Golosaayi 4 - NEAJEEDA EESH BEA BUUNEESSEAN

¹ Fuga hees asissiina ging'ng'oomnyangeagwa ng'asheega miyaas doobiiweadi, ak ghoanalli gideaba eara agooga gondeawi Siida haw aba humng'eeda.

Gichchea eabeada

² Oppiidana muuchchi jeeda mooshta Aseetta, nea ghoang'wearu aba ng'asheanji nea goobadischeesi;

³ ak ghoamwaschi Aseetta appadahuukkaasa, ak goottinneasa Aseetta gidaghuut aba ng'asheanda, ak geerukuti gitta funyaat bea Gristo ghayi siyiissean ghealoonigean,

⁴ Ak abeeda ghadaajiichchi, aba gideagassiidi rukunooda.

⁵ Abeawana weaghumeeda aba madeeda fuga mwamwasa, nea googadiyeatti muuchchi damanda sugooneegwa.

⁶ Asi ng'asheegeagwa gagasa gwandeawa dagheerjeandumeeda galeagasean, nea gwasamu balang'da, ak abeeda ghoanalli gichchea ashaayda ng'asheega buuneessean.

Giighatta huuydean

⁷ Iitteanyu sean gaygwarukneegwa Dikikko; niny oorjeediyya abwariinyi was siida gadiyeeda doobiiwaat, ak ea soomjeanda eandeawi bea Ng'uttamiida.

⁸ Ak ea neajeag'u niny heedeang'wa appadaydeaba ng'asheanji, ak abeeda ghoanalli gissuwuurjeewi ea gideaba gaygoomajeek jeesingeagwa,

⁹ niny gaygoodeana Onesimo, oorjeediyya doobiiwaat abwariinyi, nea niny gaba jeedeang'wa. Ak gaygwarukneegwa ng'asheega sean sisin aba hiji.

¹⁰ Ghoadeagwa Aristarkoyda eandeayeesi ghealooniga sea Marko, was oorjeeda hudagheamatta Barnaba, (iittaannyi noanyaschi gideaba iihidu heedeang'wa ghoadeapchi),

¹¹ Yeesuuyda suguura Yusto. Nea fiisu ea fuga ghasmeahooda gil aba jeeda fugeandeayeesi gadiyeeda sugoochcheandumeeda Aseetta, ea niiw fuga geandewanean salgheang'da.

¹² Epafrayda was siida jeedeang'wa was soomjeanda Gristo Yeesu, ghoaghadeagwa nea goopkeatteegwa galeagasean nea gwasin badiida aba moashtaannyi bea Aseetta, ak ghoamiinaadi nea sumwaseagwa aba haleanjeetta gasa Aseettean.

¹³ Aniini geawoschi mushoochcheanda aba gideaba ghadaayi gidadeawiitta appadahuukkeagwa ea gikka mida Laodokiyean ea gikka mida Hierappoliin.

¹⁴ Lukkayda was bwanamwagaanga bissa dabwariiyiin ea Dema ghoaghadeagwa.

¹⁵ Oakgha oorjoogiyya mida Laodokiya ea gea mida Nimfa ea fuga ganiiseeda gheannyi.

¹⁶ Baroajeanji isissoamwa aba heedeang'wa, ghoanung' easoamwa eara aba Ganiisa mida Laodokiya, ama ditta sung'oorsa Laodokiyahiin ghoassoami agooga.

¹⁷ Arukusiina Arkipa, “Gideaba ng'ulla muuchchi gadiyeetta goonnyi Ng'utamiidean sina nea gihiidi.”

¹⁸ Giighadi ghaang'waarji aniini Baulo aba geattindeanyu. Oppkaada gideaba sirattean. Gagasa anyasa dagheerjeandumeeda.