ཀོ་རཱིན་ཐི་དང་པ་ལེའུ་ 8 - རྫོང་ཁ་

སྐུ་ལུ་ཕུལ་བའི་ཚོགས་ཀྱི་སྐོར།

¹ ད་སྐུ་ལུ་མཆོདཔ་སྦེ་ཕུལ་མི་ཚོགས་ཀྱི་སྐོར་ལས་ ཁྱེད་ཀྱིས་ང་བཅས་ག་ར་ལུ་ཡོན་ཏན་ཡོད་ཟེར་སླབ་ད་ ང་བཅས་ཀྱིས་ཡིད་ཆེས་ཡི་ ཨིན་ཏེ་འབད་རུང་ ཡོན་ཏན་རྐྱངམ་གཅིག་གིས་དཔའ་མདོག་བསྒྱུརཝ་ཨིན་ དེ་འབདཝ་ད་བྱམས་པ་གིས་ དདཔ་ཅན་ཚུ་སྒྲིང་སྒྲིང་བཟོཝ་ཨིན།

² ག་ར་འབད་རུང་ ག་ར་ཤེས་ཟེར་མནོ་མི་དེ་གིས་ མ་པ་ཁོ་གིས་ ག་ནི་ཡང་མ་ཤེས་པར་སྡོད་འོང་།

³ དེ་འབདཝ་ད་ ག་ར་འབད་རུང་ དཀོན་མཆོག་ལུ་བྱམས་པ་འབད་བ་ཅིན་ འདི་ལུ་དཀོན་མཆོག་གིས་ངོ་མཁྱེན།

⁴ དེ་འབདཝ་ལས་སྐུ་ལུ་མཆོདཔ་སྦེ་ཕུལ་མི་ཚོགས་ཟ་བའི་སྐོར་ལས་ ང་གིས་སླབ་མིའི་དོན་དག་འདི་ཨིན་ སྐུ་དེ་མི་གི་མནོ་དོ་བཟུམ་སྦེ་དཀོན་མཆོག་ངོ་མ་མེན་ཟེར་མི་དེ་དང་ དཀོན་མཆོག་ངོ་མ་དེ་ ཁོ་གཅིགཔ་མ་གཏོགས་གཞན་ག་ཡང་མེད་ཟེར་མིའི་སྐོར་ལས་ ང་བཅས་ཀྱིས་ཤེས།

⁵ གནམ་ཁ་ཡང་ན་ ས་འཛམ་བུ་གླིང་ནང་ མི་གིས་དཀོན་མཆོག་སྦེ་བརྩིས་མི་ལྷ་དེ་ཚུ་འོང་ (མ་གཞི་ ཨ་ནི་བཟུམ་མའི་མི་གིས་ བརྩིས་མི་ལྷ་དང་གཙོ་བོ་དེ་ཚུ་ལེ་ཤ་ཡོད།)

⁶ དེ་འབདཝ་ད་ ང་བཅས་ཀྱི་དོན་ལུ་ དཀོན་མཆོག་གཅིག་རྐྱངམ་གཅིག་རང་ཨིན་ ཁོ་ཡབ་དཀོན་མཆོག་ཨིན་ ཁོ་གིས་ག་ར་མཛད་གནང་གནངམ་ཨིན་ དེ་མ་ཚད་ ང་བཅས་ཁོ་གི་དོན་ལུ་གསོན་པོ་སྦེ་སྡོདཔ་ཨིན་ དེ་བཟུམ་སྦེ་རང་ གཙོ་བོ་གཅིག་རྐྱངམ་གཅིག་རང་ཨིན་ ཁོ་ཡེ་ཤུ་ཁིརཱིས་ཨིན་ ཁོ་ལས་རྒྱུད་དེ་ ག་ར་མཛད་གནངམ་ཨིནམ་མ་ཚད་ ང་བཅས་གསོན་པོ་སྦེ་སྡོདཔ་ཨིན།

