ་ གསུང་གྲོས་གནང་ནུག

² དེ་འབདཝ་ད་ ཨ་ནི་དུས་མཐའན་མཇུག་གི་ཉིན་མ་ལུ་ ཁོ་རང་གི་སྲས་ལས་རྒྱུད་དེ་ ང་བཅས་ལུ་གསུང་གྲོས་གནངམ་ཨིན་ ཁོ་གི་སྲས་འདི་ ཡོད་རིགས་ཡོད་ཚད་ཅིགཔ་གི་ཤུལ་འཛིན་པ་སྦེ་ བཙག་འཐུ་མཛད་གནངམ་མ་ཚད་ ཁོ་གི་ཐོག་ལས་སྦེ་ འཇིག་རྟེན་འཛམ་གླིང་ཡོངས་སུ་མཛད་གནང་ནུག

³ སྲས་ཁོ་རང་ དཀོན་མཆོག་གི་གཟི་བརྗིད་ཀྱི་འོད་མདངས་ཨིནམ་ལས་ དཀོན་མཆོག་འདི་ ག་བཟུམ་ཅིག་ཡོདཔ་ཨིན་ན་ འདི་ང་བཅས་ལུ་ཁོ་གིས་སྟོན་གནངམ་ཨིན་ དེ་ལས་འཇིག་རྟེན་འཛམ་གླིང་དེ་ ཁོ་གི་དབང་ཤུགས་ཅན་གྱི་བཀའ་ལས་རྒྱུད་དེ་ བདག་འཛིན་འཐབ་སྟེ་མཛད་གནངམ་ཨིན་ སྲས་དེ་གིས་མི་ཚུ་ ཁོང་རའི་སྡིག་པ་ལས་གཙངམ་མཛད་གནང་ཚརཝ་ད་ ཁོ་རང་ ཞིང་ཁམས་ལུ་བཞུགས་ཡོད་མི་ གཟི་བརྗིད་དང་ལྡན་མི་དཀོན་མཆོག་གི་ཕྱག་གཡས་པའི་ཁ་ཐུག་བཞུགས་ནུག

⁴ དཀོན་མཆོག་གིས་ སྲས་ཀྱི་མཚན་འདི་ ག་དེམ་ཅིག་ ཕོ་ཉ་ག་ར་ལས་མཐོ་བའི་མཚན་གནང་ཡི་ག་ དེམ་ཅིག་ར་ ཕོ་ཉ་ཚུ་ལས་ཁོ་དྲག་ཤོས་ཐོན་ནུག

⁵ འདི་ག་དེ་སྦེ་ཤེསཔ་སྨོ་ཟེར་བ་ཅིན་ དཀོན་མཆོག་གིས་ ཕོ་ཉ་གཅིག་ལུ་ཡང་། ཁྱོད་ངེ་གི་སྲས་ཨིན་ ད་རེས་ང་ཁྱོད་ཀྱི་ཡབ་སྦེ་བྱུང་ཡི་ཟེར་ ནམ་ཡང་མ་གསུངས་པས་ ད་རུང་དཀོན་མཆོག་གིས་ ཕོ་ཉ་གཅིག་ལུ་ཡང་། ང་ ཁོ་གི་ཨ་པ་དང་ ཁོ་ངེ་གི་བུ་སྦེ་ འགྱུར་འོང་ཟེར་ ནམ་ཡང་མ་གསུངས་པས།

⁶ ད་རུང་ ཁོ་གི་སྲས་འགོ་སྐྱེ་འདི་ འཛམ་བུ་གླིང་ནང་འཁྱིད་འབྱོནམ་ད། དཀོན་མཆོག་གི་ཕོ་ཉ་ག་ར་གིས་ ཁོ་ལུ་བསྟོད་པ་ཕུལ་བཅུག་ཟེར་ དཀོན་མཆོག་གིས་གསུངས་ནུག

⁷ དེ་འབདཝ་ད་ ཁོ་རའི་ཕོ་ཉ་ཚུ་གི་སྐོར་ལས། དཀོན་མཆོག་གིས་ རང་གི་ཕོ་ཉ་ཚུ་ རླུང་བཟུམ་སྦེ་མཛད་ནི་ཨིནམ་མ་ཚད་ ཁོ་གི་ཕྱག་ཞུ་མི་ཚུ་ མེའི་ལྷབ་བཟུམ་སྦེ་བསྒྱུར་ནི་ཨིན་ཟེར་ གསུངས་ནུག

