Zaburu 61 - Jula NT of Côte d’Ivoire

Ala le ye a ta mɔgɔw karifayɔrɔ ye

¹ Dɔnkirilabagaw kuntigi. Dɔnkiri min bɛ la ni gɔni ye. Dawuda ta Zaburu.

² E, Ala, ne kulekan lamɛn! I janto ne ta daarikan na!

³ Ka ne to hali dunuɲa dan na, ne bɛ kule ka i wele, sabu ne jigi tigɛra. Farakuru min yɔrɔ ka jan ne ma, ne layɛlɛn o kan,

⁴ sabu ele le ye ne karifayɔrɔ ye, i ko sankasojan min bɛ ne tanga ne juguw ma.

⁵ Ne b’a fɛ ka to i ta bon kɔnɔ tuma bɛɛ, ka ne yɛrɛ dogo i kamanw kɔrɔ;

⁶ sabu Ala, ne ka dajuruw ta i fɛ fɛn minw na, i ka o kɛ ne ye; i ka fɛn minw mara i tɔgɔ ɲasiranbagaw ye, i bɛna o di ne fana ma.

⁷ Dɔ fara masacɛ si kan! A ye to si ra ka wagatijan kɛ!

⁸ A siginin ye to masaya ra Ala ɲa kɔrɔ wagati bɛɛ! A to i ta ɲumanya ni i ta kankelentigiya y’a mara!

⁹ Can lo, ne bɛna dɔnkiri la ka i tɔgɔ tando tuma bɛɛ, ka ne ta dajuruw dafa lon o lon.