⁷ ཨིན་རུང་ མི་ག་ར་གིས་ཨ་ནི་བཟུམ་སྦེ་ཧ་མི་གོ་ མི་ལ་ལུ་ཅིག་ཧེ་མ་ལས་ དེ་བཟུམ་སྐུ་དང་འབྲེལ་བ་འཐབ་སྟེ་ཡོདཔ་ལས་ ཁོང་གིས་སྐུ་ལུ་ཕུལ་བའི་ཚོགས་ཟཝ་ད་ རང་གིས་སྐུ་ལུ་ཕུལཝ་བཟུམ་སྦེ་ཨིན་མནོ་སྟེ་ རྣལ་རིག་གསལ་ཏོག་ཏོ་མེད་པར་ ཉེས་སྐྱོན་ཚོར་ནི་ཨིན།

⁸ དོན་ལས་རང་ ཚོགས་ཀྱི་ཐོག་ལས་སྦེ་ ང་བཅས་དཀོན་མཆོག་གི་སྐུ་མདུན་བཅར་མི་ཚུགས་ ང་བཅས་ཀྱིས་དེ་མ་ཟ་རུང་ རྒུད་མི་ཕོག་ ཟ་རུང་ཡང་ ཁེ་བཟང་ཡོད་ཟེརཝ་མེད།

⁹ དེ་འབདཝ་ད་ ཁྱེད་རིགཔ་སྒྱིམ་དགོ་ ག་ཅི་སྨོ་ཟེར་བ་ཅིན་ ཁྱེད་ལུ་རང་དབང་རང་ཚད་ཡོདཔ་ཨིན་ཟེར་ག་ཐོབ་ཟཝ་ད་ ཁྱེད་ཀྱི་སྤུན་ཆ་ རྣལ་རིག་གསལ་ཏོག་ཏོ་མེད་མི་ཚུ་ སྡིག་པ་གི་ཧིང་ནང་ཚུད་བཅུག་འོང་།

¹⁰ ཁོང་རྣལ་རིག་གསལ་ཏོག་ཏོ་མེད་མི་ཚུ་གིས་ ཁྱེད་ཡོན་ཏན་ཐོབ་ཡོད་མི་ཚུ་ལུ་ ལྷ་ཁང་ནང་མཆོདཔ་སྦེ་ཕུལ་ཡོད་པའི་ཚོགས་ཟ་སྡོད་ས་མཐོངམ་ད་ ཁོང་གི་སེམས་ཁར་ཡང་ བཞེས་སྒོ་དེ་ཚོགས་ཨིན་ཟེར་མནོ་མི་དེ་ ང་བཅས་ཀྱིས་ཁོང་ལུ་ཟ་རུང་བཏུབ་ཟེར་ ཨུ་ཚུགས་རྐྱབ་དོཝ་བཟུམ་སྦེ་མི་འགྱོ་ག།

¹¹ ཡེ་ཤུ་ཁིརཱིས་གཤགས་གནང་མིའི་དོན་དག་དེ་ ཁོང་རྣལ་རིག་གསལ་ཏོག་ཏོ་མེད་མི་སྤུན་ཆ་ཚུ་གི་དོན་ལུ་ཡང་ཨིན་ ད་ ཁྱེད་ཡོན་ཏན་ཐོབ་མི་ཚུ་གིས་ ཚོགས་དེ་ཟཝ་ད་ ཁོང་གི་དད་པ་མེདཔ་མི་གཏང་ག།

¹² དེ་བཟུམ་སྦེ་རང་ ཁྱེད་རའི་སྤུན་ཆ་ད་ལྟོ་དད་པ་ནང་ཆུང་ཀུ་སྦེ་སྡོད་པའི་སྐབས་ ཁོང་གི་རྣལ་རིག་ལུ་སྐྱོན་རྐྱབ་སྟེ་འཐུས་ཤོར་བཅུག་པ་ཅིན་ ཁྱེད་ཀྱིས་ཕྲང་སྟེ་ཡེ་ཤུ་ཁིརཱིས་ལུ་སྡིག་པ་འབདཝ་ཨིན།

¹³ དེ་འབདཝ་ལས་ ང་གིས་ཟ་མི་ཤ་ཡང་ན་བཞེས་སྒོ་གིས་ ཁོང་སྤུན་ཆ་ཚུ་ སྡིག་པ་གི་ཧིང་ནང་ཚུད་བཅུག་པ་ཅིན་ ང་མི་ཚེ་གཅིག་ཁོང་ལུ་གནོད་པའི་བཞེས་སྒོ་དང་ཤ་ག་ནི་ཡང་མི་ཟ།།