Zaburu 134 - Jula NT of Côte d’IvoireAla ta baaradenw bɛɛ ye baraka la a ye 1 Ala ta batoso yɛlɛnsira ta dɔnkiri. Matigi Ala ta baaradenw, aw bɛɛ ye baraka la Matigi Ala ye! Aw minw bɛ baara kɛ Matigi ta so kɔnɔ su bɛɛ! 2 Aw ye aw boro kɔrɔta k’a sin yɔrɔ saninman fan na, ka baraka la Matigi Ala ye! 3 Matigi Ala ye to Siyɔn dugu kɔnɔ ka baraka don i ra; ale min ka sankolo ni dugukolo dan. |
© 2013, Wycliffe Bible Translators, Inc. All rights reserved.
Wycliffe Bible Translators, Inc.