ཀོ་ལོ་སི་ལེའུ་ 4 - རྫོང་ཁ་

¹ ཁྱེད་སྦྱིན་བདག་ཆ་ཁྱབ་ ཁྱེད་ཀྱི་སྦྱིན་བདག་ཡར་ཞིང་ཁམས་ལུ་བཞུགས་ཡོདཔ་ཤེས་ཏེ་ ཁྱེད་རང་གི་གཡོགཔ་ཚུ་ ལཱ་ཕྲང་སྟེ་ལེགས་ཤོམ་འབད་བྱིན་དགོ།།

པའུལ་གྱིས་ཁོ་རང་གི་དོན་ལུ་སྨོན་ལམ་ཞུ་གནང་ཟེར་བའི་སྐོར།

² དཀོན་མཆོག་ལུ་སྨོན་ལམ་ཞུ་ནི་མ་བཞག་ སྨོན་ལམ་བཏབ་ད་ སེམས་མ་ཡེངས་པར་དྲནམ་བཏོན་ཞིནམ་ད་ བཀའ་དྲིན་ལེགས་སོ་ཞུ་སྟེ་སྡོད།

³ ང་བཅས་ཀྱིས་ཁིརཱིས་ཀྱི་གསང་བ་ལུ་ཁྱབ་སྒྲགས་འབད་དེ་ ཁིརཱིས་ཀྱི་སྐོར་ལས་གཏམ་བཟང་བཤད་ནི་གི་དོན་ལུ་ དཀོན་མཆོག་གིས་སྒོ་གཅིག་ཕྱེ་གནང་ཟེར་ ང་བཅས་ཀྱི་དོན་ལུ་ཡང་སྨོན་ལམ་ཞུ་གནང་ གཏམ་བཟང་གིས་འབད་དེ་ ང་བཙོན་ཁང་ནང་ཚུད་ཡོདཔ་ཨིན།

⁴ ང་གིས་བཤད་དགོཔ་དང་འཁྲིལ་ཏེ་ གསལ་ཏོག་ཏོ་སྦེ་ ཁྱབ་སྒྲགས་འབད་ཚུགས་པའི་དོན་ལུ་ སྨོན་ལམ་ཞུ་གནང་།

⁵ དདཔ་ཅན་མེན་མི་ཚུ་དང་གཅིག་ཁར་ སེམས་གསལ་ཏོག་ཏོ་སྦེ་ འབྲེལ་བ་འཐབ་སྟེ་ གོ་སྐབས་ག་དེམ་ཅིག་རང་ཐོབ་རུང་ དུས་ཚོད་འདི་ལུ་ལག་ལེན་འཐབ་དགོ།

⁶ ཁྱེད་ཀྱིས་ མི་ག་ར་དང་གཅིག་ཁར་ བློ་སླབ་ད་ལུ་ རོགས་ལུ་བྱམས་བརྩེ་འབདཝ་བཟུམ་སྦེ་ ཁྱེད་ཀྱི་བློ་ཡང་ ཉན་དགོ་མནོ་སི་སི་སྦེ་སླབ་དགོ་ དེ་ལས་ལན་དེ་ཚུ་ཡང་ ག་དེ་སྦེ་སླབ་ནི་ན་ ཁྱེད་ཀྱིས་ཤེས་འོང་།།

མཐའན་མཇུག་གི་བསླབ་བྱ་གི་སྐོར།

⁷ ངེ་གི་སྐོར་ལས་ག་ར་ ཏི་ཀི་ཀུས་ཀྱིས་ཁྱེད་ལུ་བཤད་སླབ་འོང་ གཙོ་བོ་ནང་ ཁོ་ངེ་གི་བརྩེ་བའི་ནུ་གཅུང་དང་ ལཱ་རོགསཔོ་ན་འཐན་ཏོག་ཏོ་ དེ་ལས་ང་དང་མཉམ་གཙོ་བོ་གི་ཞབས་ཕྱིཔ་གཅིག་ཡང་ཨིན།

⁸ ཁོ་ཁྱེད་སྡོད་སར་བཏང་དགོ་པའི་གནད་དོན་འདི་ ང་བཅས་ཀྱི་གནས་ཚུལ་ ཁྱེད་ཀྱིས་ཧ་གོ་བའི་དོན་ལུ་དང་ ཁྱེད་ལུ་སེམས་གསོ་བྱིན་ནིའི་དོན་ལུ་ཨིན།

⁹ ང་བཅས་ཀྱི་བརྩེ་བའི་ནུ་གཅུང་ ན་འཐན་ཏོག་ཏོ་ ཨོ་ནི་སི་མཱས་དེ་ ཁྱེད་ཀྱི་མི་གཅིག་འབད་མི་ ང་གིས་ ཏི་ཀི་ཀུས་དང་གཅིག་ཁར་བཏང་དོ་ ནཱ་ལུ་ག་ཅི་དང་ག་ཅི་རང་བྱུང་ཡོདཔ་ཨིན་ན་ཚུ་གི་སྐོར་ལས་ ཁོང་གཉིས་ཀྱིས་ག་ར་བཤད་དེ་སླབ་འོང་།

