Filippi 1 - NEAJEEDA EESH BEA BUUNEESSEAN

¹ Baulo ea Dimotteo, was soomjooga Gristo Yeesu, heeda fuga ghaydidi sean mida naweeda Gristo Yeesu, mida ng'eanyiida Filippi, sea jeagiischoodiga Ganiisa sea weedanga Ganiisa.

² Gagasa anyasa dagheerjeandumeeda ea hoyyooyda leabu heeda Aseetta was Ghweandeanya ea heeda Ng'uttamiida was Yeesu Gristo.

Baulo ghamwaash Aseetta appadahuukka fugaaschi assoamwa

³ Aniini inyeesa geabadischeesi Aseetteanyu iyapkaachcheagwa,

⁴ inyeesa galeagasean iyaamwaaschi Aseetta, hean ghaamwashchi appadahuukkeagwa aba hooseaneega,

⁵ geabadiischoweegwa aba guyeedeang'wa aba giijasta miy siguuyeesi ghang'eada mwadi ea ghoaw ghamneawa.

⁶ Ak geasikteawi siitta ang'eat gadiyeeda miy aba jeedeang'wean gayghoahiit aba eaweeda Yeesu Gristo.

⁷ Asi ghwadoabiiw aba heedeanyu gideaba gaydahiit suuh appadahuukkeagwa oagasean, aba gideaba neang'ng'ooyseegwa jeedeanyu, aba gideaba gowoschi oagasean fuga eaweechcheewi aba dagheerjeandumeeda, aba jeeda ghealoonigeasu ea aba furooda aba giimajeekta giijasta miy.

⁸ Aba gideaba Aseetta muushoochcheandeanyu gil, aba gideagassiidi deatteang'wa oagasean, aba bariinyeekka leabu heeda Gristo Yeesuun.

⁹ Nea nii ea mooshteanyu bea Aseetta gideaba gwaheedu bariinyeegeagwa muuchchi aba fughareeda haleanjeeda ea weaghumeeda sean,

¹⁰ hean abeeda goosikteawi gida hidaat, ak ghammiidu nea meerukunana badayda ng'asheega munyas aba eaweeda Gristo,

¹¹ nea sinnyiideagwa haghweega doobiiwnatta leabu naweeda Yeesu Gristo, aba gigheambiitta nea geduumsheesa Aseetta.

Giibinda Gristohi

¹² Asi oorjoogiyya geagasayi anala gideaba sawanaduutka sean ghayi anyaschi, iiduw ghwanung' gawa giijasta miy mwadi,

¹³ ak ghamneawa ea sinalli aba heeda furiischoodiga sean ea heeda buuneessean gideaba ghealoonigeasu gaba badayda Gristo;

¹⁴ nea oorjooga saang'a bea giyeanya ea sunung' ghamwas Ng'uttamiida aba ghealoonigeasu, ak ea ninyas muraneandumeeda muuchchi ak gwarukwiida ng'asheanda Aseetta nea mwabeala.

¹⁵ Aba huumwa gwanda fuga inyeesa gwarukwiida iitta Gristo aba lajoodeaba ghuut ea foolayda, nea suuk gearukwiida aba gidamiy sigasa.

¹⁶ Iiduw gwarukkwiida aba barinyeega, nea ghoanalli gideaba aniini geayiinan hiji daweat giijasta miy;

¹⁷ nea fuga madeeda gwarukwiida iitta Gristo nea meamajeega, nea marukta aba jeeda eesh, nea ghaghay gideaba gayghoahaat sawanadeedeanyu aba ghealoonigeasu.

¹⁸ Ak ea naaha? Aba giliwas nawa, ea gaba ng'uyyeega, ghanea aba huumwa, Gristo geerukkwiida; ak geahoosannyi appadaydeaba ng'asheanji.

¹⁹ Eah, gaydahoosan. Aba gideaba ghaanalli aba jeeda mooshteang'wa bea Aseetta nea ghaweadeagwa Guroorooda Yeesu Gristo ng'asheesu gayghwayamwa iisittaydanaan,

²⁰ ak ea gidaararji gil gideaba ghaaghuschi muuchchi ak ea maydabwaspwas earahay, ak geawoschi majeek gawuurji gideabeawoojusu ak ghamneawa gwasnu Gristo gajeesissa mureeda appadaydeanyu, inameayi ghana iduudanda.

²¹ Aba heedeanyu giibinda Gristoohi, nea miyeeda ea nyasooda.

²² Nea iimida eaweega jeeda saseeda, abeeda aba heedeanyu ea haghweega gadiyeeda gil. Nea gitta jea dalloadiin ea mwaanali.

²³ Geaminighisan aba dageascheemba ng'ashiyyeenya. Geagasayi dawa dandeayi sea Gristo, aba gideaba gidang'wana gil.

²⁴ Amaduw amiy muuchchi iyeabiidi aba saseeda appadahuukkeagwa.

²⁵ Iyaghuschi suuh, ghaanalli gideaba gaydashng'u sea agooga oagasean, nea gooweayi mwadi nea gohoosannyi aba masaweega,

²⁶ nea aba jeedeanyu gajanyasa gigheambiitta haw aba jeeda Gristo Yeesu, aba hinnoodeanyu bea heedeang'wa gichcha.

²⁷ Anung' ghoaw searoojigeang'wa bea eaweega gweatteayyi sea giijasta miy bea Gristo, ama iyaawunnyi dadaheagwa ak ghadayeagwa ghana ea meandani, geagasayi dayiiy appadahuukkeagwa gideaba ghoamiinaadi muuchchi aba jeemba guroroonagi, nea goobeayi fughareanagi nea goong'alealleesi masaweega giijasta miy,

²⁸ Nea moawwali weajoodigeagwa aba ng'asheanda wassean. Aba gideaba aba heennyaawa suuh gwadeagooda majeek bea nyariida, nea aba heedeang'wa ea gwadeagooda lealeanoodeang'wa, ea gideaba gwaleabu heeda Aseetta.

²⁹ Aba gideaba agooga geegooneegwa gheatta appadayda Gristo jea agadiyeesiina, ea mabeachchi masaweega gwanda eara gideaba gajeesawaneegwa appadaydaannyi,

³⁰ ak goondeawi ng'uchcheeda ghayi oodeaksi heedeanyuun, ak gooying'si heedeanyu gideaba geandeawi eara ghamneawean ghoadaayi gideaba guttanda jeeda.