Zaburu 133 - Jula NT of Côte d’Ivoire

Balemaya ka di

¹ Ala ta batoso yɛlɛnsira ta dɔnkiri. Dawuda ta Zaburu. Can ra, balemaw ye bɛn, ka to ɲɔgɔn fɛ, o ka ɲi dɛ! O ka di yɛrɛ le!

² A bɛ i ko turu kasadiman min bɔnna Haruna kun na, min bɛ jigi fɔ a bonbosi kan, fɔ Haruna bonbosi kan, ka jigi ka se fɔ a ta deregeba kan ma.

³ A bɛ i ko Hɛrimɔn kuru ta gɔmiji, min bɛ jigi Siyɔn kuruw kan. Matigi Ala bɛ baraka di o yɔrɔ le ra, ka si di, wagati bɛɛ.