¹⁰ ང་དང་གཅིག་ཁར་བཙོན་ཁང་ནང་སྡོད་མི་ ལྟོ་ཚང་གཉིས་ ཨ་རཱིས་ཏཱར་ཁཱོས་དང་ བཱར་ན་བཱས་ཀྱི་ཉེཝ་ མཱར་ཀུ་གིས་ ཁྱེད་ག་ར་ལུ་སྐུ་གཟུགས་བཟང་པོ་ཟེར་སླབ་བཏང་དེས་ (ཁོ་གི་སྐོར་ལས་ང་གིས་ཁྱེད་ལུ་གནང་བ་བྱིན་ཚར་ཡི་ ཁོ་ལུ་གདོང་བསུ་འབད།)

¹¹ དེ་ལས་ ཡུས་ཏཱོས་ཟེར་སླབ་མི་ ཡེ་ཤུ་གིས་ཡང་སྐུ་གཟུགས་བཟང་པོ་ཟེར་སླབ་བཏང་དེས་ དཀོན་མཆོག་གི་རྒྱལ་སྲིད་ཀྱི་དོན་ལུ་ ངེ་གི་ལཱ་རོགསཔ་ཚུ་གི་གྲལ་ལས་ ཡ་ཧུ་ད་པ་ཁོང་གསུམ་མ་གཏོགས་གཞན་མེད་ ཁོང་གིས་ང་ལུ་སེམས་གསོ་འབད་ཡི།

¹² ཁྱེད་ཀྱི་གྲལ་ལས་ཨིན་མི་ ཁིརཱིས་ཡེ་ཤུ་གི་ཞབས་ཕྱིཔ་ ཨེ་པ་ཕརཱས་ཀྱིས་ ཁྱེད་ལུ་སྐུ་གཟུགས་བཟང་པོ་ཟེར་སླབ་བཏང་དེས་ ཁྱེད་ཆ་ཁྱབ་དད་པ་ནང་ན་ཁུག་སྟེ་ དཀོན་མཆོག་གི་ཐུགས་དགོངས་ ཐད་རི་བ་རི་ཤེས་ནི་གི་དོན་ལུ་ ཁོ་གིས་ཁྱེད་ཀྱི་དོན་ལུ་ རྟག་བུ་རང་དཀའཝ་སྤྱད་དེ་ སྨོན་ལམ་ཞུཝ་ཨིན།

¹³ ཁྱེད་ཆ་ཁྱབ་ དེ་ལས་ ཁྲོམ་ ལེའོ་དེ་ཀི་ཡ་དང་ ཧེ་ར་པོ་ལཱིས་ལས་ཨིན་མི་ཚུ་གི་དོན་ལུ་ ཁོ་གིས་གནམ་མེད་ས་མེད་དཀའཝ་སྤྱད་དེ་ ཡོད་མིའི་སྐོར་ལས་ ང་གིས་འཛོམ་དཔང་འབད་དོ།

¹⁴ ཁྱེད་ཆ་ཁྱབ་ལུ་ ང་བཅས་ཀྱི་བརྩེ་བའི་ལྟོ་ཚང་དྲུང་འཚོ་ ལུ་ཀ་དང་ དེ་མཱས་ཀྱིས་སྐུ་གཟུགས་བཟང་པོ་ཟེར་སླབ་བཏང་དེས།

¹⁵ ཁྲོམ་ ལེའོ་དེ་ཀི་ཡ་གི་སྤུན་ཚུ་དང་ ནུམོ་ ནིམ་ཕ་ དེ་ལས་མོ་གི་ཁྱིམ་ནང་འཛོམས་མིའི་ཆོས་ཚོགས་ལུ་ ང་ལས་སྐུ་གཟུགས་བཟང་པོ་ཟེར་སླབ་གནང་།

¹⁶ ཡི་གུ་འདི་ཁྱེད་ཀྱིས་ལྷག་ཚརཝ་ད་ ལེའོ་དེ་ཀི་ཡ་ནང་ཡོད་མི་ཆོས་ཚོགས་ལུ་ཡང་ལྷག་བཅུག་ དེ་ལས་ཁྱེད་ཀྱིས་ཡང་ ང་གིས་ ལེའོ་དེ་ཀི་ཡ་ལུ་གཏང་མི་ཡི་གུ་ལྷག་བལྟ་ཞིག

¹⁷ ཨཱར་ཀི་པཱོས་ལུ་ ཁོ་གིས་གཙོ་བོ་ལས་ཐོབ་མི་ཞབས་ཏོག་གི་ལཱ་དེ་ མཐའ་འཁྱོལ་དགོ་ཟེར་སླབ་གནང་།

¹⁸ ལེགས་སྨོན་ཞུ་བ་འདི་ པའུལ་ང་རའི་ལགཔ་གིས་འབྲི་དོ་ ང་བཙོན་ཁང་ནང་ཡོད་མི་དེ་བརྗེད་མ་སོང་ ཁྱེད་ལུ་ཐུགས་རྗེ་འབབ་པར་ཤོག། །།