⁸ དེ་འབདཝ་ད་ཁོ་གི་སྲས་ཀྱི་སྐོར་ལས། ཀྱེ་དཀོན་མཆོག་ ནཱ་གི་རྒྱལ་ཁྲི་དེ་ དུས་རྒྱུན་དུ་གནས་ནི་ཨིན་ དེ་ལས་ནཱ་གི་རྒྱལ་སྲིད་དེ་ ཁྲིམས་ཕྲངམ་དང་ལྡན་མི་ཕྱག་འཁར་གྱིས་སྐྱོང་ནི་ཨིན།

⁹ ནཱ་གིས་ལཱ་ཕྲངམ་འདི་ལུ་ཐུགས་དགྱེསཔ་ཨིན་ དེ་འབདཝ་ད་ ངན་པ་ལུ་ཐུགས་མི་མཉེས་ འདི་གི་དོན་ལས་དཀོན་མཆོག་ ནཱ་རང་གི་དཀོན་མཆོག་དེ་གིས་ ནཱ་ལུ་བཙག་འཐུ་མཛད་དེ་ ནཱ་རའི་ཆ་རོགས་ཚུ་ལས་ཡང་ལྷགཔ་སྦེ་ དགའ་སྤྲོ་གནང་ཡི་ཟེར་ གསུངས་ནུག

¹⁰ ད་རུང་དཀོན་མཆོག་གིས་དེ་སྦེ་གསུངས་ནུག ཀྱེ་གཙོ་བོ་ ནཱ་གིས་འགོ་དང་པ་རང་ འཇིག་རྟེན་འཛམ་གླིང་གི་འགྱམ་བཙུགས་གནངམ་མ་ཚད་ གནམ་དེ་ཚུ་ ནཱ་གི་ཕྱག་གིས་མཛད་མིའི་ཕྱག་བཟོ་ཨིན།

¹¹ དེ་ཚུ་ག་ར་མེདཔ་ཐལ་འགྱོ་འོང་ དེ་འབདཝ་ད་ ནཱ་དུས་རྟག་བུ་གསོན་པོ་སྦེ་བཞུགས་འོང་ དེ་ཚུ་ག་ར་བགོ་ལ་རྒསཔ་འགྱོ་དོཝ་བཟུམ་སྦེ་ རྒསཔ་ལུ་འགྱུར་ཏེ་འགྱོ་འོང་།

¹² ནཱ་གིས་ཁོང་ལུ་ གོ་ལ་ཕུད་དེ་བལྟབ་བཞག་དོཝ་བཟུམ་སྦེ་ བལྟབ་ནི་ཨིནམ་མ་ཚད་ དེ་ཚུ་བགོ་ལ་སོར་དོཝ་བཟུམ་སྦེ་ སོར་འགྱོ་འོང་ དེ་འབདཝ་ད་ ནཱ་དུས་རྒྱུན་དུ་འགྱུར་བ་མེད་པར་ ནཱ་གི་དགུང་ལོ་དེ་ནམ་ཡང་མཇུག་བསྡུ་ནི་མེད།

¹³ ད་དཀོན་མཆོག་གིས། ང་གིས་ཁྱོད་ཀྱིས་དགྲ་བྱང་ཕྱད་ཚུ་ ཁྱོད་ཀྱི་དབང་ཚད་འོག་ལུ་ མ་བཙུགས་ཚུན་ཚོད་ ཁྱོད་ངེ་གི་གཡས་ཁ་ཐུག་སྡོད་ཟེར་ ཕོ་ཉ་གཅིག་ལུ་ཡང་མ་གསུངས།

¹⁴ དེ་འབདཝ་ལས་ ཕོ་ཉ་འདི་དཀོན་མཆོག་གི་ཕྱག་ཞུ་མིའི་སེམས་ཉིད་རྐྱངམ་གཅིག་ཨིན་ ཁོང་ག་ར་ ཐར་པ་ཐོབ་ནི་ཨིན་མི་དེ་ཚུ་གི་དོན་ལུ་ ཆ་རོགས་འབད་མི་སྦེ་གཏང་གནང་གནངམ་ཨིན།།